Oslo

 

Oslo er landet sin hovudstad, og har eit innbyggjartal på 724290. Det er kraftig aukande. 

Mange av jobbane i hovudstaden er knytt til styre og stell av heile landet. Byen er vert for staten, Slottet, Stortinget og regjeringskvartalet er sentrale i bybildet, og rommar mange arbeidsplassar, og statsapparatet prear byen i stor grad. Dessutan er det eit yrande forretningsliv, ein god del industriproduksjon og masse kultur. 

Kyrkje og kristenliv: Her er dei aller fleste kyrkjesamfunn og organisasjonar representerte. DNK har  for sin del 38 sokn, men her finn me baptistar, pinsevener i mange fasongar, adventistar, metodistar, Frelsesarmeen, Frie evangeliske,  Frikirken, Normisjon og NLM, alle med store forsamlingar. 

Likevel er berre 2% av Oslo sin befolkning aktive kristne, og stadig fleire forsamlingar blir liberale i samlivsetikken og aksepterer homofilt samliv. Det legg eit betydeleg press på kristne i resten av landet til å vika av frå Herrens veg. 

Oslo har historisk sett vore eit senter for kristen vekking i Noreg. Både på starten av 1900-talet,  og i førkrigstida på 1930-talet var byen i stor grad prega av eit sterkt åndeleg liv. Stor menneskeskarar samla seg om Guds ord, og omvendingane var mange. 

I dag er byen ein multikulturell by med mange muslimske innvandrarar som bur på Grønland, aust i byen. Der er fattigdomen synleg, og levealderen nesten 10 år lågare enn vest i byen. 

Den siste tida har Oslopolitiet vore fullt opptekne av å stansa kriminelle gjengar som hyrer barn og unge til å utføre alvorlege brotsverk som drap, grov kroppsskade samt skade på eigedom, alt saman narkotikerelaterte brotsverk. 

Herre Jesus! Må du enno ein gong gjesta Oslo og ausa Anden din ut over dei som bur der. Landet vårt treng at du grip inn i hovudstaden i høve til alle som har styringsansvar, den store muslimske befolkninga og dei som er involvert i grov kriminalitet. Må du, Herre, ta kontroll over byen, opplysa kvart menneske med ditt ord og din Ande og bli dei til frelse. Takk for dei kristne i byen, og takk for alle kyrkjelydar og forsamlingar der ordet ditt vert forkynt sant og reint, og som erfarer vekst. Må det ta seg kraftig opp i tida som kjem. Me ber om ærlege, gudfryktige, heilstøypte, kloke og visjonære leiarar i byen, både innafor politikk, næringsliv og offentleg administrasjon. Gje politiet alt dei treng av ressursar for å løysa oppgåvene sine Me ber om at du vernar barn og unge mot usunn påverknad, negative og vonde krefter og alt som kan bli til skade for dei, og gjer deg kjent for dei. Me ber om gode, varme og stabile heimar fri frå rus og vald. 

Dagens unådde folkeslag: Purohit-brahminarar i India

 Folketal: 112000. Religion: Hinduisme

Utbreiing: Sjå kart frå joshuaproject.net 

Desse menneska satsar hardt på høgutdanning. Dei har ein høg arbeidsetikk, og er rekna for å ha høg kredibilitet. Men ingen av dei har nokon gong høyrt om Jesus. 

Be om at dette må skje no i næraste framtid, og at dei som presenterer Jesus og Guds frelse for dei gjer det på ein truverdig og sterk måte. Be om at Gud ved sin Ande skal løysa dei frå alle dei mektige åndene som bind dei til hinduismen sine løgner. 

Luster i Sogn i Vestland

 

Folketal: 5432
Kommunesenter: Gaupne

Næringsliv: Jordbruk, kraftproduksjon, turisme (store deler av Jostedalsbreen ligg i Luster), småindustri. 

Kyrkje og kristenliv: Den norske kyrkja har elleve kyrkjebygg og eitt kapell. To av kyrkjene er nesten 1000 år gamle. Kommunen har også 4 bedehus, dei fleste bygde tidleg på 1900-talet som eit resultat av Haugevekkinga på 1800-talet som fekk eit kraftig nedslag i dette området. Denne vekkinga var gjennomgripande (berre lensmannen og presten var uberørte, vert det sagt), og sette varige spor i bygdane, og mange av haugeianarane vart samfunnsleiarar. 

Gode Gud! Sjå i nåde til alle som bur i Luster i dag, og lat dei få møta Jesus på ein så levande måte at dei tek imot han som den gåva frå himmelen han er til og for oss alle. Må dei truande i kommunen vera åndsfylte og tydelege i sitt kristne uttrykk, personar som det lyser Jesus av, personar med ryggrad og kristen karakter, folk som er til å stola på. Velsign Luster med gode leiarar på alle nivå, ta vare på dei unge slik at dei ikkje rotar seg bort i rus, kriminalitet eller seksuelle synder. Styrk samhaldet i heimane slik at dei held saman i gode og vonde dagar, og lat dei vera prega av varme og glede. 

Må vekkinga gripa tak i lustringane enno ein gong, og lat det veksa fram nye kyrkjelydar i kommunen der Guds ord blir forkynt klårt og reint, og der nye kristne kan finna seg heim der dei kan veksa i nåde og kjennskap til Jesus. Amen! 

To kristne drepne i attentat mot kyrkje i Nigeria

 Søndag 7. desember gjekk væpna angriparar inn i St. Andrews anglikanske kyrkje i Isiokwe i delstaten Anambra, medan presten og andre kyrkjegjengarar førebudde seg til morgongudsteneste. Det vart sagt at gjerningsmennene leita etter presten i kyrkja, som heldigvis klarte å rømme i sikkerheit. Men prestekona og eit anna kyrkjemedlem vart tragisk nok skotne og drepne, medan fleire andre kyrkjegjengarar vart såra under den vilkårlege skytinga.

Angriparane forårsaka òg betydelege eigedomsskadar, ved å setje fyr på delar av kyrkjebygget, køyretøy og andre eigedelar. Prestebustaden vart fullstendig øydelagd i brannen. Sjølv om gjerningsmennene framleis er uidentifiserte, har politiet starta ei etterforsking og sterkt fordømt valdshandlinga.

Statens politimeister skildra hendinga som ei "avskyeleg og avskyeleg handling" som er "eit alvorleg angrep på våre felles verdiar om fred, livets ukrenkjelegheit og fridom til å tilbe." For å sjå andre rapportar om forfølginga av våre kristne brør og systre i Nigeria, gå til vår landrapport.

Be om at "all trøysts Gud" vil trøyste og styrkje alle som sørgjer over tapet av desse to truande (2 Korintarane 1:3). Be Herren om å bringe varig endring til Nigerias tryggleikstilstand i det komande året, og gje sitt folk fridom til å tilbe i tryggleik og fred.  Be også om at alle truande over heile landet må halde fram med å nå ut med evangeliet om Jesus til kvart lokalsamfunn, den einaste bodskapen som kan gje menneska eit evige håp.

Idretts-Noreg i sjokk og sorg

 Meldinga om at skiskyttar Sivert Guttorm Bakken (27) vart funnen død på hotellrommet sitt i Italia i dag tidleg, har rysta heile Noreg. Han var på treningssamling med landslaget. Det vekker opp minner og kjensler me hadde då symjaren Aleksander Dale Oen døydde heilt overraskande for 13 år sidan. At tilsynelatande friske, unge og veltrente menn brått døyr, er umogeleg å venja seg til. 

Far i himmelen! Sjå i nåde til den næraste familien til Sivert Guttorm Bakken. Kom til dei med trøyst og styrke, og minn dei på at dei kan venda seg til deg med si sorg. Må alle som er berørt av dette ubegripelege dødsfallet kalla på namnet ditt, sørga for ditt andlet, finna håp i deg og hos deg, og eg ber om at dødsårsaka må avklarast raskt, slik at alt som kan falla på plass fell på plass. Amen! 

Årdal i Vestland

 

Folketal: 5213

Kommunesenter: Årdalstangen

Næringsliv: Industri og kraftproduksjon.

Kyrkje og kristenliv: Den norske kyrkja er det einaste kyrkjesamfunnet som er registrert i Årdal. 

Gode Far! Driv arbeidsfolk ut til din haust i Årdal. Aus Anden din ut over alle som bur der, og gje dei ei djup forståing av at du finst, at dei er skapte av deg, og for deg, at dei er elska og at dei treng å bli frelst frå sine synder. Styrk og forny dei truande som alt bur der, og hjep dei å leva som sanne disiplar. Velsign kommunen med gode og rettsindige leiarar, og med godt fungerande institusjonar. Vern barn og unge mot alt og alle som kan forføra og skada dei. Me ber i Jesu namn. Amen! 

Kronprinsesse Mette Marit

 

Bilete: Pinterest

Kronprinsesse Mette Marit har slite med lungefibrose i sju år. 

No har sjukdomen forverra seg munaleg, og det er snakk om lungetransplantasjon. 

Gode Gud! Me ber i Jesu namn om lækjedom for kronprinsesse Mette Marit. Må di kraft koma over henne, og din Ande reinsa lungene hennar for arrvev. Me ber også om at ho skal få styrke til å bera alle dei påkjenningane og all den smerten som er blitt lagt på henne dette siste året. Amen! 

Lærdal i Vestland

Folketal: 2188.  Synkande
Kommunesenter: Lærdalsøyri

Næringsliv: Jordbruk, turisme og kraftproduksjon. 

Kyrkje og kristenliv: DNK er den einaste aktøren. Borgund stavkyrkje, den største i sitt slag, er å finna i Lærdal. 

Gode Gud og Far!

Me ber i dag om at lyset frå Jesus skal lysa opp alle som bur i Lærdal. Kom til dei med tru, frelse, framtid og håp. 

Reis opp sterke, varme og ekspanderande kristne fellesskap i kommunen.

Styrk dei kristne som bur der med din Ande. Må dei leva i deg, Herre, bli fornya i trua, sjå tinga slik du ser dei og ha klart for seg dei måla du har for liva deira. Amen! 

Terror mot jødar i Australia

Allmektige, gode Gud! Sjå i nåde til alle i det jødiske samfunnet i Australia som i dag vart utsette for terror under feiring av Hanukkah. Trøyst dei som sit i botnlaus sorg, og læk dei som ligg kritisk skadde på sjukehus. Beskytt ditt folk i alle verdas land mot terror og urett.

Terroren fann stad på Bondi Beach utanfor Sidney, og vart gjennomført av 

Aurland i Vestland

 

Aurland dekkjer eit stort areal, men er liten i folketal. Berre rundt 1800 innbyggjarar. Det er ein fejllkommune der gjennomsnittshøgda er 900 meter. Kommunesenteret er Aurlandsvangen. 

Næringsverksemd: Jordbruk, turisme, kraftproduksjon, hyttefelt.

Kristen og kyrkjeliv: DNK er dominerande med fire kyrkjer med ein lang og minnerik historie. Elles er det lite å spora opp. 

Gode Far!

Du har oversikten over kor mange barn du har i Aurland. I dag ber me om at alle som bur i denne kommunen skal få eit møte med deg gjennom frimodige kristne som deler vitnemålet sitt med dei. Må du lat det gå alle som bur i Aurland godt. Sørg for varme og samhald i heimane, gode skular og eit fungerande helse og rettsvesen. Og me ber om at også Aurland skal vera eit rusfritt samfunn, at barn og unge ikkje skal bli forførte av ideologiske løgner. Amen! 

Ukraina

 Gode Gud og Far! I dag ber me om at Ukraina skal halda fram som ein suveren, sjølvstendig nasjon. 

Me ber om at Russland skal lida nederlag på slagmarka og bli tvinga på retur. 

Me ber om at forsvarsleiinga skal finna gode strategiar for å lukkast i krigen.

Me ber om at Ukraina skal støttast av alle vestmaktene, inkludert USA

Me ber om at Ukraina skal vera ein nasjon av truande menneske som hyllar Jesus og held hans bod. 

Me ber om at du skal reinsa nasjonen for korrupsjon. 

Me ber om styrke og stor visdom til presidenten, og til resten av den politiske leiinga

Me ber om lækjedom for dei skadde, om effektiv vern av sivilistar og av sivil infrastruktur, me ber om at landet skal koma seg på fote att. Ta deg av alle enker og farlause, etter ditt ord. Amen! 

Sogndal

 

Kart: snl.no

Innbyggjartal: 12496 Kommunesenter: Sogndal

Næringsliv: Jordbruk, fruktdyrking, skogsdrift, næringsmiddelindustri (Lerum), slakteri og kjøtproduksjon, vasskraft, handel, utdanning (Høgskulen på Vestlandet), reiseliv og turisme.

Kyrkje og kristenliv: DNK har 3 soknekyrkjer, og det aller meste av kristen aktivitet er knytta til desse kyrkjene. SIM (Sogndal indremisjonsforsamling) driv godt i eit sentralt bygg som ser ganske nytt ut. Dette er meir som ei familiekyrkje med 150-200 medlemmer, vakse fram i all hovudsak på 2000-talet. Likeeins er det eit meir tradisjonelt bedehus i Fardalen, men dette ser ut til å ha låg betydning i dag. 

Takk Gud for alle i Sogndal som kjenner deg, og som lever for Jesus. Me ber om vekking og vekst i kommunen, og stadig framgang for ditt ord og ditt rike. Gje dei truande inngang i alle typar miljø, og kanskje særleg mellom alle studentane. Me ber om nytt åndeleg liv i Fardalen bedehus. Velsign Sogndal med rettsindige og kompetente leiarar, og må kommunen vera ein god plass for barn og unge å veksa opp i, og må heimane vera stabile og dei vaksne leva edruelege liv. 

Me ber om høg næringsaktivitet, og god skatteinngang. Amen! 

Budsjettkaos

 Det er budsjettkaos på Stortinget. 

Regjeringa slit med å få fleirtal for noko som helst. 

Mi bøn er slik: 

Gje Senterpartiet audmjuka seg og gå over til borgarleg side slik at me kan få regjeringsskifte, og hjelp FrP til å leggja bort konfrontasjonslinja si andsynes Sentrepartiet og bli eit godt samarbeidsparti. Og hjelp også Venstre og Høgre til å venda attende til sine gamle kristne røter slik at dei kan samarbeida godt med KrF. Amen! 

Ja, ja. Det er ikkje lett på borgarleg side heller. Men dette er pri 1 for meg. 

Hot spots

 Gode Gud!

Sjå i nåde til alle som er råka av storbrannen i Hong Kong. Må innesperra mennesker koma seg trygt ut. Hjelp og beskytt brannmannskapa. 

Redd liva til dei to soldatane frå Nasjonalgarden som vart kritisk skadde i ei skotveksling i Washington DC i dag. Amen! 

Tyrkia

 

Folketal: 87 685 426

Hovudstad: Ankara

Språk: Tyrkisk

Lokaler språk: 76 (Kurmanji blir snakka av 11 millionar kurdarar)

Folkegrupper: 85

Religion: Islam

Kristne: 0,2%

Evangeliske: 0,0% (6000+)

57 folkegrupper er unådde.

52% av befolkninga har aldri høyrt noko om Jesus

Dei øydeleggjande jordskjelva i februar 2023 var dei verste i Tyrkia på 1500 år. Rundt 50 000 menneske døydde. At jordskjelva skjedde om vinteren auka lidinga for dei overlevande. Bokstaveleg talt millionar av bygningar vart øydelagde eller skadde, og hundretusenvis av menneske vart heimlause. Mykje av øydelegginga skjedde i avsidesliggjande område; å få hjelp til desse samfunnene er no endå meir vanskeleg. Mange av bygningane oppfylte ikkje tryggleiksstandardane på grunn av korrupsjon som gjorde at utbyggjarar kunne bestikke tenestemenn og omgå krav. Å gjenoppbygge både den fysiske infrastrukturen og tilliten til korrupte politiske leiarar vil ta år eller til og med tiår – traumet av tap vil bli verande hos mange heile livet. 

Be om at Gud kan bruke denne tragedien til å bringe gjennombrot til område som lenge har vore motstandsdyktige mot det gode bodskapet. 

Be om at kristne kan fortsette å strøyme inn i området med hjelp, assistanse, medkjensle og nåde medan dei elskar og tener folket i denne regionen – i ekte samarbeid med og teneste for den lokale Kristi kropp. 

Be om at slik audmjuk og generøs kristen teneste og vitnesbyrd kan vere til stades for den lange vegen av gjenoppretting, og at mange hjarte vil respondere på desse demonstrasjonane av Kristi kjærleik.

Be for flyktningar og migrantar i Tyrkia. Mange iranarar flykta frå vald og islamsk ekstremisme under revolusjonen i 1979. Dette vart følgt av over ein million kurdarar under Gulfkrigen i 1991. Millionar fleire flykta til Tyrkia frå Syria og andre stader under borgarkrigen og migrantkrisene på 2010-talet. Tyrkia har dei siste åra husa fleire flyktningar enn noko anna land i verda. Store tal migrantar kjem frå Sør-Asia, andre delar av Midtausten, og no Russland og Ukraina. Dei viser seg å vere ganske opne for evangeliet. Det er svært mogleg at det er fleire flyktningar enn etniske tyrkarar som følgjer Jesus i Tyrkia. Eit aukande tal av desse ber om at Gud skal bruke dei som vitne i vertsnasjonen. Be om at Gud gjennom iranarar, syrarar, afghanarar og andre kan leie mange tyrkarar til å kjenne han.

Pris Herren for den sakte, men jamne veksten mellom dei kristne i landet. Tyrkiske og kurdiske truande var truleg rundt 10 i 1960, men steig til rundt 4 000 i 2010. Talet i dag ligg mellom 6000 og 33000, alt etter kva kjelder me brukar. Mange håpa på eller forventa større vekst av kyrkja. Men sjølv om talet er lite, vart dei truande sterkare og meir modne. Det er eg sett med eigne augo i Antalia. Veksten på 1990- og tidlege 2000-talet avtok då dei truande møtte åndeleg, juridisk og kulturell motstand. Det har vore mykje baktale av og vondsinna ryktespreiing om dei kristne frå statsstyrte medier. 

Be om at dei dei truande skal setja mot i kvarandre, ikkje la seg deppa men halda fram med evangeliseringa og kyrkjeplantinga! 

Samstundes er det ei merkbar vending til Kristus blant migrantar frå Iran, Irak, Afghanistan og andre stader som er flyktningar i Tyrkia. Sjølv om teneste til tyrkarar og kurdarar blir nøye overvaka, ser det ut til å vere større fridom til å tene Jesus mellom desse flyktningane. 

Be om at den vekkinga me ser tendensar til mellom flyktningane i Tyrkia skal breia seg til tyrkarane i landet. Be om at Kristus skal sigra i folks liv, og islam mista grepet. 

Be spesielt for dei 60 000 armenske kristne som er att i Tyrkia, at dei skal finna fram til ei frigjerande tru på Jesus Kristus som Herre og frelsar.  

Frå 1915 til 1917 vart armenarane, saman med assyriske kristne, utsette for eit forferdeleg folkemord då tyrkiske styresmakter drap kanskje så mange som 1,5 millionar armenarar og 700 000 assyrarar. Det er uhyggjeleg å lesa om. 

Vik i Vestland (Sogn)

 

Innbyggjartal: 2550. Kommunesenter: Vikøyri

Næring: Jern-og metallvareindustri, møbel-og trevareindustri, næringsmiddelindustri, jordbruk, fruktdyrking, kraftproduksjon. 

Kyrkje og kristenliv: I Vik ligg ligg den nest eldste stavkyrkja i Noreg. Den eldste krossen som arkeologane har funne i landet, fann dei rissa djupt inn i ein kleberstein i Vik. Denne er frå førkristen tid og låg i ei vikinggrav. 

I dag er nesten all kristen aktivitet er knytta til DNK. Det er fire bedehus i kommunen, men aktiviteten der er minimal. Dei har sett betre tider. 

Gode, allmektige Gud! 

Det ser ut for oss som om Vik i Sogn treng eit besøk av deg, og det ber me om at du skal spandera på dei. Folka der treng å bli kjent med Jesus. 

Legg Vik på hjarta til bønnefolka dine, og driv nokre av dei ut til din haust i denne kommunen, og må det bli planta nye levande kyrkjelydar og forsamlingar der. 

Velsign familiane i Vik med godt samhald, og verna barna og dei unge mot alt som kan skada dei på kropp, sjel og ånd. 

Velsign også næringslivet i Vik både på kort og lang sikt, og lat innbyggjarane i kommunen nyta godt av gode leiarar. 

Amen! 

USA sin president fell Ukraina i ryggen og flørtar med terroristen i Kreml. Her er ei bøn til Himmelens Gud!

 Ja, gode allmektige Gud! Ukraina er inne i ein lagnadstime, og eg ber om at DU, i DIN stordom skal frelsa dei frå fienden og beskytta dei mot rakettane og dronene hans. Stopp terroristen i Kreml, styrk dei ukrainske soldatane på slagmarka, driv dei fientlege styrkane attende, og dra ukrainarane sine hjarto til deg. Minnar deg, Gud, om Salme 5 der dette blir sagt om deg at du er ein Gud som ikkje toler urett, at ingen vonde får bu hos deg, at dei hovmodige ikkje får stiga fram for dine auge, at du hatar alle som gjer vondt, gjer ende på dei som talar løgn, og at du avskyr drapsmenn og svikarar. Når Ukraina sine vener sviktar, Gud, syn deg trufast mot dette landet, og lat DIN plan for landet vera den som gjeld. I Jesu namn! Amen!

 

 

 

 

Høyanger kommune

 

Innbyggjartal: 3894

Kommunesenter: Høyanger

Næringsliv: Metallindustri (aluminium), bildelindustri, oppdrett, jordbruk og kraftproduksjon. 

Kyrkje og kristenliv: DNK ser ut til å ha fem kyrkjer, men nettsida deira er mangelfull. Høyanger har også eit stort bedehus som vart bygd i 1928 som visstnok er i ein svært dårleg forfatning både utvendig og innvendig. Dei som driv dette huset har ei FB-side med litt informasjon som syner ein del sosiale aktivitetar. Indremisjonen vil kvitta seg med dette bedehuset. Det ser ikkje ut til at det føregår forkynning av Guds ord der lenger. 

Troens Tabernakel i Vadheim er ein kyrkjelyd som ein gong vart skipa ut frå den amerikanske vekkingspredikanten William Branham sine møter i Noreg og Sverige. Nettsida deira har mykje om Branham og hans teneste og forkynning, men har ikkje noko om kva dei held på med i Høyanger. Eg prøvde forresten å ringa dei, men telefonnummeret var "ugyldig". Og mailadressa deira eksisterer heller ikkje. 

Alt i alt ser det for meg ut til at Høyanger er litt av ei misjonsmark. 

Gode, allmektige Gud! Det står for meg som om folk i Høyanger i all hovudsak ikkje kjenner Jesus, og at dei sjeldan får høyra Guds ord forkynt. Difor ber eg no om at dette skal endra seg, at du, som eig hausten, skal senda arbeidsfolk ut til din haust i denne kommunen. Må du, gode Heilage Ande, bli aktiv overfor dei som bur i Høyanger slik at dei blir oppmerksame på at Gud finst, at du har skapt dei, at du elskar dei, at du sende Jesus for å frelsa dei og at dei må tru på han for å bli frelst og ha framtid og håp. 

Vidare ber eg om at Høyanger må vera velsigna med gode og rettsindige leiarar på alle nivå, at industrien alltid skal ha nok arbeidsoppdrag, at barn og unge skal ha gode oppvekstvilkår, at innbyggjarane skal vera skjerma for kriminalitet, at alle gravide skal bera fram barna sine, at dei unge skal vera skjerma for kjønnsforvirrande påverknad og at Høyanger skal vera eit rusfritt samfunn. Amen! 

  

Dagens nasjon: Togo

 

Kart: Operation world

Kjelde: Operation World

Togo har rundt 10 millionar innbyggjarar. Hovudstad er Lomè. Landet er i prinsippet ein republikk med parlamentarsik demokrati, men i realiteten har landet vore styrt av eit familiedynasti i 50 år. Det er ein djup konflikt mellom folk i nord og sør. 45% av befolkninga er kristne. Dei fleste katolikkar. 10,7% er evangeliske. Fattigdomen er stor. 300 000 barn er foreldrelause. Mange kvinner livnærer seg gjennom prostitusjon.

Offisielt språk er fransk. Lokale språk: 43. Folkegrupper: 56. 8 av dei er unådde.  

Be om at dette landet skal få nye leiarar som fryktar Gud og har folket sitt beste for auga.

Be om vekking og fornying i alle lokale kyrkjelydar. Det har stagnert sidan 1990. 

Be om ein klar misjonsvisjon for landet hos dei kristne, og særleg hos leiarane

Be om einskap mellom dei kristne

Be om vekking over heile landet, og i alle folkegrupper

Be om av naudsynte bibeloversettingsprogram skal setjast i gong

Be om ein kraftig moralsk opprustning av folket

Be om at prostitusjonen skal ta slutt

Be om at foreldralause skal få seg heimar å bu i.

Be om gode skular for barna, og utdanningsprogram for dei unge.

Be om eit oppegåande helsevesen

Dagens unåddefolkeslag: Jemenittar i USA

Det er 105 000 av denne folkegruppa i USA. Dei er alle muslimar. Deler av Bibelen er tilgjengeleg på deira arabiske dialekt. 

Dei første jemenittane som slo seg ned i USA gjorde det mellom 1870- og 1890-åra. Nokre fekk statsborgarskap ved å kjempe i første og andre verdskrig. Ein finn mest sannsynleg jemenittar i Detroit, Buffalo eller i Central Valley i California. Dei fleste jemenittiske menn arbeider lange dagar for å forsørgje familiane sine. Jemenittiske kvinner i USA oppdrar barn og held hus. Nokre amerikanskfødde jemenittiske døtrer rømmer heimanfrå for å søkje fridom frå den tradisjonelle jemenittiske livsstilen. Kristne kan bli brukte av Gud til å nå desse såra familiane, men få amerikanarar er villige til å nå dei unådde i deira nærleik.

Hindringar
Sjølv om dei varierer når det gjeld stammelojalitet, er jemenittar einige om sin truskap  til det islamske religiøse systemet. Difor er det få, om nokon, som har sett si lit til Jesus Kristus, uansett kvar dei bur.

Bøn
Be om at denne folkegruppa skal begynne å søkje Guds visdom som finst i Hans ord.
Be om at Kristi vellukt skal lækje jemenittiske familiar i USA.
Be om ei rørsle mot Kristus blant dei.
Be om at små, utvida familieheimfellesskap skal mangedoble seg i USA.
Be om fred i Jemen som vil la jemenittisk diaspora vende heim.
Be om at Herren skal bruke ustabiliteten i Jemen til å hjelpe muslimske jemenittar å forstå deira behov for ein rettferdig frelsar.
Be om visdom til å nå inn til hjarto til desse menneska, ut frå Jakob 1:5:

"Om nokon av dykk manglar visdom, skal han be til Gud, som gjev villig til alle utan vonde ord, og han skal få." 

Kjelde: joshuaproject.net

Liberisk pastor arrestert og rettsforfølgd for å føra muslimar til tru på Jesus

 

Ein pastor i Liberia står overfor pågåande juridiske utfordringar etter ein konflikt med muslimske samfunnsmedlemmer om verksemda hans. Ifølgje ei lokal kjelde byrja situasjonen i 2023 då Pastor Sylvester leia to personar til tru på Kristus. Etter konverteringane har han blitt skulda av motstandarar for å preike mot islam, be høglydt og spele musikkinstrument tidleg om morgonen.

Kyrkjeleiaren vart arrestert i slutten av oktober. Sjølv om han først vart sleppt fri av politiet, overtydde aktor retten om å fengsle han igjen. Sidan då har Pastor Sylvester og familien hans opplevd helseproblem på grunn av mangel på mat og andre grunnleggjande nødvendigheiter. På tidspunktet for publiseringa av denne rapporten er dei offisielle skuldingane mot den truande uklare. Den 18. november bad den kristne advokaten som er hyra inn for å hjelpe med forsvaret av pastoren om meir tid til å studere saka. Neste høyring er planlagd til å finne stad den 24. november.

Ver venleg å be for Pastor Sylvester og den bekymra familien hans i denne vanskelege tida. I tillegg til å møte deira daglege praktiske behov, be Gud om å gje dei fornya åndeleg styrke, oppmuntring og fred. Må Herren også gripe inn i den juridiske prosessen – gje den kristne forsvarsadvokaten den nødvendige visdommen og rettleiinga – slik at den fengsla pastoren kan bli sett fri. Be på vegner av alle Jesu etterfølgjarar i Liberia medan dei prøver å byggje gode relasjonar med sine muslimske naboar og leve ut trua si i fred.

Kjelde: Voice of the Martyrs, Canada

Lydfil for dei siste innlegga

 https://open.spotify.com/episode/3kea74afWd8SL72Vy2H4cQ?si=a16bbc1fb9a14836

Dagens unådde folkeslag: Muslimar i Thailand

 

Foto: Pinterest

Det er 1 363 000 muslimske thaifolk. 

Det har vore lite fokus på desse menneska frå kyrkja si side, og få av dei har høyrt om Jesus som frelsar Herre og Gud. 

Be om at Jesu namn må bli kjent i kvar einaste muslimsk thailandsby. 

Be om at leiarane deira begynner å hungra og tørsta etter rettferd.

Be om at dei må finna fram til Jesus som døra inn til Gud. 

Be om at det må renna ein straum av velsigning over dei muslimske thaifamiliane

Be om at Jesu etterfølgarar må ta mot til seg og planta kyrkjelydar i alle landsbyar med muslimsk dominans

Thailand

Folketal: 71,6 million. Hovudstad: Bankok. Statsform: Kongedøme med parlamentarisk demokrati Religion: Buddhisme. Kristne: 1,1%. Evangelisk kristne: 0,5%  Hovudpråk: Thai. Lokale språk: 84. 

Thailand betyr "Det frie landet", som myntar på at landet aldri var underlagt ei vestleg kolonimakt. Likevel er thailendarane ikkje så lite undertrykte av åndsmakter knytta til buddhisme, tradisjonalisme, fedredyrking og okkultisme. 

Landet har ein konge som blir æra som ein gud. Han er eit sterkt nasjonalt symbol. Poloitikken er labil. Med jamne mellomrom bryt alt saman. Då tek militæret over, og langsamt vender dei attende til normale tilstandar. 

Korrupsjonen i Thailand er skyhøg. 

Prostitusjon og menneskehandel er ein uverdig ting, og ein stor skamplett. Trass i at sexhandel er ulovleg, er 2,8 millionar menneske involvert i dette. Av desse er 2 millionar er kvinner. 800 000 prostituerte er barn under 18 år. Det er forstemmande å tenkja på at dette er ein "marknad" for vestlege menn. Fattigdom er nok ein av årsakane til prostitusjon, men prostitusjonen sementerer også fattigdomen. 

1,3 millionar thaifolk er avhengig av metamfetamin. Det er ei stor ulukke for den enkelte, for familie og samfunn. 

I sommar var det trefningar på grensa mellom Thailand og Kambodsja. 

Økonomien i landet er sterk og stabil. Gradvis overtek den eksportretta industrien for jordbruket som økonomisk viktigaste næring. Turismen er ein god nummer tre. 

IMI-kirken i Stavanger jobbar mykje med kyrkjeplanting i Thailand gjennom Agenda 1 programmet sitt. Dei melder om god vekst, og at Guds kraft pregar det som skjer i denne misjonen

Takk Gud for alle som kjem til tru kvar dag i Thailand, og for alle nye kyrkjelydar.

Be om at evangeliet skal bli forkynt over heile landet, og at det må plantast kyrkjelydar i alle dei 80000 landsbyane. 

Be om at løgnene i buddhismen må avslørast for folk, og at sanninga i Jesus skal lysa for alle. 

Be om at dei nye kristne vert innlemma i fellesskap, at dei blir grunnfesta i Guds kjærleik og Guds ord. 

Be om at dei må veksa i nåde og kjennskap til Jesus, og bli tydelege og frimodige Kristusvitner i kvardagen sin. 

Be om at heile nasjonen må overfløymast av Guds lys, og at Den Heilage Ande skal ausast ut over alle menneske. 

Be om at under og teikn må følgja dei som trur. 

Be om at korrupsjon må avslørast, påtalast og straffast.

Be om politiske leiarar med moralsk integritet og styringskompetanse.

Be om at kvinner skal koma seg ut av fattigdom, prostitusjon og rus, og at lovgjevinga mot menneskehandel skal handhevast. 

Be om varig fred på grensa mellom Thailand og Kambodsja

 

Martyrkyrkja. Iran: Fengsla kristen kvinne nekta medisinsk behandling etter å ha brote ryggen.

Aida Najaflou

Denne artikkelen er forfatta av Article 18. Omsett av KI. 

Ein kristen konvertitt halden i Evin-fengselet i Teheran fekk ikkje tilstrekkeleg medisinsk hjelp etter å ha fått eit brot i ryggraden frå eit fall, rapporterte den London-baserte rettsgruppa Article 18.

Article 18, som fremjar religionsfridom i Iran og dokumenterer forfølginga av kristne konvertittar, sa at Aida Najaflou, 44, fall frå øvste køya si tidleg den 31. oktober og fekk eit brot i T12-ryggvirvelen.

Ho vart teken til Taleghani-sjukehuset for røntgen, men returnert til fengselet same dag på ei båre, framleis i store smerter og utan den operasjonen legane tilrådde.

Protestar frå medfangar førte seinare til at styresmaktene overførte henne til Shahid Tajrish-sjukehuset, der legane igjen tilrådde akutt operasjon og fysioterapi.

Trass i dette, sa gruppa at Najaflou framleis er i fengsel utan skikkeleg medisinsk behandling.

Najaflou, som lid av revmatoid artritt, hadde gjentekne gonger åtvara fengselsstyresmaktene om at det var utrygt å klatre til øvste køya, men førespurnadene hennar om ei lågare seng vart ignorerte.

Ho var framleis i ferd med å komme seg etter ein ni timars operasjon då agentar frå etterretningsdepartementet arresterte henne i februar, og ho har blitt nekta tilstrekkeleg pleie gjennom heile varetektsperioden, inkludert under 65 dagar i isolasjon i avdeling 209 i Evin-fengselet.

Article 18 sa at ho framleis er bak lås og slå fordi familien hennar ikkje har råd til kausjonen på 130 000 dollar som vart sett for henne i mai, ein del av eit breiare mønster med tunge kausjonsvilkår pålagde kristne fangar.

Som eit anna døme sa gruppa at den iransk-armenske pastoren Joseph Shahbazian vart sleppt fri etter ein månad berre etter å ha betalt 50 000 dollar i kausjon.

Under iransk lov er berre etniske armenarar og assyrarar fødde inn i kristendommen anerkjende som kristne. Konvertering frå islam er forbode.

I følgje den USA-baserte rettsgruppa Human Rights Activists in Iran (HRANA) har rundt 11 prosent av offera for brot på rettane til religiøse minoritetar i Iran det siste tiåret vore kristne, særleg konvertittar.

Najaflou blir straffeforfølgt i ein islamsk revolusjonsdomstol saman med to andre kristne konvertittar, Joseph Shahbazian og Nasser Navard Gol-Tapeh.

Dei vart tidlegare i år sikta for samling og samansverjing og propaganda mot Den islamske republikken Iran over vanlege kristne aktivitetar som bønnemøte og dåp, ifølgje Article 18.

Article 18 sa at Najaflou også står overfor to tilleggssiktingar — propagandaverksemd mot Iran i cyberspace og propaganda til fordel for grupper som er motstandarar av Iran — over påståtte innlegg på sosiale medium som støtta protestane i 2022 som braut ut etter dødsfallet til ei ung kvinne, Mahsa Jina Amini, i moralpolitiets varetekt.

Ho er også skulda for å ha kritisert den drepne Hezbollah-leiaren Hassan Nasrallah på sosiale medium.

Be om lækjedom, fridom og rettferd for Aida Najaflou.

Be om at alle kristne som sit i fengsel i Iran må få nyta godt av Jesu trøyst og omsorg, og at dei alla skal få erfara rettferd og fridom.

Be om at regimet i Iran må falla, og at landet må få erfara fridom, demokrati og respekt for grunnleggjande menneskerettar. 

Be om at vekkinga i Iran må auka i styrke og breia seg til alle provinsar

Dagens unådde folkeslag: Zhirazi i Tanzania

 

                                                                   Kart: joshuaproject.net

Folketal: 760 000. Språk Swahili. Religion: Islam. Kristne: 0,00%. Bibelen og Jesusfilmen føreligg på swahili. 

Namnet Shirazi blir brukt av nokre afrikanarar som identifiserer arven og ætta si med den gamle persiske provinsen Shiraz. Ifølgje legenden hadde ein prins frå Shiraz eit mareritt som han tolka som at vondskap snart ville øydeleggje han, så han la ut på reise og landa til slutt på Zanzibar, ei øy utanfor kysten av Tanzania. Shirazi reknar seg somme tider som ei eiga etnisk gruppe frå swahili, sjølv om Swahili er morsmålet og handelsspråket deira. Bibelressursar er tilgjengelege på swahili. Utbreidd fattigdom plagar Shirazi. For dei som er villige til å reise, treng Shirazi støtte innan utdanning, lese- og skriveferdigheiter, medisin, vassbrønnar og jordbrukskunnskapar.

Shirazifolket er synkretistar. Dei blandar islam med animisme og trolldom. Begge deler fører lett til åndsbesettelse. 

Be om at Gud sender ut velutrusta misjonærar som har forstand på å setja folk fri frå djevelske ånder som plagar dei. 

Be om at Shirazi skal forstå og omfamne at Jesus vil velsigne familiane og nabolaga deira. 

Be om at Herren skal opne hjarta til Shirazi-familieleiarane slik at dei kan oppleve Guds velsigning gjennom bibelstudium (som det er mange av på swahili). 

Be om at Den Heilage Ande skal dra mange til å ta eit trussteg og omfamne Kristus. Be om at truande i nærleiken, i Tanzania og Kenya vil nå ut til Shirazi.

Tanzania

 

Kart: Britannica

Folketal: 70,6 millionar. Hovudstad: Dar es Salaam. Styresett: Republikk. Språk: Swahili.  54,1% er kristne. 17.1% evangeliske. Eit stort kyrkjeplantingsprosjekt resulterer i stor vekst for alle kyrkjesamfunn. 

• Be om at Guds herlegdom skal dekka heile landet slik havet dekker havbotnen, at kyrkjer blir planta og evangeliet blir forkynt i alle byar og landsbyar. 
• 51 språk har ingen bibel. 32 berre deler av han. Be om at oversettingsarbeidet skyt skikkeleg fart. 
• Korrupsjonen er ekstrem. Be om at alle som er posisjone til å grava til seg sjølv skal få ei djup forståing av at Gud vil halda dei ansvarlege for alle former som bedrageri. 
• Be om politiske leiarar med gudsfrykt og høg moralsk integritet.
• Be om eit rettferdig lovverk, og eit godt fungerande rettssystem
• Be om at evangeliet skal bli forkynt for den forsømte muslimske befolkninga langs kysten og på den gamle slaveøya Zansibar. Dei muslimske folkegruppene her veks fort. 
• Tanzania har ein ung befolkning. Be om gode opplæringsprogram retta mot barn og unge. 
• Halvparten av befolkninga tilhøyrer ei kristen kyrkje. Men berre 8% er aktive kristne. Be om at nye kristne må bli skikkeleg disippelgjort, ført inn i fellesskapet, inspirerte til å leva for Jesus og utrusta til å leva misjonale liv. 

Sør- Sudan

 

Kart: Britannica

Sør-Sudan vart etablert 9.juli 2011, og er verdas yngste nasjon, og kanskje også den fattigaste. Hovudstad: Juba. Nasjonen vart fødd som eit resultat av mange års krig for sjølvstende frå Sudan og regimet i Khartoum, men har sidan 2013 vore til dei grader prega av borgarkrig. Dette er i stor grad ein etnisk konflikt mellom dinka og nuer. 

62,3% av befolkninga er i følgje Operation World  kristne. Halvparten av dei er evangeliske. Men det pregar i liten grad samfunnslivet. Storparten av kvinnene i landet har vore utsette for seksuelle overgrep, og alle familiar lid under effekten av vald og terror. Utdanningsnivået er lågt, og analfabetismen skyhøg. Berre 2% har tilgang til reint vatn. Og me kan jo berre tenkja oss kva dette har å seia for dei sanitære tilhøva folk må leva under. 33% får aldri eta seg mette. Hungeren er kronisk. 

Gode Gud og Far! Me ber om 

• at djevelens makt skal brytast over Sør-Sudan,
• framgang for evangelieti i alle folkegrupper, 
• at nye kyrkjelydar skal plantast over heile landet
• djuptpløyande forkynning og undervisning i alle kyrkjer
• oppgjer med gamle gudar, okkulte praksisar og syndige vanar
• Andens kraft over alle Jesustruande 
• Jesustruande, ukorrupte og kompetente samfunnsleiarar,
• fred mellom dei stridande partane, 
• skulegang for barn og unge
• gode avlingar og effektive dyrkingsmetodar
• eit fungerande næringsliv
• fungerande samfunnsinstitusjonar
• oppbygging av ny infrastruktur
• reint vatn for alle, og gode sanitære tilhøve
• eit fungerande rettssystem

Dei israelske gislane i Gaza er komen heim

 I dag takkar med for at alle israelske gislar i Gaza er sette fri og komne attende til heimlandet og familiane sine, og me ber om at dei skal vera omslutta av Guds lækjande kraft og nåde. 

Så ber me om ein varig fred, og masse visdom til dei som no skal rydde opp i Gaza og attreisa området som ein demilitarisert og framgangsrik provins. 

Dagens unådde: Balkar i Russland

 

Balkar i Russland tel 125000 menneske. 

Dei snakkar  Karachy Balkar

Bibeloversetting: Det nye testamentet

Religion: Islam

Kristne: 0,03%

Denne folkegruppa har vore deportert mange gongar og gjennomlevd store lidingar.

Stalin dreiv dei til Kasakstan og Sibir. Hungersnøden var stor, og mange døydde av underernæring i denne forferdelege tida. 

Då dei i 1957 fekk flytta attende til Kaukasus, var det berre 33000 av dei att. 

Liva deira er prega av folkeislam frå vogge til grav. 

Be om at evangeliet skal nå fram til dette folket slik at dei kan læra å kjenna Gud som Far og Jesus som Herre og frelsar. 

Be om at Anden skal ausast ut over dei slik at dei ser både synda si og Jesus som frelsar frå all synd. 

Be om at under og teikn skal skje med dei når dei kallar på Jesus. 

Kjelde: joshuaproject.net

Russland del 2

 Millionar kjempar mot fattigdom og vonløyse. Russland har ei av verdas eldste befolkningar, samt låge innvandringstal. Russlands befolkning søkk med over 500 000 kvart år, og fødselsraten er blant verdas lågaste. Samtidig er Russlands abortrate ei av verdas høgaste. Alkoholisme, narkotikaavhengigheit, sjølvmord og familiesamanbrot øydedelegg mange liv. Russland har også ein av Europas høgaste infeksjonsrater for ei rekke sjukdomar, men helsekostnadene er for høge til at mange kan dra nytte av dei. I fredstid driv mange ungdommer med hedonistisk utskeiingar. 

Krigen i Ukraina, og det at mange unge menn flyktar ut for å sleppa å gå i krigen, frårøvar landet for den neste generasjonen.

* Be om at Gud skal sjå i nåde til dette landet, og lære befolkninga å tru på Jesus og å leva liva sine i samsvar med Guds gode lover. 

* Be om at det må bli eit oppgjer med og ein slutt på misbruk av alle typar rusmidlar, aggressiv livsstil, partnerdrap, seksuelle overgrep, incest, abortar, seksuell umoral, økonomisk bedrageri, hat og krigsmentalitet.

* Be om at Gud skal reisa opp apostlar, profetar, evangelistar  hyrdar og lærarar som kan utrusta dei heilage til all god gjerning, og som kan tala Guds vilje inn i liva til høge og låge, rike og fattige, mektige og avmektige. 

Russland del 1

Innbyggjartal: 144 000 000
Språk: Russisk pluss 134 andre
Gjennomsnittsalder: 69,4 år
Religion: Kristendom 66,9%
Folkegrupper: 186
Lite nådd: 119
Heilt unådde: 7%

Den russisk ortodokse kyrkja overlevde kommunismen, og er i dag den viktigaste beraren av russisk identitet. Mellom 1920 og 1991 reknar ein med at 200 000 kristne leiarar leid martyrdøden i landet. Sørgeleg nok støtta kyrkja ivrig opp om Putin sitt åtak på Ukraina 21.februar 2022. 

Be om at Putin må gje opp kravet sitt på Ukraina, og at han skal tapa terreng på slagmarka

Be om at Den russisk ortodokse kyrkja (ROK) må koma til omvending, og at Gud må reinsa henne for korrupsjon og vranglære. 

Be om at ROK må slutta fred med andre kristne kyrkjesamfunn

Be om vekking og fornying innan denne kyrkja. Ho er sterk kulturelt med svak åndeleg. 

Alvorleg trafikkulykke i Troms i natt

 Det var ei møteulykke. 5 er stadfesta omkomne. Ein alvorleg skada. 

Gode Gud, du som rår over liv og død, sjå i nåde til pårørande og involverte, og hjelp den stakkars overlevende på alle måtar.

Dendifolket i Benin

 Dendifolket tel 329 000 menneske. 0,07% er kristne. Resten er muslimar. I tillegg til muslimske ritualer, praktiserer dei også animisme og trolldom. Det er mykje åndsbesettelse mellom dei som ein følgje av okkulte praksisar. 

Gode Jesus! Dendifolket treng å bli frelst frå sine synder, frå døden og djevelens makt. Må tida vera inne for dette no. Send arbeidsfolk ut til din haust, og gje dei den åndsutrustning som dei treng for å lukkast med å bringa den nye dagen inn i desse menneska sine liv. Amen! 

Qatar

 

Qatar ligg på ei halvøy til den arabiske halvøy, ut i Raudehavet. Det bur vel 3 millionar menneske i dette vesle landet. Alle er muslimar, så nær som nokre framandarbeidarar som arbeider på slaveliknande vilkår. 

Qatar er eit oljeland der folk lever luksuriøse liv og nyt godt av ein svimlande rikdom. 

Qatar prøver i storpolitikken å ri på fleire hestar samstundes. Dei er ven med Hamas og USA, medan USA har stempla Hamas som ein terrororganisasjon på linje med IS. Qatar har gjeve ly til Hamasleiarar, medan Israel, som er USA sin allierte har prøvd å bomba residensen til Hamas i Qatar. På toppen av det heile har presidenten i USA, Donald Trump, store økonomiske interesser i Qatar, og styresmaktene der har lova å gje han ein ny Boeing 737 som presidentens private fly, Airforce 1. 

Far i himmelen! Qatar treng Jesus og ditt ord. Folket der treng frelse, og dei styrande karakter. Og i dag ber om at du skal tilgodesjå dei med alt dette. Me ber i Jesu namn. Amen! 

Gazaavtalen

 I natt vart det signert ein fredsavtale mellom Israel og Hamas i Kairo. Lat oss be om at den i det minste held så lenge at alle israelske gislar får koma heim til familiane sine, og at alle punkt i planen til Trump etter kvart blir implementerte. 

Ungdomskriminaliteten i Noreg

 Etter at mindreårige frå innvandrarmiljø den siste tida, på oppdrag frå hardkokte kriminelle i internasjonale nettverk, har sprengt handgranatar i Oslo-området, er folk blitt redde, og politikarar og fagfolk debatterer denne nye kriminaliteten utan å ha dei minste peiling på kva dei skal føreta seg. 

Gode Far! Du er desse gutane sin rett far. Dei har elendige førebilete heima, dei er utsette for omsorgssvikt og stort press. Me ber om at du skal ta deg av dei, du som kjenner dei best og som har forma dei i mors liv, og som har ein heilt annan plan for liva deira enn det som utfaldar seg no. Me ber i Jesu namn om at du skal ta makta frå dei kriminelle nettverka, og me ber om at dei skal løysast opp frå innsida. Me ber om at du skal ordna det slik at desse gutane blir kjent med deg, blir overauste av din godhet, blir interesserte i sunne aktivitetar og i utdanning, og at dei skal frelsast og bergast i alle betydningane av ordet. Og så må du hjelpa dei som jobbar med dei å møta dei på den rette måten. Her trengst det visdom og tolmod. Amen! 

Polen

 

Polen har vel 38 millionar innbyggjarar. 

Styresett: Demokratisk republikk.

Hovudstad: Warszawa
Jernteppet sitt fall i 1989 starta i Polen med streiken på skipsverftet i Gdansk, og pave Johannes Paul II, som sjølv var polsk,  sitt besøk i landet. Bilete av paven som gav nattverd til Lech Walesa er ikonisk. 

Religion: 86% av dei er romersk katolske. 0,3% er evangeliske kristne. Mariadyrkinga står sterkt i Polen. 

Polen som heilt til 1989 var i Sovjetunionens klør, er no blitt eit moderne vestleg land med medlemskap i NATO og EU. Dei siste 45 åra har landet vore gjennom ein total forvandling, og er i dag ei økonomisk stormakt. 

Polen er nabo med Ukraina, og har krigen på dørstokken, og i desse dagar er polske jagarfly støtt på vengene for å vaka over og forsvara landegrensene. Landet opplever mange hybride åtak frå Russland kvar einaste dag. 

Polen har teke imot 3 millionar flyktningar frå Ukraina. 

Dei evangeliske kristne er i vekst, men 90% av kommunane manglar enno ei evangelisk kyrkje. 

Det er mange sekter i Polen som har hatt stor framgang dei siste åra. 

Ungdomsgenerasjonen er prega av materialisme, og er lite opptekne av åndelege verdiar. 

Landet har eit rikt jordbruk. Men økonomisk betyr industrien suverent mest. 

Be for at Polen også i framtida skal vera ein sjølvstendig nasjon, og at krigen ikkje skal nå dei.

Be om at dei skal vera i stand til å avsløra alle hybride åtak og avskjera fienden

Takk for alle dei truande i landet, og for den vekst me ser innafor den evangeliske rørsla. Be om at Guds barn i Polen skal veksa i nåde og kjennskap til Jesus. 
Be om at katolikkane i landet skal flytta fokus frå Maria og det magiske, og over på Jesus og bøna. 
Be om framgang for evangeliet i alle byar og landsbyar, og at alle store og små samfunn skal ha ei Jesussentrert og misjonal kyrkje i seg. 
Be om at sektene som har fått fotfeste i landet må bli avslørte som løgnarar, og at det polske folket skal tørsta etter sanninga i Jesus Kristus. 
Be om at dei unge ikkje skal la seg bedra av kommersialisme og materialisme, men begynna å lengta etter samfunn med Gud, sin Far. 
Be om at dei ukrainske flyktningane i landet skal bli tatt godt vare på, og at dei skal vera til velsigning for Polen. 

Be om gode åndelege leiarar som elskar Jesus, menneska dei tener og Guds ord
Be om at teologiske løgner skal avslørast og avvisast
Be om at nye truande skal bli forsvarleg disippelgjort

Be om at ånda frå evangeliet skal ha innflytelse på heile landet
Be om at landet skal reinsast frå skammelege synder
Be om at gapet mellom fattig og rik skal tettast
Be om gode skular på alle utdanningsnivå
Be om eit helsevesen som har tilbod til alle innbyggjarane sine
Be mot prostitusjon, rus, vald og kriminalitet
Be om at dei opprørsle muslimane i sør må koma til tru på Jesus og leggja ned våpena sine
Be om eit sunt, ærleg og framgangsrikt næringsliv

Jordan Peterson alvorleg sjuk

 

Det kjem melding om at Jordan Peterson har vore livstrugande sjuk denne sommaren. Det er snakk om lungebetennelse og blodforgiftning (i tillegg til ein eller annan nevrologisk tilstand) som førte han inn i djup koma i ein månad. Familien opplever det som ein enorm åndeleg kamp, og ber oss andre om å delta i bønnekampen for denne kanadiske psykologen som er blitt sparka frå jobben sin fordi han ikkje har vilja bøya seg for den liberale leiinga ved universitetet i Toronto som ville at han skulle undervisa i tråd med moderne synsmåtar på kjønn og seksualitet. 

Oppstadne Herre og frelsar, Jesus Kristus! Takk for at du har overvunne denne sjukdomen. I deg er det lækjedom og siger over alt som bryt ned kropp, sjel og ånd. Me ber i ditt namn om at du skal reisa denne mannen opp frå sjukesenga, og gje han attende til familien. Må du stoppa djevelen i hans plan for å øydeleggja din plan med Jordan Peterson, og me ber om at han skal stå fram frisk og fin og med ein enno klårare bodskap enn før om sanninga i ditt ord og om din nåde i Jesus Kristus for botferdige syndarar. Me utber oss eit mirakel i ditt namn. Amen! 

Pastorkone og ei veninne kidnappa i Nigeria

 

Søndag 21. september blei kona til ein pastor og eit kvinneleg kyrkjemedlem bortført av ukjende væpna menn i Agyaragu, i Obi kommune i Nasarawa-staten i Nigeria.

Samuel Nasamu, pastor i Word of God Church Agyaragu, hadde nettopp forlatt huset for å besøke eit sjukt medlem av kyrkjelyden då han fekk ein telefon frå kona si, Patience.

“Alt eg kunne høyre var bønene hennar,” sa Nasamu. “Ho kunne ikkje ein gong fortelje meg kva som skjedde.”

I følgje pastoren var det teikn på at dei væpna mennene prøvde å slå opp døra med ein hammar. Då det ikkje lukkast, begynte dei å skyte sporadisk, noko som tvinga kona hans til å opne døra i frykt. Ho og kyrkjemedlemmet blei tekne medan dei prøvde å flykte.

Då Nasamu kom heim, var kona hans, kyrkjemedlemmet og bortførarane borte. Berre deira tre månader gamle baby var igjen.

I følgje Afripost Newspaper kravde kidnapparane $34,000 for å sleppe dei fri. Det blir rapportert at pastoren si kone slit med helsa medan ho er i fangenskap. Under ein samtale med kidnapparane kan ein høyre Patience gråte i bakgrunnen, “Babyen min … babyen min. Kven vil hjelpe meg ut av denne smerta? Nokon, ver så snill, redd meg frå denne skogen.”

“Å vere borte frå den nyfødde har forverra traumet hennar, og tilstanden dei blir haldne i er uuthaldeleg,” sa eit familiemedlem til journalistar.

Dette er ikkje den første hendinga av denne typen kriminalitet. Lokale kidnappingar i Nasarawa-staten held fram med å auke.

Eit medlem av samfunnet, som ønskte å vere anonym, sa: “Vi lever i frykt kvar dag. Kidnappingar skjer regelmessig her — til og med bønder blir målretta. Agyaragu er prisgitt kidnapparar. Vi ber guvernør Abdullahi Sule om å ta akutt handling.”

Historie av Bella Agnello

Herre! Me ber i Jesu Kristi namn om at du skal ta autoritet over desse kidnapparane, og befala dei om å setja begge kvinnene fri. Må dei få erfara di makt, og bøya seg i støvet for deg. Amen!