Som sikkert alle har fått med seg har ein saudiarabisk lege i Tyskland valt å køyra full fart med bil inn i ein julemarknad full av folk. To er så langt drepne, 16 skadde, mange livstrugande.
Gode Gud og Far! Høyr oss når me ber om berging og lækjedom for dei som er skadde, og om trøyst i rikt mål for den familien som har mista ei mor og ei dotter. Å, Herre, miskunna deg over dei alle, miskunna deg over Tyskland, i Jesu namn, amen!
Kyrkje og kristenliv: DNK har ei kyrkje. Ims har eitt bedehus, og det er det eg finn av kristne forsamlingar.
Herre Jesus!
Me ber i dag om framgang for ditt ord og ditt rike i Ulvik. Vekk dei som bur og lever der til liv i deg. Velsign familiane, og fyll heimane med lys og varme. Må barna og dei unge få veksa opp i trygge og rusfrie miljø, og vern dei mot alt som kan skada trua og framtida deira. Velsign kommunen med gode leiarar på alle nivå. Amen
Dei siste seks dagane er fem menneske blitt myrda i Noreg. Det rystar oss. I 2024 er det så langt registrert 38 drap. Det er omtrent som i fjor, med langt høgare enn i 2022 og åra før der igjen. I tillegg kjem over 12000 abortar, noko som tilsvarar 600 skuleklassar.
Gode Gud! Du ser kor mørkt det kan bli i eit menneskehjarta. Du ser korleis hat og sinne kan ta overhand og enda i drap.. Du veit også om alle bestillingsdrapa i dei kriminelle miljøa som me høyrer om. Me ber: Stopp denne demoniske aktiviteten i Jesu namn. Send din Ande og ditt lys til oss. Me proklarmerer din siger over dei mørke maktene som gjer seg gjeldande i landet vårt, og me ber: Må ditt rike fordriva djevelens rike, i Jesu namn! Amen!
Og så ber me om at alle som blir gravide skal velja livet framfor døden for dei små ufødde barna sine.
Det er ei sorg at landet vårt gjennom abortlova har inngått pakt med døden, og me vil be om tilgjeving for at dette er slik, og me ber i Jesu namn om at abortlova skal erstattast av ei livsvernlov. Amen!
Den 24.november og 1 desember vart totalt 48 kristne praktisk talt avretta med skytevåpen og masjetar av islamistiske fulanigjetarar i delstaten Benue i Nigeria. Åtaka skjedde delvis då folk var på veg til kyrkjene sine for å feira gudsteneste. Benue ligg sentralt og aust i landet.
Daroga lever i det nordvestre hjørnet av India, i Punjab, på grensa mot Pakistan. Dei tel 1 151 000 menneske. Dei er hinduar og snakkar hindi. Det er ikkje registrert ein einaste kristen daroga.
Dei dyrkar eit kobbel av ulike gudar.
Kjelde: joshuaproject.net
Herre Jesus! Alle darogaer er dine hjarteborn. Du elskar dei så inderleg, og du har betalt overpris for deira frelse, som du har gjort det for oss. Må di frelsesgåve no bli rekt ut til dei gjennom trufaste evangelistar, apostlar, profetar, hyrdar, lærarar og vitner. Send arbeidsfolk ut til din haust i dette folket. Må dei, ved din Ande, forstå at dei er fortapte i sine synder, og at det ikkje er frelse i nokon annan enn deg. Amen!
Stillehavsøygruppa som går under namnet Vanuatu vart i dag morgon råka av eit jordskjelv som vart målt til 7,4 på Richters skala. Det er voldsamt, og øydeleggingane er enorme. Minst 14 er meldt omkomne.
Kyrkje og kristenliv: DNK har 8 kyrkjer. IMS har fire bedehus. Filadelfia Odda er ei pinsekyrkje, men eg er usikker på om den er i drift per no.
Takk Gud for alle dine sanne barn i Ullensvang. Må dei stå deg nært. Forny dei ved ditt ord og din Ande. Fyll dei med kraft og nåde. Grunnfesta dei i ditt ord. Gjer dei sterke og ekspanderande i striden for evangeliet og det gode. Hjelp dei truande å stå saman i lovsong, bøn, diakoni og evangelisering, og må ditt kall til omvending og tru nå ut til alle innbyggjarane i Ullensvang. Hald di vernande hand over familiane slik at dei held saman i gode og vonde dagar, og fyll heimane med lys, glede og varme. Må alle barn og unge i Ullensvang ha ein trygg og god oppvekst. Velsign den politiske og administrative leiinga, skulane og helseinstitusjonane, politiet og dei andre offentlege etatane, samt alt godt og sunt næringsliv. Må alle vaksne i kommunen leva edruelege liv, og vera gode føredøme for barn og unge. Må det gå Ullensvang kommune vel, det ber me om i Jesu namn. Amen!
Den 26.november vart 12 kristne stilt for retten i Nowashahr, ein iransk by på sørkysten av Det kaspiske hav. Alle var anklaga for å ha "propagandert for ein religion som er i konflikt med islam, og for å ha samarbeidd med framande makter." Dette er standard formuleringar når kristne blir stilt for retten i Iran.
Ein av dei som no får saka si opp til doms er Javad Amini. Han og dei andre vart først arresterte ved juletider 2023, og har vore litt ut og inn i fengsel etter det. Det er enno ikkje forkynt noko dom i denne saka, men det er å frykta at det blir mange år bak lås og slå for desse truande.
Kjelde: vomcanada.com
Kor mange liv som er gått tapt pga syklonen som råka Mayotte i forgårs, veit me ikkje enno. Truleg over tusen. Kanskje fleire tusen. Den franske øya mellom Madagaskar og det afrikanske kontinentet har mange, mange uregistrerte flyktningar som bur i slumoråder som no er heilt raserte av den sterke vinden og nedbøren. Folk manglar reint vatn, straum og telesamband.
Det er søndag i dag, og over heile verda samlast truande menneske for å hylla Jesus. Det fortener han som frelste oss og kjøpte oss til Gud med sitt blod. Og me vil også tilbe saman med alle dei heilage som står framfor Gud og Lammet i himmelen:
Amen.
All velsignelse og pris og visdom, takk og ære, makt og velde
tilhører vår Gud i all evighet.
Amen.
I laupet av få døger har regimet til president Bashar al Assad falle som eit korthus. Opprørarane som for få dagar erobra Aleppo, har i dag også kontroll i Damaskus, og Assad har flykta til Moskva. Mange er glade, men framtida er usikker. Særleg for dei kristne. Opprørarane har røtene sine i Al Qaida, og det beste me kan håpa på er at dei har moderert seg med åra. Nokre meiner det.
Gode Gud! Me ber om ei fredeleg utvikling i Syria der det også er rom for kristne.
Myanmar sin militærjunta driv ein brutal krig mot kristne minoritetsfolk (kachin og chin).
Den 15 november vart ni kristen drepne i eit bombeåtak mot ei kyrkje i landsbyen Konlaw nær grensa mot Kina. Mellom dei døde var det ein familie med mor, far og fire barn. 11 andre vart såra, sju av dei er enno i kritisk fase.
Brahminarane tilber gjerne Vishnu, Shiva eller Himmeldronninga.
Gode Gud og Far! Du er den rette far for brahminarane i India. Men enno kjenner dei ikkje deg, og me ber: Gjer deg kjent for dei! Send visjonære og brennande misjonærar til dei som introduserer deg, dine sanningar, di kraft og din kjærleik for dei, og som gjev dei ditt ord på deira eige språk. Herre, dei treng å forstå at dei ikkje kan bli rettferdige for deg gjennom lovgjerningar, berre ved å ta imot di frelse i Jesus Kristus som ei gåve. Aus Anden ut over dei slik at dei ser sine synder, og Jesus som frelsaren frå all synd, og løys dei frå hinduismens mange åndsmakter. Hjelp familiane å vera gode mot kvarandre og me ber om samhald, truskap og kjærleik i familiane. Me ber også om at alle vaksne skal leva edrueleg og ansvarleg. Me ser no fram til at brahmina skal bli innlemma i din familie, og at det skal etablerast ei levande og dynamisk brahminerkyrkje som kan kan formidla deg til sine eigne på ein kraftfull og truverdig måte. Amen!
Kyrkje og kristenliv: DNK har 12 kyrkjer og Indremisjonen 14 bedehus. Det borgar for ein rik åndeleg arv, og vonleg framleis eit rikt kristenliv.
Andre kyrkjelydar: Det er ei pinsekyrkje på Husnes, Kristent Fellesskap i Rosendal, ei gamal baptistkyrkje i Mauranger
Takk Gud for alle dine sanne barn i Kvinnherad. Må dei stå deg nært. Forny dei ved ditt ord og din Ande. Fyll dei med kraft og nåde. Grunnfesta dei i ditt ord. Gjer dei sterke og ekspanderande i striden for evangeliet og det gode. Hjelp dei truande å stå saman i lovsong, bøn, diakoni og evangelisering, og må ditt kall til omvending og tru nå ut til alle innbyggjarane der. Aus Anden din ut over alle slik at dei kan koma til levande tru på Jesus. Hald di vernande hand over familiane slik at dei held saman i gode og vonde dagar, og fyll heimane med lys, glede og varme. Må alle barn og unge i Kvinnherad ha ein trygg og god oppvekst. Velsign den politiske og administrative leiinga, skulane og helseinstitusjonane, politiet og dei andre offentlege etatane, samt alt godt og sunt næringsliv. Må alle vaksne i kommunen leva edruelege liv, og vera gode føredøme for barn og unge. Må det gå Kvinnherad kommune vel, det ber me om i Jesu namn. Amen!
Israels Gud, vår Herre Jesu Kristi Far!
Me ber i dag for verdas jødar, ditt eige folk, skal samlast i Israels land, at evangeliet skal bli dei forkynt, at Anden skal ausast ut over dei, at dei skal bøya seg for Jesus, tru på han, hylla han og krona han som konge i liva sine. Takk for at det skjer i stor skala i dag. Må vekkinga i Israel auka i styrke og spreia seg til jødiske samfunn over heile verda. Vern jødane mot hat og overgrep. Må ditt rike gå fram, og under og teikn skje i Jesu namn i Israel og i alle jødiske samfunn, og lat det jødiske folket gå inn i det kallet du opprinneleg gav dei gjennom Abraham og fedrane då du sa at dei skulle bli til velsigning for alle jordas folk. Det har skjedd, og det skal skje. Amen!
Gode Gud og Far! I dag, som kvar dag, ber me om at du på ein spesiell måte skal passa på alle ufødde barn slik at dei overlever i mors liv. Me ber også om at dei skal få rettsvern på linje med alle oss andre, slik at ingen kan ta liva deira ustraffa. Me ber spesielt om at mødrene skal få moralsk lys, mot og tru til å velja livet framfor døden, og me ber om at gynekologar og jordmødre skal nekta å vera med på noko som helst som fører til fosterdrap. Høyr oss når me ropar, og bønhøyr oss for Jes skuld. Amen!
Tre kristne menn vart knivstukke av islamistar i Ashruba i øvre Egypt 5.november. Dei blir behandla på eit lokalt sjukehus.
Hatet mot kristne er sterkt i dette området, og vår trussøsken lever i konstant spenning og angst for at fæle ting skal skje.
Dei kristne i Ashuba er forresten kjende for sin rike og vakre song.
Be om at dei skadde skal få helsa si tilbake, at dei kristne ikkje skal missa motet, og at evangeliet går fram trass i motstand også i øvre Egypt.
Næringsliv: Industri, jordbruk, kraftproduksjon (vind) og tenesteyting.
Kyrkje og kristenliv: DNK har ein kyrkjelyd. Ved sida av kyrkja ligg Fitjar bedehus som er både stort og staseleg. Elles finn med pinsekyrkja Nytt Liv og ei ImF-forsamling i kommunen. Vekkingar kjem og går i Fitjar. Det er mykje tru i denne kommunen.
På Fitjar fall kong Håkon den gode i 961 e.Kr., og Håkonarminnet står sentralt i bygda, avduka av kong Olav i 1961.
Folketal: 1249000.
Religion: Islam (100,00%)
Språk: Gujarati
Lokalisering: Primært i Gujarat, heimstaten til Mahatma Ghandi.
Dei er av arabisk opphav, og driv med handel.
Kjelde og bilete: joshuaproject.net
Gode Gud og Far! Du er den rette far for Bohra i India. Men enno kjenner dei ikkje deg, og me ber: Gjer deg kjent for dei! Send visjonære og brennande misjonærar til dei som introduserer deg, dine sanningar, di kraft og din kjærleik for dei, og som gjev dei ditt ord på deira eige språk. Herre, dei treng å forstå at dei ikkje kan bli rettferdige for deg gjennom lovgjerningar, berre ved å ta imot di frelse i Jesus Kristus som ei gåve. Aus Anden ut over dei slik at dei ser sine synder, og Jesus som frelsaren frå all synd. Hjelp familiane å vera gode mot kvarandre og me ber om samhald, truskap og kjærleik i familiane. Me ber også om at alle vaksne skal leva edrueleg og ansvarleg. Me ser no fram til at bohrafolket skal bli innlemma i din familie, og at det skal etablerast ei levande og dynamisk bohrakyrkje som kan kan formidla deg til sine eigne på ein kraftfull og truverdig måte. Amen!
I morgon vedtek Stortinget utviding av retten til sjølvbestemt abort fra veke 12 til veke 18. I tillegg blir tvillingabort tillate. Ein av følgjene av den nye lova er at barn kan bli drepne på bakgrunn av kjønn, men også på grunn av ei rekkje andre reelle eller potensielle framtidige sjukdomstilstandar barnet kan stå i fare for å få, opsjonar som kan testast i tida mellom 12 og 18 veker. I denne saka motarbeider Stortinget Gud. Det har dei folkevalde for så vidt gjort i mange tiår, men dette forverrar forholdet munaleg.
Gode Far! Eg må berre beklaga og be om orsaking for det som skal skje i morgon. Sjå i nåde til oss nordbuarar, og straff oss ikkje i din vreide. Me utvidar "retten" til å drepa dei du elskar. Det er veldig vondt å tenkja på at me er blitt sånn, at me frårøvar så mange retten til å bli fødde, bli døypte og leva lange og gode liv. Denne retten til drap har me teke oss til, me har han ikkje frå di hand. Du hatar det me held på med, og ein dag stiller du alle involverte til ansvar. Så blinde me er blitt i dette landet. Me behandlar dei små i mammas mage som om dei skulle vera svulstar som må fjernast.
Gode Gud! Må denne uretten ta slutt. Må barnet i mors liv få fullt rettsvern frå det er unnfanga. Må livet igjen bli heilagt i dette landet, det ber me om i Jesu namn. Amen!
