Eg lovar deg, Herre, fordi du er god, og alltid gjer det som godt er.
Du valde ut Israel til å vera din eigedom,
og alle kristne til å vera dine barn og arvingar.
Du er stor, større enn alle gudar, og du gjer akkurat det du vil.
Du gav Kanaans land som eigedom for Israels folk. Der skulle dei bu og trivast.
Du styrer vær og vind, fell dommar,
og gjer teikn og under for å demonstrera di makt for alle "faraoane" i verda
som plagar folket ditt og set grenser for tenarane dine.
HERREN er ditt namn til evig tid.
HERREN skal du kallast frå slekt til slekt.
For du skaffar folket ditt rett, og du syner tenarane dine medkjensle.
Me lovar og ærar deg denne dagen.
For det som var sant i går, er sant i dag,
og du vaker over ordet ditt for å fullbyrda det.
Ingen kommentarer:
Legg inn en kommentar