Dagens unådde folkeslag: Pinjara i India

 

Folketal: 3 761 000
Primærspråk: Urdu
Religion: Islam
Kristne: 0,00%

Namnet Pinjara kjem frå ordet pinjala, som tyder «bomullsvevar». Tradisjonelt reinsar og spinn dei bomull for å lage puter, dyner og madrassar. Som både dyktige og udytige arbeidarar har dei høgare status enn «ureine» samfunn. Sjølv om Pinjaraane er muslimar, feirar dei hindufestivalar og gjev lovnader til hindugudar. Dei er ikkje vegetarianarar, men dei et ikkje svinekjøt.

Det har vore svært lite tenestearbeid retta mot Pinjaraane. Pinjaraane er ikkje godt aksepterte fordi dei blandar to trusretningar. Mange ressursar finst på urdu, men det er stor mangel på arbeidarar for denne store muslimske gruppa.

Og han vakna og truga vinden og sa til sjøen: «Fred! Ver stille!» Og vinden stilna, og det vart heilt stilt.

Markus 4,39

Be om at Herren må gje si fred, som overgår all forstand, inn i hjarta til dette folket.

Be om at Den Heilage Ande må vekkje ein lengsel etter Gud i hjarta til Pinjaraane i India.

Be om ein åndeleg svolt som fører til ei rørsle mot Kristus.

Be om at Herren må røre ved hjarta til truande, slik at dei er villige til å ofre livet sitt for at Pinjaraane skal bli velsigna gjennom Jesu Kristi offer, den einaste Frelsaren.

Be om at Pinjaraane må bli vevde inn i Guds familie gjennom Jesu Kristi verk.

Kjelde: joshuaproject.net

Dagens unådde: Iranun på Filippinane

 Dette er ei heller lita muslimsk folkegruppe  som i følgje joshuaproject,net tel 282000 menneske. Dei lever kystnært aust i landet og livnærer seg av fiske og jordbruk. Dei snakkar sitt eige språk. Deler av Bibelen føreligg på iranun. Trua deira er ein miks av islam og animisme. Ingen kristne er registrert.  

Gode Gud og Far! Du er den rette far for iranunfolket på Filippinane.  Men enno kjenner dei ikkje deg, og eg ber: Gjer deg kjent for dei! Send visjonære og brennande misjonærar til dei som introduserer deg, dine sanningar, di kraft og din kjærleik for dei, og som gjev dei ditt livgjevande ord. Herre, dei treng å forstå at dei ikkje kan bli frelst gjennom gjerningar eller religiøs seremoniar, men berre ved å ta imot di frelse i Jesus Kristus som ei gåve. Aus Anden ut over dei slik at dei ser sine synder, og Jesus som frelsaren frå all synd, og løys dei frå islams og animismens mange åndsmakter.

Løft folket ut av fattigdom, og styrk deira sosiale posisjon i samfunnet. Hjelp familiane å vera gode mot kvarandre og eg ber om samhald, truskap og kjærleik i heimane.  Eg ber også om at alle vaksne skal leva edrueleg og ansvarleg. No ser eg fram til at iranunfolket kal bli innlemma i din familie, og at det skal etablerast ei levande og dynamisk iranun-kyrkje som kan kan formidla deg til folket sitt på ein kraftfull og truverdig måte. Amen!

Frankrike.

 

Kjelda eg har nytta er www.operationworld.org

Folketal: 66 650 805

Frankrike står ved eit politisk og økonomisk vegskilje. Økonomien treng radikale reformer for å blomstre i den globaliserte verda. Befolkninga har blitt så gammal at den noverande pensjonsalderen og pensjonssystemet ikkje kan støtte det. Det store innvandrarsamfunnet held fram med å vekse og utfordrar den tradisjonelle forståinga av fransk identitet. Fleirtalet føler seg tilfredse som individ, men dei har ikkje mykje tillit til framtida til republikken, med så mange spenningspunkt i samfunnet. Unge menneske føler krisa spesielt, og lengtar ofte etter meining og formål. Desse faktorane, spesielt dei økonomiske frustrasjonane til arbeidar- og middelklassen, førte til framveksten av Gule Vest-rørsla. 

Be for både økonomisk rettferd i Frankrike og for at kristne skal kunne tilby franskmenn eit håp utover berre økonomisk lindring.

Evangeliske kristne er få (1,0% på tvers av alle konfesjonar), delt mellom mange denominasjonar og konfesjonar. Dei viser høge nivå av engasjement og er ein yngre befolkning enn gjennomsnittet i Frankrike. Veksten er jamn, og ei ny forsamling blir planta nesten kvar veke. Pinsevenner og karismatikarar veks raskast. Dette skjer trass i sterke sekulariseringstrendar i det offentlege livet.

Mange etniske franskmenn må reknast som fullstendig unådde:

• Nesten 50 millionar franskmenn som ikkje har noko reell tilknyting til ei kristen kyrkje.
• Mange urbane område, der evangelisk nærvær er forholdsvis lågt. Indre byar som Paris, Nantes, Nancy og andre byar treng mange fleire forsamlingar planta.
• Av dei 37 000 kommunane, har rundt 35 000 inga evangelisk kyrkje. Mange rurale kommunar er ganske tradisjonelle og motstandsdyktige mot endring. Over 300 byar og tettstader med over 10 000 menneske har ingen evangelisk nærvær.
• Loire-dalen og Bretagne, Picardie og Centre-regionane manglar spesielt evangeliske forsamlingar.
• Baskarane i sørvest er praktisk talt utan eit evangelisk vitnesbyrd på sitt språk; dei er mistenksame overfor ytre påverknader og tilsynelatande ganske uinteresserte i åndelege ting.
• Øya Korsika, fødestaden til Napoleon, er ganske lukka for ytre påverknader. I befolkninga på 350 000 er det kanskje 300 evangeliske truande.

Dei unådde minoritetane. Frankrike har integrert fleire bølgjer av innvandrarar dei siste to hundre åra, men det har ikkje alltid vore lett. Nylege vanskar med å integrere innvandrarsamfunn har ført til strammare politikk, eit klima av frykt og utryggleik og aukande frustrasjon for begge sider. Be om følgjande:

• Det franske jødiske samfunnet er det tredje største i verda, etter USA og Israel. Det er mellom 580 000 og 700 000 franske jødar - 320 000 i Paris åleine og ytterlegare 100 000 i Marseille. Av den totale jødiske befolkninga, deltek 77% aldri på ein synagogegudsteneste. Det er om lag 600 messianske jødar i Frankrike - 95% av desse er integrerte i evangeliske kyrkjer. Dei andre 5% er tilknytte dei tre kjende messianske forsamlingane. Færre enn 20 arbeidarar i seks misjonar arbeider blant jødiske menneske i Frankrike (MT, CWI, JFJ, CPM og den franske TMPI). Eit antal franske jødar forlèt landet som eit resultat av aukande antisemittisme, utført av nokre muslimar og høgreekstreme rørsler.
• Nordafrikanarar er nesten heilt muslimske, få har nokon gong høyrt evangeliet. Fleirtalet bur i store, lågkostnadsbustadområde i større byar; antagonisme mellom dei og det franske fleirtalet - saman med arbeidsløyse, diskriminering og håplaus frustrasjon blant ungdom - utgjer ei tikkande bombe. Be for kyrkjer og organisasjonar som prøver å bryte ned barrierar gjennom vennskapsevangelisering, radio, film, BCCs og litteratur. Truande med muslimsk bakgrunn har gode relasjonar med andre evangeliske, eit godt vitnesbyrd for både muslimar og ateistar. Organisasjonar involverte: AWM, Cru, WEC, IMB og OM.
• Berberane utgjer ein stor minoritet blant nordafrikanarane og utgjer kanskje fleirtalet av algeriarane. Kabyle-truande aukar i tal, sjølv om ikkje i same skala som veksten blant brørne deira i Algerie. Kristne videoar, lydressursar, radioprogram og litteratur på kabyle blir utvikla.
• Svarte afrikanarar har kome i stort tal frå fransktalande Afrika som studentar, flyktningar og arbeidssøkjarar. Det er stor ubalanse i kristent nærvær og teneste blant dei, med livlege kyrkjer fulle av sentralafrikanarar medan vestafrikanske bambara, wolof, malinke, soninke og andre lid med få kristne og lite outreach.
• Det store talet på indokinesiske flyktningar frå 1970- og 80-talet frå Frankrikes tidlegare koloniar held framleis ein mest isolert eksistens. Det er over 82 asiatiske evangeliske kyrkjer, inkludert 33 kinesiske, 17 koreanske, 11 hmong og 9 vietnamesiske. Det er ein klar mangel på pastorar og heiltidsarbeidarar for desse menneska som framleis er uåtte. COCM (kinesiske) og CMA (sørøstasiatiske) er to grupper som tener blant asiatar.

Be om at evangeliet skal nå fram til dei unådde folkegruppene i Frankrike, og møta opne hjarto, og at nye kyrkjer med ferske truande blir planta over heile landet. 

Be om at Gud skal senda arbeidsfolk ut til sin haust i Frankrike.

Arabiske marokkanarar i Marokko

 

Folketal: 24 264 000.
Islam: 99,91%
Kristne: 0,09%. Evangeliske kristne: 0,08%

Med ein så låg prosent kristne er dei arabiske marokkanarane rekna som ei "frontiergruppe" som ikkje kan nåast med evangeliet utan hjelp utanfrå. 

Arabarane kom med sine erobrande hærar til Marokko på 700-talet for å leggja området inn under Allahs hegemoni, og der har dei blitt verande. 

Denne store folkegruppa er sunnimuslimar, og lever i stor grad av å dyrka jorda. 

Herre Jesus! Me ber i dag om at du skal senda arbeidarar ut til din haust mellom dei arabiske marokkanarane i Marokko. Me ber også om at dei få kristne som finst mellom dei skal få mot til å vitna om deg for naboar og vener. Me ber om at desse muslimane skal begynna å møta deg gjennom draumar, slik som det skjer mange andre stader i den arabiske verda. Må det ein dag grunnleggjast ei levande og livskraftig kyrkje i og mellom dette folket. Amen! 

Uzbekistan

 

Kjelde: operationworld.org

Uzbekistan har over 34 millionar innbyggjarar fordelt på 69 folkegrupper som snakkar 31 ulike språk, og hovudstaden Tashkent er det åndelege sentrum for islam i Sentral-Asia. Landet var i si tid ein del av Sovjetunionen, men vart sjølvstendig då unionen gjekk i oppløysing rundt 1990. Styresmaktene gjer ein stor innsats for å kontrollera islamismen som er sterkt i Ferganadalen. For få år sidan var det ingen kristne i Uzbekistan. I dag er det 10 000, og trass i skarp forfølging, veks kyrkja jamt og trutt. Forfølginga handlar om offentleg uthenging i pressa, yrkesforbod, storming av møter, beslaglegging av kristen litteratur, trakassering, fengsling og tortur av pastorar og evangelistar og alt du kan tenkja deg. Det er forbode å samla seg til gudstenester og møter dersom ikkje kyrkjelyden er registrert, og det er umogeleg å få kyrkjelyden registrert. Så der har du det. 

Gode Jesus! Kyrkja di i Uzbekistan er eit mirakel. Me takkar deg for kva enkelt av våre kristne søsken i dette landet. Må du styrka dei mektig ved din Ande, fylle alle deira behov, verna dei mot det vonde, føra dei på dine vegar, utrusta dei med himmelsk kraft og bruka dei mektig med tanke på å nå ut til alle dei 24 unådde folkegruppene i dette landet. Amen! 

Uzbekarar i Afghanistan

 

Informasjonskjelde: joshuaproject.org

Det er  4 460 000 uzbekarar nord i Afghanistan. 99,99% av dei er muslimar. 0,01% er kristne. Uzbekarane er eit tyrkisk folkeslag, og dei snakkar eit tyrkisk språk. Dei befolkar høgslettene nord i Afghanistan,  dyrkar jorda og driv med husdyrhald. Dei er muslimar, men praktiserer ikkje religionen så strengt som t.d pasjtunane gjer. Uzbekarane står difor i opposisjon til pasjtunane, noko som er ei stor ulempe etter at Taliban tok over kontrollen i landet. Uzbekarane lever i fattigslege kår. Jordsmonnet er skrint, og kulde og tørke trugar avlingane. 

Herre!

Sjå i nåde til uzbekarane i Afghanistan. Må den nye tida, nådens tid, også koma til dei. Må ditt ord bli forkynt for dei på deira eige språk. Opna dørar for di kyrkje inn til dei. Må Jesus stå fram for dei som verdas frelsar og alles Gud. Hjelp dei å forstå at islams lære er løgnaktig og kraftlaus. Lær dei å kalla på ditt namn, og oppleva at du på ein mektig måte svarar på bønene deira. Velsign uzbekarane i Afghanistan på alle livsområder. Gje nok reint vatn til planter, menneske og dyr, og gje området dei lever i høvelege mengder med sol og vind. Må alle barn få gå på skule og læra seg å lesa og skriva slik at dei kan skaffa seg kunnskap, bli sjølvstendige og klara seg i ei stadig meir kompleks verd. Amen! 

Saudi Arabia

Saudi Arabia er i sterkt fokus desse dagane etter at eksiljournalist Jamal Kashoggi vart drepen i det saudiske konsulatet i Istanbul for to veker sidan. Det synest ganske klårt at ordren om drapet kom frå den mektige prinsen i landet, Mohammad bin Salman. Kashoggi har skrive svært kritiske artiklar i Washington Post mot regimet i hovudstaden Riyadh.

Dette landet står for 25% av verdas oljeproduksjon, og er strategisk plassert i Midt-Austen. Av den grunn har USA gjennom mange lagt stor vekt på å vera ein alliert med dei. Mordet på Kashoggi set dette venskapet på prøve.

Folketal: 28 571 000. Immigrantar (arbeidsinnvandrarar) utgjer 37% av befolkninga. Landet har ei utstrekning på 2 240 000 km2, i det store og heile eit veldig ørkenområde.

Saudi Arabia er islams heimland og festningsverk. Det var her Muhammed budde, fekk openberringane sine, forkynte og starta sverdmisjonen sin. Kongen i Saudi Arabia ser det som sitt store oppdrag å verna dei heilage byane Mekka og Medina, og å fremja islams sak i verda.

Landet er eit eineveldig monarki, og blir styrt diktaturisk av familien Saud.
På 1700-talet aksepterte kongen wahabbismen som den rette tolkninga av islam. Wahabbismen er prega av svært strenge reglar, og Saudi Arabia bruker i dag store summar for å spreia denne ekstreme islamversjonen over heile verda.

5,43% av befolkninga er kristne, men dei er i hovudsak utlendingar.

Det er ganske vasstette skott mellom framandarbeidarar og den innfødde befolkninga, og alle former for kristen misjon er strengt forbode og blir straffa hardt. Gjerne med mange hundre piskeslag, og saudiarabarar som kjem til tru og blir oppdaga, blir avretta. Likevel skjer akkurat det i aukande grad. Det er eit mirakel.

I dette landet eksisterer ikkje menneskerettane i det heile tatt. Etter Nord Korea ligg landet som nr 2 på verstinglista til Opne Dørar over land som forfølger kristne.

Landet fører i desse dagar ein nådelaus og brutal   krig i Jemen, og blokkaden av landet gjev årsak til ein svoltkatastrofe som verda ikkje har sett sidan Biafrakrigen i Nigeria på 70-talet. Bilete av radmagre og utsvelta barn er enno en gong å sjå på TV-skjermane våre. Men no er det ingen Elias Berge som kjem barna til hjelp.

Men Jesus er likevel i Saudi Arabia og gjer sine gjerningar i det stille. Kristne "muslimar" opererer som løynde Kristusagentar i landet, og dei er å finna i Mekka under den årlege pilgrimsreisa. Dei går saman med dei andre pilgrimane rundt kabasteinen, og med profetisk innsikt ber dei stille for folk i Jesu namn, og der i islams sentralheilagdom vert menneske frelst frå sine synder og lækte for sine sjukdomar. Dette kan me lesa om i Tom Doyle si bok "Drømmer og syner" som kom ut for 3-4 år sidan. Tom Doyle har skrive tre bøker om kva Jesus held på med i Midt-Austen for tida, og dei bør lesast av alle.

Kjære Herre Jesus Kristus, kongen over kongane og Herren over herrane på jorda. Ditt rike står gjennom alle tide, og ditt herredøme varer frå slekt til slekt. Takk for det du gjer i dag i Saudi Arabia, dette landet som Satan har som festningsverk for sitt religiøse hovmot. Me prisar og takkar deg fordi du er større enn djevelen både i makt og kløkt, og du gjer dine gjerning i dette landet gjennom folk som stille hevdar ditt ord og som let seg fylla av din Ande. Me ber deg om at evangeliet skal spreia seg som ein grasbrann frå hjarta til hjarta til heile landet står i fyr og flamme for deg. Hald di vernande hand over venene dine, gjer dei kloke som slangar og einfelde som duer, og må Andens mektige kraft og nåde renna ut frå dei og skapa liv i døde og tørre ørkenhjarto. 
Herre Jesus, du som bar bort verdas synd, må frukta av din død og di oppstode blir alle saudiarar til del. Må dei sjå at du er den sanne Gud som levde, døydde og stod opp for å gje dei evig frelse som ei gåve. Riv ned alle tankebygningar i dette landet som reiser seg mot kunnskapen om deg, lat dei berre smuldra bort og leggjast på historias søppelhaug. Må lyset frå ditt ansikt gjennomlysa alle menneske i Saudi Arabia, også kongefamilien, og avsløra og avdekka alle dei løgnene som dei i dag byggjer liva sine på og som fører dei mot evig fortaping og dom. Herre Jesus, miskunna deg over Saudi Arabia, i ditt mektige namn, amen!

Dagens unådde: Arabarar i Tunisia

Det er nesten 11 millonar arabarar i Tunisia som ikkje har kunnskap om Jesus og Guds veg til frelse. Dei er muslimar og snakkar ein tunisisk versjon av arabisk. Det nye testamentet er tilgjengeleg på denne dialekten.
Dagens Tunisia var eit kristent kjerneområde dei første 5-600 åra etter Kristus. Det var her kyrkjefedrane Tertullian, Cyprian og Augustin budde og verka. Det var stor kraft over desse folka. Likevel, då den arabiske invasjonen kom med islam på slep i det 7. hundreåret, var det lite att av det åndelege livet og den åndelege dynamikken i kyrkja, og ho fall som eit korthus. Raskt vart Kristus gløymt, og folket fall ned i djupt åndeleg mørker.
Det er få tunisiarar i dag som er merksame på sin gamle kristne arv. Dei tenkjer at kristendomen er eit vestleg fenomen som fremjar umoral. Heilt frå fødselen av får dei inn læresetningar om Gud som står i opposisjon til det Bibelen lærer om vår gode Far i himmelen som i kjærleik sende Sonen sin for å frelsa oss og fri oss frå våre synder med sitt blod, og dei strevar, som alle andre muslimar, med å grunnleggja si eiga rettferd.
Den beste måten å nå dei på er kanskje gjennom TV, radio og internett. Men uthaldande bøn må til for desse, som elles for den arabiske verda.

Gode, gode Far! Me ber for arabarane i Tunisia at dei skal bli berørt av din Heilage Ande slik at dei i djupet av si sjel forstår at dei ikkje kan bli rettferdige for deg gjennom gjerningar, men berre ved å ta imot di rettferdsgåve i Jesus Kristus. Fri dei frå islams løgner, og frå djevelens lenker. Send dine motdige apostlar til Tunisia slik at ditt rikes mektige krefter kan  demonstrerast for folket, løgner bli avslørte, tru skapt, synd tilgjeven og kyrkja di styrkt. Amen!

Dagens unådde: Aimaq, Afghanistan

Folketal: 192000. Religion: Islam. Språk: Aimaq. Ingen bibeloversetting tilgjengeleg korkje i skriftleg eller munnleg form. Ingen kjende kristne. Dette folket er uvanleg i den forstand at kvinnene i stor grad er likestilte med mennene.

 Herre Jesus! Driv arbeidsfolk ut til din haust i Aimaqfolket i Afghanistan. Frels folket frå synda, dødens og djevelens makt. Må ordet ditt slå djupe røter i dei, og kyrkja di bli etablert der. Motiver dei til å læra seg lese og skrivekunsten, og må dei få tilgang til Bibelen på morsmålet sitt. Amen!

Saudi Arabia

Flatemål: 2 240 000 km2.
Folketal: 28 571 770
Hovudstad: Riyadh
Folkeslag: 80% arabarar. 17,4% asiatar.  1,5% afrikanarar. 0,7% vestlege.
Alfabetiseringsgrad: 80%.
Språk: Arabisk pluss 19 andre.
Bibelen føreligg kun på arabisk.

Saudi Arabia (SA)er verdas største oljeprodusent. Landet har skaffa seg enorme rikdomar, som landet m.a. brukar aktivt til å eksportera islam til alle verdas land. Vanlege saudiarar likar ikkje å jobba, så mykje av arbeidet i landet vert utført av utanlandsk arbeidskraft.

SA er eit kongedøme, og kongefamilien har all makt samla i sine hender. Denne familien har gjennom tidene skodd seg godt på oljerikdomen.

Kongefamilien ser på seg sjølv som forvaltar av islam i verda. Landet praktiserer sharialovene strengt, og det er denne brutaliserte utgåva av islam, kalla wahabbismen, som dei understøtter.
Det er ingen reell religionsfridom i SA. Dersom nokon kritiserer islam, eller konverterer til ein annan religion, vankar det strenge straffer. Døden ventar dei som bryt med islam.

SA har i årevis lege på andre plass på Open Doors sin årlege forfølgingsindeks

92,4% er muslimar. 8% er shiamuslimar, og desse blir grovt diskriminerte i samfunnet.  5,4% er kristne, men dette er i hovudsak utlendingar.

Mekka er islams kraftsenter, og det årlege målet for millionar av pilgrimar, og over ei milliard menneske bøyer seg fem gongar for dagen i bøn mot Mekka. I denne byen har djevelen reist synagoga si.

SA er i dag i krig mot Iran i Yemen. Der føregår det fælslege krigsbrotsverk kvar einaste dag. 

Bøneemner:

• Be om at Gud skal halda handa si over dei kristne i landet, gje dei ei urokkeleg tru, eit levanda håp, ein brennande kjærleik og ei veldig kraft.
• Be om at dei skal ha rikeleg tilgang til Guds ord.
• Be om at dei må halda saman og styrka kvarandre.
• Be om at dei skal leva misjonalt, at dei skal høyra frå Gud og dagleg la seg leia av Den heilage ande. 
• Be om at evangeliet skal spreia seg frå person til person som eld i tørt gras og overvinna islam frå innsida
• Be om at djevelens rike skal falla, og at landet skal bli fridd ut av mørkers makt og at folket skal helga Jesus til konge i liva sine og i nasjonen.
• Be om at Bibelen og annan kristen litteratur skal spreiast og nå fram til folk i alle avkrokar
• Be om at folk skal finna fram til kristne radio og TV-stasjonar, og finna Jesus på internett.
• Be om at saudiarar i utlandet skal bli fanga opp av kristne og vunne for Kristus, og at dei skal ta evangeliet med seg attende til heimlandet. 

Dagens unådde: Menasser. Berberar i Algeri

Berberane er Nord-Afrikas urfolk, og Menasser er ei grein av dette folket. Før arabarane okkuperte Nord-Afrika på 600-talet var 70% av berberane kristne. I dag er alle muslimar.

Det er 77000 i menasserstamma som lever ved i vestlege områder av Algeri, i Atlasfjella Chercel-regionen. Del lever at jordbruk og kvegdrift. Menasser er elles kjent for å vera uvanleg flinke handverkarar, men lever likevel fattigslege liv.

Språk: Tamazight. Deler av Bibelen er tilgjengeleg på dette språket.
Det er ingen kjende kristne frå denne berberstamma.
Hindringar: Algeri er stengt for kristen misjon. Menasser lever ofte i utilgjengelege områder.

Kjelde: www.joshuaproject.org

• Be Gud om at han sender sine fredsbod til dei.
• Be om at han skal løysa dei frå islams lenker.
• Be om at Algeri skal opna seg for kristen misjon
• Be Gud om at han reiser opp afrikanske kristne til å disippelgjera menasserstamma.
• Be om at det skal begynna å spira i gamle kristne røter
• Be om at Gud skal velsigna folket økonomisk, at dei får oppleva utvikling, og at barna skal få den utdanning og skulegang som er naudsynt for å klara seg godt i ei moderne verd. 
• Be om at Gud skal grunnleggja ei livskraftig menasserkyrkje som kan kanalisera Guds kraft og frelse inn i heile folket.

Dagens unådde: Gujjar i Pakistan

Gujjarfolket tel over 3 millionar menneske, og har ein over tusen års dokumentert historie. Dei bur på den store Gangessletta, i Himalayaregionen og i dei austlege delane av Afghanistan. Dei er i all hovudsak bønder. Religion: Islam. Neppe ein einaste kristen mellom dei. Språk: Gujari og hindko. Ingen deler av Bibelen er tilgjengeleg.

Herre Jesus! Du som seier at me skal forkynna di ære mellom nasjonane, og dine gjerningar mellom folkeslaga (1. Krøn. 16,24-25), gjer det klårt for kyrkja at tida no er komen for at det stolte Gujjarfolket skal få høyra evangeliet forkynt på sitt eige morsmål. Gjer deg kjent for dei. Løys dei frå alle lenker. Tal til dei. Gjer under mellom dei. Løft dei opp til deg. Me ber i ditt eige namn. Amen! 

Rajput av muslimsk tradisjon i Pakistan

Rajput er ei stor unådd folkegruppe i India og Pakistan. Nokre er hinduar og andre muslimar. Rajpufolket i Pakistan tel over 16 millionar menneske, og høyrer naturlegvis til Islam. Dei fleste av dei bur i Punjabregionen aust i landet, og snakkar då også punjabi.

Det nye testamentet er omsett til punjabi.

I følgje joshuaproject.net er rajput eit sanskrit ord for kongeson, og rajputane tilhøyrer då også overklassen. Dei er av høg kaste, og eig store landområder.

Å stola på Kristus fordrar audmjukheit. Rajputane er overlag stolte menneske. Dette er eit hinder for dei. Det trengst mykje uthaldande bøn for dette folket.

Gode Jesus Kristus! Me ber i ditt namn om at du skal audmjuka rajputfolket i Pakistan slik at dei kan bli sanne kongesøner, Guds søner og døtre. Må dei bli disippelgjort av trufaste disiplar som dedikerer livet sitt til dei. Må dei bøya seg for deg, som Josefs brør for Josef, , sanna syndene sine og fullt ut gripa ditt fullbrakte frelsesverk. Løys dei frå vondskap og demonisk dominans, og dra dei til deg, også når dei les Koranen. Etabler ei kraftfull rajputkyrkje som er full av himmelsk kraft og godleik, ei kyrkje som kan vera eit lys for alle menneske i Pakistan.

Moorfolket på Sri Lanka

Moorfolket på Sri Lanka tel over 1,8 mill menneske, og er den trdje største folkegruppa i landet. Dei er muslimar, og det er ingen kjende kristne mellom dei. Opphavet er omdiskutabelt. Anten er dei tamilar som er blitt muslimar, eller dei er etterkomarar etter arabiske kjøpmenn som farta i området for mange hundre år sidan, og som har lært seg tamil. Kulturen deira er unik med ei blanding av muslimsk tru og tradisjon med innslag av tamilsk levemåte.

Kjære Herre Jesus! Må Moorfolket læra å kjenna deg som sann Gud og sant menneske, og som den einaste mellommannen mellom Gud og menneske. Må Guds dom over deira synder bli så rystande for dei at dei ikkje ser anna råd enn å klynga seg til din kross, og setja all si von til deg for si frelse. Aus Anden over dei. Må dei bli bada i ditt lys og omslutta av din nåde slik at dei gjev opp all sjølvrettferd og stolar på di rettferd åleine. Skap i dei ein hunger etter ditt ord, og samla dei til ei sterk og varm kyrkje som er som eit redningsfartøy og eit hospitalskip for alle på Sri Lanka. Amen!

Guinea Bissau

Befolkning: 1,628,603

Folkegrupper: Atlantisk 53.5%, Fulbe 21.7%, Malinke 11.9%, Kreol 11.9%, Andre 1%

Religion: 52.1% Islam, 35.1% etnisk religion, 10.9% kristne

Språk: Portugisisk, kreol

BPN: $1,100

Alfabetiseringsgrad: 39.6%

Unådde folkeslag: 57.1%

Guinea Bissau er eit av verdas fattigaste land. Gjennomsnittleg levealder er vel 47 år. Den legale økonomien er basert på jordbruk og fiske. Men det er ein ukontrollerbar stor svart økonomi som er knytta opp til bruk og transitt av narkotika. Landet har ingen kystvakt som kan ta seg av dette problemet, politiet har ikkje bilar og marinen ingen båtar.

Guinea Bissau vart uavhenging frå Portugal i 1974, og vart styrt av eit diktatur til 1994. Etter den tid er militærkupp og attentat blitt ein del av dagens orden, og det einaste konsistente mellom leiarane har vore korrupsjon. Mange av leiarane er involvert i narkotikatrafikken, noko som lett fører til ustabilitet.

Landet bar berykta for barnearbeid og sextrafficking. Dei fleste som hamnar i sexslaveri er unge gutar som vert selde til Senegal. Familien vert lova at gutane skal få gå på Koranskule, men i staden vert dei bortførte og misbrukte på det grovaste. Ein reknar med at det er 200 gutar som hamnar i denne sumpa kvar månad.

Under Portugal var Guinea Bissau i hoveudsak ein katolsk nasjon. Men no er halvparten muslimar. Som regel blandar folk saman element frå alle religionar dei kjenner.

Landet har religionsfridom, og kristne nyt allmenn respekt for stor humanitær innsats midt under urolege tilhøve.

Talet på misjonærar til landet frå Asia og Latin Amerika er aukande.

Behovet for biblar er enormt, men stor analfabetisme og fattigdom gjer det vanskeleg med bibelspreiing. Her må ting takast frå grunnen av.

Kjelde: www.prayercast.com

Be om:

• at Gud velsignar nasjonen med rettferdige og sjølvoppofrande leiarar.
• at alle korrupte og kriminelle leiarar skal avslørast, avsetjast, arresterast og dømmast
• vern over dei unge slik at dei ikkje vert selde som slavar til vonde menneske
• sann bibelsk vekking i kyrkjelydane
• at kristne vert reinsa frå avgudsdyrking, magi og okkulte handlingar
• at åndeleg modne og trente nasjonale kyrkjelydsleiarar skal bevega seg ut på landsbygda for å nå dei unådde folka som lever der.
• grunnutdanning og leseopplæring for barna
• om stopp i alle transitt og bruk av narkotiske stoff
• utvikling av næringslivet i landet slik at folk ikkje kjenner seg avhengig av narkotrafikken

Masalitfolket i Chad

Masalitane som bur i Darfur-området er blitt svært fattige etter alle overgrep frå sudanesiske militære og paramilitære soldatar.   Dei er blitt fråstolne husdyra sine og heimane og reidslkapane deire er blitt øydelagde. I Chad er det 272000 masalitar, men totalt tel dei 691000. Dei er formelt muslimar, men praktiserer heller gammal naturreligion. Språket deira er masalit. Ingen deler av Bibelen er omsett til dette språket. Det blir meldt om nokre få kristne blant masalitane i Chad.

Herre Jesus! Slik du ein gong kom for å gjesta jorda, må du no gjesta masalitfolket i Chad og i Sudan. Vern dei mot stygge overgrep, og send arbeidsfolka dine ut for å så og hausta i dette folket. Me ber spesielt om at du skal ta vare på dei få truande, slik at dei står fast i alle stormar, blir utrusta med dine gåver, og ivrig vitnar om deg og di frelse for frendane sine. Ber også om at dei skal dyrka tilstrekkeleg med mat for alle, og verna du jordbrukslandet slik at det ikkje vert misbrukt på noko vis.
Gå du fram i Chad og vinn siger i folks liv. Amen!

Hajam, Pakistan

Folketal: 1,9 million

Totalt i verda: 4,1 million

Religion: Islam

Bibel: NT

Språk: Vest-punjabi

Ingen lydbibel

Jesusfilmen tilgjengeleg

Ingen kristne. Uevangelisert.

Kjelde: joshuaproject.net

Gode Gud og Frelsar! Må ditt ord og din Ande nå Hajamfolket på ein slik måte at evangeliet blir kommunisert til dei på ein truverdig og relevant måte. Lat dette folket blir gripen av deg, Jesus, og koma til tru på deg som Guds lam som bar bort syndene deira èin gong for alle då du døydde  på krossen. Må di kyrkje bli etablert i dette folket og vera eit sterkt lys som opplyser heile folket. Lat  ordet bli forkynt kraftfullt og livsforvandlande mellom dei, og kom nær til dei og læk dei sjuke og attreis dei som har segna under livsbøra. 

Bimafolket i Indonesia

Bimafolket tel 647 000 menneske og bur på øya Sumbawa (300 km aust for Bali) der dei hovudsakleg driv med jordbruk. Dei er muslimar, men trua deira er oppblanda med animisme og fedredyrking. Bimafolket har sitt eige språk.

4 bimalandsbyar er "kristne" etter ein vellukka outreach i 1930-åra, men desse lever i dag isolert frå frendane sine, er svært fattige og manglar grunnleggande kristen kunnskap.

Bøn: "Gode Gud og far, du som gav Sonen din til soning for alle verdas synder: Lat ljoset frå evangeliet strøyma uhindra over Bimafolket slik at hjarto deira vert vendt mot Jesus, og dei kan få del i det evige livet som kjem frå han. Send dine vitne og profetar for å dela Guds ord med dette folket, og lat ordet bli dei til frelse. Herre, miskunna deg over dei og oss alle. Amen!"

Kirgisarane i Kirgisistan

Kirgisarane er etnisk delvis av tyrkisk og delvis av mongolsk opphav (etterkomarar av Dsjengis Kahn). Dei tel vel 3 millionar, og lever på verdas høgste fjellplatå der det kun er 60 snøfrie dagar i året. Tradisjonelt er dei nomadar, men i dag lever dei fleste i byar. Dei tek vel vare på kulturen sin som er svært rik både når det gjeld poesi, musikk og klesdraktar. Dei er stolte muslimar, men kombinerer islam med shamanisme, og når dei er sjuke går dei gjerne til ein shaman for å bli kurert. Dei er slik bundne til dei gudfientlege maktene med sterke band. Om nokre vert kristne, vert dei gjerne isolerte frå familiefellesskapet.
Kjelde: Bethany people profile

Bøn: "Gud Gud, Far i himmelen! Eg ber om at ordet ditt skal nå fram til kirgisarane og setja dei fri frå synda, døden og djevelens makt. Forløys du økonomi til å omsetja heile Bibelen til kirgis, og aus din Ande over folket slik at dei ser avviket sitt og synda si og søkjer å bli forsont med deg ved trua på Jesus. Gje dei som forkynner evangeliet for dei visdom, kjærleik og utrustning til å nå inn til hjarto deira og bryta ned dei åndelege barrierane som dei omgjev seg med. Hjelp misjnærane å finna dei områda i kultur, tradisjon og tankesett der det finst restar av di openberring frå lang tid tilbake. Eg ber om at dei som blir kristne festar djupe røter i Jesus og i Guds ord, blir fylte av Anden og står saman som ei levande, dynamisk og sterk nasjonal kyrkje som haustar inn sitt eige folk i Guds rike. Amen!"