Bøn for nyfrelst ektepar i Kathuly, Bangla Desh, og for nokre andre ting

Ismael Sheikh (70) og kona Rahima Khatun (55) frå Kathuly i Bangla Desh vart døypte
9. november. Dei er dei første kristne i denne landsbyen. No har dei muslimske naboane krevd av sønene deira at dei kastar foreldra ut or heimen, elles vil ikkje barna deira igjen få høve til å gifta seg, melder Compass Direct i dag. "Dei har ikkje rett til å bu Kathuly lenger sidan dei ikkje er muslimar," seier desse naboane. Det eldre ekteparet bur no i eit skur. "Eg har fått frelse i Jesus," seier Sheik. "Hos han finn eg ly og mat. Eg er reide til å møta døden enten det er gjennom sjukdom eller ved åtak frå mine muslimske naboar, men eg går aldri tilbake til islam."

Lat oss be for Ishmael Sheikh og Rahmina Khatun, at Gud held dei oppe og gjev dei eit støttande fellesskap.


Voice of the Martyrs i Canada har i dag følgjande bøneemner:
* Be om at den nye antiomvendingslova på Sri Lanka vert stoppa.
* Be om vern for dei kristne i Karnataka som no vender attende til byane sine etter å ha rømt frå forfylginga i september.
* Be for pastor Kerkar i Kasakhstan som nektar å betala ilagt bot for å ha leida ei gudsteneste utan tillating frå styresmaktene. Be om underhald for han ettersom han er blitt sparka frå jobben sin, og be om at den nye urimelege religionslova i landet ikkje vert vedteken.
* Be om at Gud stoppar den nye religionslova i Kirgisistan som vil forby spreiing av evangeliet og systematisk religiøs opplæring av barn.