Det kjem no meldingar frå Stefanusalliansen om ei ny arrestasjons og valdsbølgje retta mot Irans evangeliske kristne. Blant anna blir huskyrkjeleiarane som alt sit i fengsel ope torturerte, slik at familiane skal sjå kor ille det er med dei og ta informasjon med seg ut til andre. Slik håpar dei på å skremma folk frå å konvertera til kristen tru. Særleg har det no gått hardt ut over Saeed Abedini, Behnam Irani og Farshi Fathi. Dei to første var svært sjuke før den siste medfarten. Det kan stå om livet for dei.
Bøn:
Gode Far! Om me må gå i dødsskuggens dal, skal me ikkje ottast for noko vondt, for du er med oss, din kjepp og din stav skal trøysta oss. Må alle truande som sit fengsla i Iran merka sanninga i dette ordet ditt. Vern dei med din stav og trøysta dei med din kjepp og hald djevelen borte frå dei slik at dei ikkje blir anfekta, men kan vera trygge i deg. Hald motet oppe hos alle kristne i landet slik at dei ikkje let seg skremma av djevelens raseri, men heller fryda og gleda seg over at dette skjer. Så må du la di lækjande kraft verka i kroppane til Saeed Abedini og Behnam Irani, og me ber om at dei som utøver overgrep mot dei skal bli gripne av vitnemålet frå desse mennene og la seg frelsa, i Jesu namn. Amen!
Ingen kommentarer:
Legg inn en kommentar