Taga i India

 

Taga tel 628000 menneske. Dei er bønder som før tilhøyrde brahminarkasten. Religion: hinduisme. Språk: hindi. Kristne:0,0%. Taga isolerer seg, og er vanskelege å nå. Sidan dei kan lesa og skriva, er litteratur misjon ein opsjon.

Herre Jesus. På denne siste dagen i 2024 ber me om frelse for tagafolket i India. Må lyset frå ditt evangelium nå dei og trenga gjennom alle religiøse løgner dei er fanga av. Må du sanning setja dei fri frå synd, skuld og dom. Må det etablerast ei fager tagakyrkje som kan vera til stor velsigning for India. Me proklamerer ditt herredømme og framtid og håp  over tagafolket i ditt namn. Amen!

Forfølging i India: Deportasjon av kristne

 Den 17. november vart vedtok leiarane i 8 landsbyar i Sukma, eit distrikt i delstaten Chattisgarh at dei kristne i desse samfunna anten måtte konvertera til hinduismen eller forlata gard og grunn. Sjølv om dette er i strid med deira konstitusjonelle rettar, vil ikkje politiet føreta seg noko som helst for å stoppa uretten. No er det framande som haustar avlingane til dei kristne. 40 kristne har no søkt tilflukt i landsbyen Michwar. 

India er delt inn i 25 delstatar. I 23 av dei opplever kristne aukande forfølging. 

Kjelde: vomcanada.com

Be om at dei kristne i dette området skal få menneskerettane i varetekne av indiske domstolar.

Be om at dei må stå faste i stormen som kjem over dei. 

Be om at dei skal få erfara Guds spesielle omsorg i denne trengseltida. 

Be om at dei ikkje skal bli redde, falla frå eller tapa frimotet sitt. 

Dagens unådde folkeslag: Dhangar Bharwad

 

Dette folket tel 3 143 000 menneske. Dei snakkar gujarati, 99,83% er hinduar (0,04% kristne). Dhangar Bharwad er eit gjetarfolk som lever under ganske fattigslege tilhøve. Dei dyrkar gudar og gudinner som dei gjerne kallar barna sine opp etter. 

Gode Gud og Far! Du er den rette far for dhangar bharwad i India. Men enno kjenner dei ikkje deg, og me ber: Gjer deg kjent for dei! Send visjonære og brennande misjonærar til dei som introduserer deg, dine sanningar, di kraft og din kjærleik for dei gjennom ditt livgjevande ord og din Ande. Herre, dei treng å forstå at dei ikkje kan bli frelst gjennom gjerningar eller religiøs seremoniar, men berre ved å ta imot di frelse i Jesus Kristus som ei gåve. Aus Anden ut over dei slik at dei ser sine synder, og Jesus som frelsaren frå all synd, og løys dei frå hinduismens mange åndsmakter og synda sine uslitelege lenker. Hjelp familiane å vera gode mot kvarandre og me ber om samhald, truskap og kjærleik i heimane.  Me ber også om at alle vaksne skal leva edrueleg og ansvarleg. Me ser no fram til at dhangar bharwad skal bli innlemma i din familie, og at det skal etablerast ei levande og dynamisk kyrkjei folket som kan kan formidla deg til India på ein kraftfull og truverdig måte. Amen!

Kvam i Vestland

 

Kvam har 8496 innbyggjarar. Kommunesenteret finn me i Nordheimsund. 

Næringsliv: Jordbruk, fruktdyrking, industri, kraftproduksjon, turisme. 

Kyrkje og kristenliv: DNK har fire sokn og fem kyrkjer. Indremisjonen (Ims) står sterkt og har seks bedehus. 

Takk Gud for alle dine sanne barn i Kvam. Må dei stå deg nært. Forny dei ved ditt ord og din Ande. Fyll dei med kraft og nåde. Grunnfesta dei i ditt ord. Gjer dei sterke og ekspanderande i striden for evangeliet og det gode. Hjelp dei truande å stå saman i lovsong, bøn, diakoni og evangelisering, og må ditt kall til omvending og tru nå ut til alle innbyggjarane der. Aus Anden din ut over Kvam slik at dei som bur der kan koma til levande tru på Jesus. Hald di vernande hand over familiane slik at dei held saman i gode og vonde dagar, og fyll heimane med lys, glede og varme. Må alle barn og unge i Kvam ha ein trygg og god oppvekst. Velsign den politiske og administrative leiinga, skulane og helseinstitusjonane, politiet og dei andre offentlege etatane, samt alt godt og sunt næringsliv.  Må alle vaksne i kommunen leva edruelege liv, og vera gode føredøme for barn og unge. Må det gå Kvam kommune vel, det ber me om i Jesu namn. Amen!

Dei ufødde barna

Også i dag ber me om at alle ufødde barn skal overleva tida i mors liv. Me ber om at abortlova skal bytast ut med ei livsvernlov, og at alle unnfanga barn skal få leva lange og gode liv.   

Slekt, vener og kollegaer av politikostabel Markus Botnen

 25 år gamle politikonstabel Markus Botnen mista i går natt livet i ei skuddveksling med ein mann i 40-åra i Klepp i Rogaland. Mannen det det gjeld hadde væpna seg for å ta eit oppgjer med ein annan (truleg ein slektning) då han vart stoppa av politipatruljen til Markus som vart dødeleg såra då han skulle kontrollera bilen. Og for å sjå det frå den synsvinkelen: denne natta gav Markus Botnen livet sitt for å beskytta ein han ikkje kjende. I så alt for ung alder fullførte han samfunnoppdraget sitt med det ultimate offer. Tilbake sit mange i djup sorg. Drapsmannen mista også livet. 

Gode Far i himmelen! Dette gjer så forferdeleg vondt, til og med hos oss som står på avstand. Ver snill og hald godt rundt familien, venene og kollegaene hans. Må denne unge mannens død bli ein vekkar for folk som ikkje klarar å kontrollera sinne sitt slik at dei ikkje lenger tek fatale beslutningar, og me ber i Jesu namn om beskyttelse over alle politifolk som opererer i førstelinja i dette landet. Me ser at brutaliteten aukar i landet vårt. Det gjer oss urolege, og me ber i Jesu namn at dei kriminelle miljøa som no veks fram som sopp om hausten skal visna bort, at nettverka deira skal løysast opp og at politiet skal få naudsynte ressursar til å avsløra lovbrot, fengsla bakmenn og få dei dømde. Det ber me om i Jesu namn. Amen! 

Kristne i Nigeria ventar nye dødlege åtak mot kyrkjene sine denne jula

 

Foto: Mission Network News

Me førebur oss alle til jul. Det er baking og vasking opp og i mente. Men i Nigeria ter det seg ganske på ein annan måte. Der veit dei kristne at det vil koma åtak på kyrkjer og gudstenester frå Boko Haram eller islamistiske fulanikrigarar. Når ein kristen i Nigeria går til kyrkja si for å feira Jesu fødsel, veit han at dette kan vera det siste han gjer. 80% av drap på kristne i verda skjer i Nigeria, og ikkje få av dei livet mister under dei store kristne høgtidene, dvs jul og påske.  Det betyr for desse truande at dei denne jula, som så ofte før, førebur seg på å møta vald, kidnappingar, og martyrium. Nigerianske styresmakter syner liten interesse i å beskytta dei sårbare kristne samfunna. Det er berre eit faktum. 

Kjelde: Mission Network News

Be om at dei kristne i Nigeria skal finna håp og lys i evangeliet og i samfunnet med Jesus og kvarandre, og be om at Gud skal sørga for dei og passa på dei denne jula så dei kan koma seg heilskinna gjennom høgtida. 

Be også om at dei truande modig skal vitna om Jesus i tida som kjem, og om at kristne frå dei trygge områda i nord skal kallast av Gud til å vera til hjelp for sine kristne søsken som bli forfølgde i nord. 

Be også om at dei kristne i sør skal kallast til misjon i nord der hausa, fulani og Boko Haram rår grunnen. 

Be om at nigerianske styresmakter må ta sitt ansvar for å beskytta dei kristne i landet mot overgrep.