Tyskland del 1

 

I Tyskland bur det 84 075 000 menneske. 52,7 prosent er "kristne". 2,1% evangeliske kristne. Hovudstad: Berlin

Millionar av innvandrarar, gjestearbeidarar, studentar og flyktningar har kome til Tyskland sidan 1989. Mange kjem ulovleg, og nokre har samband med internasjonale kriminelle nettverk. Nokre er livskraftige kristne, men dei fleste kjenner ikkje evangeliet. Tysklands generøse openheit (og trongen for større arbeidsstyrke) kom særleg til syne gjennom det store talet på migrantar som kom som følgje av migrantkrisa i 2015 og seinare. Det tyske samfunnet og styresmaktene strevar med å reagere godt på denne enorme tilstrøyminga av menneske, og nokre har reagert med vald eller bitterleik mot innvandrarar, særleg i aust. Likevel er dette ei utruleg misjonsmogelegheit. Be for:

• Fleire kyrkjer blant mange framande folk (asiatiske, afrikanske, latinamerikanske, europeiske). Kristne tyskarar må gripe denne opne døra til å dele evangeliet! Be òg for innvandrarkyrkjer om å nå ut tverrkulturelt til vertslandet sitt og til andre migrantnaboar.
• Internasjonale studentar (460 000, eit av dei høgaste tala i verda). Mange kjem til Tyskland utan forståing av evangeliet eller tidlegare møte med kristne.
• Muslimar (over 5 millionar, frå meir enn 40 nasjonar). Dei bur ofte i nabolag med sine eigne folk, og integrerer seg ikkje i det tyske samfunnet. 4 000–5 000 kjem til tru på Kristus kvart år (og talet aukar), men 1 000 eller fleire etniske tyskarar konverterer til islam kvart år. 
• Dei minst nådde folkegruppene. Be for arbeid blant dei 2,5 millionane tyrkarane og opptil 1 million kurdarar. Be òg for iranarane (100 000), nordafrikanske arabarar og berbarar (300 000), og bosniske muslimar (285 000). Syriske flyktningar utgjer størstedelen av den nyaste bølgja, og talet låg i hundretusenvis per 2016.

Kjelde: Operation World

Tyskland

Areal:357022 km2. Folketal: 80 457 737 (juli 2018). Hovudstad: Berlin. 

Tyskland har gjennom mange år vore Europas økonomiske lokomotiv, og er framleis det. Går det bra med Tyskland, går det bra med Europa. Landet har ein stor, variert og omfattande industriprodukjon. Ein langt større del av befolkninga er involvert i vareproduksjon for eksport enn tilfelle er i Noreg og andre europeiske land. Dette gjev dei ei sterk økonomisk plattform. 

Tyskland er historisk også ei kulturell og åndeleg stormakt. Namn som Luther, Francke, Gutenberg, Goethe, Schiller, Beethoven, Bach, Brahms, Mendelssohn, Schumann og Einstein lyser klårt på den historiske natthimmelen. 

Men Tyskland har også avla Karl Marx og Adolf Hitler, to personar som, saman med Josef Stalin, Mao Zedong og Pol Pot, har påført verdas mennesker større skader enn nokon andre. Til saman har dei sikkert 200 millionar menneskeliv å svara for. Tysklands historie er eit kjerneeksempel på kva som kan skje med ein sterk nasjon som over tid har fjerna seg frå Gud og Bibelen. På 1800-talet var det tyske teologar som med sin bibelkritikk starta med å undergrava Bibelens autoritet. Resultatet vart at kyrkjene tapte si åndelege livskraft, og det vart fritt fram for andre åndsmakter å ta plass på historas arena. 

Slik fall Tyskland for djevelens grep, og vart opphavslandet til kommunismen, nazismen, Holocaust og 2.verdskrigen. 

Etter krigen kom landet seg (med mykje amerikansk hjelp) overraskande fort på beina att, og er i dag saman med Frankrike, garantisten for EU. 

Etter andre verdskrigen vart landet delt i Vest og Aust-Tyskland, men sameina att i 1991.

Den kristne trua får imidlertid stadig mindre å seia for tyskarane. 37% av dei trur ikkje på noko som helst. 28% er katolikkar (mest i sør) og 26% er protestantar. 5% tilhøyrer islam. 

Den store innvandringa til landet har revitalisert mange kyrkjer. Kristne flyktningar og muslimar som konverterer til den kristne trua, utgjer ein stadig større prosent av kyrkjelydane når dei samlast for å feira Jesus.

• Be om ein ny åndeleg dag over Tyskland, at folket skal høyra Guds tiltale og finna attende til sine åndelege røter i Bibelen og i kraftfulle rørsler som reformasjonen og pietismen. 
• Be om nytt liv for kyrkjene i Tyskland, og at dei kristne skal leva som sanne disiplar av Jesus.
• Be om at dei truande skal bli fylte med Den Heilage Ande og utrusta til å vera kraftfulle Kristusvitner i kvardagen. 
• Be om at landet igjen skal bli eit åndeleg føregangsland i Europa. 
• Be om at kyrkjene skal få leiarar som elskar Gud og sine medmenneske, trur på Bibelen og forkynner lova og evangeliet utan å kompromissa. 
• Be om kyrkjene skal bli misjonale, og at dei heilt systematisk skal begynna å reevangelisera landet sitt. 
• 
  

Tyskland

Folketal 82,1 mill
Kristne 52,7 mill
Evangeliske kristne 1,7 mill
Islam er den religionen som veks fortast, mest pga aukt innvandring.
88,3 % av befolkninga er tyskarar, 3% tyrkarar og 2,6% kjem frå dei slaviske landa.
Tysk er naturlegvis det offisielle språket, men totalt er det 69 språk som vert snakka i Tyskland.
Etter 2.verdskrigen vart Tyskland delt i to, Vest og Aust-Tyskland. Vest Tyskland var ein del av den frie demokratiske verda, medan Aust-Tyskland var eit kommunistisk diktatur under Moskva. Vest- Tyskland gjekk gjennom ein rivande økonomisk utvikling, og vart det økonomiske lokomotivet i Europa, medan Aust-Tyskland degenererte. Gjenforeininga etter kommunismens fall  i 1989-90 var starten på ein vanskeleg prosess som på ingen måte er ferdig enno. Arbeidsløysa i aust er t.d. langt høgare enn i vest, og i aust reiser det seg ekstreme nasjonalistiske rørsler som minnar om nazismen. Men gradvis rettar ting seg opp også i aust, og økonomisk og industrielt er det samla Tyskland i dag ei leiande stormakt i verda.
Tyskland har historisk tilført resten av verda store åndelege velsigningar. Reformasjonen på 1500-talet starta med Martin Luther, og den pietistiske vekkinga på 1700-talet med Spener og Francke, som heile den protestantiske misjonsrørsla vaks ut frå. Me kan knapt overvurdera betydningen av pietismen og reformasjonen. Dette var to rørsler som løfta Nord-Europa opp både kulturelt og økonomisk, og som brakte evangeliet til mange, mange fjerne land.
Men Tyskland gjekk også på 1800-talet i spissen for rasjonalismen, skeptisismen og den liberale teologi, noko som har resultert i at kristendomen i landet har mista krafta si, og han er i alvorleg tilbakegang.
Men denne tilbakegangen har drive mange truande saman på nye måtar. Bønerørsler veks fram, og mange kyrkjer jobbar no saman på tvers av konfesjonar og geografiske grenser for å bringa evangeliet ut til sekulariserte tyskarar som lever utan Gud og utan von i verda.
Skal Europa rekristnast, må det etter mitt hovud skje gjennom Tyskland. Det som skjer der, spreier seg fort til andre land, og tyskarane er vane med å tenkja på seg sjølv som Europass leiande makt. Finn dei Jesus, går dei straks ut for å gjera alle folkeslag til hans disiplar.. Difor er det gledeleg no at det veks fram ei ny huskyrkjerørsle i landet, og at desse meir nytestamentlege kyrkjelydane faktisk veks midt i tilbakegangen for dei historiske kyrkjene. Det veks også fram nye etniske kyrkjer mellom innvandrarar frå Afrika og Sentral-Asia, og desse er også i rivande utvikling. Men det trengst mange fleire, ikkje minst mellom tyrkarane.

• Be om at det må bli nytt liv i dei historiske kyrkjene i Tyskland, at leiarane må tru på Bibelen som Guds ord og forkynna ordet klårt, reint, innsiktsfullt og med himmelsk mynde.
• Takk for dei nye kyrkjene som har vakse fram, og be om at Guds lys skal gå ut frå dei til folket.
• Be om einskap mellom alle kristne i Tyskland
• Be om at alle nasjonalsosialistiske rørsler skal bli stoppa i Jesu namn
• Be om at kristne i vest skal vigsla seg til misjon og disippelgjering i aust
• Be om at det skal opna seg for evangeliet mellom tyrkarane
• Be om at evangeliet skal gå fram mellom kurdarane (1 mill) iranarane (100000), dei nordafrikanske berberane (300000), dei bosniske muslimane (250000).
• Be om at immigrantkyrkjene også skal sjå på det tyske folket som ei naturleg målgruppe