Alta kommune i Finnmark

 

Kart: snl.no

Innbyggjartal: 21 877.

Kommunesenter: Alta

Næringsliv: Jordbruk, reiseliv, industri, bergverk (skifer), handel. 

Kyrkje og kristenliv: DNK har 9 kyrkjer og kapell. Andre kyrkjesamfunn: Pinsekyrkja Filadelfia, Den evangelisk lutherske frikyrkje, Misjonsforbundet, Normisjon. UIO har også ein base i Alta. 

Det ser ut til vera eit rikt åndeleg liv i Alta. Pinsekyrkja er størst av frikyrkjene. Den evangelisk lutherske frikyrkja leiger lokaler hos dei. Det har periodevis vore anstrengt mellom kyrkjelydane i kommunen, men no er det godt. Fleire driv meg Alphakurs, og nye menneske kjem til tru gjennom desse kursa. Ungdomsmiljøet i Alta er krevjande. Om lag 4% av befolkninga er aktive kristne. 

Herre Jesus!

Sjå i nåde til alle som bur i Alta. Styrk kvar enkelt kyrkjelyd, og fellesskapet mellom kyrkjelydane.  Gjer dei misjonale, og gje dei nye idear med tanke på å nå ut til dei kyrkjeframande. Reis deg opp eit kraftfullt og frimodig folk, lysande vitner,  i Alta som lever for deg og dine mål. Me ber spesielt om at du skal intervenera i ungdomsmiljøa, gjera deg kjend for dei som er i denne aldersgruppa, og lær dei din veg. 

Me ber om stabile, varme, trygge og rusfrie heimar i Alta.

Velsign næringslivet med gode og lønsame oppdrag.

Styrk kommuneøkonomien, og lat det gå kommunen godt. Amen! 

Dagens unådde folkeslag: Bairagi i India

 

Folketal: 1 112 000. 

Språk: Bengali, som har vore bibelspråk svært lenge

Religion: Hinduisme

Kristne: 0,00%

Bairagi tilhøyrer prestekasten, og tronar høgt oppe i samfunnspyramiden. Dei dyrkar Vishnu og avataren Krishna, og fungerer som åndelege rettleiarar for andre. 

Herre Jesus Kristus! Me ber for bairagifolket, at dei skal få høyra evangeliet om deg, og sjå krafta i evangeliet demonstrert framfor augo sine. Må dei av hjarta forstå at det berre finst èin Gud, skaparen av himmel og jord, og èin mellommann mellom Gud og menneske, menneske Jesus Kristus. Løys dei i ditt namn frå hinduismens mange åndsmakter som hindrar dei i å venda om til deg, få tilgjeving for syndene sine og evig liv. Send arbeidarar ut til din haust i bairagifolket, og utrust dei med alt dei treng av åndskraft og nådegåver, og aus Anden din over folket og lat det nye livet spira over alt der dei lever. 

Høgsterett grip inn i forsvinningssak i Malaysia

 

Pastor Raymond Koh

Pastor Raymond Koh vart kidnappa av malaysisk tryggingspoliti i Kuala Lumpur i 2013. Etter den tid har ingen høyrt ein lyd frå han. No har kona, Susanne Liew, vunne fram i Høgsterett som nyleg bestemte at politiet må betala dagbøter inntil dei utleverer pastoren enten død eller levande. Pastor Koh vart kidnappa fordi han frimodig forkynte om Kristus i dette muslimske landet, og at han ikkje var redd for å påpeika urett i samfunnet. 

Gode Far!

Eg veit ikkje heilt kva eg skal be om her, men eg har eit sterkt ønskje om at pastor Koh skal vera i live og koma heil heim til familien og kyrkja si. Men dersom han er drepen, må dei som har myrda han bli stilt for retten og dømt etter det dei har gjort og erstatning bli utbetalt til kona og familien hans. Må evangeliet gå fram i Malaysia, og islams løgner bli avslørte for folk. Det ber me om i Jesu namn. Amen! 

Susanne Liew

Oppdatering

 VG melder at begge som gjekk gjennom isen har mista livet. 

Me ber om styrke og trøyst til familiane og venene deira. 

To gjennom isen i Tysvær, kritisk skadde

 Gode Gud! Miskunna deg over desse to, og berg dei frå døden. Amen! 

Kongehuset og politisk leiing i kneståande

 Dei siste dagars hendingar treng eg ikkje repetera her. Kongehuset er i store vanskar med kronprinesse Mette Marit sin omfattande kontakt med seksuallovbrytaren Jeffery Epstein, sonen hennar Marius er i fengsel og må dagleg møta i retten tiltalt for grove brotsverk og dessutan har kronprinsessa ein alvorleg lungesjukdom. Når det gjeld utanrikstenesta er tidlegare statsminister og president i Europarådet tiltalt for grov korrupsjon, og det vil koma meir. Ektepareet Mona Juul og Terje Rød Larsen sit m.a. djupt i klisteret, alle AP-folk. 

Gode Gud, vårt Noregs Gud! Me ropar til deg. Toppane våre sviktar. Synda synest å ha fått overtaket i liva deira. Lenge har dei løfta opp som prisverdig det som du dømmer. Ja, dei har etablert løgner i lovverket, og slik held dei  sanninga nede i urett. 8.oktober 2023 vart kongen nekta å kondolera Israel for tapet av 1200+ medborgarar,  og i ettertid har dei fordømt landet for å forsvara seg mot terror, og heilt utan grunn har dei skulda det for folkemord. Med sorg har me også vore vitne til at framande religionar med tilhøyrande åndskabinett har kome inn i kongefamilien, okkultisme, spiritisme og buddhisme. Du har vore vitne til at dei har forlate deg, du vår faste borg og kjelde til alt godt, og  dei er blitt åndeleg blinde, og gjer skammelege ting. Me ropar til deg om at kongehuset og vårt politiske leiarskap skal venda om frå avgudsdyrking, ateisme, uørlegdom, ureinskap og hovmot, og at dei skal ta imot frelse frå di hand som ei gåve. Attreis harmoni i kongehuset, moral , klarsyn og sann autoritet i politisk leiing Høyr vår bøn i kong Jesu navn, Amen!