Martyrkyrkja.: Dømt til 9 år i fengsel for trua si Iran

Ghazal Morvardi vart nyleg dømt til å sona 9 år i fengsel for trua si, og sit i skrivande stund i det berykta Evin-fengselet i Teheran. Der er det harde kår for kvinner, Overgrep er ikkje uvanleg, for å seia det på den måten. Kjelde: Christian Emergancy Alliance

Gode Gud og Far! Fyll henne med tru, styrke, mot, kjærleik, kraft og glede midt i trengslene, og må saka hennar bli teken opp til revurdering av dommarar som er fanga i eit vondsinna system. Må ho møta på nokre venlege folk som ho kan dela sant fellesskap med, og lat ho få vera ein lys på ein mørk plass.  Amen!  
 

Martyrkyrka. Iransk ektepar dømde til lange fengselsstraffer pga si kristne tru

Denne saka er henta frå magasinet Stefanus (stefanus.no)

Ekteparet Nayereh Arjaneh og Qasem Esmailible fra Nord-Iran reiste til Tyrkia for å få bibelundervisning. Den skulle vise seg å ha en høy pris. Det de hadde vært med på i Tyrkia ble oppdaget, og ekteparet ble arrestert i sitt eget hjem 7. juli 2025.

 Nayereh fikk den strengeste dommen og er den første som må tilbake for å sone i fengsel. Hun ble først løslatt mot kausjon, og senere siktet for «å fremme avvikende propaganda og lære i strid med islamsk lov», og dømt til fem års fengsel. Hun ble også siktet for «å gi økonomisk og materiell støtte til grupper tilknyttet sionistisk kristendom», og dømt til ytterligere fem år.

 Ektemannen Qasem ble dømt separat til tre år og seks måneders fengsel. Straffen er ennå ikke fullbyrdet fordi han gjennomgår cellegift. Tenk deg det – han er syk, blir adskilt fra sin kone, og venter på å sone. Det koster å leve ut sin kristne tro i Iran.

 Samtidig preges Iran av massive protester for frihet. Demonstrantene møtes med brutal statlig vold. Minst sju kristne er blant de tusenvis som er drept, og flere skal være både skadet og arrestert. Dette forteller at også kristne deltar i demonstrasjonene og at fredelige demonstranter for frihet møtes med vold og død.

 Midt i dette sterke ropet om frihet og verdighet er også den kristne minoriteten utsatt.

 Bønneemner

- Be om at Gud styrker og oppmuntrer Nayereh i fengselet, og at hun får gode relasjoner til medfanger.

- Be om at Qasem blir helbredet fra kreften, og at behandlingen virker.

- Be om at straffene blir gjenopptatt, og at urettferdigheten i dommene blir erkjent og rettet opp.

- Be om at Iran stanser forfølgelsen av alle religiøse samfunn som fredelig uttrykker sin tro.

- Be om at regimet i Iran stopper brutaliteten, drapene og forfølgelsen og at folket i Iran sikres frihet og demokrati. 

Iran, igjen

 Herre Jesus Kristus!

Du er overordna alle jordiske styresmakter. Du er "den som lèt år og tider skifta, set kongar av og set kongar inn, og gjev dei vise visdom og dei vituge vit, " som me les i Daniel 2,21. 

No ber me om at du i di store makt skal avsetja prestestyret i Iran, og unna det iranske folket politisk fridom og demokrati. 

Me ber om at liv skal bli spart. Stopp revolusjonsgarden som skyt og drep verjelause menneske. 

Stopp avretting av skuldlause menneske.

Gje generalane i hæren og politiet mot til å støtta demonstrantane. 

Me ber om at dei ulike folkegruppene skal vera einige og samstemte om korleis landet skal styrast framover.

Me ber om at du skal avverga alt som kan føra til borgarkrig. 

Me ber om "styrke, visdom, leiing og vern for dei kristne slik at dei kan vera eit lys i ein kaotisk og ekstrem situasjon." (Opne Dører)

Amen! 

Store protestar mot regimet i Iran og ayatollah Khamenei

 Det iranske folket  lever i stadig større armod. Det er mange grunnar til det. I skrivande stund opplever landet hyperinflasjon. Pengene dei har om morgonen er ingenting verd om kvelden. Resultatet er at basarane stenger, og folk demostrerer i gatene i dei store byane, noko som er livsfarleg. Det er meldt om 6 drepne så langt i samanstøytar med tryggingspolitiet.  Folk er elles rasande på prestetyranniet som har plaga livet av dei sidane 1979. Det er ingen fridom for nokon som helst i Iran, og dei reelle makthavarane har isolert seg og står aldri på val. Landet er eit hyklerisk skinndemokrati. ¨

Store pengesummar vert kvar månad sendt ut av landet for å støtta terrorisorganisasjonar som Huthuane i Jemen, Hamas i Gaza og Hizbollah i Libanon med våpen og andre ting dei treng for å kunna bidra til Irans sjuke trong etter å knusa Israel og drepa jødar, medan det iranske folket knapt har til smør på skiva. 

I tillegg har det vore lang tids tørke i landet.

Alt dette har ført til at folk flest for lengst har vendt seg bort frå islam. 

Parallelt går det ei kristen vekking over landet som har eit omfang som får presteregimet til å skjelva skikkeleg i buksene. Jesu framgang er Irans håp. 

• Be om vern for dei som no demonstrerer mot regimet.
• Be om at regimet i landet må falla
• Be om at Guds ord skal ha stadig større framgang
• Be om at Gud skal hjelpa folk med dei mange kvardagsproblema deira

Martyrkyrkja. Iran: Fengsla kristen kvinne nekta medisinsk behandling etter å ha brote ryggen.

Aida Najaflou

Denne artikkelen er forfatta av Article 18. Omsett av KI. 

Ein kristen konvertitt halden i Evin-fengselet i Teheran fekk ikkje tilstrekkeleg medisinsk hjelp etter å ha fått eit brot i ryggraden frå eit fall, rapporterte den London-baserte rettsgruppa Article 18.

Article 18, som fremjar religionsfridom i Iran og dokumenterer forfølginga av kristne konvertittar, sa at Aida Najaflou, 44, fall frå øvste køya si tidleg den 31. oktober og fekk eit brot i T12-ryggvirvelen.

Ho vart teken til Taleghani-sjukehuset for røntgen, men returnert til fengselet same dag på ei båre, framleis i store smerter og utan den operasjonen legane tilrådde.

Protestar frå medfangar førte seinare til at styresmaktene overførte henne til Shahid Tajrish-sjukehuset, der legane igjen tilrådde akutt operasjon og fysioterapi.

Trass i dette, sa gruppa at Najaflou framleis er i fengsel utan skikkeleg medisinsk behandling.

Najaflou, som lid av revmatoid artritt, hadde gjentekne gonger åtvara fengselsstyresmaktene om at det var utrygt å klatre til øvste køya, men førespurnadene hennar om ei lågare seng vart ignorerte.

Ho var framleis i ferd med å komme seg etter ein ni timars operasjon då agentar frå etterretningsdepartementet arresterte henne i februar, og ho har blitt nekta tilstrekkeleg pleie gjennom heile varetektsperioden, inkludert under 65 dagar i isolasjon i avdeling 209 i Evin-fengselet.

Article 18 sa at ho framleis er bak lås og slå fordi familien hennar ikkje har råd til kausjonen på 130 000 dollar som vart sett for henne i mai, ein del av eit breiare mønster med tunge kausjonsvilkår pålagde kristne fangar.

Som eit anna døme sa gruppa at den iransk-armenske pastoren Joseph Shahbazian vart sleppt fri etter ein månad berre etter å ha betalt 50 000 dollar i kausjon.

Under iransk lov er berre etniske armenarar og assyrarar fødde inn i kristendommen anerkjende som kristne. Konvertering frå islam er forbode.

I følgje den USA-baserte rettsgruppa Human Rights Activists in Iran (HRANA) har rundt 11 prosent av offera for brot på rettane til religiøse minoritetar i Iran det siste tiåret vore kristne, særleg konvertittar.

Najaflou blir straffeforfølgt i ein islamsk revolusjonsdomstol saman med to andre kristne konvertittar, Joseph Shahbazian og Nasser Navard Gol-Tapeh.

Dei vart tidlegare i år sikta for samling og samansverjing og propaganda mot Den islamske republikken Iran over vanlege kristne aktivitetar som bønnemøte og dåp, ifølgje Article 18.

Article 18 sa at Najaflou også står overfor to tilleggssiktingar — propagandaverksemd mot Iran i cyberspace og propaganda til fordel for grupper som er motstandarar av Iran — over påståtte innlegg på sosiale medium som støtta protestane i 2022 som braut ut etter dødsfallet til ei ung kvinne, Mahsa Jina Amini, i moralpolitiets varetekt.

Ho er også skulda for å ha kritisert den drepne Hezbollah-leiaren Hassan Nasrallah på sosiale medium.

Be om lækjedom, fridom og rettferd for Aida Najaflou.

Be om at alle kristne som sit i fengsel i Iran må få nyta godt av Jesu trøyst og omsorg, og at dei alla skal få erfara rettferd og fridom.

Be om at regimet i Iran må falla, og at landet må få erfara fridom, demokrati og respekt for grunnleggjande menneskerettar. 

Be om at vekkinga i Iran må auka i styrke og breia seg til alle provinsar

Millionvis av afghanske flyktningar i Iran blir returnerte til heimlandet

Pga elendige levekår og null fridom har millionvis av afghanarar flykta frå Afghanistan til Iran, ofte i håp om å få koma seg vidare til Tyrkia og derifrå til Europa. Det er for mange eit håplaust prosjekt, og no skjer det motsette. 1 million afghanarar i Iran er blitt deportert til heimlandet det siste halve året.  Det er den største massedeportasjon i nyare tid. Det er 4 millionar afghanarar i Iran. Mange er fødde der. No blir dei sende til eit land dei aldri har vore i, og som blir framstilt som heimlandet deira. Heilt absurd for dei, naturlegvis. Taliban, terrorgruppa som styrer Afghanistan, lover rettssaker mot dei returnerte. Akk og ve, me må be! 

I dag fekk eg dette brevet frå leiaren av Elam-mission, David Yeghnazar: 

Kjære ven,

Eg skriv for å be om forbøn for ei djupt urovekkande krise: millionar av afghanske flyktningar vert tvangsdeporterte frå Iran til Afghanistan.

I fleire tiår har Iran husa over 4 millionar afghanarar som flykta frå vald og ustabilitet i heimlandet. No, samlar styresmaktene afghanske statsborgarar og transporterer dei med buss til grenseleirar. Det er dramatisk og hjarteskjerande. 

Meir enn 1 million menneske har vorte deporterte i 2025. Ein kvart million har vorte deporterte berre sidan slutten av den 12 dagar lange krigen i slutten av juni.

Førre veke høyrde vi frå ein 18 år gammal afghansk kristen som vart teken til ein av desse grenseleirane. Det ho skildra var alvorleg: • Leirane er i avsidesliggande ørkenområde der temperaturane når 52°C/125°F • Mange kjem utan eigedelar, mat eller vatn • Flyktningar vert tvinga til å betale ei avgift — ofte uoverkomeleg — berre for å bli sleppt fri for å krysse inn i Afghanistan . Takka vere støtta di, klarte denne modige unge kvinna å bringe praktisk hjelp til nokre av dei mest sårbare i leiren før ho sjølv kryssa grensa. Gjennom hennar godleik og vitnemål kom to menneske til tru på Kristus.

Fødd i Iran og introdusert for Kristus av iranske truande, hadde denne unge afghanske kvinna aldri sett fot i Afghanistan før. Mange unge deporterte deler same skjebne — sendt til eit land dei aldri har kjent.

Ver venleg å be: 

• For Guds miskunn — at Iran vil stanse denne traumatiske prosessen med tvangsdeportasjon 

• At denne unge kvinna, og andre som ho, vil finne ly og fellesskap i Afghanistans vesle, men modige undergrunnskyrkje 

• For vern av kvinner og jenter som vil møte ein særleg undertrykkande realitet i Afghanistan

Om du kan, ver venleg å vurder å gje til vårt humanitære hjelpeprosjekt. Støtta di hjelper oss å gi kritisk hjelp til dei som lid i desse grenseleirane.

Venleg helsing

David Yeghnazar.

700 jødar arresterte i Iran

 Etter krigen mot Israel er 700 jødar blitt arresterte i Iran mistenkte for å ha samarbeida med israelarane. Utan rettargang og framlegde bevis er alt fleire av dei blitt avretta. Det er ILTV som melder dette.

Be om Guds beskyttelse over jødane i Iran. 
Be om at dei må få koma seg trygt til Israel. 

Krig mellom Israel og Iran

 Krigen mellom Israel og Iran rasar no på sjette døgnet. 

Far i himmelen! Me ber om vern for alle sivile i Iran og Israel som blir eksponerte for bomber, rakettar og droner. Gode Gud! Spar dei for død og alvorleg skade på kropp og sjel. 

Me ber i Jesu namn om at prestestyret i Iran no skal falla og bytast ut med eit demokratisk styresett. 

Me ber om fred og eit godt samarbeidsklima  mellom Iran og Israel. 

Me takkar deg for den kristne vekkinga som brenn i Iran. Ta vare på denne flammen midt i stormen, og lat den ta seg kraftig opp og spreia seg over heile landet. 

Og så ber eg spesielt for Kristkyrkja sine vener i Iran: Golara, Arshin, Narges, Hamid, Serveh og Avan

Fengsla pastor i Iran er blitt råka av hjerneslag

 

I 2017 vart pastor Nasser Navard Gol-Tapeh dømd til ti år i fengsel for sitt kristne engasjement. Sjølv om han vart benåda og sleppt fri i 2022, vart pastoren plutseleg arrestert på nytt den 6. februar i år. 

Etter denne siste arrestasjonen vart pastor Nasser halden utan tiltale og nekta juridisk representasjon. Som siste utveg starta han ein sveltestreik kort tid etter fengslinga. Dessverre vart han funnen medvitslaus i si einecelle den 17. mars. Pastor Nasser vart deretter frakta til sjukehus, der det vart fastslått at han hadde fått eit slag.

Den 63 år gamle konvertitten fekk grunnleggjande medisinsk behandling og fekk øvingar for å hjelpe til med å gjenvinne rørsle på venstre side av kroppen. Trass i legens tilrådingar om fysioterapi og vidare behandling, vart han deretter sendt tilbake til fengsel. Sjølv om pastor Nasser sidan har avslutta sveltestreiken, held han fram med å lide av manglande rørsle i venstre arm og bein.

I tillegg til arrestasjonen av pastor Nasser, vart pastor Joseph Shahbazian og to kristne kvinner også tekne i varetekt den 6. februar. Det vert no uttrykt bekymring for lagnaden til dei to kvinnene, der den eine er sidan blitt identifisert som "Aida." Ho vert truleg halden i kvinneavdelinga i det berykta Evin-fengselet i Teheran. 

Gode, allmektige Gud! Me ber i Jesu namn for pastor Nasser at han skal få lækjedom for skadane hjeneslaget har påført han, og at han skal få den medisinske behandlinga han treng for å koma seg gjennom dette meiningslause fengselsopphaldet. Ver også med Joseph Shabazian og dei to kvinnene som er nemnde her. Hald dei oppe i trua og gjer dei sterke ved nåden i Jesus Kristus. Må dei styrkast med Den Heilage Andens kraft og nåde. Må ditt nærvær stå klårt for dei, slik at dei ikkje kjenner seg rikeleg trøysta og aldri åleine. Og så ber me i Jesu namn om at dei skal bli sette fri, og at den dagen skal framskundast. Amen! 

Anke avvist for tre fengsla konvertittar i Iran

For nokre veker sidan bad me for dei tre som er på bileta under. No må me hugsa dei enno meir i bønene våre. Forfølginga i Iran har gjerne så langt råka prestar og pastorar, men det nye er at også vanlege kristne vert dømde til strenge straffer. 

      Frå venstre: Abbas Soori, Narges Nasri og Mehran Shamloui 

Foto:Article 18 

Den 8. mars vart tre kristne konvertittar i Iran, inkludert ei kvinne som var gravid med sitt første barn, dømde til lange fengselsstraffer for å ha delteke i aktivitetar knytte til deira religiøse tru. 

Dommen vart anka av alle tre Jesu etterfølgjarar, som kvar hadde fått straffer på over ti års fengsel. Men den 26. april vart det kunngjort at ankedomstolen hadde avvist deira klager, og sa at dei rettslege avgjerdene vart gjort "med tanke på omfanget av [dei kristne sine] aktivitetar, og deira skadelege verknader."

Be om at Herren vil gje oppmuntring, styrke og trøyst til kvar av desse nyleg fengsla truande, og til dei mange andre kristne som for tida er fengsla i Iran. Må Guds Heilage Ande verke mektig på politikarane i landet slik at dei kan innsjå det store behovet for reform, rettferd og toleranse på vegner av våre iranske brør og systre i Kristus.

Iran. Lida Alexani isolert i einecelle

 

Lida Alexani, kona til Joseph Shahbasian som me nyleg bad for, er no isolert i einecelle i det berykta Evinfengslet i Teheran. Det er ein form for psykologisk tortur. 

Takk, Herre Jesus fordi du er saman med henne i denne vesle, stusselege cella. I dag ber me om at du skal beskytta henne mot alle former for seksuelle overgrep som er så vanlege i dette fengselet. Takk for dine englar som blir sendt ut for å tena dei heilage i deira naud, og me ber om at Lida skal merka at det er slik. Amen!

Tre iranske konvertittar dømde til lange fengselsstraffer

 

Abbas Soori, Narges Nasri og Mehran Shamloui, er iranarar som har kome til tru på Jesus. No er dei dømde til heilt ville fengselsstraffer. Narges (som er gravid) til 16 år, Abbas fekk 15 år og Mehran 11 år. Det spesielle er at ingen av dei er pastorar, men vanlege kyrkjemedlemmer. Det er tydeleg at regimet i Iran no satsar alt på å skremma trua ut av folk, eit symptom på at dei kjenner seg makteslause med tanke på å stoppa den kristne vekkinga i landet. Iranarar lengtar så mykje etter Jesus og hans kjærleik. Dei har fått meir enn nok av religiøst strev og islamsk hat. Be for desse tre, og i særleg grad for barnet Narges ventar. Kva skal det bli med det? "Herre, miskunna deg over dei alle! " Kjelde: Avisa Dagen og Artikkel 18

Å Gud! Hjarto våre blør med tanke på desse tre.

Gode Far! Må du gripa inn med stor kraft i desse tre sine liv, og fri dei ut frå fangenskapet.

Me ropar til deg for barnet til Narges. Må det ikkje hamna i feil hender. Det tilhøyrer deg og mora og faren, og ingen andre.

Denne naude er større enn me kan bera. Me er så hjelpelause, og den einaste som kan hjelpa er du.

Må det reisa seg eit stort internasjonalt press mot styresmaktene i Iran som gjer at dei ikkje lenger kan halda desse i fengsel.

Me ber i Jesu namn, amen!

Mojbata Irani arrestert i Tyrkia for å bli sendt ut av landet

 

Foto: Article18

Mojtaba Irani flykta til Tyrkia i 2013 etter å ha vore fengsla og torturert for si nyvunne kristne tru i Iran. Han, som dei fleste andre kristne konvertittar i landet, vart klaga for å ha drive på meg ting som å driva med propaganda mot den islamske republikken Iran.  Styresmaktene vert aldri leia av å koma med slike meiningslause påstandar om enkle kristne i landet som forkynner evangeliet om Jesus og deler ut kristen litteratur. 

Sjølv om Mojbata har vore i Tyrkia i 12 år snart, har han aldri blitt kalla inn til invervju der han har fått lagt fram saka si. Difor har han vore utan flyktningestatus, og har ikkje kunna nyta godt av det vern Flyktningekonvensjonen gjev folk på flukt.  Den 29.januar i år vart han arrestert og fengsla med tanke på deportasjon til Iran. 

Tyrkiske styresmakter har dei siste åra sett seg lei på utanlandske kristne misjonærar i landet, og har utvist mange av dei, både amerikanske og tyske, og no er dei begynt å aksjonera mot iranske kristne for å deportera dei til Iran der slike som Mojbata Irani garantert vil bli arrestert og utsett for tortur. Han er per i dag blitt frårøva alle dei grunnleggjande menneskerettane sine: trusfridom, ytringsfridom, retten til asyl, retten til ikkje å bli utsett for tortur, retten til å få saka si prøvd for ein uhilda domstol. Det har han felles med mange andre iranske flyktningar i Tyrkia. 

Be om at Gud må sjå i nåde til Mojbata Irani slik at han kan få saka si prøvd for ein uhilda domstol i Tyrkia, at han skal sleppa deportasjon, at han må få erfara at Guds vern og nærvær, at han er djupt elska og at han kan bli godkjent som FN-flyktning og overført til eit land her i vesten. 

Dagens nasjon: Jemen

Kjelde: operationworld.org

Folketal: 30 500 000 fordelt på 29 folkegrupper som snakkar 14 ulike språk. 99,9% (overestimert) av alle jemenittar er muslimar. 0,1% er kristne (underestimert). Jemen er rangert som nr.7 på Åpne Dører si liste over land som forfølger kristne. Hovudstaden er Sana`a. Landet er råka av ein langvarig og brutal borgarkrig der dei reelle motstandarane er Iran og Saudi Arabia, to land som står opp mot kvarandre i mange land i Midt-Austen. Blokade av hamnar har ført til hungerkatastrofe i Jemen, ein katastrofe som har ført til død for tusenvis av underernærte barn. 

Be om fred for Jemens befolkning.

Be om at matvarehjelp må nå fram til dei som svelt.

Det føreligg informasjon om ei stille vekkjing i Jemen. Kristne radio og TV-sendingar når fram til folk og skaper tru, og dei truande finn kvarandre og samlast i små svært effektive grupper. 

Takk Gud for alle jemenittar som kjem til tru på Jesus
Be om at dei må bli grunnfesta og forsvarleg disippelgjort
Be om at dei frimodig, og under Andens leiing, skal forkynna evangeliet for sine medmenneske 
Be om vern mot alle former for overgrep 

Dagens unådde folkeslag: Kurdarane sentralt i Irak

 

Kjelde: joshuaproject.net

Folketal: 5 147 000. Religion: 99,96% islam. 0,04% kristne. 0,03% evangeliske kristne. Kurdarane er etterkomarar etter dei antikke medarane. Dei vise menn som besøkte barn Jesus var truleg zoroastriske mediske  prestar.

Kurdarane er muslimar light, og dei er mykje lettare å vinna for Kristus enn dei fleste andre muslimar. Når dei får høyra evangeliet, opplever dei det som sanning, og dei tek lett imot Jesus som Herre og frelsar. 

Dei irakiske kurdarane snakkar kurdisk. 

Som eg har nemnt tidlegare i denne bloggen, vart kurdarane "gløymde" då dei nye nasjonsgrensene vart trekte etter 1.verdskrigen. Dei er i dag eit folk utan land. 

Etter å ha støtta Iran i den 10-årige krigen (1979-1989) mot Irak og Saddam Hussein, hemna Hussein seg grusomt med å utsetja kurdarane for gassåtak som tok livet av mange, mange tusen av dei me ber for i dag. 

Takk, Herre for dei irakiske kurdarane som er så mottakelege for evangeliet. Likevel er det nesten ingen av dei som har høyrt om deg. Du sa ein gong at du ved enden av tida ville ausa din Ande ut over alt kjøt. Oppfyll dette løftet på dei irakiske kurdarane. Må himmelen koma til dei, og ordet ditt lyda for dei, og bli dei til frelse. Amen! 

Armenia

 

Armenia ligg i Kaukasus, fjellandsskapet mellom Svartehavet og Kaspiahavet. Landet vert rekna som det første landet i verda som tok kristendomen som nasjonal religion. Det skjedde tidleg på 300-talet. Landet ligg no som ein kristen kile mellom tre muslimske statar: Iran, Aserbajdsjan og Tyrkia. Georgia i nord er også kristent. 

Frå 1915-1917 vart armenarane i Tyrkia utsette og folkemord frå den tyrkiske majoritetsbefolkninga. Det skjedde i skuggen av 1.verdskrigen. 1,5 armenarar vart drepne, Likeeins 700 000 kristne assyrarar. Mange tyrkiske armenarar flykta då til Armenia. Grensene mellom Armenia og Tyrkia er stengde, og landet ligg i kontinuerleg konflikt med Aserbajdsjan om enklaven Nagorno Karabach. Dei siste åra har det vore utkjempa to krigar. I fjor tapte Armenia deler av området til Aserbajdsjan ein blodig krig der Aserbajdsjan fekk god hjelp frå trente leigesoldatar frå IS-krigen i Syria.

Innbyggjartalet i Armenia er 2,9 millionar. Men det er 8 millionar armenarar som lever i andre land. I den siste tida har dei begynt å verdsetja sin kristne arv, og mange av dei responderer godt på evangelisk kristendom og etablerer eit personleg forhold til Jesus Kristus som frelsar og Herre. 

Hovudstaden er Jerevan. 

Den armensk ortodokse kyrkja er ein nøkkel til å nå armenarane med evangeliet. Denne treng leiarar som kjenner Jesus, menn som kan føra ei djup åndeleg fornying inn i kyrkja. Det trengst, for kyrkja har gjennom åra stivna i ritualisme. 

Kyrkja er delt i to, ein vestleg og ein austleg del. Denne splittinga er 1000 år gamal, og dei to fraksjonane tilber Gud på to ulike dialektar. 

"Det armenske kyrkje-elskande brorskapet" er ei evangelisk vekkingsrørsle innafor kyrkja. Dei driv med bibelstudier og arbeid mellom fattige og foreldralause barn. 

Herre Jesus! Me ber om fred mellom Armenia og dei omkringliggjande landa slik at dei kan driva normal interaksjon med kvarandre, til glede for alle. 

Me ber om vekking og nytt liv i heile den armensk ortodokse kyrkja.

Me ber om at denne vekkinga skal spreia seg til heile befolkninga

Me ber om at du skal halda di vernande hand over landet og folket slik at dei ikkje vert utsette for overgrep frå fiendemakter.

Me ber om at armenarane skal bli sett i brann for Jesus, og bli ein nasjon som eksporterer evangeliet til andre nasjonar. 

Me ber om ny einskap mellom den austlege og den vestlege kyrkjegreina. 

Me ber om at brorskapet skal få stor innflytelse på den armensk ortodokse kyrkja.

Iran

Folketal: 84 923 314 (juli 2020) fordelt på 100 folkegrupper. Hovudstad er Teheran, og elles ser du på kartet over namnet på mange andre store byar i landet. Mange av dei er millionbyar. 

Det er naturlegvis flest persarar i Iran (62%). Men det er også andre store grupper som aserbadsjanarar (22%), tyrkarar, balutsjar, arabarar og sigøynarar.

Offisielt språk er farsi. Totalt blir det snakka 79 språk. Heile Bibelen er omsett til 4, 6 språk har NT medan 7 har deler av Bibelen. Dette er tal frå 2010.

Iran er eit religiøst diktatur styrt av ayatollah Ali Khamenei og eit presteråd.

Dei vert verna av den berykta Revolusjonsgarden som har 350 000 topptrente soldatar under våpen og tilgang til uavgrensa ressursar.

Landet har ein president og eit parlament som ikkje har noko reell makt.

Før 1979 var landet styrt av ein konge, og samfunnet var ganske liberalt. Men den islamske revolusjon i 1979 endra dette radikalt. Då kom ayatollah Khomeini til makta, og etter den tid har Iran vore eit terrorvelde som undertrykkjer si eiga befolkning med alle kjende midlar, og som spreier og finansierer terror over heile Midt-Austen. Dei står bak Hizbollah i Libanon, Hamas i Gaza, Hutumilitsen i Jemen, Islamsk jihad, PKK (det kurdiske kommunistiske parti), det iraksike Da`wah-partiet, den islamske frigjeringshæren i Bahrain, den japanske raude arme og mange andre grupper. Enorme summar går med til iransk terror i utlandet.

Iran hatar Israel, og har sett seg som mål å utsletta den jødiske staten. For å få dette til jobbar dei febrilsk for å skaffa seg atomvåpen, og har i dag utstyr som skulle gjera dei i stand til å klara det.

Iran er pga atomprogrammet sitt underlagt strenge økonomiske restriksjonar frå verdssamfunnet si side. Det hemma den økonomiske utviklinga i landet.

Iran er i hovudsak shiamuslimsk (89%), men arabarane, tyrkarane, nokre aserbadsjanarar og balutsjarane er sunnimuslimar. Det finst små grupper armenske og assyriske kristne i landet. Dei har lov å driva på med sitt, berre dei ikkje evangeliserer. Det er forbode å forretta gudsteneste på farsi.

I det offentlege rom må alle iranarar følgja strenge religiøse reglar. Men på heimebane er dei liberale, og stort sett er dei lut lei islam. Dei føler seg rundlurt av presteskapet som lova gull og grøne skogar før revolusjonen i 1979. Ingenting har dei halde, og fattigdomen spreier seg. Det har ført til massive protestar som er blitt slått ned med våpen av styresmaktene. I sist runde (etter nedskytinga av eit ukrainsk passasjerfly) vart 1500 protestantar skotne og drepne av Revolusjonsgarden sine folk.

Dei siste 30 åra har det vakse fram ei protestantisk undergrunnskyrkje i Iran, og evangeliet om Jesus spreier seg frå kvinne til kvinne og mann til mann med ei stadig aukande kraft. I dag kan det vera så mange som 3 millionar protestantiske kristne i landet. Presteskapet er kjempebekymra, og forfølgjer dei kristne med aukande intensitet. Det er forbode for ein muslim i Iran å konvertera til ei anna tru. Det er apostasi, og skal i prinsippet straffast med døden, men det skjer sjeldan. Aktive konvertittar blir det som regel idømt lange fengselsstraffer.

Etter 1979 har millionvis av iranarar flykta til andre land. Mange av desse er blitt kristne.

Likevel er dødsstraff flittig brukt i Iran mot politiske fangar under påskot av at dei har drive med narkotika. Men bruk av narkotika er vanleg også blant presteskapet. Knapt noko land i verda har større rusproblem enn Iran.

Iran er ille plaga av koronaviruset, og styresmaktene har mista all kontroll. 12829  iranarar har døydd av denne sjukdomen dei siste vekene. Men me må rekna med at mørketala er store her. Truleg er det langt fleire. 

Iran er eit uvanleg vakkert land med eit høgreist folk og ein rik historie som går mange tusen år attende i tid. Mange ting kunne vore skrive om kulturskattar, mattradisjonar og folket sin enorme interesse for poesi osv. Men det er ikkje plass til det her.

• ·       Det er grunn til å takka Gud for den kristne vekkinga som i dag spreier seg i Iran som eld i tørt gras.
• ·       Be om at det som skjer berre skal auka i kraft
• ·       Be om at dei kristne skal ha tilgang til nok biblar og annan kristen litteratur.
• ·       Be om at dei kristne skal bli verna mot vrang lære. Det er mange unitare kyrkjer i Iran som fornektar Jesu guddom.
• ·       Be om at Bibelen skal bli ei populær bok i Iran som alle får lyst til å lesa.
• ·       Be om at Bibelen skal finna sin veg inn i dette landet.
• ·       Be om at Gud skal verna dei kristne mot  overgrep, og gje dei visdom i møte med styresmakter som berre vil dei vondt.
• ·       Be om at Gud skal styrkja alle kristne som i dag sit i fengsel, og særleg dei som blir utsette for tortur.
• ·       Be om at evangeliet må få så stor makt i landet at det blir totalt forvandla frå innsida, og at det muslimske presteskapet også skal bli rivne med av Jesusvekkinga.
• ·       Be om at evangeliet også skal nå fram til dei mange unådde folkeslaga i landet som gilaki i nord og balutsjarane i sør-aust.
• ·       Be om at Jesus skal løysa alle med rusproblem som ber han om hjelp.
• ·       Be om at prestestyret skal falla, og at Revolusjonsgarden skal løysast opp
• ·       Be om at iranarane skal forstå at jødane er Guds utvalde folk, og at dei blir velsigna om dei velsignar Israel.
• ·       Be om at iranarane i diaspora (landflyktighet) skal få møte Jesus, ta imot hans som Herre og frelsar i sine liv og få hjarto sine forvandla av evangeliet og Den Heilage Andens kraft.

Iran: 12 kristne arresterte i ein koordinert politiaksjon

30. juni og 1. juli vart 12 kristne arresterte i ein koordinert politiaksjon i byane Teheran og Malayar. Politiet braste inn i eit husmøte i Teheran der det var samla 30 kristne. Fleire av dei vart arresterte. Etter arrestasjonen tok politiet, eller rettare sagt representantar for den berykta revolusjonsgarden, dei med seg til dei respektive buplassane. Nokre av dei var heimehøyrande i provinsen Karaj. Der vart heimane deira gjennopmsøkte for å finna kristen litteratur og studiemateriell. I dag sit ni av dei arresterte framleis i varetekt på ukjent stad.

Parallelt med hendingane i Teheran vart tre kristne arresterte i Malayar, ein by litt lenger vest.

Det syner seg at politiet har hatt ein infiltratør i dette miljøet som har informert om aktivitetane deira.

Kjelde: www.persecution.net

Be om at Gud skal styrkja dei arresterte og halda trua og motet oppe hos dei. 
Be om at dei snarleg skal bli sett fri. 

Iran 1

Areal: 1648196 km2. Folketal: 83 024 745 (juli 2018) fordelt på 100 etniske grupper. Det er flest persarar naturlegvis (vel 52%), men også vel 25% tyrkarar (for det meste aserbadjanarar) samt 6% kurdarar. Det blir snakka 79 språk i Iran. Av desse har 4 heile Bibelen tilgjengeleg. 14 andre har NT eller deler av Bibelen. Det nasjonale språket er farsi (persisk). Om lag 4 millionar iranarar lever i land utanfor Iran, dei fleste som flyktningar.

Hovudstad er Teheran med over 7 millionar innbyggjarar.

Iran var i historisk tid ei politisk, religiøs og kulturell stormakt, og alle bibellesarar kjenner namn som Kyros, Dareios og Atarxerxses, kongar som erobra store landområder og gjorde Persia til ei verdsmakt. Denne stordomstida lever i folks minne den dag i dag, og formar måten dei tenkjer om seg sjølv på.

Iran vart islamisert på 600-talet, heilt i religionens barndom, og er i dag senteret for sjiaislam, den nest største retningen innan islam. Sjia står i ein gamal og uforsonleg strid med sunni, som er den største retninga. Striden mellom sjia og sunni materialiserar seg som ein strid mellom Saudi Arabia og Iran, og det meste av det som skjer av krigar og konfliktar i Midt-Austen, går langs denne aksen, som t.d. dagens krig i Jemen. Iran blir rekna for å vera ei kraft i den bølgja av terror me har sett i verda dei siste åra.

Etter den islamske revolusjonen i 1979 som innførte prestestyre og eit islamsk religiøst diktatur i landet,  har Iran lege i bitter strid med USA, og til dels heile vesten. Landet har eit omfattande atomprogram. Dei har som mål å skaffa seg kjernevåpen så fort som dei kan, noko som har resultert i ein omfattande økonomisk blokkade frå USA si side.  Akkurat no toppar det seg i Persiabukta. Iran har fysisk gått til åtak på tankskip som seiler gjennom Hormusstredet med olje til vestlege land, og store amerikanske og britiske marinestyrkar samlar seg no for å verna skipsfarten, og situasjonen kan utvikla seg til storkrig.  Det kan bli apokalyptisk.

Iran har også som uttalt politikk å utsletta staten Israel. Etter deira syn ligg verdas einaste jødestat  som ein skamplett på muslimsk kjerneområde. Det er utåleleg, og Israel må bort. Det at iranarane er så hissige på å utvikla atomvåpen må sjåast i denne samanhengen.

Over 98% av befolkninga er muslimar.
Offisielt er 0,55% kristne.
Kyrkja i Iran er langt eldre enn islam, men dei små historiske ortodokse kyrkjene er gjerne introverte, og har ikkje anna mål med det dei held på med enn å ta vare på det dei har.

Parallelt føregår det ei evangelisk vekkjing i landet med dimensjonar langt større enn det me nokon gong har sett i vår tid. Dei mest spennande forteljingane om kva som skjer i Guds kyrkje i verda i dag kjem frå Iran. Huskyrkjene veks med 22% kvart år, og sjølv om dei i tal er små sett i den store samanhengen, er det som skjer med dei så omfattande at det muslimske presteskapet stadig går ut og åtvarar folk mot å slutta seg til dei kristne, som dei framstiller som ein nasjonal tryggleiksrisiko.

Forfølginga av dei evangelisk kristne i Iran er intens, og rundt 3-400 av dei er til eikvar tid å finna i iranske fengsel, og det siste året har lengda på fengselsstraffen auka til det doble, gjerne frå fem til ti år.  Landet ligg på 5. plass på Åpne Dører si World Watch List.

Gud har tydelegvis ein eigen agenda med iranarane i vår tid, og me ser at flyktningar frå Iran er desillusjonerte på vegne av islam, og ingen er så lette å vinna for Kristus som desse. Mange opplever å møta Jesus i syner og draumar.  I Kristkyrkja på Stord har me døypt mange iranarar, og me har sett ringverknadar av vårt arbeid også har spreidd seg til Iran.

Dei økonomiske sanksjonane mot landet har stor effekt, og vanlege folk har lite å rutta med. Dei kjempar for å få endane til å møtast. Dette har resultert i fleire håplause demonstrasjonar dei siste åra som raskt er blitt knuste av styresmaktene.

Ein stor prosent av menneska i Iran er stoffavhengige. Heroinmisbruket er omfattande og øydelegg mange familiar.

• Takk Gud for alle som i desse dagar kjem til tru på Jesus i Iran. 
• Be om at dei skal ha Guds fred i hjarto sine midt i fiendeland.
• Be om at vekkjinga i Iran skal gå fram med uforminska kraft
• Be om at alle nye kristne skal bli grunnfesta i Gud og forsvarleg disippelgjort
• Be om at dei truande skal ha tilgang på nok biblar
• Be om at landet skal bli totalt forvandla av Guds kjærleik, og av evangeliet om Jesus skal finna sin veg til kvar einaste avkrok av landet, og at folk overalt skal læra seg å elska Han som døydde for oss og stod opp for oss. 
• Be om at prestestyret skal falla
• Be om at iranarar må læra seg å elska Israel og det jødiske folket, og vera takksame for den arven verda har fått gjennom Israel  (Jesus og Bibelen). 
• Be om at Iran skal gje opp atomprogrammet sitt, at konflikten med USA skal leggja seg, og sanksjonane mot landet lettast. 
• Be om at vanlege folk i Iran skal finna fram til evangeliske TV-sendingar. Mange kristne eksiliranarar jobbar med å laga TV-program på farsi som dei sender på satelitt, og stadig finn folk i Iran Jesus gjennom desse programma. 
• Be om at folk som slit med rus skal få erfara at Jesus kjem og lækjer dei og set dei i fridom og fyller liva deira med kjærleik og meining. 

Iranske geistlege åtvarar mot den kristne framgangen

Kjelde: International Christian Concern, VOM,



Hujjat al-Islam Naser Rafiei, ein islamsk geistlig i den heilage byen Qum, åtvarar no enno ein gong unge menneske i Iran mot kristendomen, særleg mot huskyrkjene. Det er andre gongen dette skjer i laupet av ein toårsperiode. Bakgrunnen er ein ungdomsvekking i Qum der hundrevis har snådd ryggen til Islam og begynt å tru på Jesus. 

Forfølginga av dei kristne i Iran har i 2018 nådd eit nytt nivå der stadig fleire blir arresterte, og straffene blir strengare. Over 10 år i fengsel for å ha forkynt evangeliet er ikkje uvanleg lenger.

Presteskapet har god grunn til alvorleg begymring. Kyrkja i Iran veks med 22% kvart år, og dersom dette held fram, vil landet om nokre tiår vera ein gjennomgåande kristen nasjon. 

Herre Jesus! Me takkar deg for at du i desse dagar auser din Ande ut over iranarar i Iran og over heile verda. Beskytt alle som sit fengsla for trua si, gje dei fridomen attende når tida er inne for deg, og lat fangane dei sit inne saman med få sjå deg i dei kristne, koma til tru og bli frelst. Amen!