Brahminarar over heile India

 

Det er over 39 millionar som tilhøyrer brahminarkasten i India. Dei snakkar hindi, og over 99% av dei er hinduar. Dei tilhøyrer det høgaste sosiale skiktet i India, og var tradisjonelt prestar. Nokre er nok det enno, men mange er sekulariserte og kler i dag gjerne høge stillingar i IT-bransjen, og ligg heilt i verdstoppen når det gjeld digital kunnskap og kompetanse. Det er nesten ingen kristne i dette folket. Skal dei ta imot Guds frelse som ei gåve, må dei overtydast om at dei er håplause og fortapte syndarar. Det kan berre Den Heilage Ande få til.

Brahminarane tilber gjerne Vishnu, Shiva eller Himmeldronninga. 

Gode Gud og Far! Du er den rette far for brahminarane i India. Men enno kjenner dei ikkje deg, og me ber: Gjer deg kjent for dei! Send visjonære og brennande misjonærar til dei som introduserer deg, dine sanningar, di kraft og din kjærleik for dei, og som gjev dei ditt ord på deira eige språk. Herre, dei treng å forstå at dei ikkje kan bli rettferdige for deg gjennom lovgjerningar, berre ved å ta imot di frelse i Jesus Kristus som ei gåve. Aus Anden ut over dei slik at dei ser sine synder, og Jesus som frelsaren frå all synd, og løys dei frå hinduismens mange åndsmakter. Hjelp familiane å vera gode mot kvarandre og me ber om samhald, truskap og kjærleik i familiane.  Me ber også om at alle vaksne skal leva edrueleg og ansvarleg. Me ser no fram til at brahmina skal bli innlemma i din familie, og at det skal etablerast ei levande og dynamisk brahminerkyrkje som kan kan formidla deg til sine eigne på ein kraftfull og truverdig måte. Amen!

Dagens norske kommune: Kvinnherad

 

Det bur 13089 menneske i Kvinnherad. Kommunen ligg ytst i Hardangerfjorden på begge sider av fjorden og inkluderer Ølve, Varaldsøy, Halsnøy og Fjelberg. Kommunesenteret er Rosendal. 
Kvinnherad er ein stor og velståande kraftkommune. 
Andre næringar: Industri (aluminiumsproduksjon, skipsbygging), jordbruk, skogbruk, fiskeforedling, tenesteyting og turisme. Baroniet i Rosendal er eitt av 11 slott i Noreg. Kommunen har fleire mektige fjellmassiv. Melderskin er høgast med sine 1403 moh.

                                            Melderskin sett frå Rosendal ein kald maidag

Kyrkje og kristenliv: DNK har 12 kyrkjer og Indremisjonen 14 bedehus. Det borgar for ein rik åndeleg arv, og vonleg framleis eit rikt kristenliv. 

Andre kyrkjelydar: Det er ei pinsekyrkje på Husnes, Kristent Fellesskap i Rosendal, ei gamal baptistkyrkje i Mauranger

Takk Gud for alle dine sanne barn i Kvinnherad. Må dei stå deg nært. Forny dei ved ditt ord og din Ande. Fyll dei med kraft og nåde. Grunnfesta dei i ditt ord. Gjer dei sterke og ekspanderande i striden for evangeliet og det gode. Hjelp dei truande å stå saman i lovsong, bøn, diakoni og evangelisering, og må ditt kall til omvending og tru nå ut til alle innbyggjarane der. Aus Anden din ut over alle slik at dei kan koma til levande tru på Jesus.   Hald di vernande hand over familiane slik at dei held saman i gode og vonde dagar, og fyll heimane med lys, glede og varme. Må alle barn og unge i Kvinnherad ha ein trygg og god oppvekst. Velsign den politiske og administrative leiinga, skulane og helseinstitusjonane, politiet og dei andre offentlege etatane, samt alt godt og sunt næringsliv.  Må alle vaksne i kommunen leva edruelege liv, og vera gode føredøme for barn og unge. Må det gå Kvinnherad kommune vel, det ber me om i Jesu namn. Amen!

Det jødiske folket

Israels Gud, vår Herre Jesu Kristi Far!

Me ber i dag for verdas jødar, ditt eige folk, skal samlast i Israels land, at evangeliet skal bli dei forkynt, at Anden skal ausast ut over dei,  at dei skal bøya seg for Jesus, tru på han, hylla han og krona han som konge i liva sine. Takk for at det skjer i stor skala i dag. Må vekkinga i Israel auka i styrke og spreia seg til jødiske samfunn over heile verda. Vern jødane mot hat og overgrep. Må ditt rike gå fram, og under og teikn skje i Jesu namn i Israel og i alle jødiske samfunn, og lat det jødiske folket gå inn i det kallet du opprinneleg gav dei gjennom Abraham og fedrane då du sa at dei skulle bli til velsigning for alle jordas folk. Det har skjedd, og det skal skje.  Amen! 

Dei ufødda barna

 Gode Gud og Far! I dag, som kvar dag, ber me om at du på ein spesiell måte skal passa på alle ufødde barn slik at dei overlever i mors liv. Me ber også om at dei skal få rettsvern på linje med alle oss andre, slik at ingen kan ta liva deira ustraffa. Me ber spesielt om at mødrene skal få moralsk lys, mot og tru til å velja livet framfor døden, og me ber om at gynekologar og jordmødre skal nekta å vera med på noko som helst som fører til fosterdrap. Høyr oss når me ropar, og bønhøyr oss for Jes skuld. Amen! 

Norske kommunar. Idag: Tysnes i Vestland

 

Folketal: 2922.
Kommunesenter: Uggdal
Næring: Jordbruk, skogbruk, fiskeoppdrett, industri, tenesteyting, litt kraftproduksjon. Mange er pendlarar. 
Kyrkje og kristenliv: Den norske kyrkja (DNK) har fire kyrkjer i kommunen. Indremisjonen har 8 bedehus. Pinsekyrkja Filadelfia har eg ikkje funne noko informasjon om ut over at ho eksisterer. 

Kjelde: snl.no og kirken.no

Bøn:

Takk Gud for alle dine sanne barn i Tysnes. Må dei stå deg nært. Forny dei ved ditt ord og din Ande. Fyll dei med kraft og nåde. Grunnfesta dei i ditt ord. Gjer dei sterke og ekspanderande i striden for evangeliet og det gode. Hjelp dei truande å stå saman i lovsong, bøn, diakoni og evangelisering, og må ditt kall til omvending og tru nå ut til alle innbyggjarane i kommunen. Motiver dei ved den heilage Ande til å ta imot Jesus som Herre og frelsar.  Hald di vernande hand over familiane i kommunen, og fyll dei med varme og glede. Velsign den politiske og administrative leiinga, skulane og helseinstitusjonane, politiet og dei andre offentlege etatane, samt alt godt og sunt næringsliv.  Må alle vaksne i kommunen leva edruelege liv, og vera gode føredøme for barn og unge. Må det gå Tysnes kommune vel, i Jesu namn. Amen!

Kristen konvertitt dømd til ti år i fengsel i Iran

 

Kristne i Iran. Foto: VOM

Toomaj Aryan-Ki, ein kristen konvertitt, er dømd til ti års fengsel i Iran. Han er dømt for "propaganda", samarbeid med Israel, UISA og Storbritannia, medlemskap i ei politisk motstandsgruppe. 

Toomaj har prøvd å anka dommen, men anken er blitt avvist. Toomaj vart først arrestert i oktober 2022. Då ransaka dei heimen hans og tok beslag i nokre biblar og personlege eigedeler. 

Me som har følgt med på kristendomens framgang i Iran dei siste åra er ikkje i tvil om at desse merkelege tiltalepunkta er oppdikta. Dei er stort sett like i alle saker mot kristne konvertittar. Og skulle noko vore sant, er alt han er dømd for  aktivitetar klårt innafor einkvar manns grunnleggjande menneskerettar. 

• Be om at det må leggjast press på styresmaktene slik at Toomaj får prøva saka si på nytt, vinna fram og bli sett fri. 
• Be om at han skal vera ved godt mot og bli styrkt i trua si
• Be om at han skal få tilgang til Bibelen og kristne bøker
• Be om at han skal få vera eit vitne for medfangar, fangevaktarar og dommarar
• Be om at han skal bli beskytta mot tortur
• Be om at han skal få nok næringsrik mat

Iran ligg på 9.plass på Åpne Dører sin forfølgingsindeks. 

Boyafolket i India

 

Dette folket tel i følgje joshuaproject.net 4 518 000 menneske. Dei er alle hinduar. Ikkje èin einaste kristen er registrert. Dei snakkar telugu. Dei er stort sett heimehøyrande i Andhra Pradesh. 

Boya har historiske røter attende til 500 før Kristus. Dei har tradisjonelt vore ein krigarkaste, men i våre dagar dyrkar dei jorda. 

Gode Gud og Far! Du er den rette far for Boya i India. Dei ikkje deg, og me ber: Gjer deg kjent for dei! Send visjonære og brennande misjonærar til dei som introduserer Jesus for dei på deira eige språk. Herre, dei treng å forstå at dei ikkje kan bli rettferdige for deg gjennom lovgjerningar eller ritualer, berre ved å ta imot di frelse i Jesus Kristus som ei gåve. Aus Anden ut over dei slik at dei ser sine synder, og Jesus som frelsaren frå all synd, og løys dei frå hinduismens mange åndsmakter.  Hjelp familiane å vera gode mot kvarandre og me ber om samhald, truskap og kjærleik i heimane.  Me ber også om at alle vaksne skal leva edrueleg og ansvarleg. Me ser no fram til at boyafolket skal bli innlemma i din familie, og at det skal etablerast ei levande og dynamisk boyakyrkje som kan kan formidla deg til sine eigne på ein kraftfull og truverdig måte. Amen!