Grønland

Bilde og kjelde: operationworld.org

Grønland, verdas største øy, er i fokus som aldri før i og med president Donald Trump sitt uttalte ønskje om å annektera øya, denne er i dag ein del av Danmark. Men han om det. Vår oppgåve i dag er å be Herren om å overta det grønlandske folket sine hjarte. 

Folketal: 55 745
Hovudstad: Nuuk

Største religion: Kristendom (96,6%)
Prosent evangeliske: 4,7%

Nesten kvar busetnad på Grønland har ei luthersk kyrkje – men mange manglar ekte åndeleg liv. Be om fornying. Moderne kultur kolliderer med grønlendarane sine gamle levemåtar, og mange strir no med umoral, seksuelt misbruk, alkoholisme, psykiske lidingar og sjølvmord. Nokre truande urfolk og utanlandske misjonærar tener Jesus i Grønland, og ser vidunderlege frukter av Den Heilage Andens verk. Be om at dette held fram. Takk Gud for nye flystriper som opna avsidesliggande busetnader for teneste.

Me ber i Jesu namn om at du Herre Jesus, skal lysa for grønlendarane, og koma til dei med frelse, håp,livsmot og ny livsmeining. Fyll dei med Anden på ein slik måte at dei aldri meir kjenner trong for å rusa seg på rusmidlar og ulovlege seksuelle erfaringar. Må dei finna deg i ditt ord, og bli ivrige bibellesarar, og misjonærar for folket sitt og for andre urfolk på nordkalotten. Amen! 

Dagens nasjon: Danmark

43094 km2

Eit flatt land med store gardsbruk. Danmark er eit moderne demokrati med ein rik historie og kultur. Økonomien er god og baserer seg på landbruk, industri, sjøfart, fiske, litt olje og gass og reiseliv. 

5 869 410 innbyggjarar.

Hovudstad er København.

Danmark vart "kristna" for over 1000 år sidan, og har ei luthersk statskyrkje. 74% av befolkninga er medlemmer i denne kyrkja. 

Men dei siste hundre åra har den kristne trua mista kraftig terreng blant vanlege danskar, og dei er blitt veldig sekulære. 

Men no opnar danskane seg for det åndelege på nytt, men meir for det okkulte enn det kristne. 

Likevel er det ganske mange sterke kristne kyrkjelydar og miljø i dette landet, og dei representerer håpet for nasjonen. 

Dronning Margrethe står fram som ein varm og tydeleg kristen som elskar Jesus, og det er også ein stor ressurs for landet. 

Lenge var Danmark det landet i Europa som var mest ope for innvandring. Men no er dei mellom dei strengaste. Grunnen er nok at innvandrarar som utgjer 4% av befolkninga tek imot 40% av all sosialhjelp. Og bråket rundt Jyllandsposten sine karikaturteikningar av Muhammed i 2006, har vel også bidrege til dette skiftet. 

Også i dette landet mekkar dei lover som går diametralt mot Guds. Det er ein farleg sport. 

Gode Gud! Velsign Danmark. Reis opp kyrkja di på nytt i dette landet, leid henne med ditt ord og fyll henne med din Ande. Gje henne leiarar som lever som gode førebilete for dei truande, som er trufaste mot Bibelen i si undervisning og forkynning og som er i stand til å utrusta dei heilage til all god gjerning. Må ditt folk i Danmark stå fram som hovud og ikkje hale i landet, eit folk som på ein god måte set dagsorden for samfunnsdebatten. 

 

Me ber om ei gjennomgripande nasjonal vekkjing i Danmark, og me takkar deg for alle danskar som lever med deg og for deg, og me ber spesielt om at evangeliet skal finna grobotn i dei muslimske miljøa. Amen! 

Danmark

Areal: 42434 km2. Folketal: 5,8 millionar. Hovudstad: København. Styresett: Kongedøme/ parlamentarisk demokrati. Folkegrupper: 85. Språk: 13. Religion: Kristendom 74,8%. Islam 5,3%. Andre: 20%. Ganske mange nyreligiøse, også mellom folkekyrkjemedlemmene.

Færøyane og Grønland ligg under Danmark, men har stor grad av indre sjølvstyre.

Danmark er eit topp moderne og høgteknologisk samfunn med gode utdanningsinstitusjonar, topp helsevesen og ein god infrastruktur. Landet er leiande innan farmakologisk industri, fornybar energi og shipping.

Danmark vart, som Noreg,  kristna for tusen år sidan på vikingvis. Apostelen Ansgar lanserte den nye trua for danskane på 800-talet, medan kong Harald Blåtann innførte ho med tvang i siste halvdel av 900-talet.

Etniske danskar lever stort sett sekulært. Det er stor spenning mellom desse og den betydningsfulle muslimske befolkninga som i stor grad bur i eigne samfunn som tek imot 40% av alle offentlege bidrag i form av sosialhjelp og trygd.

Denne realiteten har resultert i at Danmark i dag nærast har innført ein av Europas strengaste asylpolitikk.

Sjølv om folk flest lever utan Gud, har interessen for åndelege spørsmål auka dei siste åra, og for nokre danskar sin del har det betydd ein retur til klassisk kristen tru.

• Takk Gud for aukande interesse for tru i Danmark, og be om at Den Heilage Ande må blåsa som ein frisk vind både gjennom den danske folkekyrkja og gjennom frikyrkjene i landet.
• Be om at dei truande skal leva som sanne disiplar av Jesus Kristus.
• Be om at prestane må venda om til Gud og til Bibelen og modig forkynna Guds lov og Guds evangelium klårt og reint.
• Be om at dei må leva i samsvar med Guds lover, og vera gode førebilete for folk. 
• Be om at danskane skal venda seg bort frå ateisme, agnostisisme og nyreligiøsitet, og begynna å æra, prisa, tena og lyda den einaste sanne Gud.
• Be om at den store muslimske befolkninga skal læra å kjenna Jesus som Gud og frelsar.
• Be om at spenninga mellom etniske danskar og innvandrarmiljøa skal byggjast ned og erstattast med sympati, forståing og godleik.
• Be om at innvandrarar og flyktningar skal få skikkeleg utdanning og bli godt integrert i samfunnet.
• Be om at dei politiske leiarane i landet skal forstå at dei står under Guds lover, og at dei i Gud har den beste kompanjong og medspelar
• Be om at dei skal ta rettferdige og kloke beslutningar, og at dei skal ha ein personleg høg moralsk standard på liva sine, lyda Gud og tena sine medmenneske. 
• Be om landet skal vedta lover som beskyttar dei ufødde barna. 

Danmark

Danmark har eit areal på 43092 kv.km. Det bur 5,5 millionar menneske i landet, 92% danskar naturlegvis. Næring: Fiskeri og jordbruk. Noko lettindustri. Stor servicenæring.  Styresett: Demokrati og parlamentarisme. Kongedøme. Det er full religionsfridom i Danmark, men den lutherske kyrkja blir rekna som nasjonal og er finansiert av staten. 4,4 millionar personar tilhøyrer denne kyrkja. 193 000 er rekna for evangeliske "fødd på ny"- kristne. Desse opplever ein svak framgang.
Danskar blir rekna for å vera verdas lukkelegaste folk, utan sjølv å vera klar over det. Dei er venlege og gjestfrie.
Tradisjonelt har landet hatt verdas mest liberale innvandringspolitikk, men etter karikaturstriden i 2006,  har dette snudd. No har Danmark Europas strengaste innvandringspolitikk, kanskje unnateke Noreg.
4% av befolkninga er muslimske innvandrarar. Desse tek imot 40% av all sosialhjelp som vert utbetalt i landet.

• Det er mogeleg å registrera ein aukande openheit for Gud i Danmark no. 33% trur det finst ein personleg Gud, og det er fleire enn før. Nye kyrkjer blir planta, nye tenester blir grunnlagt og einskapen mellom truande menneske er aukande. Det skulle gje grunn til takk.
• Takk også for dronning Margrethe som står fram med ei krystallklår kristen vedkjenning. Det er ei enorm velsigning for landet, og ein stor ressurs med tanke på framtida for Guds rike i Danmark. Be om at dronninga må kjenna seg løfta og styrkt av Anden, og at trua hennar blir eit eksempel for folket hennar. 
• Be om at Guds gode lys skal fløyma over Danmark, at danskane skal gjenoppdaga Gud og sanninga i Bibelen. 
• Be om at Den heilage andens friske vind skal blåsa gjennom den danske folkekyrkja.
• Be om at kyrkja skal bli reinsa frå liberal teologi, fylt med tillit til Bibelen og fokusert på disippelskap og misjon. 
• Be om at Gud kallar unge kristne til å bli pastorar. Det er stor mangel på slike.
• New Age har hatt stor framgang i Danmark, og mange treng å bli fri frå djevelens religiøse åndsmakter. Be om at så skal skje. 
• Be om at dei mange kristne immigrantane skal bli integrert i levande kyrkjelydar
• Be om at ikkje-kristne immigrantar skal bli nådd med evangeliet og frelst inn i Guds rike.