Armenia

Areal: 29 800 km2
Folketal: 3 038 217
8 millionar armenarar er i diaspora
Hovudstad: Jerevan
Religion: Kristendom

Armenia blir rekna for å vera den første nasjonen i verda som definerte seg som kristen. Det hende i det 4. hundreåret . Kr. Den ortodokse kyrkja i landet har soleis djupe røter, og armenarane er stolte av sitt opphav.

Frå 1915-1917 vart armenarane, i skuggen av den 1. verdskrigen, utsett for folkemord av tyrkarane. 1,5 millionar av dei vart då regelrett masakrerte. Minnene etter desse redslene sit djupt i befolkninga.  Fridjof Nansen berga hundretusenvis armenarar gjennom det berømte Nansenpasset som han gjennom Folkeforbundet fekk laga som eit gyldig internasjonalt pass. Slik kunne armenarar som var truga på livet koma seg i tryggleik i andre land.

I 1920 var landet erobra og annektert av Sovjetunionen, og fekk ikkje sjølvstendet sitt attende før i 1991.

Armenia ligg i ein djup og uforsonleg konflikt med muslimske Azerbadjan om enklaven Nagorno Karabach, samt ein god del mindre områder der fleirtalet av befolkninga er armenarar. Frå 1991 ril 1994 var det regulære krigshandlingar mellom dei to landa. Denne konflikten er uløyst, og det kostar mykje for begge nasjonane.

For å støtta Azerbadjan, stengde Tyrkia grensa mot Armenia i 1993. Det har hindra handel og økonomisk utvikling i landet.

I 2015 inngjekk dei ein økonomisk avtale med Russland, Kviterussland og Kazakhstan, og i 2017 med EU. I 2018 vart den mangeårige statsleiaren Serzh Sargasian bytta ut med Nikol Pashinyan. Dette skjedde etter veker med store demonstrasjonar mot regimet.

Kjelder: CIA World factbook, Operation World

• Armenarane er i stor grad kulturelle kristne med avgrensa kristen kunnskap.  Men dei er svært mottakelege for evangeliet, og gjennom dei siste åra har kristen innsats mellom dei bore gode frukter. Det gjeld både for dei som bur i heimlandet og dei i diaspora. Be om at armenarane skal få god tilgang på biblar på moderne armensk, og at dei skal bli eit bibellesande folk med ei levande tru på Jesus som frelsar og Herre, og at Anden skal bli aust ut over folket, fornya og forvandla dei som ei frukt av at Guds kjærleik blir aust ut i hjarto deira. 
• Be om at konflikten med Azerbadjan skal bli løyst, og at partane skal forsona seg med kvarandre og bli støttespelarar i staden for motstandarar. 
• Be om at landet skal koma seg økonomisk på fote.
• Be om at barn og unge må få solid opplæring og utdanning.
• Be om at folket skal leva edrueleg.
• Be om at radiosendingane frå Trans World Radio skal bli lytta til og føra mange til levande kristen tru. 

Tyrkia

Tyrkia med sine nesten 80 millionar menneske er delt i to: den europeiske delen Trachia og den asiatiske delen Anatolia.  Hovudstaden er Ankara med 3,5 mill menneske, medan Istanbul er den største byen med 14,7 millionar.

Det som i dag er Tyrkia, var i si tid vogga for den greske kulturen og for kristendomen, dei to åndsretningane som meir enn noko kom til å forma europeisk tru, liv, rettsforståing og kultur.

Då tyrkarane kom frå Sentral-Asia på 1100-talet vart landet islamisert.

Etter 1.verdskrigen vart Tyrikia ein sekulær republikk under landsfaderen Atatürk. Men me ser no at islam igjen spelar ein stadig større rolle i det politiske livet. I dag er landet næraste eit diktatur under president Erdogan. Etter forsøk på statskupp juli 2016, har landet vore i unntakstilstand. Mange eigedomar er blitt konfiskerte, det gjeld også kristne kyrkjer og klosterbygningar. Titusenvis er blitt arresterte, og mange hundre tusen har mista jobbane sine i offentleg forvaltning. Det gjeld embedsmenn, dommarar og lærarar.

Landet ligg mellom aust og vest, noko som stadig blir reflektert i særeigne konfliktar både med aust og vest.

Det er 160 000 kristne i Tyrkia, av desse 7000 evangeliske, som i stor grad å finna i sør og sør-vest. Kristkyrkja på Stord har støttekontakt med nokre av dei både i Antalya og i Izmir.

Størsteparten av dei kristne er assyrarar og armenarar. Frå 1915-17 vart desse gruppene utsette for folkemord. Anslagsvis 2,2 millionar menneske vart då, i ly av 1.verdskrigen,  massakrerte av tyrkiske styresmakter.

Tyrkia har eit rikt næringsliv: jordbruk, industri, handel og turisme.

• Be om ein sunn demokratisk utvikling i Tyrkia
• Be om at menneskerettane må respekterast
• Be om eit fungerande rettsvesen
• Be om frelse for folket og framgang for evangeliet over heile landet
• Be om at dei kristne skal bli verna mot grov diskriminering og forfølging

Leiarane for Antalya Evangelical Church

Josef er assyrisk kristen frå Mardin i aust, nær grensa mot Irak

Evangeliske leiarar frå Antalya og Izmir

Armenia

Armenia ligg inneklemt mellom Georgia, Tyrkia, Iran og Aserbadsjan. Landet er delt i to, sjølve Armenia og enklaven Nagorno Karaback, som ligg i Aserbadsjan. Til saman utgjer dei eit areal på 34000 kv.km. Landet ligg i Kaukasusfjella og har mektig natur. Den armenske kyrkja er den eldste nasjonale kyrkja i verda. Rundt første verdskrigen var armenarane utsette for folkemord av tyrkarane, som då var sentrum og krafta i det store ottomanske riket. 1,5 millionar vart masakrerte.

Befolkninga er i dag på vel 3 millionar menneske, av desse 1,1 mill i hovudstaden Jerevan.  97% er armenarar. Restene er kurdarar, russarar, asebadsjanarar og  ukrainarar.

Armenia har som kristen nasjon eit konfliktfylt forhold til sine muslimske naboar Aserbadsjan og Tyrkia. På 1990-talet var landet i open krig med Aserbadsjan om Nagorno Karaback.  Grensa mot Tyrkia er stengt, og vil nok bli det til tyrkarane innrømmer folkemordet frå 1915-17. Det er formelt krigstilstand mellom Armenia og Aserbadsjan, men våpenkvile. På kvar side er det hundertusenvis av flyktningar. Politikken er prega av desse konfliktane, og landet pleier eit nært forhold til Russland. Utanrikspolitisk er situasjonen svært utilfredsstillande. Nagorno Karaback har eit indre sjølvstyre, og godtek ingen forhandlingsløysingar som ikkje dei sjølve har vore delaktige i.

Næringsvegar: Metallforedling, jordbruk og turisme. Men landet er utsett for handelsboikott frå Tyrkia og Aserbadjan, arbeidsløysa er difor høg, emigransjonen av unge menneske likeeins og fattigdomen i landet er omfattande og tærande.

Landet var i si tid ein del av Sovjetunionen, og etter kommunismens fall, har det vore tilnærma religionsfridom i Armenia, men med tett samband mellom Den armenske ortodokse kyrkja og styresmaktene.

Nesten alle i landet er ortodokse kristne, men kristendomen er på vikande front etter ein kraftig vekstperiode frå 1975 til 2000 . Dei ikkje-religiøse vinn no fram i konkurransen. Skularisering. 0,93% er protestantar, og dei har ein vekst på mellom 4 og 5 % årleg. Folket er religiøst, men manglar i stor grad livssamfunn med Jesus Kristus.

Det er stor motstand mot evangelisk kristendom i den armenske kyrkja. 

1) Takk Gud fot at den armenske kyrkja har overlevd gjennom hundreår med forfølging og fåre for utsletting.

2) Be om at Armenia skal få fred med Tyrkia og Aserbadsjan, at Tyrkia skal innrømma folkemordet i førre hundreåret, at handelsboikotten av landet skal ta slutt og at det skal opna seg for handelssamkvem mellom nasjonane. 

3) Be om at leiarane i Den apostliske armenske kyrkja skal venda seg bort frå sin fientlege haldning til evangeliske kristne, vera prega av hans nærvær, og bringa genuint kristent liv og kristen ånd inn i det armenske folket slik at dei ser sitt kristne ansvar for både tyrkarar og aserbadjanarar som treng evangeliet om Jesus. 

4) Be om einskap mellom kristne frå ulike greiner innan den armenske kyrkja, og mellom den nasjonale kyrkja og dei protestantiske kyrkjene som veks fram i landet.

5)  Be om framgang for Det Armenske Brorssamfunn for Kjærleik til Kyrkja., ei evangelisk rørsle inan den armenske kyrkja som jobbar for å spreia Bibelen, gjera Jesus kjend og ta seg av fattige og trengande, særleg foreldrelause.

6) Be om at Gud skal kalla og utrusta leiarar til teneste i alle kyrkjesamfunn. Det er også her STOR manko på leiarar med rett kompetanse og god kvalitet. 

7) Be om at den nye NT-oversettinga skal få stor utbreiing og bli lest med stor interesse av vanlege folk.

Kambodsja

Areal: 181 000 kv.km.
Foketal: vel 15 million.
Kristne: 471000
Evangelikale: 240 000

Etter folkemordet mellom 1976-1979 var det nesten ingen kristne att i landet. Men no er dei å finna i alle provinsar, og framgangen for Guds rike er massiv med ein årleg vekst for kyrkjelyden på over 8%.

Be om:

• at fridomen til å forkynna evangeliet skal halda fram.
• lækjedom for all den smerte og sorg som folkemordet påførte folket
• medviten disippelgjerning av barn og unge
• oppfylling av visjonen om å sjå minst èin kyrkjelyd planta i kvar landsby innan 2021
• slutt på korrupsjon i samfunnet
• modne kristne leiarar
• slutt på prostitusjon og seksuell utnytting av barn
• slutt på grådigheit og undertrykking
• suksess for bibelskulane, og om kvalitet i undervisninga
• vern og utrustning for pastorar
• einskap mellom kristne

Kjelde: operationworld.com