Dagens unådde: Narafolket i Eritrea

Folketal: 123000. Religion: Islam. Lokalisering: Nordvest på grensa mot Sudan.
Språk: Nara. Det finst ingen kristne ressursar tilgjengeleg på nara. Det finst arkeologiske spor etter narafolket mange hundre åt attende i tid. Dei har vore sårbare. Både sudanesarar og arabarar har fanga og selt dei som slavar. No er det ikkje lenger så mange att av dette historiske folket. Det er eit lyspunkt: Så pass mange av dei kjenner Jesus at dei skal kunne gjera han kjent for frendane sine.

Gode Jesus! Me takkar deg for dei i narafolket som trur på deg, og me ber om at du må setja mot i dei, styrka dei og utrusta dei med kraft frå det høge slik at dei kan vera uimotståelege vitne om di oppstode i sitt eige folk. Me gleder oss til å høyra om at heile narafolket har bøygd seg for deg og at sannar at du, og du åleine, er Herre i deira liv. Amen!

Nara, Eritrea

Folketal: 108 000

Språk: Nara. Men alle snakkar også Tigri som er administrasjonsspråket i Eritrea.

Religion: Islam. Men dei fleste har liten kunnskap om innhaldet i Koranen, og fordi dei vart tvangsislamiserte på 1800-talet, har dei lite engasjement for islam.

Evangelisk kristne: 1,7%.

Narafolket bur i den sørvestlege delen av Eritrea, nord for Gashelva. Dei er negroide, i motsetning til fleirtalet i landet som er nubiske.

Narafolket lever av eit rikt variert jordbruk der dyrking av kat inngår som ein del av produksjonen. Nokre menn tygg også kat. Mennene er polygame. Det er lite kristen litteratur tilgjengeleg på naraspråket, og bibeloversetting er påkrevd. Kjelde: Adopt-a-people Clearinghouse

Bøn: "Herre Jesus, du som gav livet ditt for narafolket, send arbeidarar ut til din haust mellom dei, lat ordet ditt lyda for dei på deira eige språk og send Anden din for å forklara evangeliet for dei og blåsa ditt liv i dei. Utrust utsendingane dine med dine nådegåver, gje dei visdom og nåde til å lukkast i tenesta. Løys narafolket frå djevelens lenker og gjer dei til Guds frie barn ved trua på deg, du som er deira sjels gode hyrde. Eg ber om at det skal grunnleggjast ei levedyktig kristen kyrkje i narafolket som kan bringa frelse, liv, rettferd og von til dette folket. Herre miskunna deg over dei. Amen."