Dagens unådde folkeslag: Mongolar i Kina (Perifere mongolar)

 

Foto: Montesclelia- Pixabay

Folketal: 5 545 000 

Religion: Buddhisme 

 Språk: Mongolsk 

 Mongolane i Indre Mongolia er kjende for si motstandskraft i møte med harde vintrar og for det djupe bandet dei har til landet og dyra dei held. Tradisjonelt har dei budd i jurter, drive med buskap og trena hestar som står sentralt i livsførselen deira. Born lærer å ri nesten før dei kan gå, og ridekunsten er ei kjelde til stoltheit som går i arv frå generasjon til generasjon. Med så mange som 60 mongolske undergrupper, er kulturen deira mangfaldig. Evangeliet har nådd inn til nokre av desse dei siste 30 åra.

Tenesteutfordringar
Sjamanistiske praksisar står framleis djupt rotfesta blant mongolarane, og formar verdsbiletet og det åndelege livet deira. Desse tradisjonane kan vere hinder for evangeliet og må møtast med vedvarande bøn og trufast vitnemål.

Bibelvers i fokus
«Men dette vil eg leggja meg på hjartet, difor har eg von: Herrens miskunn er ikkje forbi, hans nåde tek ikkje slutt. Kvar morgon er ho ny, stor er di truskap. Herren er min del, seier mi sjel, difor ventar eg på han.» Klagesongane 3,21–24

Be om at medlemmar av denne folkegruppa snart vil ta imot Herrens kjærleik og medkjensle. Be om at dei skal bli ein del av hans arv.

Be om at mongolarane skal søkje Den Heilage Andens kraft i staden for å stole på sjamanar for rettleiing og vern. Be Gud reise opp truande frå kvar mongolsk stamme som ein dag skal stå saman framfor Kristi trone. Be om at JESUS-filmen og andre evangelieressursar vert omsette til mongolske dialektar og vert spreidde vidt, slik at bodskapen om håp når ut til kvar krok av landet deira.

kjelde: joshuaproject.net

Dagens nasjon: Latvia

Folketal: 1 854 000
 Største religion: Kristendom (60%)
 Prosent evangeliske: 7%

 Etter tiår med kommunisme førte Sovjetunionens fall til eit moralsk vakuum i Latvia, som raskt vart fylt av opportunistiske og negative påverknader. Tala på narkotika- og alkoholmisbruk, sexhandel, abort og sjølvmord har heldigvis gått ned frå den kraftige auken som kom rett etter at Latvia vart sjølvstendig. Som medlem av Den europeiske union har Latvia klart seg relativt bra når det gjeld teknologi og utvikling, men det er framleis ei tomheit som ingen velstand kan fylle. Latvia treng forbøn for dei djupare og evige behova til folket sitt.

Gode Gud!

Takk for kyrkja di i Latvia. Forny henne ved ditt ord og din Ande. Gjer ho til eit sterkt lys i denne nasjonen, eit lys som kan føra befolkninga til tru på Jesus. Du ser alle dei behova som finst i dette landet. Møt folk der dei er, og vis deg som deira Gud. Amen! 

Kjelde: operationworld.org

Dagens unådde folkeslag: Rajaka Dobi i India, Sri Lanka, Pakistan, Bangla Desh og Nepal

 

Rajaka Dhobi tel omlag 13 millionar mennske. 
Dei aller fleste bur i India og er hinduar. 
Det er ikkje registrert kristne frå dette folket. 

Bøn:
Gode Gud! Det er på høg tid at lyset ditt når fram til Rajaka Dhobi, opplyser hjarto deira og frelser dei frå synd, skuld og skam. Løys dei i Jesu namn frå alle løgngudane som dei tilber, og gje dei å bøya seg for deg, du som er den einaste sanne Gud. Reis Rajaka Dhobi opp til å bli eit folk som formidlar din kjærleik, dine sanningar og di kraft til Indias mange fortapte og forkomne. Det ber me om i Jesu namn. Amen! ¨

Kjelde: joshuaproject.net

Dagens nasjon: Kirgisistan

 

Folketal 7 295 000

Hovudstad: Bisjkek

88,7% er muslimar

5,3% kristne. Flest ortodokse

0,7%  er evangeliske kristne

Folkegrupper: 28 

Språk: 9

Regjeringa treng mot, ressursar og til og med mirakel for å få orden på økonomien og samfunnet. Regima som kom etter kommunismen har til no berre ført med seg meir korrupsjon, kriminalitet og fattigdom. Mange folk flyttar frå landsbygda til byane, noko som fører til store slumområde i Bisjkek. Andre reiser ut av landet for å finne arbeid. Be om at kristne må finne gode, lovlege jobbar. Høge tal på alkoholisme, narkotikahandel, spel og prostitusjon skaper store utfordringar. Dei fattige, eldre og funksjonshemma lir mest. 

Kjelde: Operation World

Be om at truande kan møte desse utfordringane, og påverke samfunnet og økonomien på ein positiv måte.

Storbrann i Drammen

 Over 100 hus gjekk opp i røyk og flammar i Krogstadelva i Drammen på fredag. 400 menneske vart heimlause. Ingen menneskeliv gjekk tapt. 

Det er vanskeleg å vita kva ein skal be om for dei som er råka. Men i alle fall dette at alle får skikkelege forsikringsoppgjer, og at dei som er trumatiserte får adekvat hjelp. 

Kristen You-Tubar dømt til fem års tvangsarbeid i Egypt

Den egyptiske koptiske kristne YouTubaren Augustinos Samaan har anka dommen på fem år med tvangsarbeid etter å ha blitt dømd for «forakt for religion» fordi han delte evangeliserande videoar om kristendommen på nettet. Saka hans har vekt internasjonal uro for trusfridomen, og mange oppmodar til bøn og rettferd for Augustinos . Lat oss hugse på våre forfølgde brør og systre i Kristus. 

Hebrearbrevet 13,3

Gode frelsar!

Me takkar deg for Augustinos Samaan, og for den tenesta han har fått stå i.

Me ber om at egyptiske styresmakter skal få kjenna på så pass kraftig press frå omverda av dei set han fri frå fangenskap.

Bevar han i trua på Jesus midt i trengslene som er komen over han.

Må det som no har skjedd, føra han nærare deg, og føra til framgang for evangeliet i Egypt. Amen

Indonesia. Sulawesi

 

Sulawesi har over 110 folkegrupper. Dei fleste folka langs kysten er muslimar, og kristne er i fleirtal i nordaust og i dei sentrale høglanda. Valdelege konfliktar mellom muslimar og kristne på 1990- og 2000-talet førte til at over 1 000 menneske miste livet.
Kristne opplever å bli urettferdig behandla og strengt straffa. 

Be om at dei må svare på ein Kristus-liknande måte. 

Bibelomsetjing er ei enorm og uferdig oppgåve. 

Be om at innsatsen på dette området skal aukast slik at  det blir sett i gong prosjekt i alle språk der det trengst omsetting.  

Be om at dei mindre nådde muslimske Bugis-, Makassar- og Gorontalo-folka slaø bli tilgodesett med evangeliet. 

Makassar-folket er ei av få sterkt muslimske grupper som har vist noko respons på evangeliet.

Be om at heile folket skal bli gripne av Kristus. 

Kjelde: operationworld.org