Dagens unådde: Matia i India

Illustrasjonsfoto

Matiafolket tel 252 000 menneske. Dei er hinduar, og snakkar bengali som er eit stort bibelspråk

Dette er eit fattig folk som i all hovudsak er analfabetar. 

Be om at Jesus driv arbeidsfolk ut til sin haust i matiafolket i India og Bangladesh

Be om at dei som finn Jesus utviklar ein rettferdig karakter

Be om at barna må få gå på skule og læra seg å lesa og skriva, og at dei unge må få tilgang til utdanning. 

Be om betre tilgang til helsetenester, og at dei skal koma seg ut av fattigdomsfella. 

Dagens unådde folkeslag: Pinjara i India

 

Folketal: 3 761 000
Primærspråk: Urdu
Religion: Islam
Kristne: 0,00%

Namnet Pinjara kjem frå ordet pinjala, som tyder «bomullsvevar». Tradisjonelt reinsar og spinn dei bomull for å lage puter, dyner og madrassar. Som både dyktige og udytige arbeidarar har dei høgare status enn «ureine» samfunn. Sjølv om Pinjaraane er muslimar, feirar dei hindufestivalar og gjev lovnader til hindugudar. Dei er ikkje vegetarianarar, men dei et ikkje svinekjøt.

Det har vore svært lite tenestearbeid retta mot Pinjaraane. Pinjaraane er ikkje godt aksepterte fordi dei blandar to trusretningar. Mange ressursar finst på urdu, men det er stor mangel på arbeidarar for denne store muslimske gruppa.

Og han vakna og truga vinden og sa til sjøen: «Fred! Ver stille!» Og vinden stilna, og det vart heilt stilt.

Markus 4,39

Be om at Herren må gje si fred, som overgår all forstand, inn i hjarta til dette folket.

Be om at Den Heilage Ande må vekkje ein lengsel etter Gud i hjarta til Pinjaraane i India.

Be om ein åndeleg svolt som fører til ei rørsle mot Kristus.

Be om at Herren må røre ved hjarta til truande, slik at dei er villige til å ofre livet sitt for at Pinjaraane skal bli velsigna gjennom Jesu Kristi offer, den einaste Frelsaren.

Be om at Pinjaraane må bli vevde inn i Guds familie gjennom Jesu Kristi verk.

Kjelde: joshuaproject.net

Dagens unådde folkeslag: Rajaka Dobi i India, Sri Lanka, Pakistan, Bangla Desh og Nepal

 

Rajaka Dhobi tel omlag 13 millionar mennske. 
Dei aller fleste bur i India og er hinduar. 
Det er ikkje registrert kristne frå dette folket. 

Bøn:
Gode Gud! Det er på høg tid at lyset ditt når fram til Rajaka Dhobi, opplyser hjarto deira og frelser dei frå synd, skuld og skam. Løys dei i Jesu namn frå alle løgngudane som dei tilber, og gje dei å bøya seg for deg, du som er den einaste sanne Gud. Reis Rajaka Dhobi opp til å bli eit folk som formidlar din kjærleik, dine sanningar og di kraft til Indias mange fortapte og forkomne. Det ber me om i Jesu namn. Amen! ¨

Kjelde: joshuaproject.net

Dagens unådde: Kashmirfolket i India og Pakistan

 

Kashmirane bur i Kashmir, det omstridte fjellområdet mellom India og Pakistan. 
Dei tel 8112 000 menneske, snakkar kashmiri og er muslimar. 0,00% er kristne. Heile Bibelen er oversett til kashmiri, og det er ein kjemperessurs med tanke på framtidig misjon i denne folkegruppa. 

Herre Jesus! Gjennom Sakarja sa du at i dei (siste) dagane skal mange (alle) folk bli sameinte i deg og kallast "ditt folk". Me trur og veit at også kashmirfolket snart skal haustast inn. Å Gud, må det skje i vår tid. Driv arbeidsfolk ut til din haust i Kashmir. Aus Anden din ut over dette folket slik at dei ser at du er den einaste levande Gud og frelsar frå synd. Me ber om fortgang i misjonsoppdraget. Me ber om brennande og villige hjarto. Me ber om pionerånd i ditt folk. Velsign Kashmir med fred, politisk og åndeleg. I Jesu namn, amen! 

Kjelde: joshuaproject.net

Martyrkyrkja: Nye forfølgingar i Chattisgarh, India

 

Bilete: VOM

Om morgonen den 10. mai reiste medlemmar av ei hinduistisk nasjonalistisk organisasjon til Dhamtari i Chhattisgarh for å forstyrre fleire gudstenester, der dei konfronterte pastoren i kyrkjene verbalt og kravde å få sjå identitetspapira deira. I nokre tilfelle var også politiet til stades for å overvake situasjonen.

Angriparane, som er medlemer av organisasjonen Hindu Jagran Manch, skulda forsamlingane for å halde «lækjedomsmøte» som eit skalkeskjul for misjonsverksemd og omvendingsaktivitetar. Dei oppmoda styresmaktene om å handheve den nye lova i staten mot tvungen omvending strengt; lova tok til å gjelde tidleg i april. 

Lovgiving mot omvending i India har ofte vorte brukt til å skremme og trakassere kristne over heile landet. I ein annan hending i same delstat vart ei kristen familie i landsbyen Madgaon brutalt angripen 9. mai av to menn som konfronterte dei truande medan dei hausta mangoar. Som følgje av konfrontasjonen fekk dei fem familiemedlemmene alvorlege skadar og trong medisinsk behandling ved eit lokalt sjukehus.

Dei råka truande fekk høyre av angriparane at dei ikkje hadde rett til å bu i landsbyen på grunn av at dei hadde vendt om til kristendommen. Før dette hadde dei kristne i fleire månader jamleg møtt ulike former for trakassering og trugsmål, inkludert krav om at dei skulle forkaste trua si eller verte drivne bort.

Pastor Simon Digbal Tandi frå Progressive Christian Alliance har peika på ein monaleg auke i åtak mot medkristne i Chhattisgarh sidan den nye lova vart vedteken. «Nesten annan kvar dag høyrer vi om slike hendingar i staten, noko som skaper uro for folket vårt som bur i landsbyane», rapporterte han. Desse aukande åtaka skjer i ein delstat som allereie ligg på andreplass i landet når det gjeld vald mot kristne. 

Lyft i bøn opp den skadde familien i Madgaon, og be Herren om naudsynt lækjedom, trøyst og visdom medan dei no vurderer dei neste stega sine.

Måtte faktisk Guds kjærlege leiing, vern og fred rå over alle kristne i Chhattisgarh, der livet deira blir påverka av den aukande motstanden.

Be om at dei styrande leiarane i India får ei betre forståing av dei mange utfordringane religiøse minoritetar står overfor, og difor vert rørsle til å etablere politikk som vil støtte fridomane og rettane til alle borgarar.

Kjelde: persecution.net

Dagens unådde: Gondhali i India

 

Folketal: 59000

Religion: Hinduisme

Kristne: 0,00%

Språk: Marathi. Heile Bibelen føreligg i omsetting

Gondhali er stort sett bønder. Kvinnene er framifrå flinke til å sy og strikka. Dei dansar og syng til ære for Khandoba og Ellamma. 

Herre Jesus! Du greip ein gong inn i verdas historie for å frelsa heile menneskeslekta frå synd og skuld og skam, og du fullførte prosjektet med glans. Må gondhalifolket endeleg få evangeliet forkynt slik at dei kan koma til tru og bli inkludert i di frelse ,og bli ein del av di framtid. Løys dei frå hinduismens mange åndsmakter, og send arbeidsfolk ut for å hausta inn dette folket, og etablera di kyrkje mellom dei. Amen! 

Dagens unådde: Aghori i India

 Bilde av representantar frå aghori finn du ved å google dette folket. Det kan vera verd ein titt

Aghorifolket tel 71000 menneske.
Religion: hinduisme

Kristne: 0,00%

Aghori lever i eit djupt heidensk mørke, og den guden dei set høgast er Shiva, øydeleggjaren. 

Dei gjennomfører ganske groteske riter i samband med kremasjon av døde slektningar, der dei m.a. smører seg inn med oska etter slektningane sine. Dei demoniske bindingane til djevelens rike er sterke.

Me ber i Jesu namn om at dette folket skal bli sett fri frå vonde ånder og frå synd, skuld og skam. Driv arbeidarar ut til din haust i aghorifolket. Må DenHeilag Ande regjera mellom dei, og  Jesus sigra i liva deira, og må kyrkja bli etablert i folket som eit fyrtårn som kan losa alle inn i Guds familie. Me proklamerer framtid og håp over aghorifolket i Jesu namn. Amen! 

Kachhifolket i India

 

Kachhifolket i India tek 6 956 000 personar. 
Språk: Hindi og 25 andre lokale språk
Religion: Hinduisme
Kristne: 0,00%

Kachhifolket er legg vekt på utdanning, men kvinnene er avskorne frå høgare utdanning.
Dei er vegetarianarar, men dette er i endring. 

Herre Jesus! I dag ber me om at ditt lys skal skina for Kachhifolket i India og losa dei inn i ditt rike. Løys dei frå hinduismens mange falske gudar, og etabler di kyrkje i dette folket. Det ber me om i ditt namn. Amen! 

Dagens unådde: Jat i India

 

Jatfolket finn du spreidd ut over store deler av India. Dei tek 22 820 000 menneske. Dei snakkar hindi, og har dermed tilgang på heile Bibelen. Dei trur på hinduismens mange gudar. 0,04% er kristne. 0,02% evangeliske kristne.

Jat-samfunnet er svært stolte av opphavet sitt. Dei er kjende som modige, hardtarbeidande menneske som har både ønsket om, og evna til å styre. I dag har dei fleste Jat god utdanning, og nokre har høge stillingar innan akademiske og tekniske  miljø. Jat er vanlegvis fysisk høgare enn naboane sine. På grunn av den kraftige kroppsbygninga deira, saman med ryktet dei har for vald og kontroll over jord og inntekter der dei bur, er dei generelt frykta av andre grupper. Jat høyrer òg til dei mest velståande gruppene i India målt per innbyggjar. Dei verdset nøgdsemd og flid, og blir ofte rekna som gjerrige.

Hinder for tenesta
Jat har ofte eit høgt sjølvbilete. Som eit Jat-ordtak seier: «Menn kan kome og menn kan gå, men eg held fram for alltid.» Denne kjensla av stoltheit og meistring, saman med ein utbreidd sørasiatisk førestelling om at kristendommen berre er for dei nedtrykte, gjer at hjartet til Jat er lukka for evangeliet.

Gode Gud og Far!
Du elskar denne folkegruppa trass i deira urealistiske høge tankar om seg sjølv, og me ber i Jesu namn om at du skal hjelpa dei til å forstå at dei er støv, og at dei er syndarar som treng frelse. Må du vekka i ein genuin interesse for Bibelen hos sentrale personar i dette folket, og me ber om at det skal plantast kyrkjelydar i dei områda der dei bur. Må ditt lys råka dei sterkt og bryta ned stoltheiten som no hindrar dei i å bli kristne. Amen! 

Kjelde: joshuaproject.net

Dagens unådde: Hajam i Pakistan

 

Det er nær 5 millionar hajamar. Halvparten høvevis i Pakistan og India. 
Alle er muslimar. 
Språk: Vest punjabi.
Bibeloversetting: NT

Hajam er ein eigen kaste som er høgt respekterte i samfunnet. Dei jobbar som frisørar, manikurar og omskjerarar. 

Be om at Gud skal vekka ein djup åndeleg hunger hos leiarane i dette folket, og ei lengsel etter frelse.
Be om at dei skal forstå at dei ikkje kan bli frelst gjennom lovgjerningar, men berre ved å tru på Jesus. 
Be om at Gud skal senda arbeidsfolk ut til sin haust i dette folket. 

Dagens unådde folkeslag: Kalota i India

 

Kalota er eit lite folkeslag som berre tel 64000 menneske som bur i delstaten Madya Predesh

Dei tilber hinduismen sine mange gudar. 

Språk: Hindi, gujarat og devanagari, som er deira hjartespråk. 

Kalota er bønder, og dei er vegetarianarar. Dei har synt seg uvanleg fientleg innstilt kristne til misjonærar. 

Herre Jesus, du som betalte for deira synd og skuld på krossen, du som opna vegen for dei til himmelen: Finn din veg inn til hjarto deira, Bryt ned den motstanden dei har i seg mot evangeliet. Motiver dei til å ta imot dine utsendingar. Må Anden din koma over dei, overtyda dei om synd, rett og dom, avsløra løgngudane dei tilber og herleggjera deg for dei som den einaste sanne Gud og vegen til fresle. Møt dei på overnaturleg vis gjennom draumar, syner og under og teikn som du let dine tenarar gjera mellom dei. Amen! 

Dagens unådde folkeslag: Boya (BOW-yah) i India

 

Kjelde: joshuaproject.net

Boya i India tel godt og vel 4 millionar menneske.

Dei snakkar telugu, og er hinduar. 0,06% er kristne. 0,01% evangeliske. 

Heile Bibelen er tilgjengeleg på telugu
Opphaveleg var dei store krigarar. No er dei bønder. 

Gode Far!

Løys dette folket frå demoniske makter som undertrykkjer dei, og held dei fast i hinduimens løgner. Send ditt ord til dei, reorienter dei og kall dei til omvending og tru. Jesus, verdas lys, skin for Boyafolket slik at dei blir dregne mot deg, du som har betalt så dyrt for deira frelse. Amen

Dagens unådde folkeslag: Bairagi i India

 

Folketal: 1 112 000. 

Språk: Bengali, som har vore bibelspråk svært lenge

Religion: Hinduisme

Kristne: 0,00%

Bairagi tilhøyrer prestekasten, og tronar høgt oppe i samfunnspyramiden. Dei dyrkar Vishnu og avataren Krishna, og fungerer som åndelege rettleiarar for andre. 

Herre Jesus Kristus! Me ber for bairagifolket, at dei skal få høyra evangeliet om deg, og sjå krafta i evangeliet demonstrert framfor augo sine. Må dei av hjarta forstå at det berre finst èin Gud, skaparen av himmel og jord, og èin mellommann mellom Gud og menneske, menneske Jesus Kristus. Løys dei i ditt namn frå hinduismens mange åndsmakter som hindrar dei i å venda om til deg, få tilgjeving for syndene sine og evig liv. Send arbeidarar ut til din haust i bairagifolket, og utrust dei med alt dei treng av åndskraft og nådegåver, og aus Anden din over folket og lat det nye livet spira over alt der dei lever. 

Dagens unådde folkeslag: Ansari, India

 

Foto: joshuaproject.net

Ansari er ei stor folkegruppe som tel nesten 16 millionar menneske spreidd ut over store deler av India. 

Dei snakkar urdu og er muslimar. 0,00% er kristne. Heile Bibelen er tilgjengeleg på urdu i tekst og audio. Og sjølvsagt er Jesusfilmen også dubba til urdu. 

Ansari er venelege folk med låg utdanning. Analfabetismen er skyhøg. Dei driv gjerne med veving, og er særleg flinke med silke. Dei er muslimar som sagt, men driv også me ein god del magiske saker og ting. 

Gode Gud og Far! Løys ansarifolket frå islams lenker, og frå alle åndsmakter som får dei til å søka inn i den okkulte verda. Send dine tenarar til dei for å bu mellom dei over tid, forkynna evangeliet for dei, formidla din kjærleik og di kraft til dei og føra dei ut i den fullkomne fridomen i Jesus Kristus. Amen! 

Dagens unådde folkeslag: Purohit-brahminarar i India

 Folketal: 112000. Religion: Hinduisme

Utbreiing: Sjå kart frå joshuaproject.net 

Desse menneska satsar hardt på høgutdanning. Dei har ein høg arbeidsetikk, og er rekna for å ha høg kredibilitet. Men ingen av dei har nokon gong høyrt om Jesus. 

Be om at dette må skje no i næraste framtid, og at dei som presenterer Jesus og Guds frelse for dei gjer det på ein truverdig og sterk måte. Be om at Gud ved sin Ande skal løysa dei frå alle dei mektige åndene som bind dei til hinduismen sine løgner. 

India. Dag 1

 

Kart og kjelde: operationworld.org

Folketal: 1,463,865,525
Hovudstad: Dehli
Største religion Hindu (74,3%)
Prosent evangeliske 2,2%

India er verdas mest folkerike land.
Ingen av verdas nasjonar har så mange unådde folkegrupper som India.
Dei neste dagane vil me be for dei som bur der.
Kastesystemet er framleis eit stort problem. Dei kastelause utgjer til saman 25% av folketalet. Dei andre har undertrykt desse gruppene i tusenvis av år, og brukt kastesystemet (og hinduismen) for å rettferdiggjere sine skadelege handlingar. FN, den indiske regjeringa, og internasjonale NGO-ar har alle teke grep for å handtere situasjonen. Kyrkjer arbeider òg for å etablere menneskerettar, utdanning, helse og sysselsetjing, og  for å bringa Guds kjærleik og frelse til dalitane. Kyrkja har ein moglegheit til å vise at Kristi kjærleik gjeld for alle menneske, uavhengig av kaste, rase, språk, kjønn og økonomisk status.

Be om at kristne fjernar all kastediskriminering frå kyrkjene sine. 
Be for Dalit Freedom Network som utdannar kristne i spørsmål knytt til dalit-rettar og fridomar. Be om at dei skal lukkast. 
Be for kyrkja i India at ho skal vera vital og misjonal.
Be om at demokratiet i India skal fungera, og at folk sine menneskerettar skal bli respekterte.
Be om at Guds rike skal gå fram med stor kraft midt i aukande forfølging av kristne

Dagens unådde folk: Halwai i India

 

Folketal: 1,65 mill.

Språk: Hindi

Religion: Hinduisme

Kristne: 0,00%

Halwai er høgt respekterte i samfunnet pga dei gode søtsakene som dei lagar.

Gode Gud og Far! Du er den rette far for Halwai i India. Men enno kjenner dei ikkje deg, og eg ber: Gjer deg kjent for dei! Send visjonære og brennande misjonærar til dei som introduserer deg, dine sanningar, di kraft og din kjærleik for dei, og som gjev dei ditt livgjevande ord. Herre, dei treng å forstå at dei ikkje kan bli frelst gjennom gjerningar eller religiøs seremoniar, men berre ved å ta imot di frelse i Jesus Kristus som ei gåve. Aus Anden ut over dei slik at dei ser sine synder, og Jesus som frelsaren frå all synd, og løys dei frå hinduismens mange åndsmakter.

Må Halwaifolka få Bibelen på det eller dei språka som dei forstår best. Hjelp familiane å vera gode mot kvarandre, og eg ber om samhald, truskap og kjærleik i familiane.  Eg ber også om at alle vaksne skal leva edrueleg og ansvarleg. No ser eg fram til at Halwai skal bli innlemma i din familie, og at det skal etablerast ei levande og dynamisk Halwai-kyrkje som kan kan formidla deg til folket på ein kraftfull og truverdig måte. Amen!

Dagens unådde folkeslag: Gujjar i India med muslimsk bakgrunn

 

Kjelda til denne teksten er https://joshuaproject.net/people_groups/16879/IN

Dei muslimske gujjarane lever i Jammu, Kashmir, Himachal Pradesh og Uttaranchal.

Dei tel 1 144 000 menneske, og er nomadar. 
Språk: Gujari. 

Ingen kristne er registret i denne folkegruppa. 

Gode Gud og Far! Me ber i Jesu namn: Må ditt frigjerande ord nå fram til dei muslimske gujjarane i India, og må din Ande ausast ut over dei. Gje dei å forstå at dei er elska med ein evig kjærleik, og at dei ikkje kan bli rettferdige for deg ved lovgjerningar, men berre ved tru på Sonen din. Etabler kyrkja di i dette folket, og lat ho bli eit lys som syner gujjarane og andre indarar vegen heim til ditt hus. Amen! 

Gujarane i India

Folketal: 8 092 000. Primærspråk: Hindi. Mange er muslimar. Nokre er sihkar. Nesten ingen er kristne. 

Gujarane består av tre svært nært beslekta folkegrupper som er kjent samla som Gujar Rajasthani. Dei kjem frå Kshatriya (militær) kasten.

Dei held til i Afghanistan, Pakistan, og fleire statar i nordaustlege India (Himachal, Madhya Pradesh, Uttar Pradesh, Jammu, Kashmir, og Rajasthan). I tillegg er Gujarat-distriktet i vestlege India oppkalla etter dei historiske Gujar-folka.

Hindu Gujarar bur no i dei fleste av Indias nordlege statar: Delhi, Rajasthan, Haryana, Uttaranchal, Odisha og den sentrale staten Madhya Pradesh.

I dag lever dei fleste Gujarane i India som lovlydige gjetarar og bønder. Dessverre blir dei framleis sett ned på av dei høgare kastane (sosiale klassar) og ofte stempla som tjuvar og landstrykarar.

Gujarane som bur i fjellskogene i nordaustlege India held bøfler. Dessverre har den indiske regjeringa innført reguleringar på kor mange bøfler ein familie kan ha, og kor lenge dei kan bu i skogene. Dette har vore vanskeleg for Gujarane sidan dette er deira hovudinntektskjelde. Av denne grunn er desse nomadane stadig på jakt etter nye beitemarker for flokkane sine.

Gujar-kastane er breitt delt langs religiøse og geografiske linjer i to grupper: muslimske Gujarar og hinduistiske Gujarar. Muslimane er sesongnomadar som bur i vindaugslause, eittromshus under dei stillesittande vekstsesongane; medan hinduane er busette bønder som bur på same staden heile året.

Gujarane er delt inn i hundrevis av klanar. Samfunna deira er patrilineære, noko som betyr at arv blir overført gjennom mennene. Ekteskap blir vanlegvis arrangert av foreldra, og ein brudepris i anten kontantar eller bøfler blir betalt til jenta sin familie. Dei har lov til å gifte seg utanfor klanane sine, og unge par bur vanlegvis nær brudgommens foreldre.

Alle tre Gujar-gruppene snakkar Gujari, eit indo-arisk språk. Denne felles faktoren har hjelpt til å identifisere dei som ei distinkt undergruppe. Gujarane i Afghanistan snakkar også pashto og/eller dari, som er persiske språk (og blir snakka av tre fjerdedelar av den afghanske befolkninga).

Kva trur dei på?

Ein større prosentdel av Gujarane er hinduar, men det er også eit betydeleg tal muslimar blant Gujarane, samt eit mindre tal sikhar.

Kva er behova deira?

Gujar-folket i India har få om nokon sjansar til å høyre om den som tilbyr liv i overflod. Korleis skal dei høyre?

Bønneemne

Be Herren om å sende arbeidarar til India, Pakistan og Afghanistan for å dele Kristus med Gujarane.

Be om at Gud vil oppmuntre det vesle talet på Gujar-truande og gi dei ein visjon om å nå sitt eige folk.

Be Den Heilage Ande om å mjuke opp hjarta til Gujarane slik at dei vil vere mottakelege for evangeliet.

Dagens unådde folkeslag: Dhobi i India

Bilete: joshuaproject.net

Dhobifolket tel 13 770  000 menneske. 99,97% av dei er hinduar. 0,02% er kristne.  Dei snakkar hindi.  Dhobiane driv med klesvaskeri, og tilber dei gudane som dei til ei kvar tid meiner kan hjelpa dei med reint praktiske og økonomiske ting. Dei er veldig pragmatiske i trua si. 

Be om at 

dei skal få høyra evangeliet om Jesus,

dei skal bli opplyste av Den Heilage Ande,

under og teikn som stadfester evangeliet skal skje mellom dei,

dhobikyrkjer skal bli planta over heile India