Dagens nasjon: Mosambik

 

Mosambik ligg på austkysten av Afrika, og har 35 632 000 innbyggjarar. 46% er kristne. Dei fleste katolikkar. 11% er evangeliske. 

Hovudstad: Maputo.
Næringsliv: Småskala jordbruk. Naturalhushald. 

Takk Gud for styresmakter som jobbar aktivt for å styrka menneskerettane og demokratiet i landet. Under og etter borgarkrigen (som tok slutt i 1992) har evangeliet spreidd seg med rekordfart til stadig nye folkegrupper. 

Når det gjeld utvikling, er behova i Mosambik framleis store og djupe. 

Be om effektive og praktiske program som kan hjelpe dei som lever i den mest alvorlege fattigdomen. HIV/AIDS er ei stor utfordring, med 12 % av den vaksne befolkninga som er HIV-positive.

Malaria er endå verre, med over 5 millionar tilfelle kvart år. Sjukdomar som diaré og tuberkulose gjer situasjonen endå verre. I tillegg har vald og ekstrem fattigdom ført til at mange menneske er emosjonelt eller psykisk knekte.

Be om at ein effektiv vaksine mot malaria snart må vera tilgjengeleg

Ein nyare trussel er den islamistiske terrorgruppa IS-CAP (Islamic State Central Africa Province), som spreier drap og øydelegging i eit hovudsakleg muslimsk område i nord, og særleg går etter kristne. Samstundes gjer stadig kraftigare syklonar og tørke lidingane i landet verre. 

Be om Guds miskunn over dette hardt prøvde landet!

Dagens norske kommune: Båtsfjord i Finnmark

 

Innbyggjarar: 2100
Kommunesenter: Båtsfjord
Næringsliv: Fiske og fiskeforedling

Kyrkje og kristenliv: Den norske kyrkja (DNK) har 3 gudshus, ei kyrkje og to kapell.
Kyrkjelydsbladet deira fortel om mykje arbeid mellom barn og unge. 
Elles merka eg meg at den kristne bodskapen var vanskeleg å finna i dette bladet. 
Utanom DNK har eg funne ei pinsekyrkje i kommunen: Sion Båtsfjord.

Herre, du veit korleis det står til i Batsfjord, og kor mange av dei som bur der som tilhøyrer deg. Me ber no: Send arbeidsfolk ut til din haust i Båtsfjord. Må alle som bur der få eit levande møte med deg slik at dei avskyr syndene sine og vender om til deg eit heilt hjarta. Velsign barna og unge i kommunen slik at dei kan veksa opp i gode, varme, stabile og rusfrie heimar. Vern alle som har sitt yrke på havet, og lat dei alltid koma heim til familiane sine etter endt turar. Amen!