Martyrkyrkja: Tre kristne slakta og 15 kidnappa i Nigeria

 

Tre kristne vart drepne og 15 andre kidnappa då væpna menn gjekk til åtak på ei bønnevake natt til 23. mai. Minst 10 angriparar trengde inn i samlinga i lokalsamfunnet Ori-Oke Ajaiye, som ligg i utkanten av Ikiran i den vestlege nigerianske delstaten Kwara. Det valdelege åtaket skapte utbreidd terror i heile regionen, og fekk landsbybuar til å flykte for å sikre seg.

Delstatspolitiet er sidan sende til området og gjennomfører no ei samordna redningsaksjon. Politimeisteren skildra åtaket som «barbarisk, hjartelaust og uakseptabelt», og forsikra dei råka familiane om at styresmaktene er fullt ut forplikta til å redde dei bortførte og føre dei ansvarlege for retten.

Per siste rapport er identiteten til gjerningsmennene framleis ukjend. Likevel har liknande angrep over heile Nigeria ofte vorte tilskrivne militante islamske medlemer av det nomadiske fulanigjetar, så vel som terrorgrupper tilknytte IS, som ISWAP og Boko Haram.

Nyleg har USA gått saman med styresmaktene i Nigeria om å gjennomføre razziaer mot kjende ISIS-grupper. I helga 16.–17. mai førte eit felles angrep i delstaten Borno til at den framståande ISIS-leiaren Abu-Bilal al-Minuki vart drepen, saman med fleire andre leiande militante. Ein vonar at desse tiltaka vil bidra til å dempe den pågåande valdsspiralen i denne urolege vestafrikanske nasjonen.

Enno ein gong må me klaga til deg over tapte kristne søsken og spørja: Kor lenge skal desse valdelege gruppene kunna halda på og plaga dine barn? Må denne elendigheten snart ta slutt. Må nigerianske styresmakter få det dei treng for å beskytta kristne, og for å arrestera og rettsforfølga drapsmenn. Amen!

50 skulebarn kidnappa

 

faksimile frå VG 17.mai 2026

VG skriv i dag at meir enn 50 barn fredag morgeo vart bortførte frå tre skular i byen Mussa i delstaten Borno nordaust i Nigeria. Det forteller lærarar og foreldre til BBC.

De ifleste av de sakna er mellom to og fem år gamle. Vitner fortel at gjerningsmennene brukte barna som menneskeliee skjold mens dei flykta på motorsykler, slik at tryggingsstyrkane ikkje kunne opna eld.

Gode Gud og Far! Vern desse borna mot vidare overgrep frå vonde menn, og lat dei snarleg bli sette fri slik at dei kan koma attende til foreldra sine. Amen! 

195 skulejenter framleis sakna

For tre år sidan kidnappa Boko Haram 276 kristne skulejenter som låg og sov på romma i internatet dei budde i. Dette skjedde i buen Chibok i Bornoprovinsen i Nigeria. 60 av dei har klart å rømma, 21 er sette fri. Resten er tvangsgifta med muslimar eller  selde til sex-slaveri. Heime ventar foreldre og søsken i stor sorg og smerte. 23 av foreldra har i etterkant døydd av hjartesvikt.

• Be om at Gud skal gripa mektig inn og setja fri desse ungdomane og fordriva og knusa Boko Haram. 
• Be Gud om at han må ta vare på jentene og senda englar for å tena dei og verna dei mot alle typar overgrep. 
• Be Gud om å trøysta foreldre og søsken ved å tala håp inn i liva deira.

Bøn for kyrkja i Nigeria

Ein mann utanfor den øydelagde heimen sin i Baga i Borno

Boko Haram har lyst krig mot kristendomen og Guds kyrkje i Nigeria. Nyleg vart 200 drepne i 3 landsbyaar i delstaten Borno, heilt nordaust i landet. Boko Haram-krigarar hadde på seg ordinære uniformar frå den nigerianske hær, utgav seg for å vilje beskytta dei kristne mot, ja, Boko Haram, samla dei på torget og skaut dei ned. Dette er siste hending i ei lang rekke liknande episodar. I tillegg ranar dei landsbyande og brenn dei til grunnen.

For ein månad sidan kidnappa organisasjonen 200 kristne jenter som dei framleis held i fangenskap. 

Bøn:
Kjære Herre Jesus! Satan har gått til krig mot kyrkja di i Nigeria. Må du stoppa han i hans raseri, må englane dine bli sendt ut for å strida mot Guds barns fiendar, må kvar truande kristen bli bevart hos deg, må ditt rike, som så ofte før,  gå fram midt i motstanden. Me veit at du ler av dei som reiser seg mot deg, bøy desse krigarane inn under din vilje, ver som ein mur mot dei som dei ikkje kan forsera og styr over dei med jernstong. Me ber i ditt eige namn. Så ber me om vern og fridom for dei kidnappa jentabarna. Å, Herre, miskunna deg. Må det også finnast vilje og evne hos dei nigerianske styresmaktene til å verna sivilbefolkninga, og til å finna, nedkjempa, arrestera og straffa alle som utauser blod og gjer seg skuldige i brotsverk mot menneskeætta. Amen!