Kristi himmelfartsdag

 Herre Jesus! 

Det må ha vore ein enorm dag for deg då du fekk venda attende til Far i himmelen og herlegdomen der, og setja deg ved hans høgre hand som vår representant og trufaste forbedar, som hovudet for kyrkja di, og som leiar for verdsmisjonen. 

Du er kongen vår. Me anerkjenner deg og hyllar deg for dette. Hjelp oss å gje deg den makt og det rom i liva våre som du fortener, og skal ha. 

Dagens nasjon: Georgia

 

Hovudstad: Tiblisi

Folketal: 3,8 millionar. Befolkningstalet er søkkande.

78% er ortodokse kristne. 

1,5% er evangeliske kristne

Politisk er dette vakre landet prega av kampen mellom dei prorussiske og dei som vil orientera landet mot vest-Europa, EU og Nato. Russland har alltid ein finger med i det som skjer i Georgia, og president Putin gjekk i 2008 til militært åtak på landet, demonstrerte sine morderiske intensjonar og okkuperte to provinsar, Abkhasia og Sør-Osetia. I dag er det dei russiskvenlege som har overtaket, og faktisk går så langt at dei fengslar sine politiske motstandarar. 

Åndeleg sett er jordsmonnet litt dårleg i Georgia. Talet på evangelisk kristne dalar, men det dalar saktare enn folketalet. Det er i ferd med å bli restriksjonar på kristent evangelisk arbeid i landet. 

Gode Far! No ber me om at du skal gjesta Georgia. Må ordet ditt gå ut som eit skarpt sverd og råka folk djupt i samvitet slik at dei vender om til Jesus med alt dei er og har. Må alle spenningane dei lever i også vera med å driva georgiarane til deg. Så vil me be om at du vernar dette vakre landet mot russisk aggresjon, og me ber om politisk fridom, sjølvstende og demokrati for Georgia. Amen! 

Iran. Lida Alexani isolert i einecelle

 

Lida Alexani, kona til Joseph Shahbasian som me nyleg bad for, er no isolert i einecelle i det berykta Evinfengslet i Teheran. Det er ein form for psykologisk tortur. 

Takk, Herre Jesus fordi du er saman med henne i denne vesle, stusselege cella. I dag ber me om at du skal beskytta henne mot alle former for seksuelle overgrep som er så vanlege i dette fengselet. Takk for dine englar som blir sendt ut for å tena dei heilage i deira naud, og me ber om at Lida skal merka at det er slik. Amen!

Dagens unådde folkeslag: Gujjar i India med muslimsk bakgrunn

 

Kjelda til denne teksten er https://joshuaproject.net/people_groups/16879/IN

Dei muslimske gujjarane lever i Jammu, Kashmir, Himachal Pradesh og Uttaranchal.

Dei tel 1 144 000 menneske, og er nomadar. 
Språk: Gujari. 

Ingen kristne er registret i denne folkegruppa. 

Gode Gud og Far! Me ber i Jesu namn: Må ditt frigjerande ord nå fram til dei muslimske gujjarane i India, og må din Ande ausast ut over dei. Gje dei å forstå at dei er elska med ein evig kjærleik, og at dei ikkje kan bli rettferdige for deg ved lovgjerningar, men berre ved tru på Sonen din. Etabler kyrkja di i dette folket, og lat ho bli eit lys som syner gujjarane og andre indarar vegen heim til ditt hus. Amen! 

Dagens norske kommune: Austrheim i Vestland

 

Austrheim ligg ute i havgapet heilt nordvest på Lindåshalvøya. 
Folketal: 2881. 

Kommunesenter Årås
Næringsliv: Industri. Oljeraffineriet på Mongstad ligg delvis i Austrheim, og gjev arbeid til mange. 58% av arbeidsstyrken pendlar til andre kommunar, dei fleste til Alver. 

Kyrkje og kristenliv: DNK har èi kyrkje som ligg i tettstaden Austrheim. Elles er det bedehus i Årås og i Leirvåg. I Leirvåg finn me også Betania, ein kyrkjelyd innafor Dei Frie Evangeliske Forsamlingar. Denne forsamlinga har lagt gullegget med å laga bowlinghall i kjellaren, noko som har fått ungdomsarbeidet til å skina. Det gjekk frå 0 til 30 ungdommar på ein augneblink. 

Takk Gud for alle dine barn i Austrheim, for alle kyrkjelydar og forsamlingar der ordet ditt blir forkynt. Takk for veksande ungdomsarbeid i Betania. Må dei kristne i kommunen stå deg nært. Forny dei ved ditt ord og din Ande. Fyll dei med kraft og nåde. Grunnfesta dei i ditt ord. Gjer dei sterke og ekspanderande i striden for evangeliet og det gode. Hjelp dei truande å stå saman i lovsong, bøn, diakoni og evangelisering, og må ditt kall til omvending og tru nå ut til alle innbyggjarane i kommunen. Aus Anden din ut over Austrheim slik at dei som bur der kan koma til levande tru på Jesus. Hald di vernande hand over familiane slik at dei held saman i gode og vonde dagar, og fyll heimane med lys, glede og varme. Må alle barn og unge i Austrheim ha ein trygg og god oppvekst. Velsign den politiske og administrative leiinga, skulane og helseinstitusjonane, politiet og dei andre offentlege etatane, samt alt godt og sunt næringsliv.  Må alle vaksne i kommunen leva edruelege liv, og vera gode føredøme for barn og unge. Må det gå Austrheim vel, det ber me om i Jesu namn. Amen!

Bøn inspirert av Salme 34

Eg lovar deg Herre til alle tider,
og rosar meg av ditt namn.
For eg søkte deg,
og du svara meg og berga meg frå alt som skremde meg. 

Dei rettferdige ropar, og du høyrer og bergar dei frå alle trengsler. 

Du er nær hos dei som har eit sundbrote hjarta, og frelser dei som har ei knust ånd.

Mange ulukker råkar den rettferdige, men du frir han ut av dei alle.

Eg takkar deg, Herre, for at du vil dela alt godt med meg når eg  søkjer deg.

Lær meg å frykta deg på rett vis, forkasta det vonde, og halda meg til det gode.

Takk for at augo dine følgjer meg heile tida, og at øyro dine lyttar til mine rop. 

Takk at du bergar livet mitt, og at eg, ved å søkja tilflukt hos deg, aldri skal dømmast skuldig. 

Amen! 

Søndagsbøn

 Eg lovar og takkar deg, Far, fordi du også denne morgonen møter meg med smil og godhet.

Du er full av tilgjeving, nåde, sanning, kunnskap og visdom. Takk for at eg  får vakna til eit storslått og evig gyldig frelsesverk, til ein realitet som er så mykje større enn alt eg føler på: Eg er elska, og fullkoment helga av Jesus som gav livet sitt til og for oss alle. 

 Herre Jesus! Du er grunnvollen i livet mitt, den vegen eg går på, sanninga eg trur på, storebroren som aldri sviktar og den beste venen av alle. Også i dag vil eg følgja deg, og eg veit at berre i følgje med deg er eg trygg, og berre når eg er saman med deg, kan din plan for mitt liv realiserast. Hjelp meg å ikkje bli liggjande bak eller å vika av til høgre eller venstre, men halda meg tett inntil deg gjennom alle dagens timar. 

 Det er søndag, og me som elskar deg skal samlast i ditt namn for å æra deg, feira di oppstode  og lytta til deg. Takk for at me kan rekna med et du er der, og eg ber, stå fram for oss i dag og gje kvar enkelt som søkjer deg det dei treng for liva sine. Amen!

Pastorparet Yang Rongli og Wang Xiaoguang blir stilt for retten i Kina

Pastor Yang Rongli til venstre med lys vinterjakke sist ho vart sett fri frå fengsel

Kjelde til denne saka er vomcanada.com

Yang Rongli og Wang Xiaoguang er eit pastorpar som har blitt utsett for vedvarande forfølging frå den kommunistiske regjeringa i mange år. I 2009 vart dei dømde for påstått å ha forstyrra offentleg orden. Som eit resultat sat Yang sju år i fengsel, medan Wang sona tre år. I august 2021 vart paret arrestert igjen. Denne gongen vart dei skulda for bedrageri i samband med donasjonane kyrkja fekk frå medlemmene sine. Etter nesten fire år har begge sakene endeleg gått til retten, der mannen og kona vart prøvde kvar for seg.

Høyringa mot Yang starta 17. april. Retten hevda at det var ei sensitiv sak og insisterte på at rettssaka skulle vere lukka. Til slutt fekk ikkje forsvarsadvokatane lov til å representere klientane sine i rettssalen. I protest sa tre advokatar formelt opp saka, medan ein fjerde demonstrerte offentleg utanfor rettssalen som eit teikn på motstand. Ved siste rapport var det ingen informasjon tilgjengeleg om statusen til Yang si rettssak.

Wang si rettssak starta morgonen 18. april. Ifølgje ein rapport frå sonen deira nekta pastoren å innrømme noko gale. I staden, då det var tid for forsvaret hans, stod han framfor retten og tok fram ein førebudd preike som han forkynte for dei som var til stades. I preika si forklarte han prinsippa i den kristne trua, inkludert Bibelens lære om å gje. I omtalen av hendinga sa sonen til paret: "Eg kunne ikkje la vere å le, men eg veit i hjartet mitt at dette var hans stil."

Kristne over heile Kina opplever gjentekne gonger motstand og skuldingar frå styresmaktene. Talrike tidlegare publiserte rapportar om utfordringane dette pastorparet har møtt, saman med rapportar om situasjonane andre forfølgde truande har opplevd, har blitt gjort tilgjengelege i vår landsrapport.

Fortsett å be for pastorane Yang og Wang, i tillegg til dei andre kyrkjemedlemmene som vart tiltalt saman med dei. Be om at dei skal bli rikeleg styrka og trøysta medan dei sit i fangenskap, og at dei skal kjenna på ein stor fridom i si ånd. 

Be om at dei i rettssalen som høyrde bodskapen frå pastor Wang, vil respondere med opne hjarte på dei presenterte skriftlege sanningane og, som eit resultat, innsjå behovet for å vende seg til Gud og ta imot Hans frelsesgåve gjennom Kristus. 

Hugs også å gå i forbøn for dei mange kinesiske truande som for tida møter motstand på mange frontar. Må rettferd rå i kvar av sakene deira òg.

Frankrike.

 

Kjelda eg har nytta er www.operationworld.org

Folketal: 66 650 805

Frankrike står ved eit politisk og økonomisk vegskilje. Økonomien treng radikale reformer for å blomstre i den globaliserte verda. Befolkninga har blitt så gammal at den noverande pensjonsalderen og pensjonssystemet ikkje kan støtte det. Det store innvandrarsamfunnet held fram med å vekse og utfordrar den tradisjonelle forståinga av fransk identitet. Fleirtalet føler seg tilfredse som individ, men dei har ikkje mykje tillit til framtida til republikken, med så mange spenningspunkt i samfunnet. Unge menneske føler krisa spesielt, og lengtar ofte etter meining og formål. Desse faktorane, spesielt dei økonomiske frustrasjonane til arbeidar- og middelklassen, førte til framveksten av Gule Vest-rørsla. 

Be for både økonomisk rettferd i Frankrike og for at kristne skal kunne tilby franskmenn eit håp utover berre økonomisk lindring.

Evangeliske kristne er få (1,0% på tvers av alle konfesjonar), delt mellom mange denominasjonar og konfesjonar. Dei viser høge nivå av engasjement og er ein yngre befolkning enn gjennomsnittet i Frankrike. Veksten er jamn, og ei ny forsamling blir planta nesten kvar veke. Pinsevenner og karismatikarar veks raskast. Dette skjer trass i sterke sekulariseringstrendar i det offentlege livet.

Mange etniske franskmenn må reknast som fullstendig unådde:

• Nesten 50 millionar franskmenn som ikkje har noko reell tilknyting til ei kristen kyrkje.
• Mange urbane område, der evangelisk nærvær er forholdsvis lågt. Indre byar som Paris, Nantes, Nancy og andre byar treng mange fleire forsamlingar planta.
• Av dei 37 000 kommunane, har rundt 35 000 inga evangelisk kyrkje. Mange rurale kommunar er ganske tradisjonelle og motstandsdyktige mot endring. Over 300 byar og tettstader med over 10 000 menneske har ingen evangelisk nærvær.
• Loire-dalen og Bretagne, Picardie og Centre-regionane manglar spesielt evangeliske forsamlingar.
• Baskarane i sørvest er praktisk talt utan eit evangelisk vitnesbyrd på sitt språk; dei er mistenksame overfor ytre påverknader og tilsynelatande ganske uinteresserte i åndelege ting.
• Øya Korsika, fødestaden til Napoleon, er ganske lukka for ytre påverknader. I befolkninga på 350 000 er det kanskje 300 evangeliske truande.

Dei unådde minoritetane. Frankrike har integrert fleire bølgjer av innvandrarar dei siste to hundre åra, men det har ikkje alltid vore lett. Nylege vanskar med å integrere innvandrarsamfunn har ført til strammare politikk, eit klima av frykt og utryggleik og aukande frustrasjon for begge sider. Be om følgjande:

• Det franske jødiske samfunnet er det tredje største i verda, etter USA og Israel. Det er mellom 580 000 og 700 000 franske jødar - 320 000 i Paris åleine og ytterlegare 100 000 i Marseille. Av den totale jødiske befolkninga, deltek 77% aldri på ein synagogegudsteneste. Det er om lag 600 messianske jødar i Frankrike - 95% av desse er integrerte i evangeliske kyrkjer. Dei andre 5% er tilknytte dei tre kjende messianske forsamlingane. Færre enn 20 arbeidarar i seks misjonar arbeider blant jødiske menneske i Frankrike (MT, CWI, JFJ, CPM og den franske TMPI). Eit antal franske jødar forlèt landet som eit resultat av aukande antisemittisme, utført av nokre muslimar og høgreekstreme rørsler.
• Nordafrikanarar er nesten heilt muslimske, få har nokon gong høyrt evangeliet. Fleirtalet bur i store, lågkostnadsbustadområde i større byar; antagonisme mellom dei og det franske fleirtalet - saman med arbeidsløyse, diskriminering og håplaus frustrasjon blant ungdom - utgjer ei tikkande bombe. Be for kyrkjer og organisasjonar som prøver å bryte ned barrierar gjennom vennskapsevangelisering, radio, film, BCCs og litteratur. Truande med muslimsk bakgrunn har gode relasjonar med andre evangeliske, eit godt vitnesbyrd for både muslimar og ateistar. Organisasjonar involverte: AWM, Cru, WEC, IMB og OM.
• Berberane utgjer ein stor minoritet blant nordafrikanarane og utgjer kanskje fleirtalet av algeriarane. Kabyle-truande aukar i tal, sjølv om ikkje i same skala som veksten blant brørne deira i Algerie. Kristne videoar, lydressursar, radioprogram og litteratur på kabyle blir utvikla.
• Svarte afrikanarar har kome i stort tal frå fransktalande Afrika som studentar, flyktningar og arbeidssøkjarar. Det er stor ubalanse i kristent nærvær og teneste blant dei, med livlege kyrkjer fulle av sentralafrikanarar medan vestafrikanske bambara, wolof, malinke, soninke og andre lid med få kristne og lite outreach.
• Det store talet på indokinesiske flyktningar frå 1970- og 80-talet frå Frankrikes tidlegare koloniar held framleis ein mest isolert eksistens. Det er over 82 asiatiske evangeliske kyrkjer, inkludert 33 kinesiske, 17 koreanske, 11 hmong og 9 vietnamesiske. Det er ein klar mangel på pastorar og heiltidsarbeidarar for desse menneska som framleis er uåtte. COCM (kinesiske) og CMA (sørøstasiatiske) er to grupper som tener blant asiatar.

Be om at evangeliet skal nå fram til dei unådde folkegruppene i Frankrike, og møta opne hjarto, og at nye kyrkjer med ferske truande blir planta over heile landet. 

Be om at Gud skal senda arbeidsfolk ut til sin haust i Frankrike.

Dagens unådde folkeslag: Jødar i Frankriket

 

Det er 442 000 jødar i Frankrike. Dei snakkar fransk. Jødar har budd i Frankrike i minst 2 000 år. Forfedrane deira kom til området under Romarriket. Sidan då har dei hatt sterk innverknad på utviklinga av Europa, så vel som på tradisjonane til jødar over heile verda. I Frankrike, som i andre delar av Europa, har dei møtt bølgjer av forfølging, og i vår tid kjem denne forfølginga frå radikale muslimar. Det er blitt skikkeleg vanskeleg for jødar i Frankrike dei siste tiåra. 

Mange jødar i den yngre generasjonen er fråkopla frå sin jødiske identitet. Dei følgjer ikkje jødiske tradisjonar og blir raskt assimilerte inn i fransk kultur. Som mesteparten av Frankrike og Europa, er dei i aukande grad sekulære og uinteresserte i åndelege spørsmål.

Eit bibelord: "Dersom ikkje Herren byggjer huset, arbeider bygningsmennene forgjeves. Dersom ikkje Herren vaktar byen, vaknar vaktmannen forgjeves." Salme 127:1

Be om at denne folkegruppa forstår at alle innsatsane deira er verdilause med mindre dei underordnar dei Herren.

Be om at Den Heilage Ande vil gje misjonsorganisasjonar nye idear for å disippelgjere jødane i Frankrike. Be om at Gud talar til jødane på måtar som bryt gjennom distraksjonane og støyen i det moderne livet. 

Misjonsaktivitet retta mot studentar, sport og sosiale nettverk kan vere effektivt for å nå den yngre generasjonen av jødar i Frankrike. 

Be om at Gud reiser opp salva arbeidarar for å nå ungdommen.

Be om at Gud beskyttar jødane i Frankrike mot antisemittisk forfølging. 

Alver kommune i Vestland

 Innbyggjartal: 30 000

Kommunesenter: Knarvik

Næringsliv: Oljeraffineriet på Mongstad og industrien rundt dette står for det meste av verdiskapinga i kommunen. Litt jordbruk (storfehald) er det også.

Kyrkje og kristenliv: DNK har fem sokn og fem kyrkjer.
Indremisjonsarbeidet er overlagt rikt, og det er ei sky av bedehus som også blir nytta som grendahus. Norkirken Nordhordland har ein skikkeleg fin kyrkjelyd i Knarvik. 
Pinserørsla er representert med Betania, også i Knarvik. Knarvik Misjonshus er ein fusjon av Imf og NLM. 

Det framstår som om det er eit uvanleg rikt kristenliv i denne kommunen.

Takk Gud for alle dine sanne barn i Alver. Må dei stå deg nært. Forny dei ved ditt ord og din Ande. Fyll dei med kraft og nåde. Grunnfesta dei i ditt ord. Gjer dei sterke og ekspanderande i striden for evangeliet og det gode. Hjelp dei truande å stå saman i lovsong, bøn, diakoni og evangelisering, og må ditt kall til omvending og tru nå ut til alle innbyggjarane i kommunen. Aus Anden din ut over Alver slik at dei som bur der kan koma til levande tru på Jesus. Hald di vernande hand over familiane slik at dei held saman i gode og vonde dagar, og fyll heimane med lys, glede og varme. Må alle barn og unge i Alver ha ein trygg og god oppvekst. Velsign den politiske og administrative leiinga, skulane og helseinstitusjonane, politiet og dei andre offentlege etatane, samt alt godt og sunt næringsliv, og me ber om ein høg fagleg og etisk standard på dei lokale mediebedriftane.  Må alle vaksne i kommunen leva edruelege liv, og vera gode føredøme for barn og unge. Må det gå Alver vel, det ber me om i Jesu namn. Amen!

Bibeloversetting og bibeloversetjarar

 

Bilete frå Normisjon

Dei siste åra har takten i det å starta nye bibeloversettingsprosjekt auka enormt. KI har gjort det mogeleg å arbeida med fleire beslekta språk samstundes, og ikkje minst har utstrekt bruk av lokale, innfødde medarbeidarar vore ein suksess. Per i dag blir det starta opp eitt nytt prosjekt kvar dag. Av alle rundt 7000 språk i verda, er det no under 1000 livskraftige språk som står att. 

Takk for alle som vigslar liva sine til bibeloversetting. Takk for den taktauken me har sett i dette arbeidet dei siste åra. Gje oversettarane kunnskap og innsikt slik at tekstane formidlar  ordet ditt til folka på ein sann og god måte. Vern alle prosjekta mot hindringer og forseinkingar, og arbeidarane mot sjukdom, ulukker, død og sorg, og mot alle djevelens freistingar og åtak.

Finland

 

Folketal: 5 623 330

Hovudstad: Helsinki. 

Næringsliv: Industri, skogbruk og jordbruk. 

Største religion: Kristendom (65,2%)

Prosent evangeliske: 12,1%

Finland er eit stort sett sekulært samfunn, sjølv om kristne utgjer rundt to tredjedelar av befolkninga. 90% ser positivt på kyrkja sitt sosiale arbeid, men berre 8% deltek jamleg på nokon form for religiøs gudsteneste. Den siste vekkinga kom på 1960-talet. Sterk tru på menneskeleg fornuft og avvising av overnaturlege ting dominerer no samfunnet. Eit ultramoderne land som Finland treng sannsynlegvis både reformasjon i den eksisterande kyrkja og nye uttrykk for tru. 

Be om eit åndeleg gjennombrot som vil få folk til å søkje Herren.

Arven etter misjonærutsending er framleis sterk, sjølv om kyrkja står overfor utfordringar med stagnasjon og nedgang. Finnar og kyrkjene deira er effektive til å sende ut misjonærar, spesielt til den unådde verda.

Be om at denne misjonsiveren skal vara ved og ta seg opp. 

Frikyrkjene, både pinsekarismatiske og ikkje-pinsekarismatiske, er relativt små, men åndeleg livskraftige; karismatisk fornying har hatt ein merkbar innverknad. Desse kyrkjene veks ikkje, men dei held stand i ein vid kontekst av nedgang. Desse gruppene nyt større einskap enn tidlegare år. 

Be om at dette held fram, for samarbeid i evangelisering og misjon blant desse ulike gruppene, og mellom frikyrkjene og lutheranarane.

Teneste for unge menneske er framleis verdifull. Ein høg prosentdel av finske ungdommar deltek på konfirmasjonsleirar; slik kan dei kome til ei levande tru på Kristus. 

Be for truande og gudfryktige leiarar på leirane. Be for studenttenestene til Evangelisk Luthersk Studentmisjon (IFES, i 15 av 20 universitetsbyar), LEAF og Cru. Interesse og vilje til å ta imot er ikkje problem i Finland: god oppfølging og disippelskap er.

Innvandrargrupper. Sjølv om Finland har ein av Europas lågare innvandringsrater, er det framleis mange minoritetsgrupper å nå. Talet på utanlandske universitetsstudentar veks; mange av desse kjem frå andre trusretningar. Svært få kyrkjer når aktivt ut til unådde innvandrargrupper. 

Be om at utlendingar i Finland kan få sjansen til å møte Jesus på ein ekte og tiltrekkande måte. Pris Herren for at mykje av innvandrarbefolkninga samtidig kjem frå ein kristen bakgrunn og bringer eit levande kyrkjeliv til sitt nye vertsland.

Blasfemianklaga kristen i Pakistan frikjend i Høgsterett

Chand Shamaun (nr 2 frå høgre) med advokatane sine.
Photo: Christian Daily International-Morning Star News

Kjelde: VOM Canada

 I juni 2024 vart Chand Shamaun arrestert og sikta for å ha fornærma islam, ei skulding som ofte blir brukt i Pakistan mot borgarar som høyrer til religiøse minoritetsgrupper. Faktisk viste ein nyleg rapport at eit rekordstort tal blasfemisaker hadde blitt registrert i løpet av året 2024 – med totalt 344 offisielle skuldingar. For dei skulda er fengsling typisk farleg og, i nokre tilfelle, til og med dødeleg. Og dei som har blitt lauslatne mot kausjon eller frikjende, møter ofte valdsaksjonar frå folk som framleis oppfattar dei som skuldige.

I Chands spesielle situasjon vart det tidleg klart at det var problem med saka mot han. I oktober lauslet Lahore High Court han mot kausjon etter å ha høyrt saka hans. Men ved lauslatinga vart han tvinga til å gå i skjul på grunn av truslane mot han. For meir informasjon, sjå denne rapporten.

Den 10. mai vart ein endeleg dom avsagt då ein dommar frikjende Chand for alle skuldingar. Retten merka seg at aktorane hadde "mislykka miserabelt" i å etablere saka mot den uskuldige kristne mannen, og antyda til og med at dei som skulda han kanskje hadde "spunne ei oppdikta historie med fantasien sin."

Pris Herren for denne oppmuntrande rettsavgjerda, og for at rettferd har skjedd i Chands sak! 

Be for tryggleiken hans medan han no handterer etterverknadene av dei opphavlege skuldingane mot han. Må dei som held på sinne mot denne kristne mannen ikkje lenger true han eller gjere forsøk på å skade han, men heller innsjå og erkjenne hans uskuld og si eige skuld. 

Be for dei mange andre truande som for tida står overfor skuldingar om blasfemi i Pakistan, og be om at Herren må gripa inn i kvar av deira situasjonar også – slik at Hans rettferd til slutt vil sigre.

Gujarane i India

Folketal: 8 092 000. Primærspråk: Hindi. Mange er muslimar. Nokre er sihkar. Nesten ingen er kristne. 

Gujarane består av tre svært nært beslekta folkegrupper som er kjent samla som Gujar Rajasthani. Dei kjem frå Kshatriya (militær) kasten.

Dei held til i Afghanistan, Pakistan, og fleire statar i nordaustlege India (Himachal, Madhya Pradesh, Uttar Pradesh, Jammu, Kashmir, og Rajasthan). I tillegg er Gujarat-distriktet i vestlege India oppkalla etter dei historiske Gujar-folka.

Hindu Gujarar bur no i dei fleste av Indias nordlege statar: Delhi, Rajasthan, Haryana, Uttaranchal, Odisha og den sentrale staten Madhya Pradesh.

I dag lever dei fleste Gujarane i India som lovlydige gjetarar og bønder. Dessverre blir dei framleis sett ned på av dei høgare kastane (sosiale klassar) og ofte stempla som tjuvar og landstrykarar.

Gujarane som bur i fjellskogene i nordaustlege India held bøfler. Dessverre har den indiske regjeringa innført reguleringar på kor mange bøfler ein familie kan ha, og kor lenge dei kan bu i skogene. Dette har vore vanskeleg for Gujarane sidan dette er deira hovudinntektskjelde. Av denne grunn er desse nomadane stadig på jakt etter nye beitemarker for flokkane sine.

Gujar-kastane er breitt delt langs religiøse og geografiske linjer i to grupper: muslimske Gujarar og hinduistiske Gujarar. Muslimane er sesongnomadar som bur i vindaugslause, eittromshus under dei stillesittande vekstsesongane; medan hinduane er busette bønder som bur på same staden heile året.

Gujarane er delt inn i hundrevis av klanar. Samfunna deira er patrilineære, noko som betyr at arv blir overført gjennom mennene. Ekteskap blir vanlegvis arrangert av foreldra, og ein brudepris i anten kontantar eller bøfler blir betalt til jenta sin familie. Dei har lov til å gifte seg utanfor klanane sine, og unge par bur vanlegvis nær brudgommens foreldre.

Alle tre Gujar-gruppene snakkar Gujari, eit indo-arisk språk. Denne felles faktoren har hjelpt til å identifisere dei som ei distinkt undergruppe. Gujarane i Afghanistan snakkar også pashto og/eller dari, som er persiske språk (og blir snakka av tre fjerdedelar av den afghanske befolkninga).

Kva trur dei på?

Ein større prosentdel av Gujarane er hinduar, men det er også eit betydeleg tal muslimar blant Gujarane, samt eit mindre tal sikhar.

Kva er behova deira?

Gujar-folket i India har få om nokon sjansar til å høyre om den som tilbyr liv i overflod. Korleis skal dei høyre?

Bønneemne

Be Herren om å sende arbeidarar til India, Pakistan og Afghanistan for å dele Kristus med Gujarane.

Be om at Gud vil oppmuntre det vesle talet på Gujar-truande og gi dei ein visjon om å nå sitt eige folk.

Be Den Heilage Ande om å mjuke opp hjarta til Gujarane slik at dei vil vere mottakelege for evangeliet.

Osterøy i Vestland

 

Folketal: 8200
Kommunesenter: Lonevåg.

Osterøy er Noreg si største innlandsøy.

Næringsvegar: Industri, bygg og anlegg, oppdrett og litt jordbruk. 

Kyrkje og kristenliv: DNK har fire kyrkjer. Elles finn eg tre bedehus, ei pinsekyrkje, Kristent Fellesskap og nokre som kallar seg for Connection Osterøy. Elles må det nemnast at leirstaden Raknestuset ligg i kommunen. Denne er eigd av Nordhordland indremisjon. 

Takk Gud for alle dine sanne barn i Osterøy. Må dei stå deg nært. Forny dei ved ditt ord og din Ande. Fyll dei med kraft og nåde. Grunnfesta dei i ditt ord. Gjer dei sterke og ekspanderande i striden for evangeliet og det gode. Hjelp dei truande å stå saman i lovsong, bøn, diakoni og evangelisering, og må ditt kall til omvending og tru nå ut til alle innbyggjarane i kommunen. Aus Anden din ut over Osterøy slik at dei som bur der kan koma til levande tru på Jesus. Hald di vernande hand over familiane slik at dei held saman i gode og vonde dagar, og fyll heimane med lys, glede og varme. Må alle barn og unge i Osterøy ha ein trygg og god oppvekst. Velsign den politiske og administrative leiinga, skulane og helseinstitusjonane, politiet og dei andre offentlege etatane, samt alt godt og sunt næringsliv, og me ber om ein høg fagleg og etisk standard på dei lokale mediebedriftane.  Må alle vaksne i kommunen leva edruelege liv, og vera gode føredøme for barn og unge. Må det gå Osterøy vel, det ber me om i Jesu namn. Amen!

Bøn for Ukraina og Skandinavia

Allmektige gode Gud!

Sjå i nåde til Ukraina, til det ukrainske folket, presidenten og dei styrande organa i landet.

Hjelp dei i nauda å venda om frå sine synder, snu seg mot deg, og overgje seg sjølv og landet sitt i dine hender 

Herre! Reis deg mot Vladimir Putin, og stopp Russlands aggresjon mot Ukraina, set faste grenser for han og hans medarbeidarar, grenser som dei ikkje kan forsera. Reis opp englemurar mot dei russiske inntrengarane, og mot rakettane og dronene deira. La alle vonde planar mot Ukraina falla  til jorda. 

Herre, du er ein Gud som gjer storverk med din sterke arm. Du spreier dei som ber på hovmotstankar. Du støyter dei store ned frå truna, og lyfter dei låge opp. 

 Hjelp dei ukrainske styrkane å lukkast i motstandskampen, og velsign og beskytt interne russiske motstemmer, og me ber om ein snarlig russisk kapitulasjon og tilbaketrekking til internasjonalt godkjende grenser. 

Reis ditt vern over Noreg, Sverige, Danmark, Finland og Baltikum mot krig, øydelegging og okkupasjon. 

Eg ber om ei markant åndeleg vekking over nasjonane våre, slik at høge og låge, rike og fattige, kvinner og menn, barn og unge snur seg vekk frå synda og overgjev liva sine til deg, du som er den rette kongen over alle verdas nasjonar. Herre, miskunna deg over oss alle!

Martyrkyrkja i Nigeria

Lidinga held fram for kristne i Nigeria. I Barikin Ladi - fylket i delstaten Plateau, vart tre kristne skotne og drepne den 3. mai. Dagen etter vart tre andre drepne. Den 6. mai vart ei grupe kristne angripne av medlemmer av den islamske staten (IS). Dei hadde reist og besøkt nokre landsbyar i delstaten Kaduna. Alle vart drepne. Dette for å nemna noko av det som skjer. Du kan lesa meir her: https://www.vomcanada.com/ng-2025-05-15.htm

Herre Jesus! Enno ein gong må me be om beskyttelse for kyrkja di i Nigeria. Trøyst dei som no sit att med tung sorg etter å mista sine kjære. Må det bli slik som Tertullian skreiv at "martyrane sitt blod er kyrkja sitt såkorn". Må det som djevelen her hadde tenkt skulle bli til tap, blir til siger for ditt rike. Amen! 

 

Gosainfolket i India

 

Gosain er å finna over heile India. 

Det er over 1,567 millionar av dei.

Dei snakkar Hindi.

Heile Bibelen er tilgjengeleg på Hindi.

Det er 0,00% kristne mellom dei. 

Dette folket har eit enormt rusproblem

Gode, allmektige Gud! Gosain lever i eit tett åndeleg mørke. Ingen har gjort Jesus kjent for dei, sjølv om det er 2000 år sidan han døydde og stod opp at frå dei døde. No ber me om at det skal skje. Må nokre av leiarane deira møta levande kristne som kan dela evangeliet med dei og føra dei til Jesus. Tal til dette folket på mange og underfulle måtar. Lat under og teikn skje mellom dei i Jesu namn, og lat det etablerast ei eldfull og misjonerande gosainkyrkje som kan vera med å generera vekking over heile India. 

Modalen i Vestland

 

Det bur berre 384 menneske i Modalen. 

Kommunesenter: Mo

Kommunen ligg nord i gamle Hordaland fylke, på grensa til gamle Sogn og Fjordane

Næringsliv: Modalen er ein rik kraftkommune som har råd til det meste. 

Mange er offentleg tilsette.

Elles jobbar folk med IT, reiseliv eller tenesteyting. Nokre pendlar. 

Kyrkje og kristenliv: DNK har ei kyrkje i Modalen. Andre forsamlingar finn eg ikkje i kommunen. 

Gode Gud! I dag ber me om fornying og inspirasjon til alle kristne i Modalen, og om at alle som enno ikkje har teke imot di frelsesgåve, skal bli motivert til å gjera det. Me ber om at barn og unge skal få veksa opp i gode, stabile og rusfrie heimar, at du skal velsigna kommunen med gode leiarar, og at det skal gå Modalen godt. 

Vaksdal i Vestland

Folketal: 3852

Kommunesenter: Dale

Næringsliv: Vaksdal er ein typisk industri og kraftkommune med Vaksdal mølle og Dale trikotasje som dei største industriverksemdene. Kommunen har 14 kraftverk som produserer straum m.a. til Bergenshalvøya.

Kyrkje og kristenliv: DNK i kommunen har, trass i relativt lågt innbyggjartal, 7 kyrkjer. Det kjem nok av stort landareal. To prestar tenestegjer i kvar sitt sokn. 

Indremisjonen er godt representert med 3-4 bedehus, alle av eldre dato. 

Det var ei pinsevekking i Vaksdal på 1920-talet. Mange kom til tru den gongen, særleg unge menneske. I dag er Tabernaklet Vaksdal historie. 

Gode Gud og Far! 

I dag ber me om at ditt rike skal ha framgang i Vaksdal. At dei truande skal stå fast i Jesus og Guds ord, og at dei skal stå saman om å bringa evangeliet ut til sambygdingane sine. Velsign kommunen med gode leiarar på alle nivå. Me ber om stabile heimar og gode oppvekstmiljø. Amen!

 

Martyrkyrkja i Iran. Pastor Josef Shahbazian og kona hans Lida Alexani arrestert og fengsla

Pastor Josef Shahbasian fekk ein fengselsdom på 10 år i 2022. Så vart han lauslaten etter ein appell, for straks etter å bli rearrestert. I same rennet arresterte dei også kona hans, Lida Alexani. Nye rettssaker ventar. 

Be om at Gud må vera nær hos dei og trøysta dei slik berre han kan det.

Be om at dei må bli sette fri og sameinte med familiane sine.

Be om at evangeliet skal halda fram med å gå fram i Iran trass i trengslene som kjem over dei truande.

Gaudafolket i India

2 295 000 menneske.

Over 99% hinduar

0,09% kristne

Språk: Odia

Heile Bibelen er å få på dette språket.

Gaudafolket er i hovudsak sjølveigande bønder. 

Eit mylder av «gudar» (demonar)  infiltrerer liva deira. 

Herre Jesus! Du er lyset som er komen til verda for å lysa opp kvart menneske. Må tida no vera inne for at gaudafolket skal få koma inn i lyset ditt, og lyset ditt i dei. Løys dei i ditt namn frå hinduismen sine lenker og falske gudar. Amen.