Denne kommunen består av øyar som lagar ein barriere mot storhavet
Folketal: 39768. Kommunesenter: Straume
Næringsliv: Petroleumsretta industri, lakseoppdrett.
Kyrkje og kristenliv: DNK har 8 kyrkjer. Indremisjonen er rikt representert med mange bedehus og bibelskulen på Bildøy. Andre kyrkjesamfunn: Kristen Fellesskap, Den ortodokse kyrkja, pinsevenene er representert med ein kyrkjelyd i Tjeldstø (Sion), Vestkirken er ei grein av Kristkyrkja på Stord (som står bak denne bloggen).
Takk Gud for alle dine sanne barn i Øygarden. Må dei stå deg nært. Forny dei ved ditt ord og din Ande. Fyll dei med kraft og nåde. Grunnfesta dei i ditt ord. Gjer dei sterke og ekspanderande i striden for evangeliet og det gode. Hjelp dei truande å stå saman i lovsong, bøn, diakoni og evangelisering, og må ditt kall til omvending og tru nå ut til alle innbyggjarane i kommunen. Aus Anden din ut over Øygarden slik at dei som bur der kan koma til levande tru på Jesus. Hald di vernande hand over familiane slik at dei held saman i gode og vonde dagar, og fyll heimane med lys, glede og varme. Må alle barn og unge i Øygarden ha ein trygg og god oppvekst. Velsign den politiske og administrative leiinga, skulane og helseinstitusjonane, politiet og dei andre offentlege etatane, samt alt godt og sunt næringsliv, og me ber om ein høg fagleg og etisk standard på dei lokale mediebedriftane. Må alle vaksne i kommunen leva edruelege liv, og vera gode føredøme for barn og unge. Må det gå Øygarden vel, det ber me om i Jesu namn. Amen!
Ingen kommentarer:
Legg inn en kommentar