Me ber om at Russland skal lida nederlag på slagmarka og bli tvinga på retur.
Me ber om at forsvarsleiinga skal finna gode strategiar for å lukkast i krigen.
Me ber om at Ukraina skal støttast av alle vestmaktene, inkludert USA
Me ber om at Ukraina skal vera ein nasjon av truande menneske som hyllar Jesus og held hans bod.
Me ber om at du skal reinsa nasjonen for korrupsjon.
Me ber om styrke og stor visdom til presidenten, og til resten av den politiske leiinga
Me ber om lækjedom for dei skadde, om effektiv vern av sivilistar og av sivil infrastruktur, me ber om at landet skal koma seg på fote att. Ta deg av alle enker og farlause, etter ditt ord. Amen!
Det er budsjettkaos på Stortinget.
Regjeringa slit med å få fleirtal for noko som helst.
Mi bøn er slik:
Gje Senterpartiet audmjuka seg og gå over til borgarleg side slik at me kan få regjeringsskifte, og hjelp FrP til å leggja bort konfrontasjonslinja si andsynes Sentrepartiet og bli eit godt samarbeidsparti. Og hjelp også Venstre og Høgre til å venda attende til sine gamle kristne røter slik at dei kan samarbeida godt med KrF. Amen!
Ja, ja. Det er ikkje lett på borgarleg side heller. Men dette er pri 1 for meg.
Gode Gud!
Sjå i nåde til alle som er råka av storbrannen i Hong Kong. Må innesperra mennesker koma seg trygt ut. Hjelp og beskytt brannmannskapa.
Redd liva til dei to soldatane frå Nasjonalgarden som vart kritisk skadde i ei skotveksling i Washington DC i dag. Amen!
Dei øydeleggjande jordskjelva i februar 2023 var dei verste i Tyrkia på 1500 år. Rundt 50 000 menneske døydde. At jordskjelva skjedde om vinteren auka lidinga for dei overlevande. Bokstaveleg talt millionar av bygningar vart øydelagde eller skadde, og hundretusenvis av menneske vart heimlause. Mykje av øydelegginga skjedde i avsidesliggjande område; å få hjelp til desse samfunnene er no endå meir vanskeleg. Mange av bygningane oppfylte ikkje tryggleiksstandardane på grunn av korrupsjon som gjorde at utbyggjarar kunne bestikke tenestemenn og omgå krav. Å gjenoppbygge både den fysiske infrastrukturen og tilliten til korrupte politiske leiarar vil ta år eller til og med tiår – traumet av tap vil bli verande hos mange heile livet.
Be om at Gud kan bruke denne tragedien til å bringe gjennombrot til område som lenge har vore motstandsdyktige mot det gode bodskapet.
Be om at kristne kan fortsette å strøyme inn i området med hjelp, assistanse, medkjensle og nåde medan dei elskar og tener folket i denne regionen – i ekte samarbeid med og teneste for den lokale Kristi kropp.
Be om at slik audmjuk og generøs kristen teneste og vitnesbyrd kan vere til stades for den lange vegen av gjenoppretting, og at mange hjarte vil respondere på desse demonstrasjonane av Kristi kjærleik.
Be for flyktningar og migrantar i Tyrkia. Mange iranarar flykta frå vald og islamsk ekstremisme under revolusjonen i 1979. Dette vart følgt av over ein million kurdarar under Gulfkrigen i 1991. Millionar fleire flykta til Tyrkia frå Syria og andre stader under borgarkrigen og migrantkrisene på 2010-talet. Tyrkia har dei siste åra husa fleire flyktningar enn noko anna land i verda. Store tal migrantar kjem frå Sør-Asia, andre delar av Midtausten, og no Russland og Ukraina. Dei viser seg å vere ganske opne for evangeliet. Det er svært mogleg at det er fleire flyktningar enn etniske tyrkarar som følgjer Jesus i Tyrkia. Eit aukande tal av desse ber om at Gud skal bruke dei som vitne i vertsnasjonen. Be om at Gud gjennom iranarar, syrarar, afghanarar og andre kan leie mange tyrkarar til å kjenne han.
Pris Herren for den sakte, men jamne veksten mellom dei kristne i landet. Tyrkiske og kurdiske truande var truleg rundt 10 i 1960, men steig til rundt 4 000 i 2010. Talet i dag ligg mellom 6000 og 33000, alt etter kva kjelder me brukar. Mange håpa på eller forventa større vekst av kyrkja. Men sjølv om talet er lite, vart dei truande sterkare og meir modne. Det er eg sett med eigne augo i Antalia. Veksten på 1990- og tidlege 2000-talet avtok då dei truande møtte åndeleg, juridisk og kulturell motstand. Det har vore mykje baktale av og vondsinna ryktespreiing om dei kristne frå statsstyrte medier.
Be om at dei dei truande skal setja mot i kvarandre, ikkje la seg deppa men halda fram med evangeliseringa og kyrkjeplantinga!
Samstundes er det ei merkbar vending til Kristus blant migrantar frå Iran, Irak, Afghanistan og andre stader som er flyktningar i Tyrkia. Sjølv om teneste til tyrkarar og kurdarar blir nøye overvaka, ser det ut til å vere større fridom til å tene Jesus mellom desse flyktningane.
Be om at den vekkinga me ser tendensar til mellom flyktningane i Tyrkia skal breia seg til tyrkarane i landet. Be om at Kristus skal sigra i folks liv, og islam mista grepet.
Be spesielt for dei 60 000 armenske kristne som er att i Tyrkia, at dei skal finna fram til ei frigjerande tru på Jesus Kristus som Herre og frelsar.
Frå 1915 til 1917 vart armenarane, saman med assyriske kristne, utsette for eit forferdeleg folkemord då tyrkiske styresmakter drap kanskje så mange som 1,5 millionar armenarar og 700 000 assyrarar. Det er uhyggjeleg å lesa om.
Ja, gode allmektige Gud! Ukraina er inne i ein lagnadstime, og eg ber om at DU, i DIN stordom skal frelsa dei frå fienden og beskytta dei mot rakettane og dronene hans. Stopp terroristen i Kreml, styrk dei ukrainske soldatane på slagmarka, driv dei fientlege styrkane attende, og dra ukrainarane sine hjarto til deg. Minnar deg, Gud, om Salme 5 der dette blir sagt om deg at du er ein Gud som ikkje toler urett, at ingen vonde får bu hos deg, at dei hovmodige ikkje får stiga fram for dine auge, at du hatar alle som gjer vondt, gjer ende på dei som talar løgn, og at du avskyr drapsmenn og svikarar. Når Ukraina sine vener sviktar, Gud, syn deg trufast mot dette landet, og lat DIN plan for landet vera den som gjeld. I Jesu namn! Amen!
Det er 105 000 av denne folkegruppa i USA. Dei er alle muslimar. Deler av Bibelen er tilgjengeleg på deira arabiske dialekt.
Dei første jemenittane som slo seg ned i USA gjorde det mellom 1870- og 1890-åra. Nokre fekk statsborgarskap ved å kjempe i første og andre verdskrig. Ein finn mest sannsynleg jemenittar i Detroit, Buffalo eller i Central Valley i California. Dei fleste jemenittiske menn arbeider lange dagar for å forsørgje familiane sine. Jemenittiske kvinner i USA oppdrar barn og held hus. Nokre amerikanskfødde jemenittiske døtrer rømmer heimanfrå for å søkje fridom frå den tradisjonelle jemenittiske livsstilen. Kristne kan bli brukte av Gud til å nå desse såra familiane, men få amerikanarar er villige til å nå dei unådde i deira nærleik.
Hindringar
Sjølv om dei varierer når det gjeld stammelojalitet, er jemenittar einige om sin truskap til det islamske religiøse systemet. Difor er det få, om nokon, som har sett si lit til Jesus Kristus, uansett kvar dei bur.
Bøn
Be om at denne folkegruppa skal begynne å søkje Guds visdom som finst i Hans ord.
Be om at Kristi vellukt skal lækje jemenittiske familiar i USA.
Be om ei rørsle mot Kristus blant dei.
Be om at små, utvida familieheimfellesskap skal mangedoble seg i USA.
Be om fred i Jemen som vil la jemenittisk diaspora vende heim.
Be om at Herren skal bruke ustabiliteten i Jemen til å hjelpe muslimske jemenittar å forstå deira behov for ein rettferdig frelsar.
Be om visdom til å nå inn til hjarto til desse menneska, ut frå Jakob 1:5:
"Om nokon av dykk manglar visdom, skal han be til Gud, som gjev villig til alle utan vonde ord, og han skal få."
Kjelde: joshuaproject.net
Kyrkjeleiaren vart arrestert i slutten av oktober. Sjølv om han først vart sleppt fri av politiet, overtydde aktor retten om å fengsle han igjen. Sidan då har Pastor Sylvester og familien hans opplevd helseproblem på grunn av mangel på mat og andre grunnleggjande nødvendigheiter. På tidspunktet for publiseringa av denne rapporten er dei offisielle skuldingane mot den truande uklare. Den 18. november bad den kristne advokaten som er hyra inn for å hjelpe med forsvaret av pastoren om meir tid til å studere saka. Neste høyring er planlagd til å finne stad den 24. november.
Ver venleg å be for Pastor Sylvester og den bekymra familien hans i denne vanskelege tida. I tillegg til å møte deira daglege praktiske behov, be Gud om å gje dei fornya åndeleg styrke, oppmuntring og fred. Må Herren også gripe inn i den juridiske prosessen – gje den kristne forsvarsadvokaten den nødvendige visdommen og rettleiinga – slik at den fengsla pastoren kan bli sett fri. Be på vegner av alle Jesu etterfølgjarar i Liberia medan dei prøver å byggje gode relasjonar med sine muslimske naboar og leve ut trua si i fred.
Kjelde: Voice of the Martyrs, Canada
https://open.spotify.com/episode/3kea74afWd8SL72Vy2H4cQ?si=a16bbc1fb9a14836
Ein kristen konvertitt halden i Evin-fengselet i Teheran fekk ikkje tilstrekkeleg medisinsk hjelp etter å ha fått eit brot i ryggraden frå eit fall, rapporterte den London-baserte rettsgruppa Article 18.
Article 18, som fremjar religionsfridom i Iran og dokumenterer forfølginga av kristne konvertittar, sa at Aida Najaflou, 44, fall frå øvste køya si tidleg den 31. oktober og fekk eit brot i T12-ryggvirvelen.
Ho vart teken til Taleghani-sjukehuset for røntgen, men returnert til fengselet same dag på ei båre, framleis i store smerter og utan den operasjonen legane tilrådde.
Protestar frå medfangar førte seinare til at styresmaktene overførte henne til Shahid Tajrish-sjukehuset, der legane igjen tilrådde akutt operasjon og fysioterapi.
Trass i dette, sa gruppa at Najaflou framleis er i fengsel utan skikkeleg medisinsk behandling.
Najaflou, som lid av revmatoid artritt, hadde gjentekne gonger åtvara fengselsstyresmaktene om at det var utrygt å klatre til øvste køya, men førespurnadene hennar om ei lågare seng vart ignorerte.
Ho var framleis i ferd med å komme seg etter ein ni timars operasjon då agentar frå etterretningsdepartementet arresterte henne i februar, og ho har blitt nekta tilstrekkeleg pleie gjennom heile varetektsperioden, inkludert under 65 dagar i isolasjon i avdeling 209 i Evin-fengselet.
Article 18 sa at ho framleis er bak lås og slå fordi familien hennar ikkje har råd til kausjonen på 130 000 dollar som vart sett for henne i mai, ein del av eit breiare mønster med tunge kausjonsvilkår pålagde kristne fangar.
Som eit anna døme sa gruppa at den iransk-armenske pastoren Joseph Shahbazian vart sleppt fri etter ein månad berre etter å ha betalt 50 000 dollar i kausjon.
Under iransk lov er berre etniske armenarar og assyrarar fødde inn i kristendommen anerkjende som kristne. Konvertering frå islam er forbode.
I følgje den USA-baserte rettsgruppa Human Rights Activists in Iran (HRANA) har rundt 11 prosent av offera for brot på rettane til religiøse minoritetar i Iran det siste tiåret vore kristne, særleg konvertittar.
Najaflou blir straffeforfølgt i ein islamsk revolusjonsdomstol saman med to andre kristne konvertittar, Joseph Shahbazian og Nasser Navard Gol-Tapeh.
Dei vart tidlegare i år sikta for samling og samansverjing og propaganda mot Den islamske republikken Iran over vanlege kristne aktivitetar som bønnemøte og dåp, ifølgje Article 18.
Article 18 sa at Najaflou også står overfor to tilleggssiktingar — propagandaverksemd mot Iran i cyberspace og propaganda til fordel for grupper som er motstandarar av Iran — over påståtte innlegg på sosiale medium som støtta protestane i 2022 som braut ut etter dødsfallet til ei ung kvinne, Mahsa Jina Amini, i moralpolitiets varetekt.
Ho er også skulda for å ha kritisert den drepne Hezbollah-leiaren Hassan Nasrallah på sosiale medium.
Be om lækjedom, fridom og rettferd for Aida Najaflou.
Be om at alle kristne som sit i fengsel i Iran må få nyta godt av Jesu trøyst og omsorg, og at dei alla skal få erfara rettferd og fridom.
Be om at regimet i Iran må falla, og at landet må få erfara fridom, demokrati og respekt for grunnleggjande menneskerettar.
Be om at vekkinga i Iran må auka i styrke og breia seg til alle provinsar
Folketal: 760 000. Språk Swahili. Religion: Islam. Kristne: 0,00%. Bibelen og Jesusfilmen føreligg på swahili.
Namnet Shirazi blir brukt av nokre afrikanarar som identifiserer arven og ætta si med den gamle persiske provinsen Shiraz. Ifølgje legenden hadde ein prins frå Shiraz eit mareritt som han tolka som at vondskap snart ville øydeleggje han, så han la ut på reise og landa til slutt på Zanzibar, ei øy utanfor kysten av Tanzania. Shirazi reknar seg somme tider som ei eiga etnisk gruppe frå swahili, sjølv om Swahili er morsmålet og handelsspråket deira. Bibelressursar er tilgjengelege på swahili. Utbreidd fattigdom plagar Shirazi. For dei som er villige til å reise, treng Shirazi støtte innan utdanning, lese- og skriveferdigheiter, medisin, vassbrønnar og jordbrukskunnskapar.
Shirazifolket er synkretistar. Dei blandar islam med animisme og trolldom. Begge deler fører lett til åndsbesettelse.
Be om at Gud sender ut velutrusta misjonærar som har forstand på å setja folk fri frå djevelske ånder som plagar dei.
Be om at Shirazi skal forstå og omfamne at Jesus vil velsigne familiane og nabolaga deira.
Be om at Herren skal opne hjarta til Shirazi-familieleiarane slik at dei kan oppleve Guds velsigning gjennom bibelstudium (som det er mange av på swahili).
Be om at Den Heilage Ande skal dra mange til å ta eit trussteg og omfamne Kristus. Be om at truande i nærleiken, i Tanzania og Kenya vil nå ut til Shirazi.
I dag takkar med for at alle israelske gislar i Gaza er sette fri og komne attende til heimlandet og familiane sine, og me ber om at dei skal vera omslutta av Guds lækjande kraft og nåde.
Så ber me om ein varig fred, og masse visdom til dei som no skal rydde opp i Gaza og attreisa området som ein demilitarisert og framgangsrik provins.
Krigen i Ukraina, og det at mange unge menn flyktar ut for å sleppa å gå i krigen, frårøvar landet for den neste generasjonen.
* Be om at Gud skal sjå i nåde til dette landet, og lære befolkninga å tru på Jesus og å leva liva sine i samsvar med Guds gode lover.
* Be om at det må bli eit oppgjer med og ein slutt på misbruk av alle typar rusmidlar, aggressiv livsstil, partnerdrap, seksuelle overgrep, incest, abortar, seksuell umoral, økonomisk bedrageri, hat og krigsmentalitet.
* Be om at Gud skal reisa opp apostlar, profetar, evangelistar hyrdar og lærarar som kan utrusta dei heilage til all god gjerning, og som kan tala Guds vilje inn i liva til høge og låge, rike og fattige, mektige og avmektige.
Innbyggjartal: 144 000 000
Språk: Russisk pluss 134 andre
Gjennomsnittsalder: 69,4 år
Religion: Kristendom 66,9%
Folkegrupper: 186
Lite nådd: 119
Heilt unådde: 7%
Den russisk ortodokse kyrkja overlevde kommunismen, og er i dag den viktigaste beraren av russisk identitet. Mellom 1920 og 1991 reknar ein med at 200 000 kristne leiarar leid martyrdøden i landet. Sørgeleg nok støtta kyrkja ivrig opp om Putin sitt åtak på Ukraina 21.februar 2022.
Be om at Putin må gje opp kravet sitt på Ukraina, og at han skal tapa terreng på slagmarka
Be om at Den russisk ortodokse kyrkja (ROK) må koma til omvending, og at Gud må reinsa henne for korrupsjon og vranglære.
Be om at ROK må slutta fred med andre kristne kyrkjesamfunn
Be om vekking og fornying innan denne kyrkja. Ho er sterk kulturelt med svak åndeleg.
Det var ei møteulykke. 5 er stadfesta omkomne. Ein alvorleg skada.
Gode Gud, du som rår over liv og død, sjå i nåde til pårørande og involverte, og hjelp den stakkars overlevende på alle måtar.
Dendifolket tel 329 000 menneske. 0,07% er kristne. Resten er muslimar. I tillegg til muslimske ritualer, praktiserer dei også animisme og trolldom. Det er mykje åndsbesettelse mellom dei som ein følgje av okkulte praksisar.
Gode Jesus! Dendifolket treng å bli frelst frå sine synder, frå døden og djevelens makt. Må tida vera inne for dette no. Send arbeidsfolk ut til din haust, og gje dei den åndsutrustning som dei treng for å lukkast med å bringa den nye dagen inn i desse menneska sine liv. Amen!
Qatar er eit oljeland der folk lever luksuriøse liv og nyt godt av ein svimlande rikdom.
Qatar prøver i storpolitikken å ri på fleire hestar samstundes. Dei er ven med Hamas og USA, medan USA har stempla Hamas som ein terrororganisasjon på linje med IS. Qatar har gjeve ly til Hamasleiarar, medan Israel, som er USA sin allierte har prøvd å bomba residensen til Hamas i Qatar. På toppen av det heile har presidenten i USA, Donald Trump, store økonomiske interesser i Qatar, og styresmaktene der har lova å gje han ein ny Boeing 737 som presidentens private fly, Airforce 1.
Far i himmelen! Qatar treng Jesus og ditt ord. Folket der treng frelse, og dei styrande karakter. Og i dag ber om at du skal tilgodesjå dei med alt dette. Me ber i Jesu namn. Amen!
I natt vart det signert ein fredsavtale mellom Israel og Hamas i Kairo. Lat oss be om at den i det minste held så lenge at alle israelske gislar får koma heim til familiane sine, og at alle punkt i planen til Trump etter kvart blir implementerte.
Etter at mindreårige frå innvandrarmiljø den siste tida, på oppdrag frå hardkokte kriminelle i internasjonale nettverk, har sprengt handgranatar i Oslo-området, er folk blitt redde, og politikarar og fagfolk debatterer denne nye kriminaliteten utan å ha dei minste peiling på kva dei skal føreta seg.
Gode Far! Du er desse gutane sin rett far. Dei har elendige førebilete heima, dei er utsette for omsorgssvikt og stort press. Me ber om at du skal ta deg av dei, du som kjenner dei best og som har forma dei i mors liv, og som har ein heilt annan plan for liva deira enn det som utfaldar seg no. Me ber i Jesu namn om at du skal ta makta frå dei kriminelle nettverka, og me ber om at dei skal løysast opp frå innsida. Me ber om at du skal ordna det slik at desse gutane blir kjent med deg, blir overauste av din godhet, blir interesserte i sunne aktivitetar og i utdanning, og at dei skal frelsast og bergast i alle betydningane av ordet. Og så må du hjelpa dei som jobbar med dei å møta dei på den rette måten. Her trengst det visdom og tolmod. Amen!
Polen som heilt til 1989 var i Sovjetunionens klør, er no blitt eit moderne vestleg land med medlemskap i NATO og EU. Dei siste 45 åra har landet vore gjennom ein total forvandling, og er i dag ei økonomisk stormakt.
Polen er nabo med Ukraina, og har krigen på dørstokken, og i desse dagar er polske jagarfly støtt på vengene for å vaka over og forsvara landegrensene. Landet opplever mange hybride åtak frå Russland kvar einaste dag.
Polen har teke imot 3 millionar flyktningar frå Ukraina.
Dei evangeliske kristne er i vekst, men 90% av kommunane manglar enno ei evangelisk kyrkje.
Det er mange sekter i Polen som har hatt stor framgang dei siste åra.
Ungdomsgenerasjonen er prega av materialisme, og er lite opptekne av åndelege verdiar.
Landet har eit rikt jordbruk. Men økonomisk betyr industrien suverent mest.
Be for at Polen også i framtida skal vera ein sjølvstendig nasjon, og at krigen ikkje skal nå dei.
Be om at dei skal vera i stand til å avsløra alle hybride åtak og avskjera fienden
Takk for alle dei truande i landet, og for den vekst me ser innafor den evangeliske rørsla. Be om at Guds barn i Polen skal veksa i nåde og kjennskap til Jesus.
Be om at katolikkane i landet skal flytta fokus frå Maria og det magiske, og over på Jesus og bøna.
Be om framgang for evangeliet i alle byar og landsbyar, og at alle store og små samfunn skal ha ei Jesussentrert og misjonal kyrkje i seg.
Be om at sektene som har fått fotfeste i landet må bli avslørte som løgnarar, og at det polske folket skal tørsta etter sanninga i Jesus Kristus.
Be om at dei unge ikkje skal la seg bedra av kommersialisme og materialisme, men begynna å lengta etter samfunn med Gud, sin Far.
Be om at dei ukrainske flyktningane i landet skal bli tatt godt vare på, og at dei skal vera til velsigning for Polen.
Be om gode åndelege leiarar som elskar Jesus, menneska dei tener og Guds ord
Be om at teologiske løgner skal avslørast og avvisast
Be om at nye truande skal bli forsvarleg disippelgjort
Be om at ånda frå evangeliet skal ha innflytelse på heile landet
Be om at landet skal reinsast frå skammelege synder
Be om at gapet mellom fattig og rik skal tettast
Be om gode skular på alle utdanningsnivå
Be om eit helsevesen som har tilbod til alle innbyggjarane sine
Be mot prostitusjon, rus, vald og kriminalitet
Be om at dei opprørsle muslimane i sør må koma til tru på Jesus og leggja ned våpena sine
Be om eit sunt, ærleg og framgangsrikt næringsliv
Oppstadne Herre og frelsar, Jesus Kristus! Takk for at du har overvunne denne sjukdomen. I deg er det lækjedom og siger over alt som bryt ned kropp, sjel og ånd. Me ber i ditt namn om at du skal reisa denne mannen opp frå sjukesenga, og gje han attende til familien. Må du stoppa djevelen i hans plan for å øydeleggja din plan med Jordan Peterson, og me ber om at han skal stå fram frisk og fin og med ein enno klårare bodskap enn før om sanninga i ditt ord og om din nåde i Jesus Kristus for botferdige syndarar. Me utber oss eit mirakel i ditt namn. Amen!
Samuel Nasamu, pastor i Word of God Church Agyaragu, hadde
nettopp forlatt huset for å besøke eit sjukt medlem av kyrkjelyden då han fekk
ein telefon frå kona si, Patience.
“Alt eg kunne høyre var bønene hennar,” sa Nasamu. “Ho kunne
ikkje ein gong fortelje meg kva som skjedde.”
I følgje pastoren var det teikn på at dei væpna mennene
prøvde å slå opp døra med ein hammar. Då det ikkje lukkast, begynte dei å skyte
sporadisk, noko som tvinga kona hans til å opne døra i frykt. Ho og
kyrkjemedlemmet blei tekne medan dei prøvde å flykte.
Då Nasamu kom heim, var kona hans, kyrkjemedlemmet og
bortførarane borte. Berre deira tre månader gamle baby var igjen.
I følgje Afripost Newspaper kravde kidnapparane $34,000 for å sleppe dei fri. Det blir rapportert at pastoren si kone slit
med helsa medan ho er i fangenskap. Under ein samtale med kidnapparane kan ein
høyre Patience gråte i bakgrunnen, “Babyen min … babyen min. Kven vil hjelpe
meg ut av denne smerta? Nokon, ver så snill, redd meg frå denne skogen.”
“Å vere borte frå den nyfødde har forverra traumet hennar,
og tilstanden dei blir haldne i er uuthaldeleg,” sa eit familiemedlem til
journalistar.
Dette er ikkje den første hendinga av denne typen
kriminalitet. Lokale kidnappingar i Nasarawa-staten held fram med å auke.
Eit medlem av samfunnet, som ønskte å vere anonym, sa: “Vi
lever i frykt kvar dag. Kidnappingar skjer regelmessig her — til og med bønder
blir målretta. Agyaragu er prisgitt kidnapparar. Vi ber guvernør Abdullahi Sule
om å ta akutt handling.”
Historie av Bella Agnello
Herre! Me ber i Jesu Kristi namn om at du skal ta autoritet over desse kidnapparane, og befala dei om å setja begge kvinnene fri. Må dei få erfara di makt, og bøya seg i støvet for deg. Amen!
Dette er ei heller lita muslimsk folkegruppe som i følgje joshuaproject,net tel 282000 menneske. Dei lever kystnært aust i landet og livnærer seg av fiske og jordbruk. Dei snakkar sitt eige språk. Deler av Bibelen føreligg på iranun. Trua deira er ein miks av islam og animisme. Ingen kristne er registrert.
Gode Gud og Far! Du er den rette far for iranunfolket på Filippinane. Men enno kjenner dei ikkje deg, og eg ber:
Gjer deg kjent for dei! Send visjonære og brennande misjonærar til dei som
introduserer deg, dine sanningar, di kraft og din kjærleik for dei, og som gjev
dei ditt livgjevande ord. Herre, dei treng å forstå at dei ikkje kan bli frelst
gjennom gjerningar eller religiøs seremoniar, men berre ved å ta imot di frelse
i Jesus Kristus som ei gåve. Aus Anden ut over dei slik at dei ser sine synder,
og Jesus som frelsaren frå all synd, og løys dei frå islams
og animismens mange åndsmakter.
Løft
folket ut av fattigdom, og styrk deira sosiale posisjon i samfunnet. Hjelp
familiane å vera gode mot kvarandre og eg ber om samhald, truskap og kjærleik i
heimane. Eg ber også om at alle vaksne
skal leva edrueleg og ansvarleg. No ser eg fram til at iranunfolket
kal bli innlemma i din familie, og at det skal etablerast ei levande og
dynamisk iranun-kyrkje som kan kan formidla
deg til folket sitt på ein kraftfull og truverdig måte. Amen!
Kommuneøkonomien i Stord er heilt ute av kontroll. Det må sparast 60 millionar kroner på budsjette for 2026. Politikarane og administrasjonen veit ikkje si arme råd.
Gode Far! I dag ber me om at du må hjelpa politikarane i Stord kommune å få god oversikt over tala, og syna dei kva dei må gjera for å få kontroll på inntekter og utgifter. Stord kommune treng no kloke og rettsindige leiarar med høg kompetanse med evne til å ta gode og rette beslutningar, og som ikkje er for stolte til å be deg om hjelp. Så ber me om at du skal leggja di velsigning til her. Amen!
Filippinane har i følgje Operation World 116 786 963 innbyggjarar.
Hovudstaden er Manilla
Det er det landet i Søraust-Asia med høgast prosentdel kristne, dei fleste er katolikkar, men heile 12,3% er evangelisk kristne. Veksten var eksplosiv på 1980 og 1990-talet, men noko mindre no
Takk for alle dei truande i landet, og for den misjonsiveren dei legg for dagen
Be om at alle dei nye truande skal erfara Andens kraft i liva sine, bli grunnfesta i Guds nåde, Guds ord og i Kristi kyrkje
Be om einskap mellom dei kristne i landet
Be om gode leiarar som elskar Jesus, menneska dei tener og Guds ord
Be om at teologiske løgner skal avslørast og avvisast
Be om at nye truande skal bli forsvarleg disippelgjort
Be om at Anden frå evangeliet skal ha innflytelse på heile landet
Be om at landet skal reinsast frå skammelege synder
Be om at gapet mellom fattig og rik skal tettast
Be om gode skular på alle utdanningsnivå
Be om eit helsevesen som har tilbod til alle innbyggjarane sine
Be mot prostitusjon, abort, rus, vald og kriminalitet
Be om at dei opprørsle muslimane i sør må koma til tru på Jesus og leggja ned våpena sine
Be om eit sunt, ærleg og framgangsrikt næringsliv
Denne dagen blir kritisk, spesielt på Skagerakkysten.
Be om at stormen skal løya så pass at liv ikkje går tapt, og at det blir minimale materielle skadar.
Dette hende for to dagar sidan. Ein flyktning frå Syria gjennomførte åtaket. Ein av offera vart skoten ved eit uhell av politiet. Kva våpen terroristen brukte veit eg ikkje. Åtaket skjer kort tid etter at statsminister Starmer annonserte at han og regjeringa hans ville godkjenna ein palestinsk stat. Etter drapa torsdag, strøymde muslimar i GB for å feira. Absurd.
Gode Gud! Hald di sterke hand over verdas jødar. Hatet mot folket ditt veks som eit tidevatn, og krev liv. Men din kjærleik er ei større enn djevelens hat. Vekk opp gode folk til å slå ring om jødefolket, og reisa seg som ein vegg mot den muslimske og sosialistiske antisemittismen som no syner sitt sanne andlet i bygatene. Amen!
Takk Gud for alle dine
sanne barn i Hyllestad. Må dei stå deg nært.
Forny dei ved ditt ord og din Ande, og fyll dei med kraft og nåde. Grunnfesta dei
i ditt ord. Gjer dei sterke og ekspanderande i striden for evangeliet og det
gode. Hjelp dei truande å stå saman i lovsong, bøn, diakoni og evangelisering,
og må ditt kall til omvending og tru nå ut til alle innbyggjarane i kommunen.
Aus Anden din ut over Hyllestad slik at dei som bur der kan
koma til levande tru på Jesus. Hald di vernande hand over familiane slik at dei
held saman i gode og vonde dagar, og fyll heimane med lys, glede og varme. Må
alle barn og unge i Hyllestad ha ein trygg og god
oppvekst. Velsign den politiske og administrative leiinga, skulane og
helseinstitusjonane, politiet og dei andre offentlege etatane, samt alt godt og
sunt næringsliv, og me ber om ein høg fagleg og etisk standard på dei lokale
mediebedriftane. Må alle vaksne i
kommunen leva edruelege liv, og vera gode føredøme for barn og unge. Må det gå Hyllestad vel, det ber me om i
Jesu namn. Amen!
Peru har over 34 millionar innbyggjarar. 95,5% er kristne i følgje Operation World. 11,6% er evangelisk kristne. Resten er katolikkar.
Hovudstad: Lima
Styresett: Republikk
Peru er eit fattig land med stor avstand mellom fattig og rik.
Det har gjennom dei siste åra vore mykje politisk uro, mange politiske kriser i dette landet og tidvis borgarkrigsliknande tilstandar.
Dei evangeliske kyrkjene har dei siste 65 åra auka kraftig i tal og storleik.
Synkretisme er eit stort problem, særleg i dei katolske kyrkjene der folk blandar gamle etniske religiøse forestillingar og praksisar inn i den kristne trua. Det opnar for vonde åndsmakter i kyrkjene og i dei enkelte sine liv.
Gude Gud og Far!
Velsign Peru med gode leiarar.
Me ber om fred og stabilitet.
Må ditt rike gå fram i dette landet.
Må mange nye koma til tru, kyrkjer bli etablert over heile landet og fyllast med lovsyngande menneske tente i brann for Jesus.
Reins kyrkja di i Peru for alt avguderi.
Me ber om rettferd for dei fattige og undretrykte.
Me ber om eit godt utvikla utdanningssystem, rettsvesen og helsevesen.
Me ber om styrking av demokratiet.
Me ber om respekt for menneskerettane.
Me ber om eit produktivt næringsliv.
Me ber om gode avlingar.
Me ber om ein rusfri befolkning.
Me ber om stabile heimar og gode oppvekstvilkår for barn og unge.
Amen!
Folketal: 5 623 071
Største religion: Kristendom (91,1%)
Prosent evangeliske: 8,4%
Prosent muslimar: 4,5%
Den norske kyrkja, som inntil nyleg var ei statskyrkje, og som i praksis er det enno, var lenge ei evangelisk luthersk kyrkje som var tru på mot Bibelen i liv og lære. Det er per i dag berre etiketten attende. Samlivsetikken diskvalifiserer per i dag DNK som eit genuint kristent kyrkjesamfunn. Halvparten av dei aktive kristne i Noreg tilhøyrer denne kyrkja.
I frikyrkjene er stoda betre, men dei er også under eit massivt liberalt press. Fleire av dei gjev etter. Denne veka vart Misjonskyrkja i Oslo ekskludert frå Misjonsforbundet. Dei hadde tilsett ein homofilt samlevande pastor. Haldningane til likekjønna samliv blir for tida mjuka veldig opp mellom medlemmene i desse kyrkjene også.
Gode Gud!
Reis opp kyrkja di i Noreg og gjer henne levande, varm, sann, kraftfull og godt synleg for alle.
Må ditt inntrengande kall til omvending og tru gå ut frå di kyrkje til kvart einaste menneske i dette landet.
Gje kyrkja di velutrusta og åndsfylte leiarar som elskar deg og sine medmenneske, forkynner ordet ditt med truskap og lever etter dine bod.
Må alle som trur på deg ta opp krossen sin og følgja deg tett.
Reis opp apostlar, profetar, evangelistar, hyrdar og lærarar som kan utrusta dei heilage til all god gjerning, og som kan tala inn i samfunnsleiarane sine liv.
Me ber om kyrkjelydar og kristne som er prega av misjonsiver, Andens kraft, Andens gåver og Andens gode frukter.
Må du transformera Noreg med Den Heilage Andens kraft.
Hald di gode hand over kongen og familien hans. Før dei på dine vegar, og gjer dei til gode kristne førebilete for nasjonen.
Må ditt lys skina for dei som sit på Stortinget og i Regjeringa. Gje dei å venda om til deg, bøya seg for deg og for ordet ditt. Gje dei klåre tankar, varme hjarto og visdom til å gjera rette prioriteringar.
Må Noreg igjen søkja venskap med Israel, og stoppa all støtte til landet sine fiendar.
Må lovene i landet vårt bli harmoniserte med dine lover.
Må barna i mors liv få rettsvern heilt frå dei er avla.
Må barn og unge få veksa opp i rusfrie, varme og fredfulle heimar
Me ber om at alle barn og skal vera beskytta mot overgrep og forføring.
Må dei vera trygge i eigne kroppar, og ikkje bli utsette for kjønnsideologiske løgner.
Me ber mot all råskap og vald blant kriminelle, og blant sjølvsentrerte menn utan moralske kompass.
Me ber om oppløysing av kriminelle bandar og kartell.
Må LHBT+ rørsla bryta fullstendig saman under tyngda frå sanninga.
Må alt sunt og ærleg næringsliv gå godt, og alle uærlege og unyttige føretak forvitra.
Må nye grundarar dukka opp, og ny industri veksa fram.
Me ber om gode kår for bøndene, og at du vernar dei mot flaum, tørke, ulukker, skade og sjukdom på husdyr. Gje gode vekstvilkår for korn, poteter, grønsaker, bær og anna frukt.
Me ber også om godt fiske, og om ei forsvarleg forvaltning av bestandane.
Må Noreg bli kjent for å vera eit land som gjev vern og underhald til enkjer, farlause, innflyttarar, flyktningar og fattige.
Me ber om at Noreg skal bli eit raust og gjestfritt land å bu i.
Me ber om nye kristne skular på alle utdanningsnivå
Me ber om at kristne skular skal få same økonomiske vilkår som offentlege skular.
Me ber om eit oppegåande helsevesen som tener folket vel.
Me ber om politifolk med friske kroppar, klåre hjernar og varme hjarto.
Me ber om oppegåande domstolar og gode dommarar.
Me ber om sterke kristne aviser og mediebedriftar, og om redaksjonar med høge krav til innhald og kvalitet.
Me ber om eit sterkt, effektivt og funksjonelt forsvar.
Vakta du grensene våre, og vern oss mot alle former for åtak utanfrå, inkludert russisk hybrid krigføring.
Laurdag den 10. september, då Charlie Kirk vart drepen ved eit universitet i Utah, USA, leid ein kristen irakisk flyktning martyrdøden i Lyon, Frankrike. Ashur Sanaya var funksjonshemma og sat i rullestol. Han posta flittig om Jesus på TikTok, og kritserte islam. Han hadde blitt truga på livet for dette, men let seg ikkje stoppa. Jesus var hans store lidenskap, og han ville så gjerna nå ut med evangeliet til så mange som mogeleg. Men laurdag 10. september var det slutt. Medan han streama ein bodskap utanfor huset sitt, vart han knivstukket i nakken av ein til no ukjent mann. Livet hans stod ikkje til å redda.
Ashur Sanaya og søstera flykta frå Irak då den uvanleg brutale og morderiske islamske organisasjonen IS erobra store deler av landet i 2014. Tallause kristne vart krossfesta og halshogne av IS der dei fór fram.
Sanaya var kjent mellom dei kristne i Lyon som ein "snill, diskret og djupt religiøs person som likte å dela den trua si med andre."
Så vart det ikkje éin martyr denne spesielle dagen, men minst to: Ashur Sanaya og Charlie Kirk. Lat oss hugsa dei begge, og æra minnet deira på den måten at me også deler trua vår med andre.
Kjelder: International Christian Concern og syriacpress.com
Herre Jesus! Talet på martyrar aukar dag for dag. Trøyst og styrk deira næraste, og hjelp oss å gå i deira fotspor. Amen!
Dei siste åra har Kim Jong Un intensivert bruken av dødsstraff. No kan nordkoreanarane bli dømde til døden for å bli teken med ein bibel, eller for å ha sett ein utanlands TV-serie, melder Stafanusalliansen i bladet sitt Stefanus.
Regimet blir meir og meir brutalt, noko som tyder på frykt for å mista grepet.
Gode Gud! Sjå i nåde til den nordkoreanske befolkninga, og lat snart denne lagvarige marerittstida snart ta slutt. I Jesu namn. Amen!
Allmektige, gode Gud! Sjå i nåde til alle i det jødiske samfunnet i Australia som i dag vart utsette for terror under feiring av Hanukkah. T...
