Colombia

Colombia har eit flatemål på 1 138 910 kv.km. Befolkninga er på omlag 47 millionar menneske. Det grensar mot Ecuador, Peru, Brasil, Venezuela, Panama, Atlanterhavet og Stillehavet.
Landet har store olje og kolressursar, og er verdas største produsent av kokain. 90% av all den kokainen som vert smugla inn i USA kjem frå Colombia, og narkotikatrafikken blir kontrollert av marxistiske geriljagrupper eller av halvmilitære soldatar innleigd av narkotikabaronar. 
Det er eit enormt gap mellom fattig og rik i landet, og landet har vore plaga med borgarkrigar  meir eller mindre kontinuerleg i 170 år. Sidan 2004 har det pågått ein fredsprosess, og etter den tid har det vore rolegare og mindre vald i landet enn før. Dei siste vekene har det vore stor framgang i forhandlingane mellom Comorrogeriljaen og regjeringa, og dei er komne fram til ein avtale om fred. Mindre geriljagrupper søkjer også no å få ein slik avtale på plass.

Befolkninga er samansett. 57,8% er euroindianarar, 20% spansktalande kvite, 14% er mulattar, 4% afrikanarar, 1,9% afroindianarar, og 1,6% indianarar.

Religion: 43,7 millionar er kristne, dei aller fleste romersk katolske. 3,5 millionar er evangelisk kristne, det er 7,5% 

Kjelder: Pray for the world, Wikipedia

• Det er god grunn til å takka Gud for framgang i fredsprosessen, og be om at det må lukkast for partane å koma heilt i mål.
• Narkotikaproduksjonen aukar. Lovløysa likeeins. Tusenvis døyr av narkotikarelatert vald per år. Kristne vert audmjuka, får eigedomane sine øydelagde og pastorar er stadig utsette for myrderier. Landet har verdsrekord i gatebarn. Det er 3 millionar internt fordrivne menneske i Colombia, og like mange har reist frå landet. 
• Be om at landet skal bli løyst frå djevelens grep, og proklamer Jesu Kristi herredøme over all vald, hemn, lovløyse, korrupsjon og okkultisme.
• Den katolske kyrkje er i tilbakegang, man mange kyrkjelydar opplever likevel i denne tida ei sterk karismatisk fornying. Dei evangeliske kyrkjene veks kraftig. Bellavistafengslet i Medellin vart ein gong kalla "helvete på jord." Etter lang tids bøn, faste og forkynning i fengslet, er alt forandra. I dag er det Jesus som rår, og fangane driv kristen radiostasjon og eit bibelinstitutt. Be om at Han som har starta den gode gjerning fullfører den heilt til Jesus kjem att.
• Dei evangelisk kristne har som mål innan få år å planta 18000 nye kyrkjelydar rundt omkring i landet. Be om at dette må lukkast og ha framgang.
• Utanlandske misjonærar lever under trugsmål om kidnapping, mord og ran. Be om vern over desse modige sjelene. 
• Be spesielt om framgang for colombianske misjonærar som prøver å nå indianske stammer og muslimske flyktingar frå Syria, Libanon og Palestina i landet. 
• Indianarane er utsette for diskriminering og undertrykking. I nokre stammer har evangeliet fått godt fotfeste og desse har sterke kyrkjelydar som driv misjon mellom andre urbefolkningsgrupper. Det trengst bibeoversetting i 25 språk. 15 grupper er totalt isolerte og unådde. Det hender at misjonærar til desse stammene blir kidnappa og frepne. Be om Guds veldige vern over hans trufaste vitner.

Tsjetsjenarane i Russland

Det bur 1,3 millionar tsjetsjenarar i Tsjetsjenia. Dei er eit krigarfolk med sterke band til islam. På 600-talet kom evangeliet til dei, og kristendomen var kanskje den dominerande trua mellom dei inntil dei vart introdusert for islam på 1700-talet. I dag er det omtrent ingen kristne tsjetsjenarar att i Tsjetsjenia.

Tsjetsjenarane  lever i eit klanbasert samfunn. Under 2.verdskrigen kjempa dei i den raude armeen mot Tyskland. Etter krigen vart dei løna for innsatsen med at Stalin fekk mennene deportert til Sibir. Dei fekk ikkje venda heim att før i 1968. Tsjetsjenarane hatar Russland og russarar heilt inntil ryggmargen. Etter 1991 prøvde dei å riva seg laus frå Russland, men russarane svarte med ein fælsleg krig som la regionen i ruinar. Slik er det i stor grad enno.

Dette feilsteget frå russisk side har fødd fram mykje terror frå tsjetsjensk side som har råka mjuke mål i Russland.Landet blir i dag styrt av ein president og ein statsminister (Kadyrov og Chiliev). Dei er innsett av Kreml, og begge to er vel det me trygt kan kalla forbryterske element. Dei er moralsk grenselause, og går ikkje av vegen for noko middel for å nå sine uedle mål. Politiske drap høyrer med til dagens orden.

Å driva misjon i Kaukasus er ufatteleg utfordrande. Her trengst det mykje bøn.

Be om at Gud skal gjera noko heilt nytt i Tsjetsjenia, at hans godleik skal bli gjort kjent for tsjetsjenarane, at hans lys skal fløyma over dei , lækja dei og frelsa dei. 

Be om at det skal finnast vegar for den tsjetsjenske Bibelen ut til folket, og at han skal bli lesen med stor iver.

Be om at Jesus skal syna seg for dei gjennom syner, og draumar, og at han skal ausa Anden ut over dei og velsigna dei med lækjedom og glede. 

Be om at det skal bli etablert sterke og vitale tsjetsjenske huskyrkjer.

Be om kristne leiarar i dette folket som kan visa folket vegen til Far og formidla sann åndelegheit og ein moral bygd på sanning og miskunn. 

Chile

Chile er med sine 4200 km eit langstrekt land.
Arealet er 756 626 kv.km, meir enn det dobbelte av Noreg.
Folketal: 17 600 000.
Befolkninga er homogen. 96% er av spansk opphav.
Økonomi: Landet er rikt på mineraler. Produksjon og sal av koppar er landet si viktigaste inntektskjelde. Prisen på dette metallet på verdsmarknaden er avgjerande for kva som skjer i den chilenske økonomien.
Etter millitærkuppet  11.september 1973 vart over 3000 menneske drepne, og enno fleire utsett for grov tortur og umenneskeleg behandling. Mange berre forsvant, og levningane deira er aldri blitt funne. General Pinochet stod ansvarleg for kuppet, godt hjelpt av CIA. Såra i nasjonen er framleis store. I 1988 vart Pinochet tvinga til å gjennomføra demokratiske val. Han tapte valet, og seinare vart han tiltalt for ugjerningane sine, men aldri dømt. Han døydde i 2006 før rettssaka hadde starta.

Chile er eit katolsk land. Men den katolske kyrkja opplever nedgang i oppslutning, mykje pga at prestane støtta diktaturet. Pinsevenene er på full frammarsj. Men dei er svært splitta. I Chile er det 1200 ulike pentekostale kyrkjesamfunn. Dette er i ferd med å bli eit stort hinder for Guds rike. Pinserørsla taper kredibilitet, og no har sekularismnen fått vind i segla.

Be om at dei djupe såra i denne nasjonen skal gro, og at folket skal oppleva krafta i forsoninga.
Be om at den katolske kyrkja skal reisa seg som ein verdig representant for evangeliet, og bli reinsa for synd og vranglæra.
Be om at pinsevenene og dei evangelisk kristne skal søkja saman og vurdera einskapen høgare enn personlege ambisjonar osv. 
Be om godt åndeleg leiarskap i alle kyrkjelydar
Be om at Guds lys skal fløyma over nasjonen

Belgia

Belgia er Europas hovudstad. Her har både EU og NATO hovudsentera sine.
Sist veke vart 31 menneske drepne i Brussel av sjølvmordsbombarar som sprengde seg sjølv i lufta på flyplassen og i ei T-banevogn i sentrum av byen. 300 menneske vart skada. Ugjerningsmennene kom frå den muslimske bydelen Moolenbek i Brussel.

Be om trøyst og styrke for dei som har mista sine kjære, og at dei i sorga skal få møta håpet i Jesus.
Be om lækjedom for dei som er skada.
Be om at Gud skal ta kontroll over dei ekstreme miljøa, forpurra terrorplanar og erstatta hat og moralsk forvirring med lyset frå Ordet og med kjærleiken frå Jesus.
Be om Moolenbek må gjennomvevast av nye sterke, varme og målretta kristne kyrkjelydar.

 Det bur 10,7 millionar menneske i Belgia. 6,7 millionar av dei er kristne (133000 evangeliske). Men det er islam som veks fortast no (innvandring) og blant etniske europearar er det sekularismen som er på frammarsj. 31% reknar seg no som ateistar og ikkje-religiøse. 7% av den katolske befolkninga går til messe. Fram til 1960 åtvara den katolske kyrkje mot bibellesning. I 2006 kom det nye oversettingar av Bibelen både til flamsk og fransk, og Bibelselskapet driv no bibelspreiing over heile landet.

Be om at Bibelens ord må slå djupe røter i den belgiske befolkninga, at landet må bli bada i Guds lys, og belgiarane må venda om til Gud og  få ei djup oppleving av hans kjærleik og nåde.

Likevel: Dei evangelisk kristne i Belgia er svært offensive, planmessige og kreative i sin misjonsaktivitet. Dei står saman, er flinke på internett og har etablert landsomfattande bønenettverk som fungerer.

Be om at folk skal møte Guds ord over alt i samfunnet, og at det skal bli som ei kraft i som forvandlar både individ og samfunn.

Landet er delt i to: Flandern i nord og Valonia i sør. Motsetningane mellom desse to regionane er store, og landet står i fare for å sprikka opp.

Be om nasjonal einskap.

Problema med stoffmisbruk og seksuelle overgrep er formidable.
Okkulktisme og alle slags religiøse utslag av New Age-bølga er meir og meir alminneleg.

Be om at Gud skal setja folket og landet fri frå djevelens mange plager.

 

Canada

Canada er med sine vel 9 millionar kv.km. verdas nest største land i flatemål. Det bur omlag 33 millionar menneske der. 36%  er av engelsk opphav, 15 % fransk (Quebec), 28% frå andre europeiske nasjonar, 3,2% er kinesarar, 3,1%  kjem frå Sør-Asia og 2,9 % tilhøyrer urbefolkninga (indianarar).

Engelsk og fransk er offisielle språk. Elles blir det snakka totalt 169 språk i landet. Canada har gjennom dei siste åra vore den fremste nasjonen i verda når det gjeld å ta imot flyktningar. Det tener dei til ære.

Canada er eit starkt industrialisert land. Økonomien er solid.

Landet er ein del av Det britiske samveldet, og er eit konstitusjonelt monarki under dronning Elisabeth av England. Elles har dei fleirpartisystem med representativt demokrati. Det betydelege spenningar mellom den fransktalande og den engelsktalande delen av landet, og Quebeck har mange gongar arrangert folkerøystingar med tanke på sjølvstende.

Kristendomen er på retur i Canada. Rundt år 1900 utgjorde dei evangeliske 25% av befolkninga, i dag berre 8%. Det blir i praksis 2,6 millionar. Dei protestantiske main-linekyrkjene er blitt prega av liberal teologi, og er snart tømde for folk.

22 millionar av innbyggjarane er katolikkar. Resten er sekulære, og stadig fleire kanadiarar reknar seg som ikkje-religiøse, også blant dei som tilhøyrer eit kyrkjesamfunn.

Dei siste åra har immigrantar kome med nytt liv inn i mange av dei katolske kyrkjene.

Konservative kristne vert sett på med djup skepsis, og media er fientleg og kritisk innstilt til bibelsk kristendom. I Quebeck, som er 80% katolsk, blir evangeliske kyrkjer sett på som sekter og kultar.

Urbefolkninga i Canada snakkar mange språk.  27 av dei har ingen bibeloversetting. Det blir no jobba med oversetting av seks av dei. New Tribe si oversetting til inuittisk (eskimospråket) har resultert i massive vekkjingar mellom iunittane nord i landet.

Indianarane har elles vore utsett for grov urett gjennom historia, og dei lever i stor grad i fattigdom, og stoffmisbruk er svært vanleg mellom dei, særleg gjeld det dei mange som har flytta til storbyar som Toronto, Winnipeg, Edmonton og Regina.

Be om

• at kyrkjelydane i byane effektivt skal nå ut i nærområda med evangeliet
• at dei kristne i landet skal læra seg å bli glad i Bibelen, bli fylte av Den heilage ande og verkeleg brenna for Jesus. Lat dei flytta over frå religiøstet til sant disippelskap
• at spenninga mellom Quebeck og resten av Canada skal blir redusert, og at linnbygjjarane i landet skal kjenna einskap og slektskap.
• at kyrkja skal få kraft og nåde til å bera over med kritikk, ikkje ta att med same mynt, men syna dei andre ein unik livskvalitet, og argumentera meir med liva sine enn med orda sine. 
• at alle urinnvånarar skal få Bibelen omsett til sine eigne morsmål,
• at dei indianske stammene skal få erfara fridomskrafta i evangeliet, og at det skal bli ein djup forsoning mellom dei og det europeiske fleirtalet i landet,
• at det skal etablerast sterke misjonale kyrkjelydar mellom kinesarane, og mellom folk som kjem frå Sør-Asia. 
• 
  

Bulgaria

 

 Bulgaria er tredjeparten av Noreg i flatemål. Det bur om lag 7 millionar menneske i landet, og folketalet er synkande. Dette både pga emigrasjon, og svært lågt fødselstal. Det høyrer med til bilete at det er fleire provoserte abortar i Bulgaria per år enn levande fødslar.

Landet grensar til Romania, Serbia, Makedonia, Hellas og Tyrkia. I aust til Svartehavet. 

Historisk sett var Bulgaria i mange hundre år ein del av det ottomanske riket. Men folket vart aldri muslimifisert. Dei sto fast i si ortodokse tru og støtta opp om den ortodokse kyrkja si.

Etter 2.verdskrigen vart landet innlemma i det sovjetrussiske interesseområdet, og det var strengt kommunisitisk frå 1947 til 1991. Under kommunismen vart folket lært opp til ateisme, og kristne var under forfølging.

Etter kommunismens fall, knytte folket seg igjen til kyrkja, men i mindre grad til Gud. Den kristne kunnskapen i Bulgaria er svært låg. Ein av grunnane er at gudstenestene føregår på eit for folk flest eit ubegripeleg kyrkjeslavisk språk.

82% av innbyggjarane er bulgararar. 10% tyrkarar og nesten 5% er sigøynarar. Dei sistnemnde høyrer med til dei lågaste i samfunnet. Analfabetismen mellom dei er svært høg. Likevel er det mellom desse Guds rike har hatt størst framgang etter 1991. Særleg på 90-talet var det ei sterk pinsevekkjing i sigøynarmiljøa. Men fråfallet har dei siste åra vore sørgjeleg høgt.

Økonomien i Bulgaria er skrøpeleg. Industrien har kollapsa etter kommunismens fall, og landet er i dag prega av skyhøg korrupsjon og mafiaverksemd. Sjølv om landet vart medlem av EU i 2007, har dette ikkje betra seg nemneverdig.

Om lag 2% av befolkninga er evangelisk kristne. I 1980 var prosenten heilt nede i 0,4. Den gjennomsnittlege årlege veksten er no på 0,7 - 1%.

Men det er enno 2500 landsbyar som ikkje har ein evangelisk kyrkjelyd.

Bulgarske evangeliske kristne har vore flinke til å ta i bruk media i evangeliseringsarbeidet.

Ny moderne bibeloversetting var ferdig i 2010.

Be om:

• Nytt liv i den ortodokse kyrkja, at Jesus skal koma til syne gjennom alt liturgisk stafasje.
• Guds ord skal lyda klårt og reint frå alle kristne talarstolar, og at det skal få makt i folket.
• Forkynnarar og kristne leiarar med integritet som har mot til å avsløra synd, og som tydeleg peikar på Jesus som einaste vegen til frelse.
• Kristne som elskar Jesus, og som deler han i ord og gjerning med sine medmenneske
• At mange nye skal bli vunne for Kristus og fostra til disiplar som vinn og fostrar nye.
• Evangeliske kristne skal få mot og ressursar til å planta nye kyrkjelydar i dei mange unådde områda. 
• Samarbeid mellom dei evangeliske i misjonsarbeidet
• Framgang for Den evangeliske allianse
• At mafiaorganisasjonane skal bli avslørte og oppløyste.
• At korrupsjon skal bli avslørt og pådømt
• Ei sterk "ja til livet-rørsle"
• At gravide kvinner skal få lyst, hjelp og mot til å bera fram barna sine
• At kristne demonstrerer kjærleik til sigøynarar og tyrkarar, og tek leiarstilling i kampen mot rasismen i landet.
• framgang for Evangelical Theological Institute, at dei får det som er naudsynt av finasielle og akademiske ressursar med tanke på å halda oppe ei evangelisk teologisk utdanning av høg kvalitet
• Bulgarias 900 000 muslimar må få sjå Jesus som Guds Lam som bar bort verdas synd, og at dei må tru på han for å oppnå frelse.
• framgang for IFES som no har driv studentarbeid i 10 byar
• framgang for evangeliseringsarbeidet gjennom media
• at evangeliet skal slå rot og skapa kristen identitet blant tyrkarar som snakkar bulgarsk
• stor utbreiing og interesse for den nye bibeloversettinga. 

Bolivia

Bolivia er eit digert land, nesten tre gonger så stort som Noreg. Landet har inga kystlinje. I sør er det ei høgslette, i nord tropisk regnskog. Det bur nesten 11 millionar menneske i Bolivia, 1,6 mill av dei i hovudstaden La Paz. 43% av befolkninga er mestisar. 53% indianarar (urfolk). 50% av bolivianarane er funksjonelle analfabetar. 14% reelle.
Bolivia er svært rikt på naturressursar. Landet er verdas største produsent av lettmetallet litium som er overlag viktig i moderne batteriproduksjon. Det har også medisinsk betydning. Vidare er det oppdaga store naturgassreservar. Desse er nasjonaliserte og blitt eit lokomotiv i økonomien. Omfattande korrupsjon har gjennom mange år arma ut nasjonen. Folk flest er svært fattige. Mange bønder driv med cokadyrking der dei skulle ha dyrka mat.
Landet vart sjølvstendig frå Spania i 1825. Etter den tid har det vore ikkje mindre enn 200 revolusjonar. I 1991 vart det innført demokrati, og etter den tid har det vore stabile tilhøve i landet. Noko er på rett veg i Bolivia.
Storparten av folka i Bolivia er katolikkar, men 1,3 million er protestantar, og her er den årlege veksten på 3,8%. Ikkje minst har framgangen vore stor blant den indianske urbefolkninga. I den katolske delen av befolkninga er synkretismen er utbreidd. Dei fleste praktiserer ein heidensk kristendomsform.

• Takk Gud for den store framgangen evangeliet har hatt i Bolivia dei siste 50 åra.
• Det er også grunn til å takka for politisk stabilitet, og å be om at dette skal halda fram. 
• Be om rettfed for urbefolkninga i landet. Både Quechua og Aymaraindianarane har vore stygt undertrykt i lange tider, og spenninga mellom desse og den kvite spansktalande majoriteten er stor. 
• Be om rettferd for dei mange fattige i landet. 70% lever under fattigdomsgrensa. 
• Be om at det skal bli slutt på dyrking av cokablad. Ein vesentleg del av fattigdomen på landsbygda har si rot i denne produksjonen.
• Be om at heidenske gudar skal bli avslørte som vonde ånder, og at folket vender seg bort frå dei, frå synda si og til Gud. 
• Dei evangeliske står saman i Association of Evangelicals (ANDEB) , og har høge mål med tanke på å evangelisera landet. Be om at dei skal lukkast med å nå måla sine.
• Omsorgen for fattige må stå sentralt i misjonsarbeidet. Be om at dei evangeliske må stå fremst i kampen mot fattigdom og sosial urett.
• Det er eit desperat behov for kristne leiarar. Be om at Gud skal helga, kalla og utrusta tusenvis av nye leiarar til teneste. 
• Overklassen i Bolivia må reknast som ei unådd folkegruppe. Be om at evangeliet skal slå rot blandt dei mektige i landet.
• 67% av befolkninga er under 30 år. Arbeidsløysa er stor i denne gruppa. Mange slår seg saman i valdelelge gjengar, og narkotikabruk og narkotikabrotsverk er vanleg mellom dei unge. Be om at Jesus kjem inn og omformar desse miljøa med sin heilage kjærleik. 
• 75% av barna i landet er kronisk under - eller feilernærte. 100 000 av dei bur på gata med alt som det medfører av overgrep, utnytting og kriminalitet.  Be om at vaksne kristne skal gå inn å ta aktivt ansvar for barna, føra dei til Kristus, gje dei trygge heimar og naudsynt skulegang og utdanning.