Mongolia

Mongolia er eit stort land med eit areal på over 1,5 millionar kv.km landareal, på storleik med Iran og 4-5 gonger så stort som Noreg. Det bur ikkje meir enn 2,7 millionar menneske der, dei langt fleste er buddhistar, men kristendomen er den suverent raskast veksande religionen. i 1989 var det 4 truande kristne menneske i landet, men i 2010 var dette talet vakse til 40 000, og i dag har det sikkert meir enn dobla seg i høve til dette talet også, dersom vekstraten har vore lik. Dei som kjem til tru på Jesus i Mongolia er av edelt merke. Dei har fått det klårt for seg at Jesus har sendt si kyrkje til verda med evangeliet, og ingen land i verda sender ut så mange kristne misjonærar i høve til folketalet som det Mongolia gjer. Og det fine med desse folka er at dei kun forkuserer på unådde områder.
Buddhismen fekk skikkeleg vind i segla i Mongolia etter at kommunismen fall saman tidleg på 90-talet. Trua blir kombinert med shamaisme og okkultisme, og mongolarane konsulterer gjerne shamamar i samband med sjukdom.
I samband med innføring av marknadsøkonomi vart nokre få personar rike, men dei fleste er fattige, og mange ligg under for alkohol er høg, prostitusjon ein vanleg leveveg og korrupsjonen svimlande. 
Mange misjonar er til stades i Mongolia og jobbar innan helse, utdanning og litteraturspreiing. 

Takk for den makt evangeliet har fått over manges sinn, og for den store kraft Guds rike går fram med i landet. 
Be om at vekkinga skal vara ved og skyta fart til heile landet er gjennomsyra av Guds kjærleik i Jesus Kristus. 
Be om at kyrkja skal bli utrusta til å setja folk fri frå demoniske makter, okkultisme og shamaisme. 
Be om at dei styrande skal bli råka av Guds kraft og ta eit kraftig og avgjerande oppgjer med korrupsjon og urett. 
Be om at Gud skal velsigna mongolarane økonomisk. 

Dagens unådde: Dakpa i Bhutan

Dakpafolket er ei lite folkegruppe. Dei tel kun 5700 menneske, og er i hovudsak bønder som dyrkar mais, bygg og bete (t.d. raudbete). Dei jobbar lange dagar på åkrane for å dyrka nok mat til familiane sine. Som husdyr har dei sau og jak. Berre 3% av arealet i Bhutan er dyrkbart, difor lagar dei terrasser i landskapet for å utnytta jorda best mogeleg.
100% av dakpaane er buddhistar, men praktiserer også shamanisme. Dei lever isolert og har synt seg motstandsdyktige overfor evangeliet. Dei snakkar sitt eige språk som er dakpaka.

Gode Gud! Dakpafolket er i ditt hjarta. Men dei kjenner ikkje deg, lever i mørkret og er på veg inn i evig natt. Me ber: Sjå i nåde til dei, og send lyset ditt inn i liva og kulturen deira. Må ventetida vera over for dakpafolket, og betydningen av Kristi kross bli tydeleg for dei. Send dei ditt ord. Fri dei ut frå djevelens løgner og syndas lenker. Aus Anden ut over dei slik at dei blir overtydd om at dei treng frelse, at Jesus er frelsaren, og slik at dei vender om til deg og blir fødde på nytt som dine nådebarn. Herre, miskunna deg i Jesu namn. Amen! 

 

Kazakhstan

Kazakhstan er med eit flatemål på 2,7 mill kv.km. det 9. største landet i verda. Det bur om lag 16 mill menneske der, 3,5 millionar kazakhar bur i andre land. Over 65 % av befolkningar er tyrkarar (tyrkarane i Tyrkia kom frå sentral-Asia seint på 1200-talet), resten er stort sett russarar. Enorme olje og mineralressursar har gjeve landet ein enorm økonomisk vekst dei siste tiåra. 53,7% av befolkninga er muslimar. Dette er "folkeislam" iblanda shamanisme.  33% ikkje-religiøse medan 13% er kristne, dei aller fleste ortodokse. 0,8% er protestantar. Stadig strengare religionslover har resultert i tilfelle av forfølging av evangeliske kristne. Likevel har det vore ein bemerkelsesverdig stor vekst mellom desse frå null i 1990 til 15000 i 2010. Dei profiterer mykje på einskap mellom dei truande og effektiv nettverkbygging.

Kjære, gode Jesus! Me takkar deg for det gode du er i gong med i Kazakhstan, og at du vil fullføra ditt verk i dette landet heilt til du kjem att i herlegdom for å døma levande og døde. Må du vakta dei truande mot materialisme og begjær. Styrk dei mektig med din Ande slik at din karakter og di kraft kjem til uttrykk i liva deira. Hald motet oppe hos dei når dei får vanskar med styresmaktene, og må dei akta det for ei glede når dei må lida for deg. Må alle som bur i Kazakhstan få evangeliet presentert for seg på ein slik måta at dei har ein reell sjanse til å seia ja til deg og nei til synda og djevelen. Me ber i ditt namn. Amen!

Kazakhstan kan by på høge fjell og vakker natur.