Storbrann i Drammen

 Over 100 hus gjekk opp i røyk og flammar i Krogstadelva i Drammen på fredag. 400 menneske vart heimlause. Ingen menneskeliv gjekk tapt. 

Det er vanskeleg å vita kva ein skal be om for dei som er råka. Men i alle fall dette at alle får skikkelege forsikringsoppgjer, og at dei som er trumatiserte får adekvat hjelp. 

Kristen You-Tubar dømt til fem års tvangsarbeid i Egypt

Den egyptiske koptiske kristne YouTubaren Augustinos Samaan har anka dommen på fem år med tvangsarbeid etter å ha blitt dømd for «forakt for religion» fordi han delte evangeliserande videoar om kristendommen på nettet. Saka hans har vekt internasjonal uro for trusfridomen, og mange oppmodar til bøn og rettferd for Augustinos . Lat oss hugse på våre forfølgde brør og systre i Kristus. 

Hebrearbrevet 13,3

Gode frelsar!

Me takkar deg for Augustinos Samaan, og for den tenesta han har fått stå i.

Me ber om at egyptiske styresmakter skal få kjenna på så pass kraftig press frå omverda av dei set han fri frå fangenskap.

Bevar han i trua på Jesus midt i trengslene som er komen over han.

Må det som no har skjedd, føra han nærare deg, og føra til framgang for evangeliet i Egypt. Amen

Indonesia. Sulawesi

 

Sulawesi har over 110 folkegrupper. Dei fleste folka langs kysten er muslimar, og kristne er i fleirtal i nordaust og i dei sentrale høglanda. Valdelege konfliktar mellom muslimar og kristne på 1990- og 2000-talet førte til at over 1 000 menneske miste livet.
Kristne opplever å bli urettferdig behandla og strengt straffa. 

Be om at dei må svare på ein Kristus-liknande måte. 

Bibelomsetjing er ei enorm og uferdig oppgåve. 

Be om at innsatsen på dette området skal aukast slik at  det blir sett i gong prosjekt i alle språk der det trengst omsetting.  

Be om at dei mindre nådde muslimske Bugis-, Makassar- og Gorontalo-folka slaø bli tilgodesett med evangeliet. 

Makassar-folket er ei av få sterkt muslimske grupper som har vist noko respons på evangeliet.

Be om at heile folket skal bli gripne av Kristus. 

Kjelde: operationworld.org

Dagens unådde: Hemat Baggara i Chad

 

Denne folkegruppa tel 469 000 menneske. Dei er muslimar, og snakkar ein sudanesisk versjon av arabisk. 0,02% er kristne. Bibelen er tilgjengeleg i tekst og lyd, likeeins Jesusfilmen. Dei lever som nomadar, og er vanskelege å nå for misjonærar. 

Me ber, gode Gud, at ditt lys skal begynna å skina for Hemat Baggara, at dine tenarar skal nå ut til dei med evangeliet om Jesus, og at dei skal forstå at di frelse er ei gåve dei må ta imot i tru. Takk at dei har tilgang til Bibelen på sitt eige språk, og me ber om at dei skal oppdaga denne fantastiske boka di slik at dei kan seia med folket ditt at "me med glede vil drikka av frelseskjeldene dine!" Amen! 

Kjelde: joshuaproject.net

Gamvik i Finnmark

 

Folketal: 1000

Kommunesenter: Mehamn

Næringsliv: Fiske og fiskerirelaterte næringar

Det er lite å finna om kyrkje og kristenliv i Gamvik. Kommunen har tre kyrkjer. Ein god del kristent arbeid har vore relatert til Indre sjømannsmisjonen. Mehamn bedehus (reist av Svenn Foyn) og Gamvik kyrkje vart brent ned av tyskarane i 1944. 

Gode Gud! 

Må ditt rike gå fram i Gamvik kommune, og må menneska der bli møtt av ditt kall til omvending og tru. Må dei truande samlast i nære fellesskap, og oppmuntra og trena kvarandre til å leva disippellivet ut i kvardagen. Må barn og unge veksa opp i rusfrie miljø, læra å brødfø seg godt og leva respektfulle liv. Me ber om godt fiske, nok arbeid til folk og god skatteinngang for kommunen. I Jesu namn, amen!