fredag 4. september 2015

Montenegro

Montenegro er med sine svarte fjell (derav namnet) eit utruleg vakkert land. Lenge var det ein del av Serbia, men er sidan 2006 ein sjølvstendig republikk. Det bur 626000 menneske der. 144000 av dei  i hovudstaden Podgorica, ein by som eg var så heldig å få besøkt i 1999. Montenegrinarane er i hovudsak ortodokse kristne, berre 280 menneske tilhøyrer den evangeliske familie. Dei ortodokse er i stor grad nominelle, og det er det sekulære livssynet som veks snøggast i Montenegro no.
Befolkninga er ein miks av montenegrinarar, serbarar og albanarar.
Dei evangeliske er delt i pinsevener, baptistar og "brørne" (dei siste var det som i si tid starta med den prostestantiske heidningemisjonen på 1700-talet, rundt grev Zinzendorf og venene hans på grevskapet Herrnhut i Böhmen). Men dei har god kontakt, deler visjon og står saman om evangeliseringa av landet.

Be om stor kraft og nåde over dei evangeliske kristne, og ein enorm misjonsiver mellom dei.
Be om gode, visjonære leiarar for kyrkjelydane.
Be om harmoni mellom dei ulike folkegruppene i landet.
Be om nytt åndeleg liv i den ortodokse kyrkja, og at dei ortodokse kristne forstår at det berre er frelse i Jesus, ikkje i kyrkjemedlemskap. 
Be om økonomisk velsigning over landet. 
Be om gode nasjonale leiarar som er ærlege og ukorrupte.
 

Ingen kommentarer:

Ei bøn for Israel under åtak

•         Abraham, Isak og Jakobs Gud, vår Herre Jesu Kristi Far! •         Landet og folket ditt er under åtak, og dei fleste av verdas l...