Russland del 2

 Millionar kjempar mot fattigdom og vonløyse. Russland har ei av verdas eldste befolkningar, samt låge innvandringstal. Russlands befolkning søkk med over 500 000 kvart år, og fødselsraten er blant verdas lågaste. Samtidig er Russlands abortrate ei av verdas høgaste. Alkoholisme, narkotikaavhengigheit, sjølvmord og familiesamanbrot øydedelegg mange liv. Russland har også ein av Europas høgaste infeksjonsrater for ei rekke sjukdomar, men helsekostnadene er for høge til at mange kan dra nytte av dei. I fredstid driv mange ungdommer med hedonistisk utskeiingar. 

Krigen i Ukraina, og det at mange unge menn flyktar ut for å sleppa å gå i krigen, frårøvar landet for den neste generasjonen.

* Be om at Gud skal sjå i nåde til dette landet, og lære befolkninga å tru på Jesus og å leva liva sine i samsvar med Guds gode lover. 

* Be om at det må bli eit oppgjer med og ein slutt på misbruk av alle typar rusmidlar, aggressiv livsstil, partnerdrap, seksuelle overgrep, incest, abortar, seksuell umoral, økonomisk bedrageri, hat og krigsmentalitet.

* Be om at Gud skal reisa opp apostlar, profetar, evangelistar  hyrdar og lærarar som kan utrusta dei heilage til all god gjerning, og som kan tala Guds vilje inn i liva til høge og låge, rike og fattige, mektige og avmektige. 

Angola

Angola ligg sør for ekvator, på Afrikas vestkyst.
Folketal: 18 mill
Areal: 1,246700 kv.km.
Religion: over 17 millionar kristne. 4 millonar av dei er evangeliske.
Kristendomen veks med 3% årleg (folketalsvekst), dei evangeliske kyrkjene med 4%.
Hovudstad: Luanda

Gamal portugisisk kolonoi som vart sjølvstendig i 1975. 27 år med påfølgande borgarkrig har gjort nesten uboteleg skade på infrastrukturen, og landet er fullt av udetonerte landminer.

Sosialistane som kom til makta i 1975 hadde utsletting av kristendomen på programmet.
Etter den tid har talet på kristne firedobla seg.

Dei fleste kristne i landet tilhøyrer den romersk katolske kyrkja, og dei fleste er nominelle.
Synkretismen er stor både når det gjeld lære og praksis.

Angola har utvikla seg til å bli ein stor oljenasjon, og det har ført til ny økonomisk utvikling.
Landet er rikt på mineraler og andre naturressursar
Fattigdomen er likevel ekstrem mellom vanlege folk.

Språk: Portugisisk. Totalt: 41. 33 bibelspråk (2010)

Gode Gud! Me ber om at du skal skapa full forsoning mellom dei som i så mange år forsøkte å ta livet av kvarandre.
Me ber om at kyrkja di skal vera varm, vital og kraftfull.
Me ber om kristen einskap.
Me ber om at kyrkja di skal bli reinsa frå synkretisme, trolldom og skammelege synder
Me ber om gode nasjonale og lokale leiarar i kyrkja di
Me ber om at folk skal bli kvitt demoniske makter som villeier og plagar dei.
Me ber om at dei unådde folkeslaga i landet skal bli nådde med evangeliet
Me ber om at dei nye rikdomane skal koma landet til gode, og bli fordelte rettferdig.
Me ber om rettsindige og gudfryktige leiarar.
Me om at alle korrupte leiarar skal bli fjerna frå stillingane sine.
Me ber om eit godt utdanningssystem for dei unge.
Me ber om eit godt helsevesen for dei sjuke og skadde
Me ber om at alle landminer skal bli funne og uskadeleggjort
Amen!

Kjelder: Operation World og Prayercast

Gonjafolket i Ghana

Gonjafolket held til nord i Ghana, er bønder og tilhøyrer det fattige segmentet i den ghanesiske befolkninga. For å få endane til å møtast, føler dei seg tvungne til å halda barna sine heime frå skulen slik at dei kan hjelpa til med arbeidet på markene. Dette er ein vond sirkel. Utan utdanning, ingen framgang for nokon. Fattigdomen nord i Ghana er endemisk der folk opplever formidable utfordringar knytt til vassforsyning, mat og sysselsetting. 95% av dei 300 000 gonjaane er analfabetar. Dette inneber at evangeliet i første omgang må presenterast for dei munnleg. Det er nokre få truande kristne i folket. Desse treng å bli disippelgjort. Folket har sitt eige språk, og NT er tilgjengeleg på gonja, likeeins Jesusfilmen og NT i lydformat.

Kjære gode Gud. Velsign dette hardt prøvde og tungtarbeidande folket. Å Herre, gje dei del i din kjærleik i Jesus Kristus, og må Andens livgjevande elv nå fram til dei og skapa liv og glede i hjarto deira. Må Jesuslyset stråla over dei slika at liva deira vert nye og fulle av håp. Og så treng dei vatn, Gud, for at avlingane skal bli gode. Motiver dei til å prioritera skulegang og utdanning for barna sine slik at dei på sikt også kan læra seg meir effektive dyrkingsmetodar. Så ber me om eit sterkt fellesskap mellom dei truande i dette folket, og må kyrkja di bli grunnfesta og verkeleg skina for alle i folket og formidla frelse og lækjedom frå himmelen til dei. Amen!

India

I India bur det 1,2 milliardar menneske som til saman snakkar 456 ulike språk. Av desse er heile Bibelen omsett til 70, 120 har et nye testamentet, 89 har deler av GT og NT, medan det er starta omsettingsarbeid i 136 språk (tal frå 2010).
Om lag 80% av innbyggjarane er hinduar. 2-3% er kristne, 13% muslimar, 1% sikhar.
Det er kristendomen som veks forstast i India no. Det er stor intensitet i misjonsarbeidet frå indiske kristne og kyrkjer som i hovudsak har ført til denne veksten.
Befolkninga er delt inn i 4700 kastar, og det er rundt 25000 underkastar. Sjølv om kastesystemet er forbode ved lov, har det likevel stor betydning for dei vala indarane tek, og kan ta , i liva sine. Kastesystemet er nær knytt til hinduismen, men er diverre også levande innan den kristne kyrkja.
India har dei siste tiåra hatt ein formidabel økonomisk utvikling. Landet er ei økonomisk stormakt i dag, og ligg på fjerde plass når det gjeld talet på millionærar, og ein ny middelklasse har vakse fram og er i dag svært dominant. Trass i dette lever over 40% av befolkninga i den ytste fattigdom, 40% av barna har ikkje nok mat å eta,  25% er kastelause og lever som gjeldsslavar under korrupte godseigarar (70% av Indias befolkning lever på landsbygda og er knytt til det føydale jordbruket der), ei gjeld som går i arv frå generasjon til generasjon. Ikkje noko land i verda kan skilta med større økonomisk ulikskap og urettferd enn India.
900 000 indarar døyr kvart år av å ha drukke ureint vatn.
Landet er nr. tre i verda når det gjeld HIV-smitta.
Tredjeparten av alle tuberkulosetilfella i verda er i India.
Landet har 1000 spedalskkoloniar
35 millionar barn er foreldrelause
3 millionar av dei lever på gata
Fattige foreldre sel barna sine til prostitusjon for å nedbetala gjeld
2/3 av barna vert utsette for fysiske overgrep
Halvparten av barna opplever seksuelle overgrep
Mange jenter vert aborterte eller drepne ved fødselen. Det er eit underskot på 35 millionar kvinner i India i dag. Dette kan forklara noko av problemet rundt massevaldtekter som stadig rystar landet.
Kvinnene har lågare utdanning enn menn, og mange fleire av dei er analfabetar.
Mange unge jenter hamnar i tempelprostitusjon

India ligg i ein vedvarande konflikt med Pakistan i Kashmir, og med Kina i enkelte grenseområder.I sentrale og austlege deler av landet har det vakse fram ei valdeleg marxistisk rørsle som valdar øydelegging. I nordaust (Mizoram) er det seperatiskegrupper som har teke til våpen.

Konstituasjonen sikrar full religionsfridom, men nye nasjonalistiske rørsler har som slagord: "India for hinduar", og dei oppmuntrar til forfølging av kristne og muslimar, og andre religiøse minoritetsgrupper.

Auka forfølging i Orissa og Karnatake har styrkt einskapen mellom dei mange ulike kyrkjene i områda.

Trass i mange mørke trekk, går kyrkja fram med stormsteg og den kristne trua veks snøggast av alle religionar i India i dag, og me høyrer titt om kastelause som kollektivt går over til Jesus som er den einaste som kan gje dei full verdi som menneske på lik linje med alle andre.

Takk for

• Framgang for Guds rike  over heile landet
• Den konstitusjonelle religionfridomen som i stor grad blir respektert

Be om

• at Gud skal la sitt lys fløyma over India slik at folket vert fridd ut frå hinduismens mørke løgner og sett over i Guds kjære Sons rike 
• kyrkja skal reinsast frå synd og fyllast med Ande og liv
• dei truande skal halda ein høg profil og forkynna evangeliet med frimot
• at Gud rekker ut si hand slik at under og teikn og mektige gjerningar skjer i vår Herre Jesu Kristi namn.
• at indarane skal ta avstand frå dei mange og vemmelege avgudane sine og venda seg til den eine sanne Gud
• stor einskap mellom kyrkjer og kristne
•  styresmakter som fremjar rettferd for heile befolkninga
• at alle kyrkjelydar tek eit oppgjer med kastestystemet internt
• store landreformar der leilendingane kan få eigedomsrett til den jorda som dei dyrkar
• at folket skal sjå samanhengen mellom seksuell promiskuitet og HIV.
• at vassreinsing skal vera eit prioritert område for styresmaktene
• at kyrkjelydane skal vera fulle av himmelsk legedomskraft
• at Guds ord skal få makt over sinna slik at det blir ein slutt på abort, babydrap og fysiske og seksuelle overgrep mot barn, og at Gud skal verna dei små mot dei store. 
• at India skal ha fred med Pakistan og India, og at det skal bli ein slutt på intern vald og uro
• at alle religionar skal bli respektert av alle, og at det skal bli slutt på forfølging av minoritetar.
• at katesystemet skal bli dømt og forkasta av folket
• at dei kristne skal starta målretta misjon overfor dei 160 millonar muslimane i India, samt mellom sikhane og jainittane

India

India er verdas største demokrati, og med sine 1,2 milliardar menneske snart den mest folkerike. I dette veldige landet finn me også dei områda på jorda der det lever flest unådde folkegrupper og flest unådde enkeltmenneske. Særleg gjeld dette for dei som bur på dei veldige Gangesslettene i nord. Utfordringane for Guds kyrkje er enorme. I India blir det t.d. snakka 456 ulike språk, 350 millionar menneske frå middelklassen er heilt og fullt utan berøring med evangeliet. 400 millionar er under 15 år. Skulegangen er mangelfull. Kun 30% av 15-åringane kan lesa og skriva. 40% av dei lever under fattigdomsgrensa. I India blir det oppdaga 150 000 nye tilfeller av spedalskheit kvart år, og det er 1000 spedalskkoloniar i landet, og landet har 15 millionar blinde og 40 millionar sterkt svaksynte, for å nemna nokre av utfordringane.

Ingen plassar på jorda er det så stor fattigdom som i India, og ingen plassar finn du så stor avstand mellom fattige og rike. Kastesystemet, som formelt sett er avskaffa og illegalt, lever i beste velgåande og sementerer desse ulikskapane, og hinduismen med sin karmatenking, vekker ingen medkjensle hos dei rike for dei fattige. Det er lagnaden som bestemmer, og alle får som fortent i livet. Hinduismen med alle sine gudar er enormt demonisk. Ved å tilbe demonar, vert folk okkuperte av dei vonde maktene, og trongen for utfriing er enormt i dette landet.

Parallelt med stor fattigdom, opplever India i våre dagar ein eventyrleg økonomisk vekst, og landet seglar opp som eit høgteknologisk stat, særleg når det gjeld IT og romforskning. Dei ligg snart heilt i tet. Landet er også ei atommakt, og spenninga mellom India og Pakistan (som fram til 1947 var ein del av India) er stor og utløyser støtt og stadig ut trefningar i Kashmir.

Men med til den lyse sida høyrer det likevel at trass i motstand frå hinduistiske nasjonalistar og enorme utfordringar, går evangeliet fram med stor fart i India. Det er over 70 millionar kristne i landet, og kyrkja veks med over 5% årleg. Kyrkjeveksten er i dag større enn folkeveksten. Men det er eit problem at veksten skjer mellom dei kastelause (som har alt å vinna på å bli kristne), og evangeliet har hatt liten og ingen appell til dei høgare kastane (som vil halda fast på ein religion som gjev dei privilegier). Tanken om tilgjeving og nåde er heilt fjern for indarane.

India er delt inn i mange delstatar, og dagane framover skal me sjå nærare på dei. Kristendomen står sterkast i sør og nord-aust (der dei mest forunderlege ting har skjedd), men svært svakt i nord og nordvest.

Bøn:
Gode Gud! Idag handlar det om India, dette veldige landet med fleire ufrelste menneske enn nokon anna nasjon i verda. Me takkar deg for alle som i våre dagar kjem til tru på Jesus i India, og for alle dei nye kyrkjene som kvar dag vert planta i dette landet. Må dei nye truande slå djupe røter i deg, og ordet ditt og i fellesskapet, og må dei veksa opp til deg som er hovudet for kyrkja og bli deg lik. Må lyset frå ditt gode ord fløyma over landet og råka folket djupt i hjarto, og me ber om ei vekking som frir nasjonen frå dei mange millionar "gudane" som dei tilber, og som  forvandlar nasjonen til eit Paradis der du er nær med din lækjedom, godleik og di rettferd. Må alle menneske i India bli vurdert som likeverdige, og me ber om at alle barn skal få rett til den same grunnutdanning, og at dette skal skje i praksis. Me ber om at Wycliffe og andre organisasjonar skal starta bibeloversetting i alle språk der behovet er til stades. Me ber i dag mot all undertrykking av kvinner og barn i dette landet, og at all vald mot lågkastekvinner skal straffast hardt. Herre Jesus! Du gav ditt liv for alle indarar. Du sonte syndene deira på krossen. Må ordet om krossen nå dei slik at dei kan bli fridd  frå Satans mørke makt og sett over i ditt rike av lys og glede. Amen!