Dagens unådde: Abdulfolket i India

 

 Dette vesle folket tel berre 32000 menneske og lever nord i India. Dei lever av tigging, musisering og noko handverk (dei lagar hestesko og lærpiskar til driving av husdyr). Ein stor prosent av dei er analfabetar. Det gjeld særleg kvinnene. Abdulfolket er sunnimuslimar. Dei er vanskelege å nå sidane dei lever ganske spreidd frå kvarandre.  Språket deira er urdu, og heile Bibelen og mykje kristen litteratur er å få tak i på dette språket som er Pakistans nasjonalspråk. 

Kjære Herre Jesus! Me ber i dag for abdulfolket i India, at du skal sjå i nåde til dei, senda dine vitne til dei, ausa Anden ut over dei, gjera deg tydeleg for dei, avsløra syndene deira, vekka i dei trong etter  tilgjeving, frelse  og fred med deg. Gjer dei svoltne etter ordet ditt, gje dei forståing for kor viktig det er å kunna lesa, også for kvinner og jenter, og løys dei gjennom evangeliet frå dødens og djevelens makt. Tal til dei gjennom overnaturlege fenomen som draumar og syner og gjennom ei kyrkje som lever i krafta frå Den heilage ande. Amen!

Moorfolket i Mauretania

Moorfolket i Mauretania tel 2,6 millionar menneske. Alle som snakkar Hassaniyya som 1. språk er moor, same kva hudfarge dei har. Det finst både svarte og kvite moor. Dei kvite er overklasse. Dei har opphavet sitt hos dei arabiske berberane.

Moorfolket er nomadar og organiserer seg i stammer, klanar, underklanar og teltlag. Dei siste åra har dei stadig vore utsette for krig og åtak frå røvarar og bandittar. Dei er utrygge.

Moorfolket er et stolt folk som ser ned på andre. Dei er muslimar, og lever strengt etter Koranen, og er difor vanskelege å nå med evangeliet. Dei er for heilt unådde å rekna.

Bøn: " Herre Jesus Kristus, du som som auser Anden din ut over alt kjøt. Lat Han koma over moorfolket, og tal til dei gjennom draumar og visjonar. Demonstrer di makt for dei og gje dei otte for domen din og hunger etter ordet ditt og nåden din. Gje moorfolket hjarto som trur på deg og elskar deg. Bryt ned motstanden mot Jesus i dei, og gjer dei mottakelege for evangeliet. Reis opp ei sterk og myndig kyrkje i moorfolket som kan vera eit ljos for andre folk i Vest-Afrika. Amen"