Stryn i Vestland

 

Kart: snl.no

Innbyggjartal: 7311

Næringsliv: Skogbruk, jordbruk, industri, reiseliv

Kyrkje og kristenliv: DNK har åtte sokn med tilhøyrande kyrkjer. Det finnst fleire bedehus i kommunen med levande forsamlingar.  Eg har ikkje funne noko om frikyrkjeleg aktivitet der. 

Gode Gud! Sjå i nåde til alle som bur i Stryn kommune, og send ordet om Jesus inn i liva deira. Må kallet til omvending og tru nå fram til alle. Må du Heilag Ande koma over menneska der, tala til hjarto deira, overtyda om synd, rett og dom, og stadfesta evangeliet med under og teikn som blir gjort i Herren Jesu Kristi namn. 

Styrk det indre livet i kyrkjelydane og forsamlingane i Stryn, og lat dei stå saman for å nå ut til lokalsamfunnet med evangeliet. 

Hald di gode hand over barn og unge slik at dei ikkje blir påført skade, men kan bli kjent med Jesus og veksa opp i varme, rusfrie og trygge heimar med sterkt samhald. Velsign kommunen med gode leiarar, stabile arbeidsplassar og gode kår for alle næringar, i Jesu namn, amen!

Rektorar i Bømlo nektar kristent lagsarbeid på skulane sine

Bømlo (Moster) er kristendomen si vogge i Noreg. No nektar rektorar på ungdomsskulane i kommunen (sist på Mostar skule) elevar å driva kristent lagsarbeid på skulane.

Dette har ingen pålagt desse rektorane å gjera. Dei har lagt det på seg sjølv. Sjansen for at deira eigen trusposisjon då spelar inn i avgjerda, er stor. Og det er uheldig.

Å nekta elevar å samlast til andakt i eitt friminutt i veka, er sjølvsagt å avgrensa den retten som Menneskerettsfråsegna gjev dei til å praktisera trua si, også i det offentlege rom. Artikkel 18 i Menneskerettsfråsegna er krystallklår:

«Einkvar har rett til tanke-, samvits- og religionsfridom. Denne rett omfattar fridom til å skifte religion eller tru, og fridom til anten ålene, eller sammen med andre, og offentleg eller privat, å gje uttrykk for sin religionen eller trua si gjennom undervisning, praksis, tilbeding og ritualer.»

Denne fråsegna er, i følgje Grunnlove § 2,  ein del av verdigrunnlaget for den norske stat, og dermed for den norske skulen.

I tillegg markerer §2 i Grunnlova betydninga av den kristne og humanistiske arv. Kristent skulelagsarbeid må jo seiast å fremja desse verdiane, og slik hjelpa lovgjevar med å nå sine mål, og ved å nekta elevane å samlast for å be og dela trua si med kvarandre, motarbeider desse rektorane sin eigen arbeidsgjevar. 

I grunnskulen skal det undervisast om verdien av menneskerettane. Då er det underleg at rektorane i praktisk liv tek desse rettane frå elevar som ønskjer å ha kristent fellesskap ein halvtime i veka. 

Gode Gud! Me går i Jesu namn mot alle som forbyr kristne unge menneske å samla seg for å tilbe deg og styrka kvarandre i trua. Me ber om at det skal koma eit forbod  frå sentralt hald mot slike forbod i skuleverket. Amen! 

Takk og bøn

 Me takkar deg, Gud, for at Donald Trump ikkje lenger vil ta Grønland med makt. Det var sanneleg eit steg i rett retning. Så ber me i dag om at grønlendarane skal la seg innlemma i ditt rike, at dei skal venda om til deg med heile seg, bøya seg ved din kross og la seg overskylla av din kjærleik og nåde. 

Og så ber me for president Donald Trump. Han har ein viss respekt for deg, men treng å ta imot di frelse og bli reinsa frå sine synder. Me ønskjer oss ein amerikansk president som er audmjuk, som elskar deg, som løftar opp namnet ditt, som lyder ditt ord, som sluttar å truga og skremma. Gje han god sjølvinnsikt og dømmekraft, og lat han halda lovnadane sine og vera til å stola på. Gode Far! Eg synest han er veldig sjølvoppteken, og at han fort blir fornærma og hemngjerrig. Og så har han så lett for å mobba andre, og set ein låg standard for korleis me kommuniserer med kvarandre. Dessutan er han skrytande, og han overdriv sin eigen historiske betydning. Audmjuk han slik at du kan løfta han opp og gje han sann stordom. Me treng ein godt fungerande amerikansk president som liknar på deg i sin måte å leida på, audmjuk, klok, sann, tydeleg og varm, ein president som skuggar unna alle djevelske impulsar. Amen! 

Martyrkyrka. Iransk ektepar dømde til lange fengselsstraffer pga si kristne tru

Denne saka er henta frå magasinet Stefanus (stefanus.no)

Ekteparet Nayereh Arjaneh og Qasem Esmailible fra Nord-Iran reiste til Tyrkia for å få bibelundervisning. Den skulle vise seg å ha en høy pris. Det de hadde vært med på i Tyrkia ble oppdaget, og ekteparet ble arrestert i sitt eget hjem 7. juli 2025.

 Nayereh fikk den strengeste dommen og er den første som må tilbake for å sone i fengsel. Hun ble først løslatt mot kausjon, og senere siktet for «å fremme avvikende propaganda og lære i strid med islamsk lov», og dømt til fem års fengsel. Hun ble også siktet for «å gi økonomisk og materiell støtte til grupper tilknyttet sionistisk kristendom», og dømt til ytterligere fem år.

 Ektemannen Qasem ble dømt separat til tre år og seks måneders fengsel. Straffen er ennå ikke fullbyrdet fordi han gjennomgår cellegift. Tenk deg det – han er syk, blir adskilt fra sin kone, og venter på å sone. Det koster å leve ut sin kristne tro i Iran.

 Samtidig preges Iran av massive protester for frihet. Demonstrantene møtes med brutal statlig vold. Minst sju kristne er blant de tusenvis som er drept, og flere skal være både skadet og arrestert. Dette forteller at også kristne deltar i demonstrasjonene og at fredelige demonstranter for frihet møtes med vold og død.

 Midt i dette sterke ropet om frihet og verdighet er også den kristne minoriteten utsatt.

 Bønneemner

- Be om at Gud styrker og oppmuntrer Nayereh i fengselet, og at hun får gode relasjoner til medfanger.

- Be om at Qasem blir helbredet fra kreften, og at behandlingen virker.

- Be om at straffene blir gjenopptatt, og at urettferdigheten i dommene blir erkjent og rettet opp.

- Be om at Iran stanser forfølgelsen av alle religiøse samfunn som fredelig uttrykker sin tro.

- Be om at regimet i Iran stopper brutaliteten, drapene og forfølgelsen og at folket i Iran sikres frihet og demokrati. 

Dagens unådde folkeslag: Arabarar i Nord-Jemen

 

Folketal: 20 millionar. 

Språk: Arabisk Sanaaisk

Religion: Islam

Kristne 0,00%

Bibelen: Det er no starta opp med oversetting av Bibelen til denne versjonen av arabisk

Be for dei få truande blant dei nordlege jemenittarabarane, at dei fruktbart kan så Guds ord blant familiane og samfunna sine, og drive ei rørsle av evangeliets bodskap frå hus til hus. Be om at arabiske familiar i aukande grad skal oppleve rettferda og tilgjevinga som berre finst i Jesus Kristus. Be om at nordlege jemenittarabarar skal få tilgang til bibelske ressursar på hjartespråket sitt.

Gloppen kommune i Vesland

 

Kartillustrasjon: snl.no

Innbyggjarar: 5936

Kommunesenter: Sandane

Næringsliv: Jordbruk, industri, lakseoppdrett og kraftproduksjon

Kyrkje og kristenliv: DNK har 9 kyrkjer, Normisjon har eit stort, fint bedehus i Sandane av litt eldre årgang med sakral arkitektur der det føregår mykje godt kristent arbeid, og pinsevenene har ei kyrkje der som (naturlegvis) heiter Sion. Fellesskapskirken har (som Kristkyrkja) sitt utspring i Frikirken. Dei leiger hus hos Sion. Sion er ein fleirkulturell kyrkjelyd med mange innvandrarar, særleg frå Afrika. Desse pregar kyrkja på ein god måte. Dei ulike kyrkjene samarbeidar mykje, og Sion har ei Gatekyrkje som dei er ute med kvar torsdags kveld. Då er ungdomane på byen, og evangelistane møter mange som er opne for evangeliet. 

Takk, gode Gud for alt det fantastiske du held på med i Gloppen kommune, for alle som kjem til tru, for alle kyrkjene som opplever vekst og utvikling, og for det økumeniske sinnelaget som pregar dei kristne. Me ber om meir, Gud, om at fleire skal koma til tru og blir disippelgjort. Ikkje berre i Sandane, men over heile kommunen. Særleg ber me om at arbeidet med Gatekyrkja skal lukkast, at dei som går ut skal oppleva å nå inn til dei unge, at det skal skapast tru og nytt liv. 

Må Sandane kommune vera ein god kommune for innbyggjarane. Me ber om robuste bedriftar, institusjonar, gardar og arbeidsplassar. Må barn og unge veksa opp i trygge, varme og rusfrie heimar. Vern dei mot alt som kan vera dei til skade, og må gravide kvinner i kommunen seia ja til sine små ufødde små. Amen! 

Colombiansk pastor drepen nyttårsafta

 

Foto: ICC

På nyttårsafta vart pastor José Otoniel Ortega skoten fleire gonger av tre væpna angriparar i bydelen Santa Elena i fylket Magdalena i Colombia. Han vart frakta til ein nærliggande medisinsk klinikk, der han døydde.

Dette melder ICC, International Christian Concern

Han er den 11. colombianske pastoren som lid denne lagnaden sidan 2024. 

Den 54 år gamle pastoren feira nyttåret saman med kona og barna sine då han vart skoten. Det colombianske rådet for evangeliske kyrkjer (CEDECOL) la ut ei fråsegn på Facebook der dei uttrykte sorg over hendinga.

– Denne hendinga fører med seg sorg, ikkje berre for familien og forsamlinga hans, men for heile den kristne kyrkja i Colombia, heitte det i fråsegna. – Vi hevar røysta vår til forsvar for livet og kallar på rettferd, fred og ein slutt på alle former for vald som held fram med å knusa heimar og lokalsamfunn.

Direktøren for påverknadsarbeid i Christian Solidarity Worldwide, Anna Lee Stangl, snakka med Premier Christian News om hendinga og peika på auken i målretta åtak på kyrkjeleiarar frå væpna kartell.

– Pastorar forkynner ofte bodskap om fred og avvising av vald og ulovleg verksemd, sa ho. – Det kan skapa problem for dei når det gjeld rekruttering av nye medlemmar.

Ortega er den ellevte kyrkjeleiaren som sidan november 2024 er drepen i Colombia. Det siste året har kriminelle organisasjonar myrda ti protestantiske leiarar. Ein katolsk prest vart kidnappa og seinare sleppt fri.

Stangl oppmoda den colombianske regjeringa til å ta opp att vernet for kyrkjeleiarar under dekret 1066, som gav vern til visse sårbare grupper. Religiøse leiarar var inkluderte i denne høgrisikokategorien fram til dekretet vart endra i 2023.

– I fleire år har vi oppmoda styresmaktene om å ta kyrkjeleiarar inn att under det nasjonale vernesystemet, sa Stangl. – Det ville òg vore fint å be for dette, slik at kyrkjeleiarar i Colombia får tilgang til dei verneordningane som finst, men som dei no er utestengde frå.

Styresmaktene leitar framleis etter gjerningsmennene. Samstundes står forsamlinga til Ortega, Foursquare Gospel Church, saman med familien hans og sørgjer over tapet av den trufaste pastoren sin.

Den 2. januar la kyrkja ut eit brev på sosiale medium til minne om Ortega.

– I dag seier vi ikkje farvel, men «vi sjåast snart», heitte det i brevet, – med vissheita om at vi ein dag skal møtast att i den evige herlegdomen, der det ikkje lenger skal vera smerte eller tårer, berre glede i nærværet til vår Herre Jesus Kristus.

Sak av Bella Agnello i ICC

Be om at illgjerningsmennene vert innhenta, arresterte og dømde.

Be om trøyst og styrke til familie, kyrkjelyd og vener

Dagens unådde folkeslag: Ansari, India

 

Foto: joshuaproject.net

Ansari er ei stor folkegruppe som tel nesten 16 millionar menneske spreidd ut over store deler av India. 

Dei snakkar urdu og er muslimar. 0,00% er kristne. Heile Bibelen er tilgjengeleg på urdu i tekst og audio. Og sjølvsagt er Jesusfilmen også dubba til urdu. 

Ansari er venelege folk med låg utdanning. Analfabetismen er skyhøg. Dei driv gjerne med veving, og er særleg flinke med silke. Dei er muslimar som sagt, men driv også me ein god del magiske saker og ting. 

Gode Gud og Far! Løys ansarifolket frå islams lenker, og frå alle åndsmakter som får dei til å søka inn i den okkulte verda. Send dine tenarar til dei for å bu mellom dei over tid, forkynna evangeliet for dei, formidla din kjærleik og di kraft til dei og føra dei ut i den fullkomne fridomen i Jesus Kristus. Amen! 

Stad i Nordfjord i Vestland

 

Kart: snl.no

Folketal: 9655

Kommunesenter: Nordfjordeid

Næringsliv: Jordbruk. Fiske, Fiskeoppdrett. Reiseliv og turisme. 

Kyrkje og kristenliv: Den norske kyrkja har 8 sokn med kvar si soknekyrkje. 

Det er mange bedehus i kommunen, og det har vore fleire djuptgripande vekkingar i dette området av Noreg. Kommunen ber vel enno preg av det. 

Filadelfia Stadlandet er ei pinsekyrkje med ein god nettside som fortel om eit rikt åndeleg liv.

Gode Gud! Sjå i nåde til alle som bur i Stad kommune, og send ordet om Jesus inn i liva deira. Må kallet til omvending og tru nå fram til alle. Må du Heilag Ande koma over menneska der, tala til hjarto deira, overtyda om synd, rett og dom, og stadfesta evangeliet med under og teikn som blir gjort i Herren Jesu Kristi namn. 

Styrk det indre livet i kyrkjelydane og forsamlingane i Stad, og lat dei stå saman for å nå ut til lokalsamfunnet med evangeliet. 

Hald di gode hand over barn og unge slik at dei ikkje blir påført skade, men kan bli kjent med Jesus og veksa opp i varme, rusfrie og trygge heimar med sterkt samhald. Velsign kommunen med gode leiarar, stabile arbeidsplassar og gode kår for alle næringar, i Jesu namn, amen! 

Iran, igjen

 Herre Jesus Kristus!

Du er overordna alle jordiske styresmakter. Du er "den som lèt år og tider skifta, set kongar av og set kongar inn, og gjev dei vise visdom og dei vituge vit, " som me les i Daniel 2,21. 

No ber me om at du i di store makt skal avsetja prestestyret i Iran, og unna det iranske folket politisk fridom og demokrati. 

Me ber om at liv skal bli spart. Stopp revolusjonsgarden som skyt og drep verjelause menneske. 

Stopp avretting av skuldlause menneske.

Gje generalane i hæren og politiet mot til å støtta demonstrantane. 

Me ber om at dei ulike folkegruppene skal vera einige og samstemte om korleis landet skal styrast framover.

Me ber om at du skal avverga alt som kan føra til borgarkrig. 

Me ber om "styrke, visdom, leiing og vern for dei kristne slik at dei kan vera eit lys i ein kaotisk og ekstrem situasjon." (Opne Dører)

Amen! 

Dagens unådde folkegruppe: Tidikelt frå Algerie

 Tidikelt tel 1300 menneske, og tilhøyrer berberfolket som er urbefolkning i Algerie. Dei levde i landet lenge før den arabiske invasjonen på 600-talet. Kyrkjefader Augustin var berber. 
Tidikeltfolket er muslimar, om enn ikkje så dedikerte som arabarane. Dei er meir mottakelege for Guds evangelium. 

Så ber me i dag far om at det må bli liv i gamle kristne røter i Nord-Afrika, og at tidikeltfolket skal oppdaga kven dei ein gong kjende, dyrka og elska. Amen! 

Bremanger i Nordfjord i Vesland

 

Innbyggjartal: 3361

Kommunesenter: Svelgen

Næringsliv: Industri, kraftproduksjon, jordbruk og turisme.

Kyrkje og kristenliv: DNK har 8 sokn med eigne kyrkjer. Det føregår indremisjonarbeid i Hauge bedehus på Bremangerlandet vart bygd i 1903, og er enno i bruk. Denne songen vart skriven til innviginga av huset: 

Her nu et hus
Sig har reist af grus,
Lys over bygd det skal bære.
Gid det maa staa
Som et hjem for Guds smaa
Hvor det er yndig at være,
Og hvor hver tørstende synders sjæl
Læskes af lysets og livets væld.

Vogte da, Gud,
Gjennem tiderne du
Huset nu bygd til din ære!
Uden al svig
Lyde ordet frå dig,
Af dig velsignet det være!
Vi dig anraaber, O, Jesu Krist.
Komme dit rige baad’ her og hist!

Henta frå lokalavisa "Kringom"

Eg kan ikkje finna spor av frikyrkjeleg arbeid i Bremanger

Gode Gud og Far! Lytt du til bøna frå 1903, og gje ho eit sterkt gjensvar i 2026. Må Jesu namn få ære frå mange i Bremanger i tida som kjem, må riket ditt koma og viljen din råda i denne kommunen som i himmelen. Må evangeliet nå fram til kvar enkelt bremangar, og eta seg inn i hjarto deira, frelsa dei og føda dei på nytt ved Den Heilage Ande. Må det veksa fram sterke kristne fellesskap som står på Bibelen, og som er misjonerande og tenande i sin profil. Velsign kommunen med gode leiarar på alle nivå, og om velsigning over alt ærleg arbeid.  Me ber om samhald i familiane, varme og rusfrie heimar og ungdomsmiljø. Me ber om folkevekst, høge fødselstal og ingen abortar.  

Martyrkyrkja. Kristent ektepar drepen julafta i Niger

 

Kyrkje i Niger. Foto: Wikimedia

Om kvelden den 24. desember samla kristne seg til gudsteneste i ei kyrkje i Mailo-landsbyen, eit samfunn i Dosso-regionen i Niger. Rundt klokka 23 storma væpna menn inn i kyrkjebygget og skaut i lufta, noko som fekk dei frammøtte til å få panikk. Som eit resultat flykta alle som hadde vore på gudstenesta – nokre rømde ut i bushen, medan andre søkte tilflukt i nabobygder. Tragisk nok vart eit ektepar som gøymde seg i heimen sin, forfølgde og drepne av angriparane.

Dette valdelege åtaket reflekterer den pågåande uroa forårsaka av opprørarar knytte til al-Qaida og den islamske statens terrorgruppe. Landets militære har kjempa mot desse opprørsgruppene i fleire år. Trass i truslane frå terroristane har forholdet mellom kristne og muslimar i Niger generelt vore vennleg.

Hugs i bøn familien, venene og kyrkjelyden som no sørgjer over det tragiske tapet av dette kjære kristne paret. Be Herren om å også bringe helbreding til dei overlevande som prøver å takle den emosjonelle traumet etter åtaket. Be om at styresmaktene sine forsøk på å dempe dei valdelege aktivitetane til militante grupper vil bli styrka, og bringe effektiv og varig tryggleik og stabilitet til sårbare samfunn over heile landet. Midt i den noverande uroa, må Gud leie og styrke sitt folk i denne vestafrikanske nasjonen til å leve som ambassadørar for hans fred, tilgjeving og kjærleik.

Voice Of the Martyrs 9.januar 2026

Grønland

 President Donald Trump vil gjerne annektera Grønland. Han grunngjev dette med USA sitt tryggleiksbehov. Det liknar til forveksling på Vladimir Putin sin argumentasjon for å prøva å annektera Ukraina. Eg trur begge lyg. Deira agenda er økonomisk. 

No ber me Gud om at Donald Trump skal leggja bort ideen om å annektera Grønland, og det ber me om  i Jesu Kristi namn, i hans namn som står over alle makter og autoritetar, og som har det største namnet som nemnast kan i denne og i den komande verda. Amen! 

To brannmenn truleg omkomne i brann i Verdal

 Dei som truleg er omkomne var røykdykkarar som gjekk inn i det brennande huset, sikkert for å leita etter folk som eventuelt var i huset. Omstendene rundt dette er uklåre for meg enno. 

No ber me i Jesu namn om at dei pårørande av desse brannmennene får den styrken dei treng for å bera og handtera sjokket og sorga. Me ber om at dei skal få svar på spørsmåla som rir dei som ei mare, og me proklamera fred over situasjonen og alle involverte. 

Dagens unådde folkeslag: Rangrez i India.

 

Folketal: 360 000
Språk: Marathi (har heile Bibelen i oversetting)
Religion: Hinduisme
Kristne: 0,00%

Rangrez er ei lågkastegruppe som har spesialisert seg på farging av klede, og i den siste tida også på sal av klede.

Me ber, gode Gud, om at kristne i India skal kjenna på eit kall til å dela evangeliet med Rangrezfolket. Me ber om ei sterk vekkingsrørsle som driv heile familiar og småsamfunn til Kristus, og at du let dei erfara di velsigning i liva sine. Me ber om at medlemmer av kasterådet skal bli Jesu læresveinar som fører familiane sine til tru på den eine sanne Gud, den einaste som kan frelsa sjelene deira. Må dette folket bli råka av ei djup syndserkjenning, og ein radikal vilje til å snu seg bort frå avgudsdyrking, seksuell ureinskap, uærlegdom og alle gjerningar som høyrer mørket til. 

Sunnfjord i Vestland

 

Innbyggjartal: 22 662

Kommunesenter: Førde

Næringsliv: Jordbruk, handel, lakseturisme (Gaular), kraftproduksjon. 

Kyrkje og kristenliv: DNK har fire sokn og fire soknekyrkjer. Normisjon driv eit godt arbeid i Førde bedehus. KI skriv: "Kommunen har høy deltakelse i gudstjenester og et sterkt frivillig engasjement, noe som tyder på en robust kristen tilstedeværelse i regionen, selv om Norge generelt sekulariseres."

Gode Gud! 

Me ønskjer for Sunnfjord at alle som bur der skal bli kjent med Jesus, 

at ordet ditt skal ha framgang og at dine gjerningar skal bli synlege i samfunnet.

Velsign kommunen med gode leiarar, folk med høg integritet og god forstand.

Må all ærleg næringsverksemd trivast og ha framgang, og må det skapast

gode og framtidsretta arbeidsplassar.

Må barn og unge veksa opp i trygge heimar, og me ber om at du skal

verna dei mot alle vonde krefter

som vil lura dei bort frå trua, og riva dei ned og føra dei på avvegar. 

Me ber om låge aborttal, høge fødselstal, rusfrie miljø, om respekt for

ekteskapet mellom kvinne og mann som einaste rette samlivsform. 

Må det gå Sunnfjord godt på alle vis.

Dagens unådde folkeslag: Hira i India

 

Folketal: 58000

Språk: Assamese, som er eit bibelspråk

Religion: Hinduisme

Kristne: 0,07%

Gode Gud og Far! Du er den rette far for Hira i India. Men enno kjenner dei ikkje deg, og eg ber: Gjer deg kjent for dei! Send visjonære og brennande misjonærar til dei som introduserer deg, dine sanningar, di kraft og din kjærleik for dei, og som gjev dei ditt livgjevande ord. Herre, dei treng å forstå at dei ikkje kan bli frelst gjennom gjerningar eller religiøs seremoniar, men berre ved å ta imot di frelse i Jesus Kristus som ei gåve. Aus Anden ut over dei slik at dei ser sine synder, og Jesus som frelsaren frå all synd, og løys dei frå religiøse åndsmakter. Må Hirafolet få tilgang til Bibelen og motivasjon til å lesa han. Gje dei gode kår i samfunnet. Hjelp familiane å vera gode mot kvarandre, og eg ber om samhald, truskap og kjærleik i familiane. Eg ber også om at alle vaksne skal leva edrueleg og ansvarleg. No ser eg fram til at Hirafolket skal bli innlemma i din familie, og at det skal etablerast ei levande og dynamsk Hira-kyrkje som kan kan formidla deg til folket på ein kraftfull og truverdig måte. Amen!

Fjaler i Sunnfjord i Vestland

 

Innbyggjartal: 2924

Kommunesenter: Dale i Sunnfjord

Næringsliv: Jordbruk og industri. Litt kraftproduksjon

Kyrkje og kristenliv: DNK har fire kyrkjer som dei feirar gudsteneste i. Så finn eg eit bedehus i Folkestad. Det er ikkje registrert frikyrkjeleg aktivitet i kommunen. 

Her brukar me standard bøn:

Gode Gud! Sjå i nåde til alle som bur i Fjaler kommune, og send ordet om Jesus inn i liva deira. Må kallet til omvending og tru nå fram til alle. Må du Heilag Ande koma over menneska der, tala til hjarto deira, overtyda om synd, rett og dom, og stadfesta evangeliet med under og teikn som blir gjort i Herren Jesu Kristi namn. 

Må alle truande i kommunen erfara Andens fornyande kraft i liva sine, og søkja saman i fellesskap der dei kan styrkja kvarandre som kristne, og tena deg saman gjennom evangelisering og diakoni.  

Hald di gode hand over barn og unge slik at dei ikkje blir påført skade, men kan bli kjent med Jesus og veksa opp i varme, rusfrie og trygge heimar med sterkt samhald. Velsign kommunen med gode leiarar, stabile arbeidsplassar og gode kår for alle næringar, i Jesu namn, amen! 

Den venezulanske presidenten Nikolas Maduro arrenstert

 I natt gjennomførte, på ordre frå USA-president Donald Trump, amerikanske spesialstyrkar ein aksjon i Venezuela sin hovudstad, Caracas, som munna ut i arrestasjon av den illegitime presidenten i landet, Nikolas Maduro. Han er no, saman med kona si, på veg til USA for å bli stilt for retten der for brot på landet sine narkotikalover. 

I tillegg må det nemnast at denne Maduro har kjørt Venezuela på grunn, øydelagt økonomien, ført folket inn i djup, djup fattigdom, fengsla og utsett opposisjonelle for grove overgrep med det resultat at 8 millionar av befolkninga har flykta til andre land.  Dei fleste venezuelanarane gleder seg over USA sin aksjon, men spør seg sikkert om kva som no kjem til å skje. 

• Be om at heile maktapparatet i Venezuela blir bytta ut, og at dei som vann valet for to år sidan, med den valde presidenten Edmundo Gonzales  og nobeprisvinnar Maria Corina Machado i spissen, skal innta regjeringskontora. 
• Be om at landet skal bli gjenoppbygd og nå gamle høgder. 
• Be om at islamistar, sosialistar og kommunistar må tapa all innflytelse over Venezuela.

 

Store protestar mot regimet i Iran og ayatollah Khamenei

 Det iranske folket  lever i stadig større armod. Det er mange grunnar til det. I skrivande stund opplever landet hyperinflasjon. Pengene dei har om morgonen er ingenting verd om kvelden. Resultatet er at basarane stenger, og folk demostrerer i gatene i dei store byane, noko som er livsfarleg. Det er meldt om 6 drepne så langt i samanstøytar med tryggingspolitiet.  Folk er elles rasande på prestetyranniet som har plaga livet av dei sidane 1979. Det er ingen fridom for nokon som helst i Iran, og dei reelle makthavarane har isolert seg og står aldri på val. Landet er eit hyklerisk skinndemokrati. ¨

Store pengesummar vert kvar månad sendt ut av landet for å støtta terrorisorganisasjonar som Huthuane i Jemen, Hamas i Gaza og Hizbollah i Libanon med våpen og andre ting dei treng for å kunna bidra til Irans sjuke trong etter å knusa Israel og drepa jødar, medan det iranske folket knapt har til smør på skiva. 

I tillegg har det vore lang tids tørke i landet.

Alt dette har ført til at folk flest for lengst har vendt seg bort frå islam. 

Parallelt går det ei kristen vekking over landet som har eit omfang som får presteregimet til å skjelva skikkeleg i buksene. Jesu framgang er Irans håp. 

• Be om vern for dei som no demonstrerer mot regimet.
• Be om at regimet i landet må falla
• Be om at Guds ord skal ha stadig større framgang
• Be om at Gud skal hjelpa folk med dei mange kvardagsproblema deira

To familiar huslause etter storbrann i Sandnes i går

 To hus brann ned til grunnen i Sandnes i går kveld. 

Be om styrke til dei to familiane som er berørte av denne tragedien. 

40 omkomne i brann i nattklubb i Crans Montana i Sveits natt til 1. nyttårsdag, over hundre kritisk skadde

 Me ber i Jesu namn om lækjedom for dei kritisk skadde, trøyst til dei som sørger over sine kjære og all mogeleg hjelp til redningsarbeidarane. Må det som har skjedd her få folk til å tenkja på deg, Jesus, og søkja sitt evige vel å venda om frå sine synder og begynna å følgja deg. Amen! 

Askvoll i Sunnfjord i Vestland

 

Askvoll omfattar ytre delane på nordsida av Dalsfjorden. 

På kommunevåpenet er det avbilda ein gamal steinkross frå Middelalderen som indikerer djupe kristne røter og lange tradisjonar.  

Innbyggjartal: 2930. 

Kommunesenter: Askvoll
Næringsliv: Jordbruk (husdyrhald), fiske, industri og kraftproduksjon

Kyrkje og kristenliv: Den norske kyrkja har tre kyrkjebygg i Askvoll. I tillegg er det fleire bedehus og bedehuskapell i kommunen. Ingen frikyrkjer. Få spor av åndeleg liv som nokon har funne det verd å skriva om. 

Gode Gud! Sjå i nåde til alle som bur i Askvoll kommune, og send ordet om Jesus inn i liva deira. Må kallet til omvending og tru nå fram til alle. Må du Heilag Ande koma over menneska der, tala til hjarto deira, overtyda om synd, rett og dom, og stadfesta evangeliet med under og teikn som blir gjort i Jesu namn. 

Må alle truande i kommunen erfara Andens fornyande kraft i liva sine, og søkja saman i fellesskap der dei kan styrkja kvarandre som kristne, og tena deg saman gjennom evangelisering og diakoni.  

Hald di gode hand over barn og unge slik at dei ikkje blir påført skade, men kan bli kjent med Jesus og veksa opp i varme, rusfrie og trygge heimar med sterkt samhald. Velsign kommunen med gode leiarar, stabile arbeidsplassar og gode kår for alle næringar, i Jesu namn, amen!