Jesus vil at hans tempel skal vera eit bønehus for alle folkeslag. Det vil me ta på alvor. Me som trur er hans tempel i dag, og aldri før har me hatt reidskapar som no til å vita kven me skal be for og kva me skal be om. Difor vil me i denne bloggen gje deg informasjon om og hjelp til å be for nasjonar, unådde folkeslag, forfølgde kristne, forutan for folk som kjem opp i kritiske situasjonar. Følg med, og send gjerne inn dine bidrag til jethore@online.no, eller på bloggen sin kommentarplass.
onsdag 28. september 2011
Nye åtak mot kristne i Nigeria
Compass Direct medler at muslimske ekstremistar frå gruppa Boko Haram Islamic drap 5 kristne i delstaten Niger og 3 i delstaten Kaduna henoldsvis 22. og 17 september. Ein av dei drepne var den 13 år gamle Goudiya og nevøen hennar Istifanus Daniel.
Drapsmennene gjekk inn i forretningane som desse kristne driv, utfordra dei truande å sitera eit vers frå Koranen. Kunne dei ikkje det, vart dei tvinga ut og skotne under open himmel.
Den siste månaden har meir enn 100 kristne vorte drepne i Nigeria. Dei treng vår forbøn.
Herre Jesus! Me ropar til deg for dei kristne i Nigeria som er utsette for fælslege forfølgingar. Verna dei mot vondskapen. Lat dei som planlegg fleire åtak mot dine barn mislukkast i planane sine, og lat dei som grev graver for andre sjølve falla i dei. Våre tider er i dine hender. No ber me om at du skal gå fram i din herlegdom i dette landet og undertrykka djevelen og hans marionettar, og hjelp dei kristne å bli ståande fast i trua og vera heilt dedikerte til deg, kvarandre og ditt rike. Herre, miskunna deg, amen.
Abonner på:
Legg inn kommentarer (Atom)
Ei bøn for Israel under åtak
• Abraham, Isak og Jakobs Gud, vår Herre Jesu Kristi Far! • Landet og folket ditt er under åtak, og dei fleste av verdas l...
-
Hellas er eit land på 132 000 kv km og med eit folketal på vel 11 millionar. Dette landet har ein overmåte rik kulturarv frå antikkens tid, ...
-
I Pakistan bur det 189 millionar innbyggjarar fordelt på 393 folkegrupper. Det blir snakka 77 ulike språk i landet. Islam er den domineran...
-
Dag 2 (7. mai) – Egypt kjelde: www.30dagersbonn.no Gjestfrihetens tradisjoner i forandring Egyptiske kristne server gratis ifta...
Ingen kommentarer:
Legg inn en kommentar