Ebolaviruset herjar i Kongo

 Gode Gud og Far! Me ber deg om at du, i Jesu Kristi namn skal stoppa utbrotet av ebolaepedemien i Kongo. 

177 er døde dei siste dagane av ebolainfeksjon. Dette viruset er svært smittsamt. Det vil ta to til tre månader å utvikla ny vaksine. Det er viktig at dette stoppar før den tid. 

Helsarbeidarar med fullt smittevernsutstyr

TAKK GUD! DEN FORSVUNNE GUTEN I SVERIGE VART FUNNEN KL 13 I NATT.

 

To-åring sakna i Sverige

 Det er VG som melder dette.

Guten vart sist sett kl 10 i føremiddag.

Be om at guten må bli funnet raskt. 

Martyrkyrkja.: Dømt til 9 år i fengsel for trua si Iran

Ghazal Morvardi vart nyleg dømt til å sona 9 år i fengsel for trua si, og sit i skrivande stund i det berykta Evin-fengselet i Teheran. Der er det harde kår for kvinner, Overgrep er ikkje uvanleg, for å seia det på den måten. Kjelde: Christian Emergancy Alliance

Gode Gud og Far! Fyll henne med tru, styrke, mot, kjærleik, kraft og glede midt i trengslene, og må saka hennar bli teken opp til revurdering av dommarar som er fanga i eit vondsinna system. Må ho møta på nokre venlege folk som ho kan dela sant fellesskap med, og lat ho få vera ein lys på ein mørk plass.  Amen!  
 

Seks kristne i Kina arresterte for å driva søndagsskule

 

Arrestasjonen hende tidleg i mai, og dei dei seks er tiltalte for å ha "organisert mindreårige i ei verksemd som forsstyrrar offentleg ro og orden2, og for å ha lagt til rette for at familiar kan tilbe Gud saman.

Be om at Gud må fylla dei fengsla med styrke til å stå i situasjonen

Be om at dei må få god juridisk hjelp.

Be for alle kristne i Kina som trufast arbeider for å disippelgjera barn. 

Kjelde: persecution.net

Martyrkyrkja: Kristen lærar bortført, drepen og halshogd i Nigeria

 

Michael Oyedokun, ein kristen mattelærar i Nigeria, vart drepen etter å ha vorte bortført under samordna åtak mot skular i Oriire lokalstyreområde i Oyo delstat.

Ifølgje lokale kjelder storma væpna menn tre skular langs Ahoro-Esinele- og Yawota-aksen nær Ogbomoso 15. mai og bortførte sju lærarar og fleire elevar. Vitne fortalde at gjerningsmennene kom på motorsyklar og flykta inn i skogsområde i nærleiken etter å ha teke offera.

Nokre dagar seinare spreidde det seg ein video på nettet som synte å visa at Oyedokun vart halshogd. Opptaket utløyste protestar i Ogbomoso, der lærarar, ungdom og lokalsamfunn sperra hovudvegar og kravde sterkare vern av skular og bygdesamfunn.

Sikkerheitsstyresmaktene hadde ved rapporteringstidspunktet ikkje offentleg stadfesta det fulle talet på dei som framleis var sakna.

Innbyggjarar skildra Oyedokun som ein trufast lærar og kristen som tente lokalsamfunnet sitt med stort engasjement. Kyrkjeleiarar og sivilsamfunnsgrupper har oppmoda om at dei bortførte må sleppast fri, og at dei ansvarlege må arresterast.

Lokale styresmakter og utdanningsforkjemparar sa at åtaket har auka uroa kring tryggleiken ved skular i delar av Sørvest-Nigeria, der bortføringar for løysesum har vorte meir vanlege dei siste åra.

Ein pastor i Ogbomoso, som tala under ei bønnesamling for offera, bad styresmaktene om å trappe opp etterretningsarbeidet og betre vernet av sårbare lokalsamfunn.

«Når lærarar og elevar bli mål for vald, blir sjølvsagt mange familiar redde», sa ein lokalsamfunnsleiar.

Hendinga har òg vekt minnet om andre drap med religiøs valør i Nigeria, inkludert drapet på collegestudenten Deborah Emmanuel i Sokoto delstat i 2022.

Medan protestane heldt fram, bad innbyggjarar og religiøse leiarar føderale og delstatlege styresmakter om å sikre skulane, redde dei bortførte og stille gjerningspersonane til ansvar.

Familiar, kollegaer og elevar i Oyo delstat sørgde vidare over Oyedokun, samstundes som det vart halde bønesamlingar over heile delstaten for at dei gjenværande gislane skulle kome trygt heim.

Kjelde for denne saka: persecution.org

Gode Gud og Far! Du som ein dag skal tørka bort alle dine barns tårer, tørk tårene til alle som elska Michael Oyedokun. Kom til dei med ditt evige livs håp. Beskytt dei om valdsmenns vonde hensikter. Å Gud, fyll dine barn med styrke til å stå i smerten. Gje styresmaktene i Nigeria vilje og evne til å ta i tu med alle former for islamistisk vald. Me ber i Jesu namn! Amen! 

Dagens unådde: Gondhali i India

 

Folketal: 59000

Religion: Hinduisme

Kristne: 0,00%

Språk: Marathi. Heile Bibelen føreligg i omsetting

Gondhali er stort sett bønder. Kvinnene er framifrå flinke til å sy og strikka. Dei dansar og syng til ære for Khandoba og Ellamma. 

Herre Jesus! Du greip ein gong inn i verdas historie for å frelsa heile menneskeslekta frå synd og skuld og skam, og du fullførte prosjektet med glans. Må gondhalifolket endeleg få evangeliet forkynt slik at dei kan koma til tru og bli inkludert i di frelse ,og bli ein del av di framtid. Løys dei frå hinduismens mange åndsmakter, og send arbeidsfolk ut for å hausta inn dette folket, og etablera di kyrkje mellom dei. Amen! 

Nordkapp i Finnmark

 

Innbyggjartal: 2600

Kommunesenter: Honningsvåg

Næringsliv: Fiske, fiskeforedling og turisme. 

Kyrkje og kristenliv: DNK har fire kyrkjer. I Honningsvåg finn med Noregs nordlegaste baptistkyrkje. Det var eit bedehus ein gong i Honningsvåg, men no er dette  selt, renovert og blitt til kulturhus med pub i kjellaren. 

Herre Jesus! Forny kyrkja  di og dei kristne i Nordkapp kommune. Fyll dei med Anden, og gje dei frimot til å vitna for folk om di frelse.  Må dei halda saman i nære og gode fellesskap det din kjærleik og Andens kraft rår grunnen. Må befolkninga i Nordkapp kjenna på ein hunger etter deg i hjarto sine, og ei lengt etter di frelse. Amen! 

Dagens unådde: Aghori i India

 Bilde av representantar frå aghori finn du ved å google dette folket. Det kan vera verd ein titt

Aghorifolket tel 71000 menneske.
Religion: hinduisme

Kristne: 0,00%

Aghori lever i eit djupt heidensk mørke, og den guden dei set høgast er Shiva, øydeleggjaren. 

Dei gjennomfører ganske groteske riter i samband med kremasjon av døde slektningar, der dei m.a. smører seg inn med oska etter slektningane sine. Dei demoniske bindingane til djevelens rike er sterke.

Me ber i Jesu namn om at dette folket skal bli sett fri frå vonde ånder og frå synd, skuld og skam. Driv arbeidarar ut til din haust i aghorifolket. Må DenHeilag Ande regjera mellom dei, og  Jesus sigra i liva deira, og må kyrkja bli etablert i folket som eit fyrtårn som kan losa alle inn i Guds familie. Me proklamerer framtid og håp over aghorifolket i Jesu namn. Amen! 

Måsøy i Finnmark

 

Innbyggjartal: 1100gå opp 

Kommunesenter: Havøysund

Næringsliv: Fiske og fiskeforedling. Noko mekanisk industri i Havøysund knytta til vedlikahald av fiskeflåten. 

Kyrkje og kristenliv: DNK har fem kyrkjer. 

Eg har ikkje vore i stand til å finna andre kristne forsamlingar i denne kommunen. 

Gode Far! Me ber om at evangeliet om Jesus skal bli aktualisert for innbyggjarane i Måsøy, ikkje berre som eit godt tilbod, men som eit heilt naudsynt tilbod. Må dei alle forstå at den som har Sonen, har livet, og at den som ikkje har Guds Son, har ikkje livet. Send arbeidarar ut til din haust i Måsøy. Velsign heimane, og må barn og unge få gleda av å veksa opp i rusfrie miljø. Må fiskeflåten få gode fangstar, og sjå til at både folket der har god økonomi. Amen! 

Martyrkyrkja: Pastor John i Kina har alvorlege helseproblem

 

Pastor John saman med familien på sjukehus. Foto: China Aid

Pastor John frå delstaten Hunan er nett sett fri etter å ha sona ein dom på sju år i fengsel for å ha prøvd å hjelpa folk til å flykta frå Kina. 

Etter å ha blitt sluppen fri syner det seg at han har prostatakreft med spreiing. Han ønskjer seg til USA, men styresmaktene har konfiskert passet hans. 

Far i himmelen! Sjå i nåde til pastor John. Me ber om lækjedom for han i Jesu namn. Rekk ut din mektige arm, og rør ved han med di lækjande hand. Det ber me om i vår Herre Jesu Kristi namn, amen! 

Kjelde: persecution.net

Kachhifolket i India

 

Kachhifolket i India tek 6 956 000 personar. 
Språk: Hindi og 25 andre lokale språk
Religion: Hinduisme
Kristne: 0,00%

Kachhifolket er legg vekt på utdanning, men kvinnene er avskorne frå høgare utdanning.
Dei er vegetarianarar, men dette er i endring. 

Herre Jesus! I dag ber me om at ditt lys skal skina for Kachhifolket i India og losa dei inn i ditt rike. Løys dei frå hinduismens mange falske gudar, og etabler di kyrkje i dette folket. Det ber me om i ditt namn. Amen! 

Hasvik i Finnmark

 

Folketal: 990

Kommunesenter: Breivikbotn

Hasvik utgjer den vestlege del av Sørøya og den nordlege delen av Stjernøya, samt 90 andre mindre øyar. 

Næringsliv: Fiske og fiskeforedling. Reiseliv. Tenesteyting

Kyrkje og kristenliv: DNK har to kyrkjer og eitt kapell. Det er eit sterkt læstadiansk innslag i kyrkja i Hasvik. Den Frie Evangeliske Forsamling har ei forsamling i Breivikbotn. Elles er det lite informasjon å finna om den åndelege tilstanden i denne kommunen. 

Herre! Det me ikkje ser, det ser du. Her er det nesten tusen menneske som du elskar, og som du har døydd for. Må bodskapen om Guds nåde i Jesus Kristus nå dei, slik at dei kan gripa deg og tru på deg. Må Anden din begynna å råda over menneska der, og vekka i dei ein djup torst etter Gud. Ver med dei som er på havet, og gje gode oppvekstvilkår for barn og unge i Hasvik. Amen

50 skulebarn kidnappa

 

faksimile frå VG 17.mai 2026

VG skriv i dag at meir enn 50 barn fredag morgeo vart bortførte frå tre skular i byen Mussa i delstaten Borno nordaust i Nigeria. Det forteller lærarar og foreldre til BBC.

De ifleste av de sakna er mellom to og fem år gamle. Vitner fortel at gjerningsmennene brukte barna som menneskeliee skjold mens dei flykta på motorsykler, slik at tryggingsstyrkane ikkje kunne opna eld.

Gode Gud og Far! Vern desse borna mot vidare overgrep frå vonde menn, og lat dei snarleg bli sette fri slik at dei kan koma attende til foreldra sine. Amen! 

Martyrkyrkja: Kenya

 Den 25.april vart sju kristne bønder aust i Kenya drepne av tungt væpna muslimske gjetarar (nomadar), truleg av somalisk opphav. Mange fastbuande vart også skada. Dette liknar på slikt me høyrer frå Nigeria

Herre Jesus! Sjå i nåde til dei som vart råka av dette åtaket, og til kristne i Kenya som er i ein utsett posisjon. Amen!  

To unge kristne youtubarar i Tyskland risikerer 3 år i fengsel for islamkritikk

Niko og Tino, frå den vesle kristne YouTube-kanalen «Eternal Life», er tiltalt for blasfemi mot islam. 
Saka skriv seg frå ein video frå 2024 som kritiserte islam og trakk koplingar til den aukande antisemittismen i Tyskland.
Dei risikerer tre år i fengsel.
Kristne røyster blir i aukande grad avgrensa i Europa.
Be for Niko, Tino og familiane deira medan dei står i denne rettslege kampen.
Be for modige kristne over heile Vesten om å halde fram med å seie sanninga.

Gode Gud! 
Må du ta godt vare på Tino og Niko og familiane deira, og gje dei styrke til å stå i denne stormen som er komen over dei. Må det reisast ein proteststorm over heile Europa mot dette alvorlege åtaket på ytringsfridomen. Amen

Dagens unådde: Jat i India

 

Jatfolket finn du spreidd ut over store deler av India. Dei tek 22 820 000 menneske. Dei snakkar hindi, og har dermed tilgang på heile Bibelen. Dei trur på hinduismens mange gudar. 0,04% er kristne. 0,02% evangeliske kristne.

Jat-samfunnet er svært stolte av opphavet sitt. Dei er kjende som modige, hardtarbeidande menneske som har både ønsket om, og evna til å styre. I dag har dei fleste Jat god utdanning, og nokre har høge stillingar innan akademiske og tekniske  miljø. Jat er vanlegvis fysisk høgare enn naboane sine. På grunn av den kraftige kroppsbygninga deira, saman med ryktet dei har for vald og kontroll over jord og inntekter der dei bur, er dei generelt frykta av andre grupper. Jat høyrer òg til dei mest velståande gruppene i India målt per innbyggjar. Dei verdset nøgdsemd og flid, og blir ofte rekna som gjerrige.

Hinder for tenesta
Jat har ofte eit høgt sjølvbilete. Som eit Jat-ordtak seier: «Menn kan kome og menn kan gå, men eg held fram for alltid.» Denne kjensla av stoltheit og meistring, saman med ein utbreidd sørasiatisk førestelling om at kristendommen berre er for dei nedtrykte, gjer at hjartet til Jat er lukka for evangeliet.

Gode Gud og Far!
Du elskar denne folkegruppa trass i deira urealistiske høge tankar om seg sjølv, og me ber i Jesu namn om at du skal hjelpa dei til å forstå at dei er støv, og at dei er syndarar som treng frelse. Må du vekka i ein genuin interesse for Bibelen hos sentrale personar i dette folket, og me ber om at det skal plantast kyrkjelydar i dei områda der dei bur. Må ditt lys råka dei sterkt og bryta ned stoltheiten som no hindrar dei i å bli kristne. Amen! 

Kjelde: joshuaproject.net

Loppa i Finnmark

 

Folketal: 850. Fråflyttingskommune

Kommunesenter: Øksfjord
Næringsliv: Fiske, fiskeforedling, fiskeoppdrett.
Kyrkje og kristenliv: DNK har 5 kyrkjer i kommunen. Eg har ikkje funne nokon annan kristen aktivitet i kommunen, noko som truleg kjem av spreidd busetnad og få folk. 

Me ber om 

• at alle som bur i Loppa skal bli nådd med evangeliet på ein slik måte at dei kan koma til personleg tru på Jesus. 
• samhald i familiane og gode oppvekstmiljø
• god kommunal økonomi
• edruelege vaksne

Martyrkyrkja. Grov trakassering av ung kristen kvinne i Pakistan

Adan Sabir, ei 19 år gammal kristen jente frå Faisalabad i Pakistan, lever i eit mareritt som ingen ung kvinne nokon gong burde måtte gjennom.

Trass i at ho vann si juridiske fridom for fleire månader sidan, er ho og familien hennar no i skjul, på flukt frå ein mann som nektar å godta lova.

Problema byrja 3. juli 2025, då ein mann ved namn Usman Ali visstnok kidnappa Sabir medan han truga henne med våpen. Dette skjedde etter at ho allereie hadde avvist ekteskapsforslaget hans. For å dekke over spora sine la Ali fram eit forfalska vigselsattest i retten, og hevda at Sabir hadde gått over til islam og gifta seg med han av fri vilje.

Under det første rettsmøtet i august heldt Sabir seg stille. Familien forklarte at dette med at ho ikkje samtykte, men fordi Ali hadde truga med å drepe foreldra hennar og broren dersom ho snakka imot han. På grunn av denne påtvinga stillheita lét dommaren Ali ta henne med heim.

Sabir-familien nekta å gi seg. Dei anka til Lahore High Court i september 2025. Etter å ha sett på prov for trugsmål og tvang, gav høgsteretten endeleg pålegg om at Sabir skulle førast tilbake til familien. I november 2025 godkjende retten ei skilsmissemelding, og det såg ut til at Sabir endeleg var trygg.

Trass i dette varte ikkje freden.

På jakt etter tryggleik

Etter at Sabir vart forlova med ein kristen mann, byrja Ali på ein terror-kampanje. Den 20. april skal han ha fyrt av skot mot heimen til familien i Jaranwala.

Sidan då har familien flytta frå stad til stad med nokre få dagars mellomrom for å halda seg i live. Mora til Sabir, Afasn Sabir, seier at traumet er djupt.

«Adan er stille heile dagen, og om natta vaknar ho skjelvande og ber oss om å be,» sa ho. «Usman trugar oss framleis og seier at viss han tok henne ein gong, kan han ta henne igjen, og denne gongen vil han ikkje la henne sleppa unna.»

Familien leitar desperat etter hjelp. Dei vil melda saka som netthets fordi Ali brukar digitale middel til å spora og truga dei, men dei treng vern og ei skikkeleg politietterforsking for å koma vidare.

Tvangskonvertering er framleis den mest grunnleggjande forma for forfølging av kristne i Pakistan. Sidan avgjerda i den føderale forfatningsdomstolen i Maria Shahbaz-saka denne våren, har slike tilfelle auka kraftig.

Kjelde: ICC (International Christian Concern)

Me ber om at denne trakasseringa av Adan Sabir, mannen og familien hennar må stoppast.
Me ber om Guds mektige vern rundt og over dei.
Me ber om at lokalt politi skal gjera jobben sin og rettsforfølga Usman Ali, og ilegga han så kraftige bøter at han sluttar med sine vonde handlingar. 

Dagens unådde: Hazara frå Afghanistan

 

På verdsbasis er det 4 775 700 frå hazara-folket. Mange av dei er flyktningar, og som du ser er land som Canada, USA, Sverige, Australia, Indonesia, Tyrkia og Iran merka av som mottakarland. 

Dette folket snakkar hazaragi som har NT i oversetting, samt Jesusfilmen og NT på lyd. 
0,03% av hazaraane er kristne. 99,97% er muslimar.

Hazara er sjiamuslimar, og har gjennom tidene vore grovt forfølgd av sunniane. Ein gong talde dei 50% av befolkninga i Afghanistan. No er dei 10%.

Dei som enno bur i heimlandet befolkar ugjestmilde fjellområder som er vanskeleg tilgjengeleg. 

Me ber om at dette folket snarleg skal få eit møte med Guds herlegdom i nåde som strålar fram frå Jesu Kristi åsyn. 

Me ber om at evangeliet om Jesu død og oppstode skal gjerast kjent for dei.

Me ber om at dei skal bli løyste frå islams løgner og lenker. 

Me ber om at hazarakulturen skal bli ein Jesuskultur.

Me ber om at kristne i mottakarlanda skal inkludera hazarane i fellesskapa sine, og bringa Guds lys inn i liva deira. 

Kautokeino i Finnmark

'

Kautokeino er den største kommunen i Noreg når det gjeld flatemål.

Folketal: 2900

Kommunesenter: Kautokeino
Næringsliv: Reindrifta er dominerande forutan tenesteyting og litt jordbruk

Kyrkje og kristenliv: DNK feirer gudstenester i to kyrkjer: Kautokeino og Maze. 

Den lutherske kyrkja i Kautokeino vart i si tid vigsla av Børre Knudsen, og har gudstenester kvar søndag. Dei kjøpte eit bedehus som dei bygde ut og på med hjelp frå lutherske vener i USA.
Gunnstein Innvær er sokneprest der i dag. 

Den lutherske kyrkja i Kautokeino, også kalla "Kvitkyrkja". 

Pinsekyrkja Eben Ezer vart grunnlagt i 1986, og har 39 medlemmer. Dei er aktivt med i "Bønn for Finnmark". 

Den læstadianske vekkinga brann sterkt i Kautokeino, og kristenlivet er framleis prega av denne åndsretninga. 

Me ber om ei ny bølge av vekking over denne kommunen, og over heile Finnmark.
Me ber om søskenkjærleik og einskap mellom dei kristne.
Me ber om Jesustruande med varme hjarto og klåre hovud

Me ber om Andens kraft over dei, og om ein sterk iver etter å vinna sine medmenneske for Jesus.
Me ber om ein rusfri kommune, om gode oppvekstmiljø, stabile heimar og fred mellom folk.
Me ber om velsigning over den kommunale økonomien.

Dagens unådde: Hajam i Pakistan

 

Det er nær 5 millionar hajamar. Halvparten høvevis i Pakistan og India. 
Alle er muslimar. 
Språk: Vest punjabi.
Bibeloversetting: NT

Hajam er ein eigen kaste som er høgt respekterte i samfunnet. Dei jobbar som frisørar, manikurar og omskjerarar. 

Be om at Gud skal vekka ein djup åndeleg hunger hos leiarane i dette folket, og ei lengsel etter frelse.
Be om at dei skal forstå at dei ikkje kan bli frelst gjennom lovgjerningar, men berre ved å tru på Jesus. 
Be om at Gud skal senda arbeidsfolk ut til sin haust i dette folket. 

Martyrkyrkja: Katolsk prest arrestert og varetektsfengsla i Belarus

 

Foto: Katolik.life

Den katolske presten Anatol Paraknevitch (61) frå Minskregionen i Belarus, er blitt arrestert av maskerte tryggingsstyrkar og plassert i varetekt på ein ukjent plass. 

Be om at han må vera beskytta mot tortur, at han må vera ved godt mot, kjenna Herrens nærvær og snarleg bli sett fri. 

Be også om at Gud må ta vare på kyrkjelyden hans, og fylla dei med mot, kjærleik og kraft slik at dei uredde talar for det gode mot det vonde. 

Karasjok, Finnmark

 

Innbyggjartal: 2500

Kommunesenter: Karasjok

Næringsliv: Reindrift, jordbruk, jakt, fiske og sanking. Til saman sysselset desse aktivitetane 10% av arbeidsstokken. Resten jobbar i offentleg og privat tenesteyting og administrasjon (Sametinget).

Kyrkje og kristenliv: DNK har ein kyrkjelyd med eit sterkt læstadiansk innslag. Pinsevenene har ei forsamling med 19 medlemmer. Evangeliesenteret har også ein avdeling i kommunen. 

Gode Far!

I dag ber me om at du skal gjesta Karasjok kommune. Bøy deg ned til dei som bur der, og gjer deg til kjenne for dei. Me ber om ei djuptgripande vekking over kommunen. Takk for alle dine sanne barn i Karasjok. Forny og inspirer dei i tenesta for evangeliet, gje dei alt som dei treng for å kunna veksa både i tal og kvalitet. Må ditt rike gå fram og djevelens rike vika i Jesu Kristi namn. Må dine sanningar sigra i folks liv, og djevelens løgner avslørte og avviste. Må folk leva edruelege og fredelege liv, og snu ryggen til rus og valdeleg åtferd. Me ber om godt samhald i familiane, pg om at dei unge skal innretta liva sine etter dine bod på alle plan. Må Bibelen bli eit kjærkome lesestoff for folk og må glørne etter dne læstadianske vekkinga flamma opp i gjen. Amen! 

Eksplosjon i alvorleg kriminalitet i Oslo

 

Politimeister Ida Melboe Øystese i Oslo vart intervjua i Debatten i dag. Bakgrunnen er alvorleg mannskapsmangel i Oslopolitiet. Dei siste åra har meir og meir av mannskapsressursane blitt brukt til vakthald ved ambassadar og andre trusselmål, samstundes som den alvorlege organiserte kriminaliteten med sambandslinjer til utlandet har eksplodert. Berre i Oslo er det 120 kriminelle nettverk . Sist veke vart eitt av dei avslørt, og mange titals menn vart arresterte, og her snakkar me om kriminelle som drep for å nå måla sine, som inngår drapsforbund og som hyrar inn unge gutar til å gjera "jobben" for seg. 

Her trengst det at me som trur på Gud verkeleg ber om at ting må gå i stå for dei kriminelle, at politiet skal føreta effektive etterforskningssteg, at lovbrot blir avslørte og pådømte. Vidare ber me om at politikarane skal audmjuka seg og be Gud om hjelp, og me ber om at dei skal få nokre rette og gode tankar om tiltak som kan setjast inn for å hindra at unge menneske vert rekruterte til dei kriminelle miljøa.  Så ber me om Jesus skal utøva si allmakt i hovudstaden, at Den heilage ande vert aust ut over byen og at dei som bur der skal bøya seg for Gud og oppleva hans transformerande kraft og makt. 

12 kristne drepne og dusinvis bortførte i Nigeria første påskedag

Bilde: Morning Star News

Denne artikkelen er omsett frå engelsk av KI. 

Kjelde: persecution.net

Påskedagsgudstenester i byen Ariko i Kaduna-delstaten vart valdeleg avbrotne då væpna menn gjekk til åtak på to kyrkjer og drap 12 kristne. Ifølgje vitne opna fulanirebellelane eld mot Jesu etterfølgjarar som hadde vore samla til gudsteneste i Evangelical Church Winning All (ECWA) og St. Augustine Catholic Church. I tillegg til dei drepne vart dusinvis av andre bortførte, og begge kyrkjebygga fekk skadar.

Innbyggjarar melde at så mange som 30 militante omringa byen. Væpnade menn retta først åtaket mot ECWA-forsamlinga før dei gjekk direkte vidare til den katolske kyrkja. Den samordna rørsla mellom dei to stadene tyder på at åtaket var nøye planlagt.

Etter hendingane i Ariko forfølgde den nigerianske hæren angriparane, noko som førte til skotveksling. Hæren opplyste at då terroristane rømde, vart 31 av dei bortførte gislane etterlatne. Kor mange som framleis er i fangenskap, er ukjent..

Be om medkjensle for familiane og venene til dei som vart tragisk drepne under desse siste hendingane, og be om at Herren mildt må tene dei ved å gje sin lækjande nærleik, trøyst og styrke medan dei sørgjer over eit så smertefullt tap.

Be om at styresmaktene i Nigeria får visdom, mot og integritet når dei arbeider for å redde dei bortførte og stille dei ansvarlege for ugjerningane til rette.

Be om at vona og den forvandlande krafta til den oppstadne Kristus må spreie seg gjennom regionen og føre mange – òg dei som stod bak åtaket – til tru på han. 

Vadsø i Finnmark

 

snl.no

Folketal: 5800

Kommunesenter: Vadsø

Næringsliv: Vadsø har tradisjonelt vore ein fiskerikommune. Men fiskeria er mindre viktige i idag. Folk driv stort sett på med tenesteytande næringar og litt turisme. 

Kyrkjelydar: DNK har ein kyrkjelyd i kommunen. Finnmark indremisjon er ein imf-forsamling med røter tilbake til 1901.  Pinsekyrkja Filadelfia har også ein lang historie i byen. Den Frie Evangeliske Forsamling og Frelsesarmeen har kvar sine kyrkjelydar. 

Håkon Garvo er leidar i Finnmark indremisjon. Han fortel i ein telefonsamtale om ein kommune som går med stort underskot i rekneskapa sine, og som er under statleg administrasjon. Det er eit bøneemne. 

Det økumeniske arbeidet i kommunen er godt. Kyrkjelydane er samla til felles bøn ein gong i månaden.  Martin Øynes i Filadelfia har stått støtt i hyrdetenesta sidan 1984. Han fortel om ein kyrkjelyd der halvparten av medlemmene er flyktningar og innvandrarar.  Per i dag er det ukrainarar som dominerer, men kyrkjelyden har i mange år hatt sterke innslag av afrikanarar frå Kongo og Kamerun.

Han føler det er lett å snakka med vanlege nordmenn om Jesus, men det er vanskeleg å få dei med på møte. Øynes kjenner behov for at nye kristne flyttar til Vadsø, truande som kan vera med å dra lasset. Garvo bad oss også om forbøn for indremisjonen sin leirplass i Vestre Jakobs elv. Evangeliseringsarbeid er det lite av. Likevel når dei ut til ein del barn og unge med den gode bodskapen. 

Herre Jesus! Du veit om situasjonen i Vadsø, om pinsekyrkja som går i motbakke, om pastoren som står litt åleine, om kommunen sitt økonomiske underskot, om behovet for nye arbeidarar. Me ber om at du skal sjå til desse behova. Inspirer og forny dei kristne, gje dei nytt mot, utrust dei med dine nådegåver, fyll dei med din Ande og lat ting losna for dei. Må dei få gode strategiar for å nå befolkninga i Vadsø med evangeliet, og må Anden din bli aust ut over alle dei som bur i kommunen. Me ber om nyetableringar av bedriftar som kan skaffa kommunen gode skatteinntekter. Gode Gud! Velsign store og små i Vadsø, og lat oss få høyra gode rapportar frå denne bykommunen i framtida. Amen! 

Stavanger i Rogaland

 

Stavanger er med sine 150 000 innbyggjarar den fjerde største byen i Noreg. 

Stavanger er oljehovudstaden i Noreg, og eg kan vel tenkja meg den rikaste byen/kommunen i Noreg i høve til innbyggjartalet. 

Byen/kommunen har eit mangfaldig næringsliv med handel, industri, administrasjon, utdanning, helse, kultur osv osv. 

Det same kan seiast om kristenlivet i byen. DNK har 20 kyrkjelydar. I tillegg er alle typar frikyrkjer og organisasjonsforsamlingar representerte der. 

Stavanger har ein rik kristen historie. Her vart Det norske misjonsselskap skipa i 1842, og har etter det hatt hovudkontor og misjonshøgskule i byen. 

Me for vår del vil i særleg grad framheva IMI-kirken og Impulsrørsla og misjonsrørsla som har vakse fram ut frå den. 

Gode Far!

Me takkar deg for alle dine barn i Stavanger, og alle dei livskraftige forsamlingane som me finn i denne byen. Takk også for alt det desse kyrkjelydane og forsamlingane betyr for resten av landet. Må din Ande kvila over byen, og det som er sterkt i dag bli enno sterkare i tida som kjem.  Må det gå denne byen godt, og må han halda fram med å vera ei velsigning for Noreg. 

Trondheim i Trøndelag

 

Det er 220 000 innbyggjarar i Trondheim. 

Byen var, med Nidarosdomen som erkebispesete, kyrkjehovudstaden i Norden gjennom mange hundre år i Mellomalderen. I dag tek Nidarosdomen seg opp att som pilgrimsmål for folk som likar å driva på med slikt. 

Som i byar flest er folk stort sett opptekne med handel, tenesteyting og administrasjon. 

Den norske kyrkja har 16 kyrkjelydar i kommunen. Den evangelisk lutherske frikirke har to. Pinsevenene 3. Metodistane og baptistane har ein kvar. Kristent nettverk har også ein kyrkjelyd der. Normisjon (Salem) har opplevd eventyrleg vekst dei siste åra, og driv med mykje godt arbeid. NLM driv også ei forsamling som skal ha gode kvalitetar. 

Gode Gud! Me treng Trondheim som eit sterkt åndeleg kraftsenter i Midt-Noreg, og me takkar deg for alle dei vitale evangeliske kyrkjelydane i byen. Må dei veksa seg sterke, og vera ivrig opptekne av å driva misjon og planta nye kyrkjelydar der ditt lys enno ikkje skin klårt. 

Må Trondheim sine leiarar vera kappable til å løysa problema som byen slit med. 

Me ber mot rus, kriminalitet og seksuell umoral (som er omfattande), og om at folk i byen skal leva gode liv, ha hjarta for kvarandre, leva ærleg og skikkeleg. Må alt sunt næringsliv gå godt, og må kommunen har orden på økonomien. Me ber om god folkehelse, og at folk skal møta eit  fungerande helsevesen når dei treng det. Gje byen gode politifolk, rettferdige dommarar og kompetente velutdanna lærarar. Amen! 

Dagens unådde folkeslag: Kalota i India

 

Kalota er eit lite folkeslag som berre tel 64000 menneske som bur i delstaten Madya Predesh

Dei tilber hinduismen sine mange gudar. 

Språk: Hindi, gujarat og devanagari, som er deira hjartespråk. 

Kalota er bønder, og dei er vegetarianarar. Dei har synt seg uvanleg fientleg innstilt kristne til misjonærar. 

Herre Jesus, du som betalte for deira synd og skuld på krossen, du som opna vegen for dei til himmelen: Finn din veg inn til hjarto deira, Bryt ned den motstanden dei har i seg mot evangeliet. Motiver dei til å ta imot dine utsendingar. Må Anden din koma over dei, overtyda dei om synd, rett og dom, avsløra løgngudane dei tilber og herleggjera deg for dei som den einaste sanne Gud og vegen til fresle. Møt dei på overnaturleg vis gjennom draumar, syner og under og teikn som du let dine tenarar gjera mellom dei. Amen! 

Sør-Varanger i Finnmark

 

Kart: Wikipedia

Folketal: 9900.
Kommunesenter: Kirkenes

Næringsliv: Industri, jordbruk, skogbruk, fiske, kraftproduksjon og tenesteyting

Kyrkje og kristenliv: DNK har seks kyrkjer, fleire av stor historisk og arkitektonisk verdi. Nettsida til Sør-Varanger menighet er lite vedlikehalden. 

Indremisjonforbundet har hatt eit godt arbeid i Sør Varanger i mange år under namnet Finnmark Indremisjon. Likeeins Kirkens bymisjon. 

Gode Gud og Far! Me ber om framgang for ditt rike og di kyrkje i Sør-Varanger. Bevar alle kristne i trua på Jesus, forny dei ved ditt ord og din Ande og utrust dei til å disippelgjera sine medmenneske. Me ber også om at dei skal våga, og læra seg å planta nye kyrkjelydar på plassar der ordet ditt er lite kjent. Ta, godt vare på dei unge i kommunen, og lat dei ha si glede i å følgja Jesus. Velsign Sør-Varanger med kloke og ærlege leiarar, eit godt helsevesen, berekraftig økonomi, gode skular, eit eksemplarisk politi og ein uhilda og solid domstol. 

Hammerfest i Finnmark

 

11000 innbyggjarar.
Kommunesenter: Hammerfest
Næringsliv: Petroleumsindustri (Melkøya), fiskeforedling.
Kyrkje og kristenliv: DNK har tre kyrkjelydar. Andre kyrkjelydar: Arctic mission (Baptistkyrkja). Betania (indremisjonen). Filadelfia Hammerfest tilhøyrer dei frie evangeliske forsamlingane. 

Etter det eg forstår at det skjer mykje godt i Hammerfest. Kristne er ute med gatekyrkja si i helgane, og mange kjem til tru. 

Takk, Gud, for nye kristne i Hammerfest. Takk at lyset skin og mørket, og at mørket ikkje kan overvinna det. Me ber om at stadig fleire menneske i Hammerfest skal koma til tru, bli frelst og disippelgjort, og at nye dørar skal opna seg for kyrkja di. Me ber om fred i familiane, rusfrie heimar, sterk kommuneøkonomi, sunne ungdomsmiljø, solide skular, godt helsevesen, forsvarlege omsorgstilbod osv. Må det gå Hammerfest godt. Amen!

kjelder: snl.no og diverse internettsider

Dagens unådde folkeslag: Boya (BOW-yah) i India

 

Kjelde: joshuaproject.net

Boya i India tel godt og vel 4 millionar menneske.

Dei snakkar telugu, og er hinduar. 0,06% er kristne. 0,01% evangeliske. 

Heile Bibelen er tilgjengeleg på telugu
Opphaveleg var dei store krigarar. No er dei bønder. 

Gode Far!

Løys dette folket frå demoniske makter som undertrykkjer dei, og held dei fast i hinduimens løgner. Send ditt ord til dei, reorienter dei og kall dei til omvending og tru. Jesus, verdas lys, skin for Boyafolket slik at dei blir dregne mot deg, du som har betalt så dyrt for deira frelse. Amen

Alta kommune i Finnmark

 

Kart: snl.no

Innbyggjartal: 21 877.

Kommunesenter: Alta

Næringsliv: Jordbruk, reiseliv, industri, bergverk (skifer), handel. 

Kyrkje og kristenliv: DNK har 9 kyrkjer og kapell. Andre kyrkjesamfunn: Pinsekyrkja Filadelfia, Den evangelisk lutherske frikyrkje, Misjonsforbundet, Normisjon. UIO har også ein base i Alta. 

Det ser ut til vera eit rikt åndeleg liv i Alta. Pinsekyrkja er størst av frikyrkjene. Den evangelisk lutherske frikyrkja leiger lokaler hos dei. Det har periodevis vore anstrengt mellom kyrkjelydane i kommunen, men no er det godt. Fleire driv meg Alphakurs, og nye menneske kjem til tru gjennom desse kursa. Ungdomsmiljøet i Alta er krevjande. Om lag 4% av befolkninga er aktive kristne. 

Herre Jesus!

Sjå i nåde til alle som bur i Alta. Styrk kvar enkelt kyrkjelyd, og fellesskapet mellom kyrkjelydane.  Gjer dei misjonale, og gje dei nye idear med tanke på å nå ut til dei kyrkjeframande. Reis deg opp eit kraftfullt og frimodig folk, lysande vitner,  i Alta som lever for deg og dine mål. Me ber spesielt om at du skal intervenera i ungdomsmiljøa, gjera deg kjend for dei som er i denne aldersgruppa, og lær dei din veg. 

Me ber om stabile, varme, trygge og rusfrie heimar i Alta.

Velsign næringslivet med gode og lønsame oppdrag.

Styrk kommuneøkonomien, og lat det gå kommunen godt. Amen!